شعراء الطنبور [الأرشيف] - الصفحة 2

أبو وائل

01-10-2010, 11:42 AM

محمد سفلة

جنى أمدرمان

نحن مانا لميم من عريب ناس فحم واقود ناس حطيب
نحن من اصل المجاذيب ناس ابل يعرفنا الوضيب
نحن ناس طنبور ناس دليب ناس سدارى عمم جلاليب
ناس تمور وقموح قواسيب خيرنا تشهدبو القساسيب
مافى بينا الراجل الضنيب الاضينى البسرق الجيب
مانا ناس ونسات فى المغيب نطق مع البنوت قرقريب
عزة الله الدارى بالغيب وتانى بى نبى الله الحبيب
نحن عند الوكرة ام لهيب سيفنا يأكل المو فى النصيب
الجانا منك كان جد غريب قولى فزع الناس شن يجيب
بلا شماتة ووجع قليب صون لسانك وكون زول اديب
اوعة تقرب وكر الدبيب
جنا امدرمان ابقى شوى شادى الحيل
شيل من ايدك المفدوعة عاج الفيل
خليهو الدلال للريل
ما بتعرف بلا التجميل
تعال فد مرة زورنا هناك عشان تعرف حضارة النيل
ناساً بالطوارى قسم يجسرو السيل
تعال شوف السواقى النايحة طول الليل
والتور البسوق ارقوق وتب مو فاضى فى الفتيل
يملأ عيون جداولنا ودموعنا تسيل
ولاد ترهاقا نحن هناك تراثنا اصيل
ناس بركاوى تن جريدو فادعو الشيل
اهل المنقة والمشرق مروق بالصفوف قنديل
اكلنا قمح وكلامنا سمح ويانا اهل حضارة النيل
وكت الحارة تتوتر وتسمع لى سيوفو صليل
تغنى مهيرة فوق الخيل
يتبل الركاب بالدم انين الخيل يقصو صهيل
جنانا بتلقى يملأ العين يزيد الكيل
ويسقى عدونا من شلاخنا نار الويل
ويبقى شلخ شوايقة اصيل
اصلو الخوف يمين مو هولنا الاعور نقولو عديل
نحن اولاد بعانخى وشبكة ابونا صبير
امنا ياها بت عبود صباح الخير
بناتنا يمين نعومة حرير
عويدن بان وغلاوة اكسير
وسمحات هن بلا منكير
حلات ايدن مع حبل الدلو الفى البير
كيف الحوش يرشن داجى ليهو الجير
دهينة الودكة فوق راسن تقطر بالشمس قطير
تسيل فوق الرحط تتدلا تملا عجاجى عاد للدير
نحن اهديل براك زورنا وتعال اعرف حضارة النيل
شن داير تقول يا نذار ..
بتسمع بالاسود فى الضيقة نحن اولاد على الكرار
اسأل كورتى عن تاريخنا عشان تحتار
وكت الباشا جانا هناك بلا انذار
مدرع وكان سلاحو النار
وكت الحارة ما بنعرف شى اسمو هظار
يمين لاقيناه بالفرار ..
واشعلنا المراكب نار ..
امانة يا جنى خسرلو خسار
ورجع لى بلدو شايل العار
نحن هاديل عشان تعرفنا يا البيقولو ليك نذار
صحيح لو قلته عننا اشو لا اسع نكوس التار
حليل الطابية يا امدرمان
حليل كررى وحليل ابوعنجة يا حمدان
حليل المهدى واسلافو اللى كانو زمان
حليل جيش الغبش يا هوان
جناكى الليلة يا امدرمان
فى جواى هز كيان
تعال شوف الغبش يا هوان
لا عرفو الماييج ضمة لافى دهان
الطاقية فوق الراس وبارمين عمة الدبلان
وعند الضيق امانى يا جنى امانى يا وليد امانى حنان
جنا امدرمان وليد ابو عاج
حصل يا وليد اكلت الكسرة من الصاج
نزل فى النيل تعوم راقد قفاك وفاج
حصل يا وليد نزل فوق ضهرك الكرباج
وجرب بالقرض تتداوى زى ما نحن لينا علاج
ما بتعرف بلا المكياج
واكلك يوت من الطوة بين كبدة وحمام ودجاج
جنا امدرمان هوى يا جنى
ما بتعرف بلا اكل الطوستى والبامبى
والبسبوسة والباسطة ام عجينا نى
بتعرف ترقص الجامايكا يا ابو شعرا مبرم طى
هوى يا جنى بتسمع بى بلاد الصى ؟
تعال فد مرة زورنا هناك عشان تعرف نحن ازى
نحن ايقاع دليب ينبح يشق الحى
وزغرودة فرح مصحوبة بالحمبى
وحس سوط العنج يصهل يفتق فوقنا جرحا نى
وفوق جرحا جديد يا دوب تخلف الكى
ودمنا يروى أرضنا رى
وحس بنوتنا مع الزغرود يسون سى
نحن اها ديل ايانا جنات بلاد الصى
جنا امدرمان شوف غباتو وجنو
مو عارف الشوايقة اظنو
الذرة والقمح زارعنو
الميرتق بنشرب منو
السيف والدرق راكزنو
للغارة الحصان ساعنو
والاسد البحجر الغابة نافش شاربو شافعنا البيرضع دابو يقلع سنو
اخير يا جنى لا تفلع وبيتكم من قزاز ساونو

أبو وائل

01-10-2010, 11:45 AM

محمد سفلة
فوق كم بتتبجح
فوق كم بتتبجح
شان ضرعك المرضوع
من القبور مقلوع
يادابو من تب
كاتبينلو ما يربح
في زحمة الايام
ما طال حالبو الجوع
وجبنا للضيفان
خاتنو في القاطوع
بي فوق ضراء الدناع
صدقنا لو هسع
الوش يغطي اصبع

لكنو يوم باكر
لما الفجر يطلع
وريني وين تدخل
كل القبل مدقع
هوايك البنبح
قوليهو لا ينبح
لو غارك القيساب
الشلتو نص الليل
كان من ضراع زي ديل

ناساً ضعاف بالحيل
صدر امك الداقي
ادا الزمن عافي
اداهو من مافي
سايطنا والجيران
سايطنا والحلة
سايطنا والاخوان
سايطنا في الله

ما عيب عليك يا حاج
ناكل عرق محتاج
فوق كم بتتبجح
والمارقة ما منك
المارقة من كومي
قبال تصل سنك
اسمعني لو قادر
ولو ما قدر عنك
توب امك المرقوع
قطعتو من جنك
كريتو فوق حبلاً
عشميقو مو منك
المارقة ما منك

بس مارقه بت عدنان
عربيدة كضابة
شايلة اسكريم لولي
للعندو والتابه
شرت مصاريني
بي فوق كجور بابه
نامت معاك نامت
ورق العرس عندك
ورق الطلاق عندك
كان ارضي كان ابا

تنقيرك الطالع
نازل من الساقية
خدرنا من مافي
سوينا ماديلا
متكابي متلاقي
يوشن عرقنا نزل
خيتو عراقي

وماك طاري في الباقي
تمضالي اوراقي
ما ايدنا في ايدك
قايلنا بنريدك

مصلايتك المارقي
في ليلك الاسود
فوق ليها بت هارت
حاضنالا شايب اسود
غطيها بالشملي
غطيها بالمصحف
شان تاني ما تبرد
بي خشمك الاجواد
ولعلها المنقد

قلب مصاريني
قلب موازيني
بس لا تصل ديني

أبو وائل

01-10-2010, 11:46 AM

محمد سفلة

بشوفك في عيون عيني

بشوفك في عيون عيني وفي جرح القليب الني
في جور الأحبة معاي وفي شمت الأعادي علي
لاني وكت سفكته الليل علي مزبح هواي ضحك
والفرح المناي حاحيتو دودرتوا وابالي يرك
لقيت ماساتي تبكي معاي وتضحك في عيون اهلك
تركتة احلامي للايام طلقته حبالة من ايدي
وقع شقي الشمال كورك لقيت شقي اليمين مشلول
انا تركته الروح قبل ما تروح وقع مني القليب مشلول
وقعدتة اغني ما حديت رغم انو المصير مجهول
بكيت لامن وجع حتي عرفت انو الطعني اخي
شرب ريق الشجن شجني ومحقني علي العي الخوف
وبقيت من الزوال جفال خليك من اشوف لي طيوف
دة انا البلفطرة قلبي عطوف من الشفتو يا ست ريدي
ما شفعت عهودك لي
نجومك كان رماها سماها ما اختارت براها ترك
دهر اشعاعا برق الخوف بقالا وحيح غناي تابوت
راجي نجاته من النجي يونس لم بلعوا الحوت
سنين الامتحان قضاها حتي نهاروا من غير ضي
شيلني عليك وقوم يا موج محل ما ترسي راضي اكون
ولا تهتمة بالمقسوم سمح حكم الله مهما يكون
ضجة في عيونك كلمة كانت في قلب للنون
غناها الزمن للدنيا لكن ما غشت اضني

أبو وائل

01-10-2010, 11:48 AM

محمد سفلة

مـحـمد

محمد فى الغربة تايه حصادو اللمه أوجــاعه
جـداول دمعو البتجرى مغلبى ديمه قراعـــه
ضهب فى لحظة وصولو المدن ماعارف طباعه
وكت سالمه مد إيدو مطنشه مدت كراعـــــه
كتم آهة غلب تكتل صنوف الاها وأنواعــه
وكسح راجع بى خيالو طرا التحنان والوداعه
خرير النيل المتسب سماحة الناس والزراعه
أنين ساقة تنوح مريكبا مفرود شراعا
لقمة لـو حتى بايته تشيله الناس بى قناعــه
وقليلة مكسور خشيمه يسبح ديمه نقاعـــه
حسيس طمبوراً ينقرش نقر فى قعدة رباعـه
وعذاب أماً تلاهيبو وجارى تملى دماعـــــــه
بكا الايام الخوالى وعروض المدن المشاعـه
وجماله المدهون مظاهر تلالى وزايفه خداعه
فجوره وأحلام صباها مجونه وهوسه وضياعه
وتقاليع غلبان يديره واللا يثنى إتباعـــــــــه
أصيل مانعاهو المبادىء يغابى يلم الجماعـه
وينوم ويمحن زمانو ويعيش الغربة فد ساعه
ضعيفاً لامن يسندو نحيلاً ماشى شمــاعـــه
وقسم من حالة هزالــو أخير أطفال المجاعه
صبر فوق الجمر قنب ورويحتو تنازع نزاعه
وبخاف قبال يصد يرجع يكون أسمو غشه الاذاعه

أبو وائل

01-10-2010, 11:49 AM

محمد سفلة

ياشروق

ياشروق ضاعت عشانك فى المدن مسرة شبابى
وشاله كان تاجر زمانك منى فى لحظات غيابى
أطرى لمن تلقى زاتك قسمى الفرح الجنونى
شيلى فى صفحة حياتك يلا عين الشمس كونى
أما انا الضهبان وحاتك سقدى ما نامن عيونى
كيف انوم واحساسى صاحى وفوقى متحكر عذابى
راح شليليى ومالقيتو ودرو القلب الضلالى
إلا ماأتيقن نسيتو كُستو فى جوف الليالى
الامل نادانى جيتو والفشل واقف قبالى
عاد أواصل واللا أرجع بالشمال شايل كتابى
عمرى ما فجرا مكندك ليل نهار لاسع هجيرو
واتهزم قدمو جندك قلبى واتحدد مصيرو
الا ليه خليتو عندك والله ماأدانى غيرو
ويوم فقدتو انا مامودر كت بى كامل صوابى
جانى ليل الفرقة يقنت سرجو واطيهو العليا
كلما اقول لميتو يفلت ينطلق يبعد حديا
لاقدر قُت ليهو اثبت لاقبلت أروح ضحية
بين زفير نفس المداين ومشنقة زمنى المرابى
فى القلب سطرت حبك بى حروف من نور تضوى
وكست فوق أشواقى قربك والظروف كاتفانى قوى
كم كتير حاولت دربك الا عاد شن دار أسوى
لافى ايدى امسح دموعك لامرادى عليك اشابى
قبرى مالاقيتو تايب قبل اموت داير اغنى
شوقى والخوف والمصايب والامانى البعدو منى
شن دخولى الجنى جايب لو يخيب فى الدنيا ظنى
مالفرح بعدك خرافة مابتعتب غاشى بابى
راكز الصبر المسوس شعبى فى أمية قليبى
ليلى طولو وعرضو اهلوس النجوم تشهد نحيبى
الظروف قدرت تلوس بركت الريد ياحبيبى
ولوعت ريشة غنايا وكسرت سيفى وحرابى
من قواسيبك بجابق سرقه فى عام الرماده
بس أريت أقدر أصابق لم اضوق سيف الابادة
ليهو كاسك مانى طابق لاكمان كايس الهوادة
ولى المحل ياست هوايا شايلو زادك فى جرابى

أبو وائل

01-10-2010, 11:51 AM

محمد سفلة

ياسوسنة

يا سوسنة..
ويا سوسنة...
يا أحلى من لون الجمر وكتين تهب نيرانو ريح
ما بين محطات ابتسامتك والسفر خاطر جريح
اطرب شعورك شلتي في حلقة هواك طارة مديح
عبر الفصول وألوان قزح ميلاد جديد في الأزمنة
يا سوسنة..
ويا سوسنة..
رغم اندهاشك للخريف الجاي من فوق حيل الصبر مطران غنى
ورغم انتعاشك بين ايدي خايف الخريف يشرب نداك يا سوسنة
هاك عرض حال اشواقي ليك اقريهو زيدي عناك عنا
يا سوسنة..
ويا سوسنة..
عصر الألم قلبي الرهيف قطر غناك آهة وبكا
صوت استغاثة من الرفاق ناداهو يوسف واشتكى
هجم الوجع شيطان غناي يتهادى يهمس دندنة
يا سوسنة..
ويا سوسنة..
ما أحلى صورتك والدموع مرسومة فوق وجنك دروب
سرقت شفق حمرة شفاك الماخدة من سحر الغروب
نزلت ظلال واديك شهق عربان خلاك اتحزمت آمالا توب
والخوف شلع حير غناوي الفرحة فيك طراك بكا كمين سنة
يا سوسنة..
ويا سوسنة..
لا زال وراك الليل طويل وانا في انتظار الغفوة شارد بالخيال
ما بين جبال الهم أجر اقدامي في موج الرمال
ولا اتيقن القلب البنادي علي سراب محياك تعال
كل ما يشوف اترك يقيف يصرخ يقول كانت هنا
السوسنة...

أبو وائل

01-10-2010, 11:52 AM

محمد سفلة

صلب الغلابه

جاي من صلب الغلابه جيت لقيت الدنيا دابـه
غاب ضمير خلق الله فيها واصبحت اركانا غابه
فيها ست الريد تغني انا لاني منـك لاك منـي
وان بقيت خيبتا ظني بي ما ترضـي بصحابـه
انا امي لما الليد تخونه بتمرق الهوي من قرونا
وتكتم البان في عيونه وتكتي للجنيـات حجابـه
بتها الجيعان وجاي شاكي من حـزن القـراي
وشربت الكان في الدواي وقنبت أكلـت كتابـه
وكان ابوى ضو القبيله وبدري مدخور للطويله
وللأسف ما عندو حيله يا حليل حوطو وشبابـه
اما اقرب ناس الينا ما دي اصبعها في وشينـا
جاهلى بي سنه نبينا الوصي بي صلة القرابـه
بنمسي في الأحزان نبيت طالما الحي فينا ميت
واللبن رضعو العتيد والقلـب عـاول جرابـه

أبو وائل

01-10-2010, 11:54 AM

محمد سفلة

يونس والحوت

بشوفك فى عيون عنيى وفى جرح القليب النى
وفى جور الاحبة معاى وفى شمت الاعادى على
لأنى وكت سفكت الليل على مذبح هوايا ضحك
والفرح المناى حاحيتو دودرتو وأبلى يرك
لقيت مأساتى تبكى معاى وتضحك فى عيون أهلك
تركت أحلامى للأيام طلقت حباله من إيدى
وقع شقى الشمال كورك لقيت شقى اليمين مشلول
سندت الروح قبل ماتروح وقع منى القليب مكتول
قعدت أغنى ماحديت رغم أنو المصير مجهــول
بكيت مامن وجع وكتين عرفت أنو الطعنى إخى
شرب ريق الصبر شجنى ومحقنى على العليا الخوف
بقيت من الزوال جفال خليك لمن أشوفلى طيوف
انا البلفطرة قلبى رهيف وتلقى على عدوه عطوف
من الشوفتو ياست ريدى ماشفعت عهودك لى
نجومك كان رماها سماها ماأختارت براها تموت
دهج اشعاعه برق الخوف بقاله وحيح غناى تابوت
راجى نجاته من النجا يونس لما بلعو الحوت
سنين الامتحان قضاها حتى نهارو من غير ضى
شيلنى عليك وقوم ياموج محل ماترسى راضى أكون
ولاتهتمى بالمقسوم سمح حكم الله مهما يكون
ضجت فى عيونك كلمة كانت فى قلب ذنون
غناها الزمن لى الدنيا لكن ماغشت إضنــى

أبو وائل

01-10-2010, 11:56 AM

محمد سفلة

إتخاوينا

أتلملمنا كم عتالى وكم سواق كمين عامل حالن ضـاق
كـم إيجـار والسمسـار وجمـر العيشـة وكيـف حـراق
اتلملمنـا مسيحـي ومسلـم واتخاوينـا عـلـى الإطــلاق
لافي سياسة ولا في نفاق لافـي مكابسـه لافـي خنـاق
همنـا واحـد كـان الضـل حزبنـا واحـد هــو الارزاق
كــنــا نـفـتــش عـــــن رقـــــراق لــوفـــي زقـــــاق
قـمـنـا مشـيـنـا مــحــل الــمــوت بـالـعـيـن يـنـشــاف
ويـــــــــوم بـطــعــيــمــو الـــــمـــــر يـــنـــضــــاق
لافـي مـدارس لا اسـواق لا مستشـفـى ولا كافتيـريـا
ولافــــــــــــــي حـــــــدائــــــــق لـــلــــعــــشــــاق
صي في صي الدنيا هجيري وديمه حصاها مولع باق
صن الراس من الصناية وحفا اقدامنا جرى الساسـاق
حتـى الشجـر فـي الخـيـران معـلـم الله مــن الاوراق
كـل الدنيـا حميـر ونيـاق وكـان الحـى افـراق افــراق
ومــا قايلـيـن أقـدارنـا تـحـى بيناتـنـا تـســوى فـــراق
وفـجـأة يــزن فـــي الـقـريـة قـــرار إزالـــة إزالـــة
العـشـوائـي ولا فـــدارى نـحــن بكـيـنـا ولا هـمـاهـو
نـحـن شكـيـنـا ولا هـمـاهـو واحتجـيـنـا ولا هـمـاهـو
فجـأة تكـون القـريـة دمــار واتشـردنـا مــع الحـجـار
اتبهدلـنـا مــع الامـطـار الـفـى كـرقـه والـفـي غـــار
الفي ضـل مضـاري جناهـو والفـى بطنـو مولـع نـار
اتـقـسـمــنــا الـــوجــــع الــــواحــــد واتــشـــردنـــا
عــــلــــى الـــحـــجـــار كـــــــــلاب وصــــغـــــار
بـس ضاقـوا ليشـن ولـيـش سبـقـوا المـطـر والسـيـل
طـفــلا طبيـعـتـو هـبـيـش جــمــرا بـقـالــو عــويــش
بيـتـاً ضــرا الـكـرتـون ضـلــوا الـسـعـف والـخـيـش
واسوبـوا مـجـري السـيـل خلـونـا مــن غـيـر ريــش
يــا رب هــل يمـكـن حـاسـب جـنـاى فـــي الـطـيـش
أم فــي العـطـش والـجـوع والهـمـلـى والطـرطـيـش

أبو وائل

01-10-2010, 11:57 AM

محمد سفلة

كذبة أبريل

بعدي من عينك جفي لا كت وعودك بخلفة
كان ظني يا ست الجمال يجمعني يفرقنا الوفة
غراكي اني جريت وراك وفوق دربك اعدته الحفة
غنيتة خلدتك خلود وقصص الغرام السالفة
شان انتي من دون الحسان اختارك القلب اصطفة
واخر جزاهو وقع صريع بس حقو منك ما عفة
ماني البراي صريع هواك كم زي مطعون ما شفة
اعدته امال الهموم تهدم قصورة وتنسفة
انا زول مجرح من زمان دنياي داجي مصيفة
معتاد علي النوح والبكي وفيض الدموع الزارفة
سايقاني ليه وانا زول كسيح قصت جناحي العاصفة
خليتي قلبي قريب يصل ولا الجنان الوارفة
سبتيني في نص الدرب ليه قلتيلي ازنك آسفة
لا قادر اتقدم براي لا قادر ارجع بالقفة
عمر المحبة البينا كان لحظاتو مرت خاتفة
اتمني دنياكي الامان يبراها ديمة يحالفة
بقدر وحاتك في السنين اتناسة ايام الصفة
واكبر خيول اشواقي ليك اكبح جماحة واخالفة
مظلوم من الزمن العلي احكاموا جايري ومجحفة
انا في غنواي الريد شموع وانا في حكاويهم رفة
انا عنتر المات والشجن دم عبلة لكن ما دفة
انا ريدة في اعماق ملاز الا القدر ما انصفة
صح ماني قدرك وريدي ليك في حد زاتو مجازفة
اقطع احساسي وادوم كل المشاعر المرهفة
انا زول نبيل ما برضي يوم تجرح كرامتي العاصفة
بدفع ثمن مبداي دموع مهما عيوني يكلفة
يا كذبة ابريل الخلاص لحظاتو مرت خاتفة
يا نسمة بهوي شزاها موت يسكرني لم اتكرفة
يا درة عزبني الزمن لمن لقيتة مزيفة
انا تاني ما اصبح مناي دانيات سمارك اقطفة
خليه تطويها الرياح وردة غرامنا الناشفة
واحزر تحاول يوم تعود بالماضي روحي تحلفة
خليني للوحدة الزمان من بدري اصلي موالفة
خليني فيها اعيش عزاب الزكري لا يوم الوفة

أبو وائل

01-10-2010, 11:59 AM

محمد سفلة

عشا البايتات

عشا البايتات كفاك اعوج تعال راجع تعال
وراك مرق الصبر سوس واكيد كل الرصاص واقع تعال راجع
بخاف لك من قفاك يضيع وراك زي ما هناك ضايع
مشتت لا فهم لا راي شبعان والوراك جايع تعال راجع
سحابا شتتو الاعصار مسافر في سماك صابع
تتاجر في العمر وايامو خسران شاري او بايع تعال راجع
زمان كنت القعر والراس نازل في البلـد طالع
واسع حليلك حليلك يا البقيت تابع تعال راجع
***
كيف الزول يقاسي الغربه ..ما بين نوح انين وشقا
يلقي رويحتو ودر عمرو لا ارتاح لا مراضو لقا
كم من فينا شال احلامو شالع بالامل برقا
قام قاصد الريال وبهاه سوا الحج قتا ودرقا
باع الفي المراح والمسري حتي الفي الايدين مرقا
خجلان قال تقيلتي وراي يحفظا ربنا الخلقا
كم من فينا همل دارو اسرتو للضياع طلقا
غرقت في الديون خلاها مكشوف للخلوق ورقا
فينا الام ولادو وراه باعت سلسلا وحلقا
شالت فوق هموما الفوقا شوقا وحرقتا وقلقا
الله من مرارة الغربه من دفيرا من صبقا
من تعب شبابنا الزاهي اياموالنضار محقا
فيها جراحنا كل ما تبري ما نعرف شنو الفتقا
اما الروح من الشايلاهو تمرق لو في زول نتقا
غايتو انا من بلاد الغربه روحي الله خلاص عتقا
راجع لبلادا ديمه حامدي وراضي بي رزقا
للجد الوريفه الرحمه للعرجونه للابقا
للوسط الاهل تلقاها لو كان حتي بي مرقا
مشتاق لتراب اوطاني لاحساسا لصدقا
للبهم التصيح في مراحا للنيل التسابو بقا
لقوز الرمال والشله لقعدتنا في حلقا
لختفة تعوس الوالدي قبال ما تصل طبقا
اعرض في البلد بي بطولا دي الماليني تبع وشقا
لاخوف هيبه من الكشه لاقي النوم من الشفقا
انعم فيها بالحريه دي المن غيرا مافي لقا
والمو شاد رحالو وراي مويتو علي السراب دلقا
نسلم فيك ياسودانا من مسك الارض عزقا
شتت في التراب دم قلبو بي حن الابوه سقا
يسلم فيك من ضارك شالك في العيون حدقا
دنقر لتقيلتك شالا عندو امانا ما سرقا
لو باقي لي يوم في الدنيا ومنو وتزبل الصفقا
مابندم بعد القاك وانزر روحي ليك صدقا
اخر امنياتي بقولا لو بيناتنا مافي لقا
اسمك خشمي لو كان متا يبقي اخر حروف نطق

أبو وائل

01-10-2010, 12:00 PM

محمد سفلة

لسة قادر ..

لـسه قادر تانى اصـبر مهما مـنى بعد سرابك
لـسه قـادر قلبى يـنزف كلما طعـنت حرابك
لسه قادر عـمرى يكمل برضى واقف فيهو بابك
إلا ما بقدر وحاتك لحظة اتحمل غيابك يا منايا
***
في إنتظاري على رصـيفك والزمن ما حّن جابك
يا وجع روحى البتمـرق فى تماس برقي وسحابك
لي زمـن ودران وتايه قاربي ضايع فـى عبابك
ومن مراسـيك يا حـبيبه إنسدل تـالاى حجابك
***
مهما جارت بـي ظروفى أو على ضاقت رحابك
وعـشتا فـى هامش حياتك لا حـسابك لا عتابك
يانى فـارش دربك اخضر فى إنتظار هيبة جنابك
تـلقى فـوق صـفحة جبينى الف مرحب بيك حبابك
***
يا عـشق فـينا اكـبر من مـشـيك ومـن إيابك
يا عشم فى سماى ازهر واصلوا مـزروع فى ترابك
يا وجع قـلبى المودر ذاتـى كلما فكرى سابك
ويـن ادس حزنى البتاوق فـينى فـى همسة ربابك
***
آه انا الـقبلان انـزل فرحى كلو واشـيل عذابك
آه انا الـنازر حـياتى روحـى عـمرى وكـلى دابك
آه انا الضـيعتا ذاتـي وراجـى اتـعوض شبابك
قلبي يهتف ... دقه ... دقه ...
قلبي يهتف دقة احبك ودقتين يصرخ بهابك

أبو وائل

01-10-2010, 12:02 PM

محمد سفلة

ماشي علي تضيق

كل ما اقول تفيق القاها ماشى على تضيق
إتواتا القدر خطواتى وانسد الطريق
***
تايه فوق عباب افكارى ما قادر اريـق
انقر للطيوف مزمارى حايم فى الفريق
***
لازمنى السهر فى ليلى اصبح لى عشيق
وآآه اصلو المصائب غير ماشافت رفيق
***
قلبى وراك حالك ليلو مو شايف طريق
لا زولاً يقول ياحليلو لا قلباً شفيق
***
غرقان فى بحور الريده فى جوفا الغريق
ورغم انى البغنى نشيدا ما اتبلا لى ريق
***
آه انا من عوادى زمانى كيف اقدر اطيق
هجرى ولوعتى وحرمانى فوق جرحى العميق
***
من نار الجحيم يا الغالى قلبى حرق حريق
واتبرا الغريب من حالى وابتعد الصديق
***
حتى زمانى وكت الشده فى احلك مضيق
لى زهرة شبابى اتعدا وامتص الرحيق

أبو وائل

01-10-2010, 12:04 PM

محمد سفلة

أقنعيني

نتـرة الوجـع الشديـد وقمـة الهـم والمـآسـي
اقنعيني إنك سعيـدة وخلي قلبـي وراك يقاسـي
وشن طعم كل الغناوي الفيها ما بتضحـك عيونـك
وآيه تكون حتي السعادة في سماء الاحلام بدونك
يا مرايات ذاتي حبـك فجـر الاحسـاس بكونـك
غنوة في خاطر صحايـه ومنـه تتوسـد نعاسـك
يا وطـن فيهـو اتخلقتـا ومنـو طـول اغترابـي
وقسمتك بي غيري تبقي وتبني عزك فوق شبابـك
القي في عينيك قسمتي ابقـي لـى جـوا عذابـي
وشايل اشواقي وجراحي وديمه طاريك وانتى ناسي
وبي بصيص عشم تتاوق روحو من سخر اندهاشه
وكستا في الواقع ملامحك والخيلات حولى ماشـه
لا مدن عينيـك غشنـي وستفنـي مـن البشاشـه
ولا رضيت في اللجه اغرق ولا قنعتا من المراسي
وانت بالذات تستحقـي كـل غنـاي وتضحياتـي
وقلبـي يستنـاك معلـق فـي سمـوات أمنياتـي
وما مهـم القـاك حبيبـه المهـم اهديـك حياتـي
وتاني اهديك باقي عمري قلب ينبض وكل حواسي
لسه في احزاني راحل تحتي لوعه وفوقي شـوق
حسـره تملانـي وتدفـق روح تسـارق للمـروق
ما شكيت للدنيا حالى حاشا ليلـي نهـاري سـوق
وفي القلب شايل ملامحك بيها اتصابـح واماسـي.

أبو وائل

01-10-2010, 12:05 PM

محمد سفلة

ياغايبة

مالو إن كان شكن .. عيني من دمع الشجن ..
... يا غايبة ...
أحزاني افراحك بقن .. بعتيني بي ابخـــس تـــــــــمن
شان انسى هاجرت و رَحلْ .. فارقت لك حتـــى الوطن
***
لكني رجعني الزمن .. من تاني لــــي ارض المـــــحن
قايل الغرام البينا مات .. شابى لي مـــــن توب الكــفن
***
انا قلبي يوم ما ظنّ ظَنْ .. تبقيلو اسبـــــــاب الـــــحزن
ما دام سعادتك في بكاي مغرورة بــــي حســـنك اذن
***
ساهرت في ليل الدجن .. لمــــــــن حدود صبري انتهن
شوفي الدموع من طول بكاي .. شقن دروب في الوجن
***
جاني اب قرون لمن جرن دمعاتي و الصــــــدر اتعطن
عزاني في فقدي الكبير .. قال لي رغم الآهـــــة غن
***
قلبي الجريح الإنطعن .. لا ملّ لا صادو الوهـــــــــــن
لاقاكي بي ريدو النبيل .. لاقيتي بي ظلم الحســـن
***
لو قايلة ماضينا اندفن .. و اتلاشى في التاريخ سدىً
انا ياني لا أزل الأزل .. بهواكي يا تحفة عــــــــــــدَن
***

أبو وائل

01-10-2010, 12:06 PM

محمد سفلة

ياوردة

فوّحي زي زمان .. يا وردة
وقولي الجاي نسمة خير ..
لو ما شان سواد عينيكي .. فوحي برضو شان الغير
***
عارفك يا بهية وزاهي ماك قدرة رياح امشير
او رقة نضارك لحظة يتحمل نداها هجير
فرهدي خلي كل الدنيا ترقص وتنسجم بِشير
والزمن الكريم عينيهو تتكحل رؤاك إكسير
***
ميزك الإله سواكي لوحة فريدة خاتية نظير
وأي جميل يمرو جمالك منك بي بساطة يغير
***
مالك ومال شقاوة الدنيا .. لو هي الدنيا ليها ضمير
وإنتي المالي كل اركانا .. منك يا شذَية عبير
***
أنسي الماضي بي أحزانو ما الحياة سنتها التغيير
وأملي باكر الغدارة تفرشلك دريبا حرير
***
ييدا انا فوق حدود آلامي شايف نفسي بيكي أمير
وبالفرح الغلبني ادسو .. بس فاضللي تاني أطير
***
المر والعذاب الضقتو .. قبلك في حياتي كتير
وكلو هو ظني كان كفارة تبقالك وقاية تجير
***
قبلان لو حياتي فداكي لاقيت فيها في أسوا مصير
ومهما اضحي شان عينيكي شاعر برضي بالتقصير

أبو وائل

01-10-2010, 12:08 PM

محمد سفلة

ماني شمتان

ماني شمتان فيكي لا قاصد التشفي
لا حسابي معاكي دة الداير اصفي
...
ماني قاصد حاجة غير دايرك تعرفي
ما بعود من تاني لو يبقي لهاك حرفي
...
وما بصدق تاني قولك كان تحلفي
ولو هواكي حياتي منها ييدا طرفي
...
ما مهم يا غادرة تخلفي ولا توفي
او تكوسي وصالي ولا تصدي تجفي
...
الزمان القاسي شال من جوة ضعفي
وقسى قلبي عليكي خلاه يقيف في صفي
...
لو تصدقي تاني ما حتلاقي عطفي
ولا بتهزي احساسي لا بتبكي طرفي
...
عندي هسة السمحة توزن زيك الف
ولو وهبتها روحي شايفا ما بتكفي
...
في الصحاري وراكي كت يا غادرة منفي
والسحاب للفرحة ساند فوقا كتفي
...
الوداع شان انتي صنفك ماهو صنفي
وماني عشمان تاني بحرك يسقي جرفي
...
ولا تهبي رمادو .. جمرك جوة مطفي
وتاني مروادك حرام فوقي آب تخلفي
...
وماني شمتان فيكي .. لا قاصد التشفي

أبو وائل

01-10-2010, 12:10 PM

محمد سفلة

عاشقة

عاشق عاشقة عاشقة سواي والعاشقاهو عاشق غيرها
كلنا في الهوي اتلاقينا سايقة خطانا حمي الديرة
نفس اوجاعي حاصله عليها النوح والشجن والغيرة
وفي الليل الصباحو يلاقي عينها تلاقي فد صنقيرة
تبكي تكب دموعها دماها دمعها مابيطفي سعيرها
يارب في مصابي تزيدني لكن في مصابها تجيرها
لوحة من الجمال والروعة ماشافت عيوني نظيرها
الليل شال ضلامو انشر فوق صفحت كتيفها ضفيرها
العين ان حكت بي نظره ابلغ ما يكون تعبيرها
اما وشيها قمرة تلالي شامخه وبي شمخها جديرة
حبها لو تجيبو القوة اليد بي دروبو بصيرة
لو دايري النجم يتلم يبقي عقد فريد في صديرها
كت المستحيل اهديتها لو كان حتي لبن الطيرة
وما كان غيري سهد عينها او فت زول شغل تفكيرها
لكن المشاعر قسمة في الدنيا الغنيها فقيرها
ومن ملكوتو مهما يبقي النفس أبتفوتو مصيرها
قسمتي اعشقها وتاباني لكن برضي ابقي اسيرها
قسمتها يتمكن بي هواها زولا في خيالو اميره
حبيتها وغرق في هواها من يادابا لسة صغيرة
وفوق كل المشاعر الطيبة ليها علي حق الجيرة
مادام غيري مالي حياتها مالي خيالها مالي ضميرها
ببعد وفي الخيال بلقاها واتنسم برايا عبيرها
راضي انا بي ارادة المولي وروحي الهايمة الله دبيرها
مابينسي الرضا وناجاهو مكتوب في الكتاب والسيرة
ببعد من حياتها اّخلا إلا مشاعري في خديرة
لو يمكن تموت في قلبي زمزم يوم بينشف بيرها

أبو وائل

01-10-2010, 12:11 PM

محمد سفلة

تمن هواك

محمية القلب النزف دم عمرو من عمق الجراح
وشالك رسالة ريد نبيل محمولة فوق سن الرماح
لميت حروف اشعارى فيك زينتبن صدرك وشاح
دودرت حظى من الظروف سويتو من الخوف سلاح
متحدى سطان الزمن شاقق العتامير والبطاح
سايقنى حسك فى الخيال فوق التعب قلبى استراح
باريت سكة شوقى ليك فارد صبر أيوب جناح
خطواتى مابتعرف تخاف احساسى مابيعرف نواح
رغم التباريح والظلام لازلت عشمان فى الصباح
حتى ان ذئاب محنى القبيل نطن لى فى بطن المراح
حنست أقدارى وبكيت عدن دموع عينيى مزاح
كوركت ورينى ان صبح تعذيبى فى عُرفك مباح
وقفلنى تالا الريح طرش مابيسمعن حتى الصياح
مجبور تساوقنى الظروف شيقيش تقبلنى الرياح
جامحات خيولك جنى ليل لاقنى عن ساعة الرواح
قاعد اذاكر فى الهموم الفيها ماظن لى نجاح
ضاريت فى قلب الوضوح شان انتى مدانى الصراح
كان أشقى كان اسعد معاى قوتيها ياست السماح
لاناسى ذكراك المعاى لابيها لى زول قلبى باح
ولو غيرك اتمنيت مُنى يبقه الغلط عند الله صاح
يابهجت القلب الخد فى دوبو ضرعاتى الكفاح
بدفع شبابى تمن هواك حتى ان لقيتو وراكى راح

أبو وائل

01-10-2010, 12:12 PM

محمد سفلة

فرحة حلم

جمبك بشيل من الفرح وأرجم هموم باكر رجم

وساعتى اللفارق طلعتك بالشوق اقرب إتقسم

شابيت وكتين شف خيال مركبنا شابت دار تلم
من نومى صحتنى الدموع تاريها كان فرحة حلم
صنقرت شايل الليل بكا بالعبرة غالبنى النضم
مرات أقشقش فى الموع مرات امصر فى الهدم
لاحن فجرى على بان لامن جحيم الشوق سلم
نفض الصبر من توبو ايدى أوهمنى قبال يتوهم
حلفتك السواك جمال صورة ودواخل منسجم
أدينى أمانك لاأتوه تتنسينى فى درب العلم
انا وانتى جافينا المنام فى عتمة تالتنا النجم
قاعدين نحجى الامنيات الليل نتمو ومانتم
الليلة كيف الحال وراك وانا من حنانك متحرم
لالاقى اتنسم شذاك لاحظى داير يبتسم
والله من شجناً على انا فى ايادى الموت عشم
الروح تسارق ومابتروح والموت يقرب ومابيجم
لو حتى مكتوب لى الضياع وأمالى فيك تبقالى سم
تلقينى عنك مابحيد أو قلبى شان فقدك ندم
بهواك يكفينى وكفاى جواى خيالك مترسم
تقدر تعاندنى الظروف بصبر وحاتك مامهم
ياذاتى ياغنية صباى يابوحه ياست الاسم
البينا اكبر من صلات الريدة والدم واللحم

أبو وائل

01-10-2010, 12:14 PM

محمد سفلة

منك لله

مــنــك لله انــــا زول مـسـكـيــن
وطول عمري مسالم وقلبي حنين
تاتيـتـو هـــواك فـــوق الايـديــن
مـن قبـل صبـاك مـن عهـد الليـن
خـلانـي وطــار ربــا الجنـحـيـن
والخـان الريـد جـد خــان الـديـن
يــا قــاف يــا واو راء ويـاشـيـن
ويا حبي المات فـي مهـدو دفيـن
قـــادر انــســاك وابــعــد لــكــن
مــن بـعـد هـــواك اقـبــل ويـــن
خليتيـنـي وحـيـد بـاكـي حـزيــن
وانا متـا خـلاص راجـي التابيـن
مــنــك لله انــــا زول مـسـكـيــن

أبو وائل

01-10-2010, 12:16 PM

محمد سفلة

حذاراك

حــذارك مــن تـجـيـبـلـي اعـــزار حــذاراك
قـــلـــيـــبـــك مــــــــــا بـــــــــراه اخــــــتــار
بس باسف علي الايـام وماضي العشره يـاغدار
منـو الـصـدق غرامـنـا اتـلاشـي قـبـال يشوفـلـو نـهـار
منـو الصـدق قصـور امالنـا تصبـح فـي الحقيقـه دمـار
تصـدقـي لـسـه مــا صـدقـتـا تـايــه والقـلـيـب مـحـتـار
لانــي مـعـاك قـايـل نفـسـي فــي مـامـن مـن الاقدار
***
لانــك ياحقيقـتـي الـمـره كنـتـي حـجـاي مــع السـمـار
لانــك فــي غـنـاي مقطـوعـه خـالـده تــرددا الاوتـــار
لاني انا ان بقيت فـي الجنـي غيـرك مـا بدورلـي ثمـار
لانــي انــا مــن عرفـتـك تبـتـا يشـهـد كـاتــب الاوزار
***
قبـل مـا اعـرف المقـسـوم فرشتـلـك الطـريـق ازهــار
رسمتك بـي مـداد احاسـي لوحـه جميلـه فـي الاشعار
امـن بغـرامـك وحــدي حـاسـب نفـسـي فــي الابــرار
وتـب لاخنتـا لا ارتديـتـا كـيـف يصـبـح جــزاي الـنـار
***
انـا المـا بينـي بيـن الدنيـا مـن مــا قمـتـا مكـتـوب تــار
متـعـود تقيلـتـي اشـيـلا قبـلـك كــم عصفـنـي عـصـار
قلبي الكان زمان موهوم وضايع بيـن سجـون واسـوار
خلاص حلحل قيودو معاك وحضر تابين غرامو وطار
***
زي مـا كـت بعـز عينيـك برضـي كمـان كتـوم اسـرار
الاهـواك مهمـا يبقـي تانـي انـا مــا بـكـون لــي مــدار
قـادر احيـا راهـب ريـده امسـت فــي الخـيـال تـزكـار
والا بقـولـك يــا مـغـرور وراك عـجــل الـذمــن دوار

أبو وائل

01-10-2010, 12:17 PM

محمد سفلة

مدن الضياع

والله يـامـدن الـضـيـاع امـالـي فــيـك مابتـنـحـسـب
فـي دوبـا فارقتـا البلـد جيتـك مقاسـي الشـوق غـصـب
شديـت رحالـي بـلا ضجيـج خايـف شياطـيـن الجحـيـم
جيـت دايـر ابيـع الضـل مـا جابنـي لـيـك شـوقـا قـديـم
ضاراني وشك من قفاك ضاريت كمـان واقعـي الاليـم
احـلامـي غــرب شـرقــت شـرقـتـا بـانــت بـالـغـرب
شــان ود غـلابـه وكادحـيـن لاود شـيــوخ لاود عـمــد
مـن قمتـا طاوينـي الشـقـي ومتـعـودي العيـشـي النـكـد
جيت داير اغسل همي فيـك والقالـي فـي جوفـك سنـد
قـايـد شليـلـي ودرتــا انــا تـاريـنـي ضـلـيـت الـــدرب
علمني ليلك كيف اموت واشيـل بـراي نعشـي واحـوام
وكيـف قلبـي يتمـدد تـقـا فــوق الـحـذن كيسـابـو كــوم
والــقــا الـشـقــا شـقـيــش امـــــش الـقــاهــو ويـــــن
مـا بينـي مـا بيـن الهـدوم كايلنـي هـم زايـدنـي خــوف
ســاوي الــــفــؤاد ســـاحــت حـــرب
كيف المصير وانا في وديك تاهـت خطـاي وبـلا دليـل
استسلم ارجي الدار تجي انا عاد ولا اطاوع المستحيل
الرجعـه اقسـي مـن البعـاد اوبيـن ووب هسـي وقبـيـل
اتعوجـن قبلـي ومحـن فـي اوطـانـي عـايـش مغـتـرب
ماسـاتـي يـامـدن الضـيـاع اكـبـر مــن الـحــان الـغـنـا
ميـلادي كـان عــام الـرمـاد الفيـهـو ابـاحـو الغرصـنـا
لاكـت سليمـان يـوم هويـت لا بيـن ايـدي خـاتـم المـنـا
شان اجلبـك باقـي الذمـان او اهـوي بلقيـس ولا احـب
والله يــامـدن الــضـــيــاع

أبو وائل

01-10-2010, 12:18 PM

محمد سفلة

صرخه

هيج سكون الليل بكاى قاسم عويناتى السهر
لمن سمع همسة غناى مجرورة فى قلب الوتر
احمينى من جور الزمان يابوحه من إيد القدر
دسينى فى هدب العيون أو بين تصافيف الشعر
خلينى فى جواك كلام أو بسمه فوق أحلى الدرر
واسقينى كاسات الحنان من فم أكاليل الزهر
سوقينى لى دنية هواك نسينى الام السفر
طرينى ياإلهام غناى افراحنا وايامنا الغرر
ورينى كيف الليل يضيع فى ضى تسابيح السحر
وحجينى بالغنوة الزمان قنا فى وجه القمر
حسينى كان مات الكلام أو بهتت ألوان الصور
تارينى غشانى الخيال عجلت راحل ماأنتظر
غتينى شمس الشوق فقع بكانى والدمع انهمر
ابرينى فى النقعه انشويت ابقيلى ضلالة مطر
سامحينى ندمان دار اموت بى همى والادهى وامر
صافينى ياغالية رجاى الماكى من طينة البشر
نص دينى إيمانى العميق بالريده من غيرك كفر
ود عينى لابد فى الدموع واقف تلوت الليل غفر
يعمينى من تالاهو نوم قطع حبال صبرى الحزر
جايينى جاييك لاننوم ساسقته بى فكرى وفتر
سابينى شوقك مت حى بين حاضرى والماضى الاغر

أبو وائل

01-10-2010, 12:20 PM

محمد سفلة
قلب بالصح

دا ما القلب البجرسو شوق اذا ما اختار سميرو بعاد
ولا القلب التبكي حبيبة لو غابت عن الميعاد
قلب من قام صحاري الالفة كان بيشقهن بالنوق
محكوم بسياج العفه في يوم ما سرح مطلوق
شيال للتقيل ما نحى لو ساد العمر ارقوق
ندي وريان كريم وتجواد إلا من الضعف معتوق
قلبِ نبيل وكلو جمال ومابيحقد علي مخلوق
ومهما جرحو المحبوب وخلا قليبو كلو شقوق
كتوم من قام يضاحك غيرو صابر والجرح مفتوق
عليه ما بيضحكوا الشمات وتجري دموعو روق فوق روق
قلب ما همو يقضي ايامو جنب الضامر المحزوق
قلب مشغول بهم اكبر من اشواق ورضى المعشوق
هم وطنا عشانو نزف دماهو على الارض ماروق
وهم انسان قضايا كتار وما قادر عليها يحوق
قلبي أنا ..
حكيم يعرف متين يرتاح وينسي شقاهو يصفي يروق
ومتين يعكر يكون فيضان ويبقي علي الزرع خازوق
فشكرا ياحبيب الروح على مروادك المطبوق
انا ان حبيت بقدّر زولي وان فارق(ت) بفوت بي ذوق
دة ما القلب البجرسو شوق ..الا بيبكي لما يشوف مابين الخلق في خلوق
ماخده طباعا من الغابه شايله ضميرا ماشي السوق
وتاني بيبكي لما يشوف مابين الحقوق في حقوق
نزلت من سماها زلال وطارت من تحت لفوق
وداعاً يا حبيب الروح .. وداعاً يا ملاذ الروح ..
وداعا وما بقول بنساك .. وداعا والقلب محروق
وداعا وفي الختام دنياك مناي وراي تسوي القوق
تمدلك السعاده ايدينا لي فردوسا ليك تسوق
وداعاً يا حبيب الروح ..
وسيبني اعيش قسمتي وراك باسم والكبد محروق
وقسم بالله .. رغم جراحي لسه عليك قلبي شفوق
وقبال الزمان يفرقنا بوصيك والعتاب ملحوق
بخاف يا من رضيتلي معاك غصب إتمطق العميوق
بكرة تدور عليك الدنيا ومن كاساً سقيتني تضوق

أبو وائل

01-10-2010, 12:22 PM

محمد سفلة

الضرب فوق الميت

إعدت الجراح ياغالية ما عاد البشوفو جديد

ومابشعر بقيت بالطعنه مهما كان مداها بعيد
واحد عندى كان الامى تنقص واللا تانى تزيد
واللا أصبح ملاقى مأسى واللا يطل على العيد
ماهو غريب عليها الدنيا تقصد قلبى بالتحديد
ودون الناس براى ياحلوة ابقه عدوها انا الويحيد
يانى صريعه من شبيت فوق مهد الطفولة وليد
ولم كبرته واترعرعت فى دنيا الغرام والريد
من نار العذاب الضوقتو لو ماكنت زول صنديد
كان فى قبرى بدرى رقدت فى جوف ود أحدو شهيد
إلا هواك ملانى عزيمه آه يابلبلى الغريد
بلقاك والمحن حابكانى دايماً ليه مادى الليد
الا الليله عاد فى الغربه نازف قلبى دمو صديد
والموت قبل أجيك صدقنى ياهو مصيرى تانى أكيد
الشقى فيها أمسى غرينى والقيد فى خطاى حديد
والشوق بى لهيبو ونارو يلعب فى حشاى عربيد
فى ركن السجون اتباكه أرزح فى الظلام والقيد
وخايف تبقى فيها اقدارى حاكمه على بالتأبيد
لويجدى الشعر ادمنتو كم سطرت فيهو قصيد
وترجمت العليا أغانى لو قول الشعر بيفيد
لو عش فى الجنان يابوحه غيرك ماحأبقى سعيد
ودونك لو هدولى ثماره برضي أشوفه مره شديد

أبو وائل

01-10-2010, 05:34 PM

محمد سفلة

يا وطن

الـنختلف يمنى ويسار حتى ان نصل حد الكجـار
بس ما نكون فى يوم صغار قدامنا هم أكبر من الكرسى الرحيب
وجايينا غـم نتسـاوى فيهـو عـدو وحبـيــب
الفرصـة جات النتفق أنا وإبن عمى على الغــريب
***
بعـدين كـدى النجى نختلف بعـد الجراحـات ما تطـيـب
بعـد الـدخيل الجـاى ظـنـو كمـان يـخيـب
يلقانا قشـطة على عسل ويلقانا سمنة على حـليب
ويلقانا دخان الرصاص حولنا نسـمـة وهـمبريب
ويلقانا فـوق فـد عنقريب نتحاجى فى الوحدة السـلام
ونـتـنـا جـى فـى العـشــم الـقـريــب
بعدين كدى النجى نختلف بعد الجراحات مـا تطيب
***
هـيـلـك تـفـتـخـر وأصـلـو الفخـر مشـهـادك
مـا طـال انـت أبـونا ونحـن يـانـا ولادك
لا دينكا وشلك لا نوبة أو جعلية لابرقو ومحس بقارة أو شـايقية
يوم نارك تقوم بالجملة سودانية نفديك يا وطن لا حزب لا جهوية
أدينـا الإذن والبـاقـى خـلـو عـليـنـا
قـضـايـيـن عـوج مـا فينا راجل إضينا
الدايرك يـمـيـن نـمشيـلـو قـبل يـجـينـا
لا سـيـف لا سـلاح تـفـقـه رقـبـتـو إيدينا
***
ثـابـتـيـن ذى أحـد مـافينـا نى ينهضــه
وعــن سـاعـة الـدواس ننقـز نسوى العـرضة
غـيـر شـورتـنـا راى لا ينسمـع لا يقضــى
والـدايـرنـو تبقـى الـدنـيـا تـابـا وتـرضى
***
وشـيـشـك يـا وطـن ننجـم نـبـايـعك جملة
غربال الدفـاس فينـا آب يـمـرق الـخمـلة
يـوم نـارك تقـوم مـانا النسـوى الـعمـلـة
دمنا يـــوم تحـر نسقـى الجبـال والرملـة

أبو وائل

03-10-2010, 06:58 AM

أبراهيم بن عوف
وطني التاريخ
وطني قلبك وقبل قلبك ولا غرابه
يلا يا تاريخ اقيف اسمع معاي ابدا الكتابه
طوف بلدنا من البدايه وللنهايه
من شروقه ولا غروبه من شماله ولجنوبه
كل قريه كل مدينه تلقى بلدي على الهدايه
تلقى في اللوح والدوايه
في ترانيم راعي بمزمارو يعزف وحولو سرحات السعايه
يلاا يا تاريخ اقيف اسمع ومعاي ابدا الكتابه
تلقى في الدوبيت وقت يحلى ويشق الليل مع ناس مهوي ليلا فوق ضهر المطايه
يا سماحه بت بلدنا الفي المكاتب وفي المصانع وفي الفصول بهمه شاغلاها القرايه
يلاا يا تاريخ اقيف واسمع معاي وابدا الكتابه
وطني سك سك لابسه مريم وفي اضان كلتوم فدايه
وفي حنان ام مقالدي وليده في اللولايا تقولو ان شاء الله تكبر يا جناي
في كلمة الطيبه كلمة وا شريري وجيت من وين يا جنايه
في حنين اهلي الغبش اهل الدباره واهل الدرايه
ويلا يا تاريخ اقيف واسمع معاي وابدا الكتابه
وطني الطيبه والاخلاق وقيدا للرجال خناق وطني كرم يوشل مي سحابه
ياهو مننا ويانا منو ولا غرابه ولا غرابه
يلاا يا تاريخ اقيف واسمع معاي وابدا الكتابه

أبو وائل

03-10-2010, 07:01 AM

أبراهيم بن عوف
الحلم الحقيقة
بحلم بيك ما فت الخاطر ياريت يبقى الحلم حقيقة
ياريت الايـــام تجمعنا وفيها نعـــوض كل دقيــقة
***
يا راجياني عشان أهديكي غنوة ريد في صورة أنيقة
ماك متخيلة ينظم شعري يغرق فكري في اه عميقـــة
انا ماعــــدت الزول البيفرز مابين النـــار والتاتيقــة
دمعة علي لوحة أحزانة رسمت في الاقدار بي ضيقة
***
لاتلوميني ان مارسلت حتى ان كان سطرين في وريقة
لومي متاهت الغــــــربة الفيها منها ما بتنشلة طريـــقة
تنشد حــــالك وتشــــرح حال الزول المالاقيلو وتيقـــة
شوقك وشوق الوطن الغالي مضروبين في صدرو بديقة
***
وينك منو وينك ليهو وين أمالو ووين تحقيقة
دايمن يقعد في اوهامو يبني وتتهدم السريقة
فكرو يساسق بينك وبينو لا رتاح لا مل الساسيقة
كم ابواب في وجهو انسدت زي ما الرجعة انسد طريقة
***
وينك لما شمشنا تغرب رغم الموجة يصلنا بريقة
لما الموجة تعانق الضفة في تحنان تغسلة رشيقة
وافضل اتابع السرب العايم في نظراتك والحديقة
فجأة تشع من ثغرك بسمة وتأسر قلبي وروحي تشيقة
***
راجعليك يابت عندية ودخلت قلبي في ساعت ضيقة
حلفت ماتمرق بي هيني اتعزفت جواي مزيكة
شالو النمة معاهة تلاتي متهكرين في ضل كليقة
سكنو جوف الليل الكافر شان الصبح تشق قارسيقة
***
راجعليك يابت ريفية وتخفي سامحتة في التاويقة
لا عارض يمنع مســــاري للأيام خطواتي تعيقــة
راجعليك رجوع النسمة الجات في الحقل صفيقة صفيقة
كان الناس عني دربي اتخلو انت بتمشي معاي رفيقة

أبو وائل

03-10-2010, 07:03 AM

أبراهيم بن عوف
التحدي
نومى قــريرة فى خدرك .. إذا ما ضمــــاكى ليل
وخلينى أنا للدرادر .. وسهــــــــــاد الليل الطويل
معاك قبلان التحدى .. أســــوم بيهو الروح عديل
وأشوف لا وين لىْ يودى .. عنــــادك والمستحيل
أعصفى شوق لا تهدِّى.. يخـُـمْ فوق راسى ويكيل
أنسى أو اتناسى ودى.. وميلى خــــــلاف ما أميل
هيا ادعى زبانية عذابك .. إذا شايفـــــة البى قليل
إذا ويلك عندى جنة .. أكيد بعشــــــــــق كل ويل
سوى سواة قوم آزر .. وقــــــــــود نارن للخليل
ونارك برداً سلاماً .. على قلباً بيـــــــــــــــك عليل
أدفرى قواسيك علىَّ.. مجـَــــــــــرَّبْ وليهن بشيل
وحتى الضالات طريقن .. علىْ ببقـــــــــــالن دليل
يسوِّن زى ما يسوِّن .. شنو الأكــــــــتر من قبيل
شنو الفضَّل منى يرقب .. بزوغ الفـــــرح الجميل
جفاكى هجيراً يحرِّق .. وأكوس فى حنـــــِّك بديل
وضل الدوم يرمى غادى.. ويحرم التحتـو المقيل
صواريخ لحظك وسهامك أفوت من ديل ألقى ديل
وأقـــع بيناتن ممدد .. والم باقى الصبــــــــر حيل
متل ما الله حباكى .. نواعس وطـــــــــــرفاً كحيل
سيوف تضرب بين لواحظك تكاد تسمعك الصليل
حبانى مواضى القوافى .. شياطين أشعــارى خيل
أجاجيبا أمثال عيونك .. واتشرف أمــــــوت قتيل
عشان لا بسعد بلاهن .. ولا غيـــــــرن لىْ سبيل
ولا بقدر أفوت حِدَّاهِنْ .. ولا بيحــــــلالى الرحيل
خصامك وشدة قساوتك.. أخير من عطــف البديل
يقل غلطك والا يكتر.. يقابلو الشكـــــــــر الجزيل

أبو وائل

03-10-2010, 07:04 AM

أبراهيم بن عوف
ليل الغلابة

شيلنـى .. يـا ليـل الغـلابـة .. ولِمـنـى
لفنى .. أبلعنى فـي جوفـك هنـاك وضمنـى
.. ضمنـي الـيـل الغـلابـة ..وضمـنـى
أنـا بسألـك بالفيـك مسـك قلبـو وشـهـق
بالبيبـكـى ودار تشـقـه العـبـرة طـــق
بالكتـم ســر حـبـو لا بــاح لا نـطـق
قول لى مخلوق حظى منك ولا من حظى اتخلق
إنتـظـر حدثـنـي لا تـعـجـل تـفــوت
يبقـى مـا تلقـانـى بـكـرة وراك أمــوت
ودا إن حصـل ألبـس ســوادك وحـدّنـى
مالـك استغربـت يـا ليـل فــي الـكـلام
مـاك عـارف الدنيـا فـي عينـي ضــلام
والقليـب عميـان يفـتـش فــي الـزحـام
لـى قلوبـاً طيبـة مـا عـرفـت خـصـام
وفـى زمنـا الطيبـة راحـت ومـا اتلـقـت
وفـوق دريبـا جريـت والكرعيـن حـفـت
والبقول يمسح دمـوع عينـى يذيدهـا يتمنـى
ان بقيـت ودرت اسمـي تعـال لـي جـاي..
ما انا الزول المسطر فوق جدار صمتك غنـاي
ماانا الروح المعذبة في منامي وفـي صحـاي
ماانا الفي الواطا قاعد وشايفه فوق نجمك مناي
ليـك حـق لـو ماعرفتـنـي مـيـن انــا
انـا ماالوليـد الشفتـو قـبـال كــم سـنـة
وهسةجيت لقيتو فـوق عصـا الريـد متحنـي
ماغريـب الحـب يقـرض الـزول قــرض
انا ياني واحـدا فـي حطامـه علـي الارض
بس الغريب انـه الظـروف تفـرض فـرض
الا اعيـش فـي دنيـا لاطــول لاعــرض
والقـدر يلعـبـي بـيـن يمـنـه وشـمـال
وابقي زي عصفور كسيـح فـي ايـد عيـال
كيـف يطيـر ؟! وجناحـو مكسـور منتنـي
ليلـي اسـرع بـي تعـال شــد الـرحـال
لـي عوالـم بيـن نجومـك مـن .. خـيـال
يبقي اصـادف بختـي بيـن طرقاتهـا ضـال
أجيبه أرجـع أجـي ألقـي ظلـم الدنيـا زال
.. يـلا قٌبّـال تطفـي شمعـاتـي الـريـاح
وقبلمـا يـنـزل عـلـي الدنـيـا الصـبـاح
وقبلـمـا تـنـزل مصيـبـة .. تخـمـنـي

أبو وائل

03-10-2010, 07:06 AM

أبراهيم بن عوف
ليمة
بتعذب واقـول تسعدنـى منَّـك يـا جميـل يـوم ليمـة
يتبـدل جفاكـى محنـة وهجرانـك يزيدنـى عزيـمـة
آمالـى البنيتـا عليهـا مالـى الليـلـى دُر تحطيـمـا
كيف غيرك أعيش فى الدنيا غيرك كيف يطيب لى نعيمـا
عارفة الفرقة نار فى ضلوعى كيف يرضيك أصالى جحيما
أرحم سيب صدودك حبى . يامـا عليـك قلوبنـا رحيمـة
إيـه فايـدة شقايـا وهمـى وعينـىَّ البكـبـن ديـمـة
ساهرى مع النجوم ترعاها تبكـى شبابـا تنعـى قديمـا
تبكى تقـول حليـل الماضـى محتـارة وجفاهـا نديمـة
كل ما أقول أكف دمعاتا ألقـى دموعـا جاريـة هميمـة
جابتنـى المقاديـر ليهـا فـى البيـت القصـادو النيمـة
لابسة الطرحة تقدل بيها ذوق وجمـال وطلعـة وسيمـة
مخلوقـة تـراب الجنـة والطيـب خالطوبـو جسيـمـا
كان حاكى القمر محياهـ ا لـو مـا فـى القمـر ضلِّيمـة
عش فى الدنيا ما شُفْ غيرو نـور فـى داخـل البليمـة
فى خديها شاهد روضـة فايحـا عطـورا جابـا نسيمـا
ديسا هدل كثيف وتجرو كـل مـا تمشـى ياطـا قديمـا
إن بسمت تشوف فى سنونا برقـاً يحكـى بـرق الغيمـة
آه أنا من قنابلو صدير ا روحـى أصبـح عليمـا كريمـا
من نظرات عيونو الجارحى قلبى خِرِّبْ خـراب لا ديمـة
حبها شال سحب عقليتى مـا ظـن تانـى تبقـى سليمـة
أشكى لمين وأصارح مين الحـب عنـد أهلنـا جريمـة
كت فاكر بحـورا بعومـا لكـن صوبـت بـى الشيمـة
لى بر السلامة تعود بى يا الـزرع العنـب فـى خشيمـا

أبو وائل

03-10-2010, 07:07 AM

أبراهيم بن عوف
ما غلطان

ما غلطان طريق الحـب مشيتـو !!
اتعذبـت ايـه ذنبـي الجنيـتـو ؟؟!
طريقـا لاعرفتـو .. ولا دريتـو ..
لقيـت القبلـي سايرنبـو ومشيـتـو
يا جميل ليه بالهجر والصـد مليتـو
انا لارجع لي اولو ولا اخره جيتـو
***
النـاس البعـاد والفـي جــواري
مالن يحكو فـي سيرتـي وخبـاري
انا النيل والفـرات مابيطفـو نـاري
غـيـر لقـيـة حبيـبـا مالقيـتـو
***
مـاك عارفنـي سهـران الليـالـي
ليه تتابع ديل يحرموك من وصالـي
قلبك اسالو ان كـان يرثـي حالـي
وتعود للفـي سجـون الريـد نفيتـو
***
رسلـت السـلام يـا اللـي مفـارق
ليك يبقي حصن حصين من كل طارق
اذكرنـي بـيـه مــع المـشـارق
وقول ياحليلـو زول حـب وسليتـو

أبو وائل

03-10-2010, 07:09 AM

أبراهيم بن عوف
بكتب ليك
مالى أنا كل ما أقول فى نفسى إتلمينا
ألقى أقدارى تضحك .. لى تقول كضِّاب
وكل ما أعمل حساب لظروفى
زى الما عملت حساب
مالو فراقنا مترقبنا .. دون خلق الله
واقف ديمة عند الباب
وأعمل إيه .. عشان يختانا جاى أو جاى
وبينَّا وبينو يبقى حجاب
ونشوف الدنيا موكب فرحة
لينا تغنى بى ترحاب
وتدنى عليِّا آمالن .. بشوفا سراب
ويهل سعدى .. ونجم سعدى ..
بعد ما منِّى طوَّل غاب
وأقيف خاشع .. وأقول يا الله
كل النَّاس يكونوا أحباب
***************
بكتب ليك وأطوِّل فى كتاباتى
يفيض إحساسى وأملا الدنيا
بى كلمات خطاباتى
بجمع ليك لغات الدنيا وأكتب ليك
بى لغة العجم مرات ..
وبالعربى الشديد وفصيح ..
وبى لغة الملايكة أحيان ..
وبالسريانى والتسبيح ..
وفوق كل ذرة فى ها الكون ..
بكتبا ليكى وارسلا فوق بساط الريح

بكتب ليك على الأشجار .. وفى الأنهار ..
ومحل ما تمشى قدامك
تلاقى حروف رسالاتى
لأنك إنتى من ذاتى .. وفى ذاتى .. يا ذاتى
ومهما كتبت ما بقدر أعبر ليك عن الجوايا
مهما طاوعت أقلامى كلماتى

وليه ما أكتب وإنتى الماضى بى أحزانو
بى أفراحو والمستقبل الآتى
كتاباتك شوية خلاص .. ورسالاتك شوية خلاص
علىَّ الفى منامى أحلام .. علىّ الفى صحاى وسواس
وأنا الراجيكى تكتبى لىَّ .. كم دفتر وكم كرَّاس
منَّها داير أفصِّل جبة وانْدروشْ ..
وكمان طاقيِّى فوق الراس
ومن كلماتا أسوى السبحى والبخرات وكم حجبات
أداريبن عيون النَّاس
كمان تقروقة .. وفى محراب هواكى اجلس مع الجُلاّس
واخلى الباقى واتغتابو .. لو بعدك غشانى نُعاس

أنا الراجيكى تكتبى لى ..
كتاباتك تكون فى الظلمة لى نبراس
أنا العايش فراقك لى ..
بشوفك فى عيون النَّاس
وعازرك لو كتبتى قليل ..رضيان بيهو
ما دام بى وفا وإخلاص
أريت يومن فرقنى معاك ..
يكون محذوف من التاريخ ..
وتبقى أيامنا ستة .. ونبقى فيها قراب
أريت بلدن تحرمك منى ..
لو ما إنتى تبقى خراب
يسكن فى خرابا البوم ..
ويتصايح عليها غراب
تولِّع فيها نار الله ..
وتصبح كوم رماد وهباب
وتمرقى إنتى والنَّاس المعاكى قراب..
وما دعيت خاتي الا الفراق اسباب ..

أبو وائل

03-10-2010, 07:10 AM

أبراهيم بن عوف
السحيبات
أبكن ياسحيبات ماكفاي بكيت
وأديكن روا .. وأنا بالدموع ما رويت
ترا الفيهم حنين يبكي ويبكي بكاي
وأحدين قالو يا ود بنعوف جنيت
كان جنيت كتير من جن ماني براي
دي المكتوبة لي وان بي قسمتي رضيت
من فارقت واديك قلت تميت حول ..
كيف يبقة العلى وأنا للسنين عديت
أنا صابر يا سحاب حولا وراهو الحول
وعارف يوم وقع فى حبو ما سميت
تراك وسط الدوع تضحك بريقك شال .
أما انا يا حليلى العمرى ما فريت
روح يا سحاب فلل عليك الليل
وبلغ لى السلام لى دارو ان مريت
كلمو بالحصل لو تانى لى يعود
وأوعة تعاتبو شان يزعل يقولك أبيت
وبعد الحول تعال غاشينى
برجاك فى محلى دة أنا بقيت حييت
وان بقة ما لقينى ابك على ونوح .
واعرف انى مت بى شوقو واتفكيت

أبو وائل

03-10-2010, 07:18 AM

أبراهيم بن عوف
تقدر تقولي تعتذر
تقدر تقول لى تعتذر أيه الحماك ؟
تكتب ترسل لىّ ولاّ جفيت براك ؟
***
وين رسايلك لىّ عاد .. قول لىّ يا أجمل ملاك
ما مرّن إسبوعين تمام انا فى إنتظارك وفى رجاك
ما كان فى داعى عشان أقول ما انت عارف الحال براك
يرضيك أكتم الريد واموت ولا انفضح للناس وراك
***
كلما تجينى رسالة اقول ياروحى زولك دوب طراك
تقلدنى قوّى من الفرح وكتين أقول جوابا جاك
لكن فرحنا يعود دموع وألقاه تب ما خط يداك
ساكت بلا بالشوق عليك شحتف رويحيى المشتهاك
***
ولا انت خلاص نسيت العشرة لمّا رحل هناك
ونسيت قليب كان ليك رفيق ياحليل خُطا السارِن معاك
ما كان بيتمناك سعيد ما كان بيشقى عشان شقاك
ومن حبه ليك بس ما فضل غير فى التراب يحضن خطاك

***
والله لو تسأل على أنا حالى بعدك حال عِداك
دنيايا ما زارها الصباح والنوم جفانى رحل معاك
وزمانى اقولو كفاى هموم يرجعلى تانى يقولى هاك
ياهو المقدر ياحبيب والدنيا مابتديك رضاك
***
أنا غايتو ناذر حبى ليك لا يحب ولا يعشق بلاك
حتى إنبقيت بالحب ودِر وشارف على درب الهلاك
ما دام سعادتى بشوفا فيك .. ما دام حياتى بقت هواك
فى الدنيا أحبك للممات وفى الآخرة برضى كمان معاك

أبو وائل

03-10-2010, 08:06 AM

أبراهيم بن عوف

مناي شوفتك كل ساعة

مناي كل لحظة أشوفك .. مناى شوفتـك كـل ساعـة
فراقك بكاهـو قلبـى .. وكتـل فـى نفسـى القناعـة
أطرى يومة ودعتـك الله .. وعيونـك باكـى دمَّاعـة
غلبنى أقلدك وأوادعـك .. حمتنـى عيـون الجماعـة
حسيت بى كبدى واقعى .. اتغـرس سكيـن وقطاعـة
وأنا أتيتم بى فراقـك .. يتـم شافعـاً فـى الرضاعـة
زمانى الصبق الأمانى ..غدرنى وفـات بـى سراعـا
مالو كان إتأخر شوى.. هـو عـارف الفرقـة لواعـة
داير أعاين أمتع عيونـى ..عيونـى وراك وا ضياعـا
دى ما آخر نظرة لى فـى الوجيـه الكاسيـة الوداعـة
كتير سرحت بى الوساوس همومى غرقـت فـى قاعـا
بقيت بين أقعـد وأسافـر .. شكـوك نفسـى واقتناعـا
إن قعدت الناس مابتريح .. وفراقـك مالـو إستطاعـة
غايتو قسمة وقسموها لينا آب تردهـا كـف الضراعـة
وحاتك مجبـور أفـارق .. فراقـاً مـو بـى قناعـة
وأبيع روحى أنا ليكى وأمشى ومنو القبلى أنا روحو باعا
مالكاها ومالكى ساسا .. السمع ليكـى إنـت والطاعـة
ربيعا أنتى وعز شبابا .. وحياتـا بـلاك شـن نفاعـا
قدر مـا تفـرِّحْ .. تبكـى .. حقيقـة الدنيـا خداعـة
تلمَّـك لامـن توالـف .. وتفرقـك فـى أى سـاعـة
تخبى أقدارا فى أياما .. وتلـف حولـك بـى براعـة
تجيب تديك مـن عذابـا .. وشقاهـا البعقـب متاعـا
وداعـاً ثمـرة فـؤادى .. ودعتـك أميـن الـوداعـة
وحاتـك مابنسـى كلمـة العصيـر شاقيـن الزراعـة
ولا بتحلالى غير سيرتك .. وكت نحكى أنا والرباعـة
إن هدولى الجنة بى حورا .. ألقى فيكى نفيستى طماعة

أبو وائل

03-10-2010, 08:20 AM

أبراهيم بن عوف
الـــــوداع

حاولت جهدى أودعك لكنى وين ألقاهـا كلمـات الـوداع
أسجن دموع جوة العيون..يا ريتو لـو طرفـى استطـاع
كلماتى ما ممكن تجود بحروفا لى زولا يعيش لحظة ضياع
كيفن تجود بحروفا عاد .. بعد اللى كان فى ايـدو ضـاع
يا روحى جيت أودعك .. هو الزول بوادع روحو كيـف
قاسى ووحاتك ما بدور أيـام ربيعـى .. أعيشـا صيـف
والله أبقى زى مويتن تتوه .. لا قادرة ترسـى ولا تقيـف
بتهاتى لى عينيك دوام .. شـان تحضنـا وتبقـالا قيـف
شايل هموم الفرقة جيت .. واقف أمامـك فـى خشـوع
شفتة الوجود قدامـى أظلـم .. وانطفـت كـل الشمـوع
وبقيت أقول كلمات حزينة .. بآهة مـن داخـل الضلـوع
لكن قبل ما أقولا ليكى .. ألقاها ضاعـت فـى الدمـوع
لا تقولى من بعد الـوداع أنساكـى .. لا لا دة مستحيـل
ذكراك بشيلا دموع فرح وفى خاطرى كل صباح وليل
وساعـة لقانـا وأمسياتنـا .. وكـل أفراحنـا القبـيـل
شايل على درب الزمن ذكراهـا ..مهمـا يكـون طويـل

أبو وائل

03-10-2010, 08:22 AM

أبراهيم بن عوف
افـوض امـري لله

قلـت اصبـر افـوض امـري لله
مادام الزمن عاكسني ضوقنى المزلة
***
البقول الحب محـن ماجابـا زلـه
تايـه فيـه لمـا شبابـي .. ولـي
يوم من عمري ماشـف خيـره الا
غيـر همـو وعذابـو الـي حلـي
***
الغـرام قفلـت بابـو علـي طـلا
فكر فـي الشـراد مالقيـت محلـه
كرهت الدنيا حالتـي بقـت مملـه
مالي دون خلق الله فوقي وتحتي مله
***
لي منو اشكيه الاذاني بقالـي علـه
سلب لحمـي ومنـام عينـي قـلا
مادام قاضي فـوق كرسيـه اتعـلا
وكمان كتل النفوس في شرعه حـلا
***
وادي الزارعو سيدو ثمـاره اندلـي
مسكين مابيضوق لي سعـرو غـلا
النموت مادام زمان الرحمـة ولـي
يبس شدر الحنـان نمـت المزلـة
***
ساعة مال وانفدع ولي ايـدو تـلا
برز لي حـراب صـدرو المعـلا
سبل لي رموشـو وحاجبـو عـلا
نفسي انـا لاطلـع لاتانـي اندلـي
***
انـا الخاتيـه فـي اعظـم محلـه
لكن كـان ده منـو جـزاي واقـل
مابنـسـاه لا لا والــف كـــلا
حبي انا عنـدي شـي يعلمبـو الله

أبو وائل

03-10-2010, 08:24 AM

أبراهيم بن عوف
عيني بالدموع ملياني

عيني بالدمـوع مليـاني عيني بالــــدموع مليانـــي
ماعـارف المحن بمشيلا ولا هي قاصــدي تتلقاني
***
ليه ما اكتب غنـاي بدمعي وامزج بالحزن الحاني
اشعار تحكي عن مأساتــــي تشـرح للبعيد والداني
***
داير اقـــولا ياخلق الله ياخلق الله مــــــالو زماني
لارحم الصغر في صغري لارحم الكبر في كياني
***
الناس في سعــاده وبهجه انا بحر الهمـوم ضماني
وين قـــارب نجاتي آخلقو ولا انا دايمــا الأخراني
***
ياريت السعــــاده قريبي كان تسمعني أو تلفـــاني
لكن كيف أصيـح ليها والعبرات معضــــي لساني
***
اهرب من دناي وين أمشي ياريت الامــاني اماني
طال ما الدنيا ياهـا الدنيا طال ما ياني ياني انا ياني
***
ياسجم السجم يابخـــــــــتي ياحظــي المولي وفاني
كيفن في الشقــــاوه عترتا والخير فاتني وإتعــداني
***
اه يامرتـــــــي المليــــــوكه يانار قيدي قيـدي وتاني
من مغصا مقطع قلــــــبي في جــــواي كاتمو لساني
***
اه ياقدري كـــون في همي راجيك من قبل ترجـاني
هـــــــم وأحـد بودر سيدو متلمــات علـــي تمــانــي
***
في ها الدنيا شــن ســويتا متعـــــــذب كانـي الجاني
شان لاتبــتا لااستغفرتا من حب زول مـلك وجـداني
***
حتي الكان كفر بي سببي دا بي صور الجمال أغراني
اصلي انا من لمحـــــتو كفرتا إتشهـــدتا وأســـلم تاني

أبو وائل

03-10-2010, 08:26 AM

أبراهيم بن عوف
مرسال القمر

طاريك وإنتَّ ماك طارينى .. يا الشوفتك بقت لى محال
حبيب أيه اللى شاغلك عنِّى .. وإيـه الغيَّـر الأحـوال
أنساك ؟ قول لى كيف أنساك وذكراك ديمة شاغلى البال
ومهما طال غيابك عنِّى .. حُبَّك فـى القليـب مـا زال
بقيت بعدك وحيد فى الدنيا .. تايه فوق دريبـك ضـال
أسأل فى النجم وين إنـتَّ.. وأرسِّـل للقمـر مرسـال
وديمة مع القمر تلقانى .. أساهر ليلى حـد مـا طـال
أحنِّس فيهو .. أقولو أمشيلو .. جيب لىَّ الوصية تعـال
وكتين القمر يتضارى .. ونجمن حولـو غـرّب مـال
فِرِحْ طِرْ .. بى جناح أشواقى .. حلق فى سما الآمـال
قلتَّ هدا القمر فات ليهو .. ليهـو بيشـرح الأحـوال
يحكيلو الحصل فـى غيابـو .. وآلام البعـاد الطـال
يبقى يحن يعيد الذكرى .. قلبـو بعـد نسانـى ومـال
يبكى متِلْ بكاى لى شوفتو .. يرجع لىْ يجود بوصـال
بقيت فى الإنتظار راجيهو .. محتـار والفكـر شغَّـال
أقول يا رب متين تجمعنى .. بـى خـداً كساهـو دلال
وأسعد بالكليمـى الطيبـى .. والبسمـة التَّسُـرْ البـال
وأشعر بالعلى فى حينو .. من فدْ نظـرة ولَّـىَّ وزال
أتاريهو النّجـم ضلَّلْنـى .. مـا راح للقمـر مرسـال
أتَّارى بنيت خيالى حقيقـة ..وإتقلبـت حقيتـى خيـال
وأتارى أنا كُتْ بطمِّنْ نفسى .. بى وصلاً بعيد ومحـال
والحاضنة ألأرض خطواتو .. مابنول فى الثريَّا منَّـال

أبو وائل

03-10-2010, 08:28 AM

أبراهيم بن عوف
سلام مطبوق

فسراع يانسايم أشواقـي ودن لـي السـلام مطبـوق
لاهلنا وجميع حبانـا فـي الحلـة التحـت والفـوق
****
هبي علي الشمال تلقيه ده المال فـوق جريـده يتـوق
يتراقص مـع نغمـات قماريـه .. التسـوي القـوق
بي طيبة الحنان يلقـاك يهـش ليـك ويطـول لفـوق
ويكتر في السلام يقلد مثـل عاشقـا لـي المعشـوق
****
هناك ساقةً محاضنة النيل تدفق فـي دمـوع الشـوق
تتبكي وتبكي الـزول وكـت نـص الليالـي تسـوق
باري جديولها اطلعي فوق وشوفي دحين شنو المسيوق
وبعدين بي بشيشـك لفـي قدّامـك شتيـل مكـروق
***
داك حالي الرحل مندلي جايـب للخضـار مـاروق
وداك بدر يحش في قشيشو عجلان باقي لاحق السوق
وداك قراع مقرن مويتو فتـران دار شـوي يـروق
عشان يفتل حبيل يربطبـو قادوسـا نعـس مطلـوق
ديل اهلي الحنان يانسمـة اهديهـم سلامـي وشـوق
طول داير ازورهـم مـرة الا قديمـي ..مامطلـوق
وان سالوكي عن احوالي البـي مايصيـب مخلـوق
تاهـت بـي مراكـب الغربـة لاريـس ولاواسـوق
****
والدرب المسافر بيه فـي طولـه بتهابـه النـوق !!
خمس سنين قعد في ظلامه ما بان لي صباحه شروق
اساهر الليل مـع الباكنـوا يتجـاري الدمـع سبلـوق
وابكي علي الزمان الفات وما اظن البفـوت ملحـوق
***
انسلب اللحم من جسمي واصبح طب عضام وعـروق
واما قليبـي لوشافـوه بـي نـار الغـرام مشقـوق
لا لاقي اليحـن فـي حالـي او زولا علـي شفـوق
وان بقي عاد دي حالتي البي ما اظن للسعادة اضـوق

أبو وائل

03-10-2010, 08:29 AM

أبراهيم بن عوف
أصبحت كيف ..؟؟
أصبحت كيف يازول موكر في الفؤاد
يازول .. معاي رغم المسافات والبعاد
ياخاطرة من نبض الشعر صحيتا من بعد الرقاد
جمعتها إندلقت حروف تنطق بحسنك أو تكاد
يازول هويتو ألم ألم وعود عيوني علي السهاد
نتلاقي في الإحساس دوام لا بينا وعد ولا ميعاد
***
في لقيا زي طلة شموس ترسم صفاها علي الوجود
تدهش عيون الناس جميع تأمر قلوبهم بالسجود
لله شان خلقك سمح وزادك سماحة بلا حدود
تعجز بنات أفكاري فيك تنقص وجمالك في إزدياد
***
ياريتني لو قادر أجمعك علي قلبي يوم وأتهني بيك
أو أطرحك من قسوة تستقبل رسايلي وكت تجيك
أو أقسمك ريد في عيون ياما كتير تسأل عليك
بعدت برازخ الأمنيات وحيرني صمتك والعناد
***
أنا ما لقيت رابط جميل ليك غير جمال الأغنيات
أرهقت شيطان شعري نام ونامت نجوم الأمسيات
دونت آخر خاطرة بيك في موقع البال الشتات
مستني ردك بين هواجس أحلامي والزمن الرماد
***
كلمني طيب خاطري بيك دقات فؤادي عليك سؤال
وين في محطات العمر نتلاقي لو كان في الخيال
أرويني قصة حب عفيف وأكتبني في خاطرك مقال
زملني تحنانك حنان دثرني عطفك والوداد
***
ما كان هواي مسة جنون تتواتا تعويذة وتطيب
أو كلمة من باب الخداع تغويك وينقطع النصيب
أجمع صوابعك وأفردن تلقي الحقايق ياحبيب
الناس معادن تختلف أخلاق طبايع وإعتقاد

أبو وائل

03-10-2010, 08:31 AM

أبراهيم بن عوف
طير الغروب

أسكـت كفاكـا رطـن
قبلك كم بكيت وكم من نفوس يبكن
***
بكاك الفـراق راحـل بعيـد تسكـن
ولا فقـد جنـاك واصبحـت متجـنـن
تـرى الفاقـد جنـاه وراه .. متيقـن
وما كل الرحـل فـارق ديـارو حـزِن
***
إنت المك ماهو زى ألماً على مُزمـن
وفقدك لو تقول زى فقدى ما ممكـن
فارقنى البريدو حياتى عـاد كيفـن
وفتقلى الجروح قبـل الجـروح يبـرن
***
نيران الغـرام فـى حالـى مابيرتـن
ساكنات فى عضاى يصّبحِـن ويمسـن
كـل الاشتكيلـو اقولـو لـى .. طمـن
يقولى ما بتطيب انت اتمكنت مكـن
***
كل أسبابى من زولاً صغير فى السـن
سيافـات رموشـو والعيـون يـرمـن
بسمة فاطرو تضوى الليل بعد يدكـن
وان جيت للخدود جلّ العلى الصنعـن
إتحيّـر بقيـت فـى أمـرى متمحِّـن
أحفّر فى الارض مرات براى وادفـن
حِيلـىِ معـاه لا بجيـبـن ولا بــوَدّن
دا الغارى الجمال وفى طبعه متعجِـن
***
داير اكتبلو أقولـو قليبـى متبشتـن
يتوحـوح كتيـر ريشـاتـو يتـهـزِّن
يبكى الماضى وأفراحو الرحل زمنـن
مسكين ما لقى الفى حالو يرتى يحِـن
***
قالك فى شبابـك يـوم أخدلـك إذن
لاترجّـى الاجـازة دة للإجـازة بـجِـن
لو فاكر حيصبر زى قبيـل مـا أظـن
يتصبـر وراك ربـع القبيـل صَبَـرِن
***
من وسط الجحيم ليكـم رسايلـو بِجِـن
ويهدى ليك سـلام وتحايـا مـا بغِبّـن
ما أشرق صباح بى يوم جديـد يعلـن
وما عانق نسيمو فريع رطيـب ولـدِن
***
ما سالن دموع فـوق الخـدود يجـرِن
وما ناح العشوق يبكى الفراق وغِبِـن
وما سهرن قلوب جار الزمـن ظلمِـن
وعَد ما ابواب وصالك ليـه يندسـدن
***
إبتدى فى الكتابـة عيونـى يتقـدِن
زكلما كتبت كلمة القى الدموع يمحِن
خليت الكتابـة أهيـا الدمـوع صُبِّـن
واجرن لا تقيفن وفى الصبيـب جِـدِّن

أبو وائل

03-10-2010, 08:32 AM

أبراهيم بن عوف
فرحة المحزون

ضميـنـى ضميـنـى يــا فـرحــة الـمـحـزون
لا الصبر قادر اطيق لا الضم معاهو سكون
يـا عايشـة فـى جـواى بيكـى الفـؤاد ملـيـان
أنـا مـن بعيـد جاييـك شـارد مــن الاحــزان
غفلتـا قــدرى وجـيـت لاقيـنـى بالاحـضـان
لفينـى فـى جيـدك طــوق والبسيـنـى كـمـان
ورينـى كيـف بيكـون دفء الحـنـان بحـنـان
ما انتى لى وانـا ليـك رغـم اليكـون والكـان
انــا شـاعـرا غـنـاك فـــى اروع الالـحــان
وانا بين يديـك فنـان والفـن جنـون و جنـون
شن داير اقولـك عـاد مـا القـول علـى تقيـل
انـا والنجـوم شـهـاد مــن ديــل اتـابـع ديــل
تنكش كلاب الشوق فى جوفى طـول الليـل
لامـن لحقتـا المـوت المـوت ابـانـى عـديـل
يـومـا يلمـنـى فـيـك يـومـا صـعـب بالحـيـل
كـتـرتـلـو التـحـنـيـس كـمـلـتــو الـوســيــل
حـلـفـتـو بـالـقــران خـصـمـتـو بـالانـجـيـل
وناديتـو مـن سجيـل خيـب رجــا الممـكـون
ولهـان عليكـى قليـب يهـواك يحبـك مــوت
صبـرتـو بـالآمـال صـبـرا غزلـتـو خـيــوط
شـان مـا يميـل للغيـر كرهتـو فـى البـنـوت
وسـدتــو بـالاحــلام ختـيـتـو فـــى تـابــوت
رهبنتـو ليـك رهبـيـن فـوّتـو فــوت الـفـوت
حفظتـو زكــر الـريـد يـذكـر مغـيـب يــوت
لامــن بقـالـو كــلام لامــن بقـالـو سـكـوت
ونزرا على مكتوب والله يكـون فـى العـون
سامحينى كـان ذليـت وكلامـى مـا ارضـاك
الناس تسامح الناس وانتـى السماحـة بـراك
يــا رقـــة الحـلـويـن يـــا قـســوة الـقـسـاك
بـى زاتـك اتوسـل طالـب عفـوك ورضـاك
مديـلـى حـبـل الـريـد قويـهـو مـــن تـــالاك
خلينـى اكـون عايـش علـى انـى يـوم القـاك
يبقـى السعـد يصـدق وتمـسـك يـدايـا يــداك
وا شوقـى لليـوم داك يــوم يقـعـد الـمـاذون

أبو وائل

03-10-2010, 08:34 AM

أبراهيم بن عوف
قلب السجم

يا قلب السجـم يـا المـا لقيتلـك هـادى
برغم الحصل ليـه فـى الغـرام متمـادي
كر قبلك وبراك ياالليـل زمـن ماعـادى
قول لى شن وداك فى قبضـة الصيـادى
يا قلبـى العنيـد لمتيـن تصيـح وتنـادى
والتهواهـو منـك راح مقـبـل غــادى
فات خلاك وحيد فوقـك همـوم متـرادى
لى محنا متل سحـب الخريـف متقـادى
ان كان ماك شقى وداير عذابى وراضـى
آيه لاقيهو فـى حبـوا الدرعتـو قـلادى
تنسج فى الأمانى وفـى خيوطـا تسـادى
فى واديك تتوه والنـاس بعيـد فـى وادى
جاك صايبا جديد عكـر صفـاك الهـادى
ولاّ ده جن عديل الجـاك ده منـو مبـادى
انا ما غلبتنـى وغلبتـا معـاى أجـوادى
خليتنى أشكى لى خلقوا القريب والغـادى
وصيتك كتيـر وكتيـن دحيـن ماراضـى
اتعذب براك وانا تانى ليـك مـا فاضـى
انتا يا الضيع عميرك كلو حاصل فاضـى
فى دى عيون جميلـه وداك خديـدا نـادى
قبيل وكتين نصحتـك ولـى تابـا تلاقـى
انت ما عارف الظلم عند البنات شىء عادى

أبو وائل

03-10-2010, 08:35 AM

أبراهيم بن عوف
أقداري سيري

سيـرى يـا اقـدارى سيـرى بـى محـل تسيـرى
شن يهمك غير عذابى انا اصلى زول مجهول مصيرى
كت بأمل ومانى عارف حالتى بيك تكـون عسيـرى
تطفى شمعات الأمانى تخلـى كلـوا ظـلام عميـرى
ابكى شن فايـدة بكـاى والعلـى مـاك دار تزيلـى
من قساوتك مانـى لاقـى حتـى كلمـة وآشريـرى
انا شن بدور بالفرحة تانى راضى بالدمعه الغزيـرى
عمرى مكتوب لى انوحو وقلبى رماضـه وهجيـرى
وانا قلبى فى النيران يشابى برضو اقول يا نار اجيرى
السعاده انا وين اشوفها بالهمـوم عميـان ضريـرى
ان كت متل المتلى راجى الجرتقه وربـط الحريـرى
فى صدى زغروده ضجت لملمـت كـل العشيـرى
والتمـر بالفرحـه صفـق عمـر الـدار الكبـيـرى
فوقو قمرى ترك نواحو غنـا سايـر يـا الدخيـرى
والرباب فوق قوزنا جافـا نومـه للدغـش البديـرى
حسوا بارى النسمه غرب عدى بـى بحـر الدميـرى
والقريـر بشعـاروا غنـا ليهـا كترتـى الشكيـرى
لابسى اُسلى خضارها ترقص قالدى مساوى الجزيرى
ما حرام بعـد الأمانـى علـى دون النـاس تغيـرى
زول اريدو متل عيونى مش حـرام يصبـح لغيـرى
ماحرام يا ولاد تارتـن زول تـلال مـرات تغيـرى
تحرميهو مـن ابتسامتـك تبقـى بالآهـات جديـرى
واصلك انتى إن جيت تظنى قلبى مظلـوم ماتجيـرى
واصلو عمرك ما سمعتـى زول سولـو الضريـرى
داير اقولك قبـل افارقـك ياهـو امنتـى الاخيـرى
خلى كفنك يبقى كفنـى فـى عيونـه يكـون قبيـرى

أبو وائل

03-10-2010, 08:36 AM

أبراهيم بن عوف
أعز إنسان

يا أعز إنسان .. لىّ أنا يـا أعـزّ إنسـان
مانى غريب عليك .. يى عاشقك .. الولهان
جيتك ومن سجون الريد بدور لـي ضمـان
ماتصارحنـى قولـي لـي بكـل .. أمـان
فـي قلبـك دحيـن خاتينـى ياتـو مكـان
قربتك .. وبينك وبينـي .. كانـوا أزمـان
طريتك .. وفكري في عالم مـن النسيـان
خاشع مبتهـل طالـب الإلـه .. سبحـان
يجمع روحي بي روحك .. يعيشوا أخـوان
بريدك وريدتى ليـك ريـدة عيـان وبيـان
وقولة أنساك عندي بعيـدة فـي الحسبـان
كل الدنيا مـن غيـرك .. أشوفـا هـوان
وحتى أفراحي فيها غيـرك تبقـى هـوان
أشيلك في عيونـي عليـك أظـل سهـران
وأسكب ذاتي في ذاتـك .. وأجيـب أوزان
أردد في حـروف أسمـك بـراى نشـوان
يعقب فـي صـداه معـاى .. كُـل لسـان
أخلى الكون فرح يرقـص معـاى طربـان
تغنـى طيـوره تتمايـل مـع الأغـصـان
ليه بغنـاك مـا أكسـى الوجـود ألـوان
وأنا المكتوب لي ( أحبك ) وليك أعيش فنان
تعالى وضمي صدري عليـك بـي تحنـان
ورجّعى عمري وكتين كـت مـع الحبيـان
بيكى نسيت شقاي .. وكل العـذاب الكـان
وفيكى لقيت حنـان أمـي الفقدتـو زمـان

أبو وائل

03-10-2010, 08:38 AM

أبراهيم بن عوف
دون العيون

أنا أخترت من بين العيون ياغالية عينيك أعشقا
وأخترت شوفتك كل يوم لو حتى شوفتك أسرقا
لكني مالاقي الفرح لا في البعاد ولا في اللقاء
وما من هواك .. أنا أصلي عاد خلقوني من طين الشقاء
مديت كتير حبل الصبر لامن فقدت أنا أولو
ومن غير صبر بقدر أساي ياغالية شانك بحملو
بس لو سمحت ومرة بس داير قليبك أسالو
حافظ معزّتو زي زمان ولا الحصل كان بدلو ؟
والله يا نور العيون أصعب سفر سفر الأمل
تلقاك تعاين في الهدف .. وما داري أنت متين تصل
كل الدروب جربتها وسافرت فيها عشان أصل
وفي كل مره الف وأعود من تاني لي نفس المحل
سيبي العواطف ديك بعيد .. وأنسي ريدك وقولي لي
أيه الفرق لو زول زرع أمالوا في أخصب ودّي
والتاني روح للبعيد وأختارلوا يا محبوبة صيّ
حايحصد الأول أكيد والثاني زي حالتي العلي
ولو جيتي تسألي عن هواي بالله أسالي عن هواك
تلقي الجواب نفس الجواب ماقلبي يادنياي معاك
أرجوك أوعي تفكري أنو قلبي يصبح لسواك
لكن لو فقد العشم يمكن أقولوا خلاص كفاك
أنا عارف المواجع لي براي أنا طول سنيني أبكي وأنوح
فقدت أحساس الألم ياروحي من كُتر الجروح
ومابلقي عارف فرحتي غير فيك يا أم وجهاً صبوح
وكفاية كل القلتو ليك .. أنا تاني مابقدر ابوح

أبو وائل

03-10-2010, 08:39 AM

أبراهيم بن عوف
الروح الشقياني

الـزول نسانـى وفـات صـدا ونجـع تانـى
كان منو ولا اقـدار مـا ذنبـى يـا اخوانـى
انـا شلتـو فـى الأعمـاق فرشلـو وجدانـى
واسميتـو فـوق الكـل بشعـرى واوزانــى
عاملـتـو بإحـسـان رقـــة قـلـيـب حـانــى
كات فى النهايـه إنسـان مـا قـدر إنسانـى
شان خاطرو ضقتا المر اسعدتو واشقانى
اوصيهـو بـالاخـلاص ينسـاهـو ينسـانـى
فقدنـى للتميـيـز بـيـن فـرحـى واحـزانـى
ناجيـت بعـدو الليـل مـال نجمـوا خلانـى
راقــد رقــاد المـيـل شـمـاتـى فـرحـانـى
اتـبـاكــا لــلأيــام والـعــبــره خـانـقـانــى
إلا الـدمــع مـــا فـــات نـــاراً مـوالانــى
بالله يـــا اشـــواق لـــى ويـــن مـودانــى
دى السكه طالـت بـى وانـا فيـه وحدانـى
مالـى غـيـرو مــلاذ فــى دنيـتـى الفـانـى
وان قلتـا منـو اتــوب يحميـنـى شيطـانـى
يــارب زى عـيـنـى عينـيـهـو سـهـرانـى
او حالـو نعـم الحـال نايـم غـريـر هـانـى
انا عارفو قلبـو بعيـد لـى قلبـى مـا دانـى
انـا ليـك شكيـت الحـال بالفيهـا مـا يـانـى
دايما اصيح فـى الويـل والدنيـا طرشانـى
يـاالله كـون فـى عـون روحـى الشقيـانـى

أبو وائل

03-10-2010, 08:40 AM

أبراهيم بن عوف
العيد مبارك

العيد مبارك والمراد ينتم حبيبى
ونقابل الجاى فرحانين نفارق الهم
فى بعدك بقاسى المرة وأتألم
واتصبر واقول المولى ليا قسم
أأخر فى شبابى الفات ويتقدم
ألا بس ما عارفو من عمرى المفضل كم
حبيبى بتعذب عشان عينيكى ما بندم
وغيرن ما شكيت لى زول ولا أتظلم
فى حورن بشوف سعدى وشقاى متلم
وريدن يجرى فى أعماقى مجرى الدم
حبيبى أساسق فوق دريب وصلك ولا بنجم
من شوقى العليك لى يأسى ما استسلم
كلما أمالى فيك قدامى تتهدم
أرجع بدموعى ... وبكرة فيك اعشم
حبيبى اجيك مشتاق وأقول بالبيا اتكلم
وانسى انا لما اشوف عينيكى تتبسم
اخشى انا فى عتابى معاك أتلوم
أنت زعلك ما بدورو وما بدورلك هم
حبيبى واشوفك زى عيونى ومن عيونى أعظم
ومنو الفى خاطرى صورته وفى لسانى نغم
غيرك أنتى ياالغيرك حياتى عدم .

أبو وائل

03-10-2010, 08:42 AM

أبراهيم بن عوف
رسالة ألي دار البقاء

شـعــرى الـحـزيـن يـــا يـمــه يـحـكـى
لـــيــــك كـــيــــف بـــعــــدك أنــــــــا
وكـيـفـن كـمــان فـــى الـدنـيـا رحــتــا
وتــهـــتـــا فــــــــى درب الــغـــنـــاء
يــانــى الـجـنـيــت عــلـــى الــزمـــان
أو كــــان زمــانـــى عــلـــى جــنـــى
شعـرى الحزيـن يـا يـمـه يحـكـى لـيـك
ساعة جن قوافل القدرة ساقنـك معاهـن
ورحـــتــــى لـــــــى دار الــخـــلـــود
سألتا عنك يايمه مـا خليـت دار (جـار)
وبـكـيـت عـلـيـك مـــن غـيــر حـــدود
ويـــن أمـــى يــــا نــــاس الـفـريــق ؟
نــــزلـــــت تــــحـــــت خــلــتـــنـــى
لـــيــــه مـــــــا كـــــــان تـســوقــنــى
فــى سـاعـة الحـلـيـب عـنــد الـــورود
ويـســكــتــونــى يـــايـــمـــه بـــــــــى
تــعــريــفــه أو حــــبــــات تــــمـــــر
ويـقــولــوا لــــــى أمــــــك مـــشـــت
ســــوق الــشـــرق وهــســـع تــعـــود
صــدقــتــا أنــــــا مـــــــا عـــارفــــك
يــايـــمـــه فــارقـــتـــى الــــوجـــــود
ومــــا عــــارف إنــــى وراك اكــبــر
واجــــــــرى بــــــــدرب الــبـــنـــات
قـلـبـى داك مـاهــو الـرهـيــف تـلـقــى
يـمـه يـشـابـى كـــل مـاواحــده جـــات
ولـــــولا الـعـمـيــر عـــنـــد ســـيـــدو
كــــان بـــــدرى سمـعـتـيـبـوا مـــــات
وقــصـــة شـقــاوتــوا وراء الـبــنــات
يـــايـــمـــه تـــــــــب مـابـتـتــحــكــى
يــــمــــرق صــبـــاحـــوا يــلــمــهــن
يــضـــحـــك مــعـــاهـــن يــتــبــســط
ويرجـع وراهـن تانـى للنـوح والبـكـى
عـذبـنـوا جـرحـنـوا مــــن الــجــروح
مـا لاقـى صفحـة عليهـا يـرقـد ينتـكـى
ومالاقى صاحب وجعة يبركلوا الفكـى
ناس المحنه يمه فاتو وخلو ينين يشتكى
أهو غايتو حالـى حالـوا مـا حـالا بشـع
لـلـيــلــى جــــــارى وراء الــبــنـــات
يــايـــمـــه لا اكــتـــفـــى لا قــــنـــــع
بـس الفضلـو تجيهـو بالليـل فـى المنـام
تـهـديــهــو لــــــى كـــــــان يـقــتــنــع
ولا انـدهـيـلـو يــمـــه رب الـعـالـمـيـن
والأولــــــيــــــاء والــصــالــحـــيـــن
إن كـــــان يــتـــوب قــبـــل الـعـمـيــر
فـــاضـــلـــوا تـــــــــو مـايــنــقــطــع
اهـو غايتـو حالـى يمـه نوحـى واسـاى
بـكـرة الـقـدر كــان جـــاب رواحـلــوا
وجـــانـــى شـــــــن خــلــيـــت وراى
غــيــر عــبــرة فــــى لــيــلاً طــويــل
ودمــعــات سكـبـتـهـا فــــوق أســــاى
وصـبـحـن بــقــن شــعــرى وغــنــاى
مايـاهـو قــدرى وجـانـى عــاد بـــراى
مــالازم اصـبـر كـمـان واتحـمـل اذاى
وعشان كده أنـا اصلـى مـا حدثتـا زول
ومـــــا دايـــــر زول فـــــى الــدنــيــا
يــــكـــــون مـــتـــعـــذب مــــعـــــاى
بس داير اقولـك شعـرى البهديهـو ليـك
امسـكـى عـنـدك واحـفـظـى وختـيـهـو
لــمـــن ولــــــدك الــغــنــاى يــجــيــك

أبو وائل

03-10-2010, 08:46 AM

إبراهيم بن عوف

ما غلطان

ما غلطان طريق الحـب مشيتـو !!
اتعذبـت ايـه ذنبـي الجنيـتـو ؟؟!
طريقـا لاعرفتـو .. ولا دريتـو ..
لقيـت القبلـي سايرنبـو ومشيـتـو
يا جميل ليه بالهجر والصـد مليتـو
انا لارجع لي اولو ولا اخره جيتـو
***
النـاس البعـاد والفـي جــواري
مالن يحكو فـي سيرتـي وخبـاري
انا النيل والفـرات مابيطفـو نـاري
غـيـر لقـيـة حبيـبـا مالقيـتـو
***
مـاك عارفنـي سهـران الليـالـي
ليه تتابع ديل يحرموك من وصالـي
قلبك اسالو ان كـان يرثـي حالـي
وتعود للفـي سجـون الريـد نفيتـو
***
رسلـت السـلام يـا اللـي مفـارق
ليك يبقي حصن حصين من كل طارق
اذكرنـي بـيـه مــع المـشـارق
وقول ياحليلـو زول حـب وسليتـو

أبو وائل

07-10-2010, 10:08 AM

إبراهيم بن عوف

وطني
وطني قلبك وقبل قلبك ولا غرابه
يلا يا تاريخ اقيف اسمع معاي ابدا الكتابه
طوف بلدنا من البدايه وللنهايه
من شروقه ولا غروبه من شماله ولجنوبه
كل قريه كل مدينه تلقى بلدي على الهدايه
تلقى في اللوح والدوايه
في ترانيم راعي بمزمارو يعزف وحولو سرحات السعايه
يلاا يا تاريخ اقيف اسمع ومعاي ابدا الكتابه
تلقى في الدوبيت وقت يحلى ويشق الليل مع ناس مهوي ليلا فوق ضهر المطايه
يا سماحه بت بلدنا الفي المكاتب وفي المصانع وفي الفصول بهمه شاغلاها القرايه
يلاا يا تاريخ اقيف واسمع معاي وابدا الكتابه
وطني سك سك لابسه مريم وفي اضان كلتوم فدايه
وفي حنان ام مقالدي وليده في اللولايا تقولو ان شاء الله تكبر يا جناي
في كلمة الطيبه كلمة وا شريري وجيت من وين يا جنايه
في حنين اهلي الغبش اهل الدباره واهل الدرايه
ويلا يا تاريخ اقيف واسمع معاي وابدا الكتابه
وطني الطيبه والاخلاق وقيدا للرجال خناق وطني كرم يوشل مي سحابه
ياهو مننا ويانا منو ولا غرابه ولا غرابه
يلاا يا تاريخ اقيف واسمع معاي وابدا الكتابه

أبو وائل

07-10-2010, 10:10 AM

إبراهيم بن عوف
المن الله واصل
أبكـى إنتـى وأنــا اللإتبـكـى .. الـمـن الله واصــل
إيه فى إيدنا غير ما نبكى .. نحكـى البينـا حاصـل
تعذبـنـى وتهـيَّـج نــارى .. قـولـة مــاك مـواصـل
إنتى ما عارفة السبـب مـن أهلـك الباقيـن عـوازل
كاسو فراقنا وبس دايرنى .. أحيا غريـب وهامـل
وأنا أرحم لىْ فـراق الدنيـا .. مـن عينيهـو ساهـل
أريتن عرفو روحى بلاكـى روضـاً زهـرو زابـل
مــن تلـقـاك تفـرهـد تـانـى .. زى الصـابـا وابــل
تلاقـى الفرحـة فـى عينيكـى .. للأشـواق تـغـازل
فوق جدول أمل يتجـارى .. يـروى الريـد مشاتـل
تسـألـى بالبسيـمـة التـايـهـا .. كـيــف بالله عـامــل
أخاف حزنك وأخبى البى معاكى أضحك وأجامل
عمرى العشتو كلو وراكـى .. بـى أحزانـو حافـل
لـكـن الصـبـر يــا روحــى .. كــل الفيـهـا زايــل
زى ما إنتـى تسألـى عنِّـى .. عنِّـك برضـو سائـل
وصورتك عايشة فى وجدانـى طالـع وبيهـا نـازل
ألقاك فـى الصبَّـاح وإشراقـو .. فـى نغـم البلابـل
فـى كلمـات كتبتهـا ليكـى .. تــب مــا قــالا قـايـل
لو بقدر أسيبك وأمشـى مـا أصبـح جسمـى ناحـل
ولا بـاريـتَّ درب الـريـد .. ودرب الـريـدة قـاتـل
ولا شقَّتْ مراكب آمالـى .. بقيـدا أنـا لسـة واحـل
ولا أمسيتَّ أنادى دموعى .. والليل نجمـو راحـل
هـم دايريـن يفرقـو قليبـى .. شافـو عليكـى مـايـل
منـو الفيهـم يفـرق النسمـة .. مـن زهـر الخمـايـل
مهمـا أشقـى أضـوق المُـرَّة .. ولـلأهـوال أقـابـل
أبداً يا كتاب حبى المقدس عندى مابيقراكـا جاهـل

أبو وائل

07-10-2010, 10:11 AM

إبراهيم بن عوف
وطـني علـيك السـلام
سلام موطني ومكان مهدي عليك من المهيمن ذي الجلال
ورحمته تعمك كل صبـــــــح اليك من السموات العوال
تصب حيافتحيا الارض زرعابسح السحب من قبل الزوال
وبركات يجثن على ثراك يجــــــود بهن غرسك من نوال
اليك اتيت يا اوسلي وكنت قتيل الوجد من بعد الوصــال
اسائل كل نسم منـــــك آت ويعجز ان يرد على الســـؤال
فأرسم صورة لك في البعيد ويعجز عنك نسج في الخيال
وكم من ليلة ارسلت طيفا لطيفك عله بين الليــــــــــالي
احبك يابنة الســــودان حبا على الازمان لم يخطر ببال
ففيه وجدت للايمان ركنـــا يريح القلب من نزغ الضلال
تسام الروح دونك وهي فرد فحبـــك جاء بعد الله غـــال
وكم سلم الذي خاض المنايا ورعديد يموت بلا قتــــــال
وإن كان الخليل يبث يوما لعزة ما بــــــــراه من الهزال
وشوقا قد اذاب اللحم منه وصار الجسم اشبه بالخــــلال
ومات مع التمني لسير حاف وجلسة خــلوة تحت الظلال
أعاد الحب روحه للخلودورقاه اللا رتب المعــــــــــالي
كذا الاوطان تصنع من بنيها رجالا يذخرون لكل حــــال
فمنهم من يفي الاصلاح حقا ومنهم من يموت على النضال
رضعت الشعرمنك كنت طفلا وجئتك شاعرا فذ المـــــقال
فأدهشني الذي اوحيتنيه بانك هالة في ذا الجـــــــــــــلال
كأنك غادة في يوم عرس يزف اليها ذو جاه ومـــــــــــال
كساها الزرع من خضر الثياب ولفها قرمصيص من رمال
فأنت لنبتة نسب وفخر وسحرك بابلي يغير بــــــــــــالي
ونيلك جاريا عبر القرون يجــــــــود عليك بالماء الزلال
اذا حل بك الغرباء يوماً يرون النخل رهطا من مـــــوال
ومن شهد المحاق على ثراك يخال اليه ينظر للـــــــهلال
وتاسعة الجنان على الاديم يطفن عليك ربات الحجــــال
تدانيهن في الاوصاف طراً وعيبك ان مالك للــــــزوال
فسبحان الذي اهداك سحراً وزانك دون غيرك بالجــمال
وارسل نسمةً تصحيك فجراً لتغسل وجهك انداء الطلال
وحببنا ترابك ان مشينا نخاف عليه من وطئ النعـــــال
وأما اليوم نفتح مصراعيك ليمشي عليك شريان الشمـال
نقيم لاجله الافراح عيداً للتاريخ اكبر احتفـــــــــــــــال
نقدم فيه للسودان عهداً ونحن الفاعلون بلا محــــــــــال
علمنا الولى قيم الوفاء نســــــــــــيربها على نهج الاوال
سنرجعه وريداً ما حيينا من الخـيرات والثمر الحـــــلال
فيا سودان نحن بنو ملوكٍ اقاموا العدل في الاول الخـوالي
وابناء اولياء ٍفي العصور اشاعوا النور بالنهج الرســالي
لنا في الدهر اعظم امهات نشأن على الشجـــــعة لا الدلال
يقدمن الاحبة والبنين لفوز بالشهادة في النـــــــــــــــزال
ويدفعن الاشاوس بالنشيد لخوض الموت في حرب سجال
ومابمهيرة الا مثال لربات كبرن على المثــــــــــــــــال
نعزك ايها الوطن المفدى وعزك اغـــــلى من نفس ومال
فأنت الآمر الناهي المطاع فقل لو شئت زحزحت الجـبال
نلبي لك النداء بإندفاعٍ كدفع السهم من وتر النــــــــــبال
ولسنا القائلين اذا دعينا لتذهب انت وحدك للقــــــــــتال
تعلمنا الشدائد كل يوم ونقتحم الشــــــــدائد لا نـــــــبالي
تزيد ضراوة ونزيد صبرا نبث الخوف في صدر الرجال
وكم متربص بك ذاق منا حمام الموت قهراً وهو قـــــالي
يسير النصر بيننا حيث سرنا ونحن له باصحـــــب وآل
فـيا وطني أحبك ما حييت احبك في مكوثي وفي إرتحالي
وأشهد ان لا وطناً ســــواك واشهد انك الشعب المـــثالي

أبو وائل

07-10-2010, 10:13 AM

إبراهيم بن عوف
مرارة اللقيا

وكت الزول يقابل زولو ما يدي السلام في تلاقي
الله من مرارة اللقيا في لحظة عميرو الباقي
****
يا سابل النظر تالاي مالك ما بتعاين لي
خايفة تشوفي حالي الفيهو ما انتي الفرضتي علي
حزني عليك اقول اخفيهو يفضحني ويبين في وشي
ما بين الحزن والذكرى تمتزج الدموع باشواقي
****
لا لا انا ما بكيت من ضعفي نفسي انا في هواك ابية
باكي علي ضياعك انتي اتنين راح يروحو ضحية
لو حكمتي نفسك تلقي بينك وبيني مافي قضية
الا بس الاباليس حامو واغروك ترضي بيهو فراقي
****
مهما ابعدوك منو دربي مهما قالو ليك وقالو
برضك عندي زي ما كنتي ياكي منى القليب وآمالو
قبلان بالشقى وراجيك ما الحب في شقاهو جمالو
لو ضاعت عهود الريد انا الوفا شيمتي واخلاقي
خليهم يساسقو ويجرو كل زولا فعالو قبالو
ان كان قدرو حققو غاية بي دجل الفقير وضلالو
معقول ارضي كتر ميسونا والطير ضحى شان اطفالو
****
مش لو كان عرق او ورقة لو جا الشيخ مع العرافة
وايه يعني الخصام بيناتنا عشان ناس المحبة سماحة
والفي قلبو اكبرواقوى من اقسى واشيلو قباحة
عنك قلبي ما متخلي لو قام السبيب في الراحة
راجيك يا منايا تطلي لي ابواب عذابي تتاقي
متأكد تكوني حسبتي فراقي وهسا ما مرتاحة
بينك وبين ضميرك عارفة بس ماك دايرة تقولي صراحة
معليش حاولي تاني وتاني لا بد الوصول للواحة
قلبي معاك خطوة بخطوة يا فرحي وشموس اشراقي

أبو وائل

07-10-2010, 10:15 AM

إبراهيم بن عوف
عينيك دنيتن تشقيني

عينيك دنيتن تشقينى وفيهـا القـى السعـادة ارتـاح
مرة تجود على تشفينى ومرة تزيـد قليبـى جـراح
فيهـا تمـر تعـدى سنينـى بـى آهاتـا والأفـراح
ويومن فيهو تنعم عينى ويومن كلـو اقضـى نـواح
حالفة على دار تفنينى وبرضى أبسم واقولهـا صـاح
مادام العلى راضينى كيف فى احكاما أدور لى سماح
يعدى شتاها صيفا يجينـى بـى حـراً شديـد لفـاح
ويبقى شرابى دمعة عينى اطمن فـى القليـب النـاح
اقول داك السحاب غاشينى شوف يى داك بريقو اللاح
اقول يبقى الخريف طارينى يتفرق عصـار وريـاح
وبى ده أنا كلو ما هامينـى لا لا ولا شبابـى الـراح
أداوى جراحى كاتمو انينى عارفو عذابى ليها مبـاح
تبسم لى كتيـر تغرينـى واحكـى للبلبـل الصـداح
وترجع بالسهر تورينـى ليلا مـا لقيتلـو صبـاح
لا لا وحاتا وحات دينى لو فى موتى ليهـا صـلاح
ماب أقبل كمان يفنينى بالموت غيـر سلاحـا سـلاح
ابقى إن مت سديت دينى وابقى من العـذاب مرتـاح
وبعدين ذكرتك تكفينى وشعـرى اليبقـى لـى منـاح

أبو وائل

07-10-2010, 10:17 AM

إبراهيم بن عوف
ماضي الذكري

ماعارفين حبال الذكري تنجـر فـوق قليبي سيوف
نرسمو خلا ما ضي الذكـري غدار في الغرام معـروف
***
ياخلا تعرفــو البيـا البي ما بتطـلو حـــــــــروف
ما لسـه وتـراي للي في سجـن الغرام مكتوف
***
الحال التوصفــو فيـه ظاهـر وللعيون مكشــوف
والله العظـيم كان تبكو لو شفتـو الدفين في الجوف
***
داجي علي ياخلايا اهيم البال علي مغـروف
ما جايب خبير للدنيا زي فاقد السمع والشوف
***
ناحل جسمي شاحب لوني زي زهرا ضبل ملفـوف
لكن الهمــوم والحسره زي الضاربي فوقي دفوف
***
ياخلا البريـده قليبي يوم لقياها ما معـروف
املتا وكتيـر راجيها خاب ظني ورجع مكـسوف
***
ماقادر اقـــول خلـتني او جارت عليها ظــروف
ولا قادر اطمن نفسي من فارق الظنـون والخوف
***
بقيت اشــتاق لليل اقول يمكن خيالا يطوف
يرجع لي صوابي افيـق يعـود قلبي القبيل مختوف
***
تمر سالت دقيش نسمات عبير طيـبا يفوح مسروف
يرد روحي ويبل شـوقي ويصيب جـرح الاسي المالوف
***
يعود الليل واعود لبكايا في ليلا طـويل مــــــــردوف
منداري من الجحيم يا خلا من فوج بالهموم مزفـوف
***
اسوق بين الدمـوع والحسره داير لصباحي اشوف
حليل شمسا تعيدو صباحي في دنيايا طـاقي كٍـسوف
***
قط ما كان غريب ياخـلا الحب لمصــــــايبو اشوف
من شدة هواي في دربو صار عندي العـذاب مالوف
***
يسعـدني اني صنتو هواها بادلتا العــــــذاب معروف
زي ما صان قليـبي هواها طوع في غناها حــــروف

أبو وائل

07-10-2010, 10:19 AM

إبراهيم بن عوف
نومي قريرة
نومى قــريرة فى خدرك .. إذا ما ضمـــــــاكى ليل
وخلينى أنا للدرادر .. وسهــــــــــاد الليل الطويل
معاك قبلان التحدى .. أســــوم بيهو الروح عديل
وأشوف لا وين لىْ يودى .. عنــــادك والمستحيل
أعصفى شوق لا تهدِّى.. يخـُـمْ فوق راسى ويكيل
أنسى أو اتناسى ودى.. وميلى خــــــلاف ما أميل
هيا ادعى زبانية عذابك .. إذا شايفـــــة البى قليل
إذا ويلك عندى جنة .. أكيد بعشــــــــــق كل ويل
سوى سواة قوم آزر .. وقــــــــــود نارن للخليل
ونارك برداً سلاماً .. على قلباً بيـــــــــــــــك عليل
أدفرى قواسيك علىَّ.. مجـَــــــــــرَّبْ وليهن بشيل
وحتى الضالات طريقن .. علىْ ببقـــــــــــالن دليل
يسوِّن زى ما يسوِّن .. شنو الأكــــــــتر من قبيل
شنو الفضَّل منى يرقب .. بزوغ الفـــــرح الجميل
جفاكى هجيراً يحرِّق .. وأكوس فى حنـــــِّك بديل
وضل الدوم يرمى غادى.. ويحرم التحتـو المقيل
صواريخ لحظك وسهامك أفوت من ديل ألقى ديل
وأقـــع بيناتن ممدد .. والم باقى الصبــــــــر حيل
متل ما الله حباكى .. نواعس وطـــــــــــرفاً كحيل
سيوف تضرب بين لواحظك تكاد تسمعك الصليل
حبانى مواضى القوافى .. شياطين أشعــارى خيل
أجاجيبا أمثال عيونك .. واتشرف أمــــــوت قتيل
عشان لا بسعد بلاهن .. ولا غيـــــــرن لىْ سبيل
ولا بقدر أفوت حِدَّاهِنْ .. ولا بيحــــــلالى الرحيل
خصامك وشدة قساوتك.. أخير من عطــف البديل
يقل غلطك والا يكتر.. يقابلو الشكـــــــــر الجزيل

أبو وائل

07-10-2010, 10:21 AM

إبراهيم بن عوف
الهوى يستحيل
أهواكي غصباً واحتمل ويلات هواكي جنس جنس
أهواكي طوعا كونو انو هواكي لي نبضا وحس
أهواك موهدب بين صراع اللقيا والخوف والوجس
أهواك قدر مكتوب علي كيفن من القدر احترس ؟!
***
وآضيعتي وضيعت فؤادي الفيهو حبك متغرس
ضيعت رسايلك واحرفه المن قلبي ما ختت الطمس
همسات غنيواتنا الزمان الكنا نسمعا بي همس
تحت الشتيله نناجي نحن الريده نحلم بالعرس
***
وآحسرتي وحسرت عيون ذرفت دموعا علي أمس
علي صفاكي وروعتك وحديثك العذب السلس
من بعدك الايام خلن والعيشة فيها بلا نفس
كيفن يضوق طعما ويروق زول فصل الاحزان لبس ؟
***
ذرّت أمانينا الرياح خلت عقاب حظي النحس
في دنيا ما تفرحني يوم فيك تاني ترجع وتتعكس
ارجاها بالحلم الضحوك تظهر لي بالوجه العبس
سدس السعادة تقسما وتحسدني في باقي السدس
***
عزيت سهادي علي المنام شوقرت طرفي الما نعس
بالشوق كويت جرح الفراق مع إنو تب ما بيتلمس
في نيتي اصبر والصبر للمتلي فوق طاقة النفس
إلا الصبر جواي مات يوم ما بقيت بهواكي احس
***
شايل عذابات السنين والجوة في الجوف يتحبس
واقف اناشد في الديار يا دار انطقي بعد خرس
قالتلي ما نست العهود ماها التبيع الريد بخس
الا الله يفعل ما يريد وابقي انت للتانين درس
***
كان الله فيك قسم النصيب ما كان شقيّ الحال تعس

أبو وائل

07-10-2010, 10:22 AM

إبراهيم بن عوف
كيفن أصـــبر قليـــبى
كيفن أصـــبر قليـــبى ... وكيفـــــــــن أعمــل حسابى
ما دام عشمى فى نظــــــرة ... والعندو النظرة مابى
بجرو غنايا أحكى ليكم ... تعالو أسمعـوا يا صحابى
حكــــاية الشافعى البريدا.. وريدا شقــــايا وعذابى
أحن لها حن القمـــــارى .. تقوقيبـــــا أوتار ربابى
واهوى الهوى فى هواها .. وهواها قرايتى وكتابى
منو القال ليكـــــم عقلتَّ ... وحاتكــــــــم جنيت دابى
بقيت لمان ليها أفارق ... أفارق عقـــــــلى وصوابى
أضيق لمتين ليها أرجع ... أخاف مايطول بى غيابى
أعاين زين فيها وأشبع .. وأزيد إعجاب على إعجابى
أشرِّق وين ما أغــــــرِّب .. وأشيـــل همى وإكتئابى
محل ما أمشى ألاقــــى طيفاً.. مشتت فكرى وحجابى
تطير روحى بعيد تغــــــازل .. خدودك زهر الروابى
تتعلق بين عيونا ... ورموشـــــــــــا البى فوقا كابى
قليبى يفارق ضــــــــلوعى.. يلاهى عليها ويشابى
بعيد مابيقــــــــــــدر يقاوم ... بريق البسمة السحابى
صديرن لما يتفـــــرَّ.. تبــــــق نار الله فى أعصابى
وقديلتن كيتن على .. وا نشاف ريقى وخــــم ترابى
حنينى ومرات بتقسى .. تقول فى نفســــــها اتغابى
إتغابى العرفة فيهو.. وا زرف دمعــــى ووا خرابى
صحيح أصبحت مملوكا .. أســوِّى أورادى وأزنابى
متل ما ملكت فؤادى .. أنا ملك شيطــــــــان الكتابى
أخاف ما بقــــــدر أعاتب .. أقول تزعــل من عتابى
أموت أحسن من هى تزعل .. أو تزرف دمعة كابى
عشانا أنا كم ضُقْتَّ مُـــــــرَّة .. عشانا مهمِّل عقابى
عرفت الله فى عـــــذابك .. إنتَّ خاف الله فى شبابى

أبو وائل

07-10-2010, 10:24 AM

إبراهيم بن عوف
حقو انت تحس براكا
البحبك مابيقوليك حقو انت تحس براكا
الله يعلم ياحبيبى روحي تشتاق لى لقاكا
يبقى ما عارف الحقيقة وقلبى كيف عايش هواكا
وماكا عارف فى غيابك حالتو كيف تصبح بلاكا
يبتسم يضحك يقابلك ويبكى بالدمعات وراكا
ويقرا فى عينيك سعادتو وسر ودار روحو وهلاكا
***
كلما أشرق ... صباحو تلقى لمّ اشواقو جاكا
وانتظر فى لهفة يسأل فوق دريب البص رجاكا
دار يقولك كيف صباحك ياحبيبو وطاب مساكا
وخوفو ما يقدر يقابلك ويبقى شال اللوم معاكا
***
لما جيت ليه مارجيتو ورحت فايت بى هناكا
ولاّ إتغيرت انت وحزروكا وما براكا
ولاّ شوقك ليه جابك إلابس خفت المعاكا
جيت شان تشرح ظروفك عارضك خجلك حماكا
***
لو صحيح قاعد تريدو متلو كان الشوق براكا
وكت ما بتقدر تفارقو ذى ماهو دار يوت يراكا
ممتثل خاضع يقولك ياحبيب داير رضاكا
ليه نسيتو ورحت نايم عارفو وا سهرو ان طراكا
***
تانى بعدك وين يقبّل ما بطيبلو العيش سواكا
ما بطيق .. يحمل فراقك وما يطيق يقدر قساكا
طرفو ساهد ربه شاهد حالو بالمر ما غباكا
ولِسّ جارى وراء حقيقتك ما استراح من يومو داكا
***
ما امتحنتو وشفت صبرو ماخلاص جرّب كفاكا
أوعى شيشك بى بشيشك ماكا عارفو جريح تراكا
لا تعذّبو .. ماهو مذنب أرحمو وخفف عساكا
ولو قسيت أو كان نسيت هوّ لا زال فى رجاكا

أبو وائل

07-10-2010, 10:25 AM

إبراهيم بن عوف
سماحة عيون
تشيلك تهاجر بلا إغتراب .. تثير في شعورك حلاوة العذاب
عجيبات عيونك عيونك عجاب
***
عيونك تحير عقول الشباب .. تعاين تغرود تقولك حباب
تقود لي عوالم الهوي المستطاب .. عيونك تعاويذ بتشفي المصاب
***
عيونك تشكل فواتح كتاب .. كتاب بين سجله الدعاء المستجاب
قلوب خاشعة تطلب جزيل الثواب .. دراويش ونوبه ومدايح شباب
***
مطيرة تبشر تبل التراب .. تساري وتفرح عطيش اليباب
يضاحك بريقا رواحل السحاب .. تصحي الأماني يخدر سراب
***
عيونك تجهجه فصيح الخطاب .. يحاول يعبر يخونه الصواب
يعاين رموشن تجذبه إنجذاب .. يصارع هواهن يكون فكره غاب
***
سماحة عيونك يقولوا الصحاب .. سماحة غنانا ونغيم الرباب
البفصل منانا وحديث كل باب .. (البشاهد) عيونك يكون غاب وجاب
***
سماحة عيونك رجوع للعقاب .. وكليمة أحبك تبروز خطاب
سمرنا وحجانا ولذيذ المطاب .. وقميرة فريقنا التتاوق الضباب
***
متين لي عيونك بتصبح قراب .. وأشوف الحنين في صفاهن مذاب
يشع فوق قليب بينه بينك حجاب .. يخاف التلاقي البعقبو الغياب
***
عيون في جمالن تسام الرقاب .. وعشانن يهونن قواسي الصعاب
سؤال لي جلالك يدور الجواب .. منو الشاف عيونك ورجع تاني تاب ؟

أبو وائل

07-10-2010, 10:55 AM

إبراهيم بن عوف
العشق المجنون

أديني أمانك .. أديني
واحات الريد ألفي عينيك
قوديني عليهن .. وديني
***
جاييك مرسون بي رسن الشوق
قايدني هواك من أرض النوح
شلت خطواتي قيود .. الهم
إتوطي علي قلبي .. المجروح
يا أمنيه لسع ميسها .. بعيــــد
في دابا صبر صابرينا .. يروح
ما دام الله سواك لي .. روح
هيا أسري في جوفي وأحييني
أحييني عشان أنظر محياك
ما خالقو أهداكي سماح الكون
وأهداكي عيون تحي .. وتكتل
وإن رادت شئ بي أمرو يكون
فتشت نواحي الدنيا وجيت
مالقيت لي شقاي من غيرك عون
علمتيني العشق المجنون
جالسيني وفي شرعو أفتيني
***
أفتيني في حكم الهوي بالذات
في نص المادة الفيهو تقول
(يظلم من حبا ولو مظلوم
لا شاهد لا دفعاً .. مقبول
ولو قتل الحب عاشق عمداً
العدل مع القاتل علي طول )
طيب ما ذنب المات مقتول ؟!
ما تردي علي .. حيرتيني
***
حيرتيني وحيرتي .. معاي
ناساً في الريد كان ليهم باع
شلتك جواي أشواق أشواق
وأبعد ما تكوني عن .. الملتاع
لو هنت عليك وهانتني أيام
خليني أجابد الأمل الضاع
يمكن يفرد للفرحة شراع
يعبر يم حزني ويرسيني
***
يرسيني علي شاطئ الأحلام
في عالم ما بحدو الإدراك
بهرت ألوان روضه طيورو
وغنت للخلد .. وما أدراك
نزلت أنجم ليلو أزاهر
أزهارو نجوم صبحو الضحاك
أهرب من ريدك وفيه ألقاك
ألقاكي وتاني تلاقيني ..
أديني أمانك أديني

أبو وائل

07-10-2010, 10:56 AM

إبراهيم بن عوف

شديرة الحن

لقيتك في زمن وخري بعد ما أتربت فيك رجاي
طلعتي من القدر نفحة وسماح قدراً يجيبك جاي
***
صباحك .. ياربيع مزهر نهارك .. ياخريف بكاي
ومساك..وكت يمسي الشوق علي هدب النجوم ناجاي
وأشيل طمبوري أنقنق لك عشان ريدك بقيت غناي
ده ريدك ألف ليله وليل وطول الليل علي الحجاي
***
رجيتك بالسنين ودنين أدودر في الصبر تالاي
وكت ضهر الصبر يتقص أقيف وألزم همومي براي
وأشوفك بين غيوم الشك بريق شايل الأمل ضواي
أشابي عليك مطير ينزل يغسل في دواخلي أساي
***
رجاك لا كان ميعاد بيناتنا لاعرفه ووصف هداٌي !
سوي صورة مجهجة فكري ترسما نزعه من جواي
وأقيف ما بين حنين رؤياك وجن العاشق الغواي
أمد إيدي علي المجهول عساي تصدف يداك يداي
***
أغنيك قبلما ألقاك وتخيل فوقك قوافي غناي
وألاقيك ياشديرة الحن بعد دردح غناك بلاي
شميسن في نهار واحد قدرة الخالق السَواي
شمس ضلاً سماي فيها وشمس حجبت علي رؤاي
***
لقيتك لاني حان للماضي لا ندمان عليه صباي
محطات العمر يمضي , وكمان , عجل الزمن جرَاي
سماحة الدنيا في عينيك ولقاك علي المودة جزَاي
جزاي علي الأقل شفتك وكت شوفتك علي كفاي

أبو وائل

07-10-2010, 10:58 AM

إبراهيم بن عوف

وين لاقيتك ؟!

قبل الآن أنا وين لاقيتك .. حسة عافي وراحة بال
إتمنيتك .. وإستنيتك .. رغم البين والأمد الطال
***
من وين جيتي ولي وين ماشي ؟! قبل إذيك وكيف الحال
قبال تملي مدارك عقلي .. وتدخلي باب الخاطره سؤال
وتطلعي من أفكاري قصيده .. تندا أشواق عبر الأجيال
تروي فصول أياماً ضاعت .. وسر الريده الما ينقال
***
يارب وين نحن إتلاقينا ؟! .. أبدا يوم ما كنتي خيال
ياها عيونك وصفرة لونك .. وفرة فاطر البسم الشال
ياها هداوتك حين تتهادي , تتهادي وينهادي هلال
كان ودرتك كنت أودر ذاتي .. ذاتي بلاكي بقاها محال
***
إتذكرتك بين بنوتنا .. وناس حلتنا وساحة الفال
الحوليك شالوك غنيوه .. وجاريه مشاعر الناس شلال
ترقصي يا الرقصتي قلوبنا .. وميلتينا يمين وشمال
قولة سيْ ما انقطعت منك .. إلا جنا الغزلان جفال
***
إتذكرتك رغم الواقع .. وطول أحزان ما بينا مجال
تسري سراة الليل ما تهجع .. تصبح وباقي الهم يتكال
كان الذكري تقرب نازح .. أو من حالي .. حال
أو قد مره يطاوع حظي .. وأصل النجم الماينطال
***
أيوة عرفتك .. وأتحسستك وصوتك في الأعماق لازال
أبداً صورتك ما بتغباني في أحلامي وفي الآمال
في الجايات والفاتن وعدّن .. من غنواتي وفي الموال
إلاّ كمان من يوم ما غبتي .. ما عرّج منك مرسال
***
وحسع جيتي زماناً وليّ .. وباكيه شموسو علي الأطلال
تنادّي خيوط الذكري الأولي .. أنا كم للذكري نسجت حبال
وإسترجعت طيوف أحلامك .. إلاّ شنو الفضل في البال
كل آمانينا وأحلامنا .. كان مويةً في غربال

أبو وائل

07-10-2010, 10:59 AM

إبراهيم بن عوف

مدهشة

الشوق غلاب .. والوعد سراب
في بعدك يا اغلي اماني
وآحشاني عيونك وآحشاني
***
يانسمة صباحية انسرقت تتخلل من صيف أحزاني
في أرحب واحة ريد أنزل فوق أرضها واكتب عنواني
يا الله عليك وانتي بعيدة اعجاب ومتجددي آمال من تاني
***
مدهشة يا شمساً تشرق علي قامه وابداع رباني
لا تثيري عواقب الريد جواي لا تصحي همومي واشجاني

وأنا بين الحاضر والماضي لا زال بتعذب إنساني
ضميني إياب نسيني عذاب خلي الأفراح تتلقاني
***
أنا جيتك من واقع مذري وعالم مليتو وملاني
لا تسألي عن كنه حياتي أنا جسداً وروحاً غلباني
أرسم للناس الكون بهجة وطرباني وما بينهم أغاني
ما رمت خطاب الا وجاب أنا شاعر لو صح بياني
***
تاتيت الريد لامن دفق وخايفلو من الزمن الجاني
شيليه علي صدرك رأفة وختيه علي حنك تاني
حجيه حجا فاطني السمحي والفارس الروياها أغاني
وياما الأحباب يوم يبقو قراب الدنيا تزغرد من نشواني
***
يا شامخي علي كل الدنيا يا وحي الشعر الإنساني
جد روحي تفتش لي روحك وما كان لقياك في حسباني
ما فاكرك من صبري تمرقي وتختالي علي أوتار ألحاني
والأمل الغاب طول ما جاب الليلي ألقاه وبيلقاني .

أبو وائل

07-10-2010, 11:11 AM

إبراهيم بن عوف

احلى ما في الكون

احلى مافي الكون عيونك واحلى من عينيك سروحها
يوم تغيب تسلب رويحتي ويوم تعيد لي روحي روحها
فيهن اتغـرب وأسافـر نفسـي تقبـل بـي نزوحهـا
ألقى جنة شوقي فيهن الحنان مشتـول فـي سوحهـا
داير اعيش فيهن وأفارق دنيـا كـان شاقينـي نوحهـا
وأنسـى ايامـي العصيبـة كـل آهاتهـا وجروحهـا
في عيونك كون بحالـو فيهـو أسـرار مـا بلوحهـا
كل ما اتمعنـت فيهـا فيهـا اشـواق بابـل بروحهـا
وأفضـل اتضـرع أمامـك رافـع اليـد اللحـوحـة
أملي يرقص فوق سوادن زي بريق ياخد لـو لوحـة
فيها كم شاهـدت واحـة الرمـوش ضالاهـا دوحـة
وفيها كل الدنيـا ترقـص بالطـرب ناسياهـا روحـة
صورة ماأحلاها صـورة مـن جنـان الخلـد لوحـة
ياهو دا الخلاني أحلف مافـي زي عينيـك صبوحـة
بالفـرح أيامـي لمـن بالفـرح كـانـت شحـوحـة
كيف يقولو اخير تسيبن الله خلقـو دي مـا نصوحـة
هن سعادتي وهن شقاي هن أمان روحـي الطموعـة
كان غلطت استغفر الله باقي عقلي اخـد لـو روحة

أبو وائل

07-10-2010, 11:13 AM

إبراهيم بن عوف

الطرف المسهد
*يا زماني أحكي ليهم .. عن غرامي أنا كل مشهد
*أحكي ليهم في الليالي كيف هو عاش طرفي المسهد

*أحكي لي نخلات فريقنا .. لي طويراً فيها غرد
*للجداول .. والسواقي .. وللدريب الليها ممتد
*لي بحرنا .. ولي جروفنا .. للخدار الفيها فرد
*وللديار العشت فيها .. أنا فبلما أصبح مشرد

*لي قويزاً شب يغازل .. في القمر طول ليلو يسهد
*للجدار الراح يصارع .. في الزمان ما راضي ينهد
*للرحل فارق غصونو .. وللضغار في عشو غرد
*لي نسيمات يهاجرن .. من شمالن يحملن رد

*أحكي للساجعات حكايتي .. وللعيون الليلا هود
*للبنوح طول عمره باكي .. وليه جمر الفرقه مرقد
*وللبضم الشوق يسافر .. وليه دار أحبابه مقصد
*لنجيماتن يساهرن .. لما ليل الغربه يتمد
*أبقي زي وتراً حنين .. لصداه القلب ردد
*غني مره وأبكي مره .. وأروي قصة حبي وأشهد
*أحكي كيفن راد قليبي .. بسمته وخدو المورد
*وكيف عبد بالشوق عيونه وفي دناهن عاش مشرد

*كم صدح بي أسمه غني .. ردد الألحان وأنشد
*في شقاه يقول غناه .. ومن غناه الناس بتسعد
*يرسل الآهات حزينه .. وبي هموم الكون موسد
*ليتو كان آهاتو تنفع .. لي جروحو الما تتعدد
*تاه مع الأوهام مسافر .. في طريقاً غير محدد
*عمره شمعه وزادو دمعه .. وبي حمول الشوق مهدد
*ده السبح في لجه قارب .. وفي بحور الريده أبعد
*لو يموت بالشوق تراه .. برضو لي أشعارو خلد

أبو وائل

07-10-2010, 11:15 AM

إبراهيم بن عوف

رؤيــة

والله ما كذب المنام كل الرأيته لقيته صاح
البسمة والنظرة الخجوله وقدلة الريل في البطاح
***
نامت عيون العاشقين ساهرت لامن فجري لاح
راقبت طيفك ذكريات يا رايعه زي طلة صباح
ناحت بلابل الشوق عليك ندماني مكسورة جناح
اتأوهت للناس قصيد صرخت من آلام الجراح
***
رقصت علي النغم الحزين في غفلة العمر الي راح
نادت عليك كل الزمان صادف نداها جفا السماح
رجعت تجابد في الصبر وتدفن دموعا وراء المزاح
وتتصنع البسمه الزمان مسروقه من شرف النواح
***
وين إنتي والحلم الجميل وين كنتي والأشواق رياح
ياراحله في الأزمان قدر تبخل بك أياماً شحاح
يامعوداني الإنتظار , الإنتظار في قلبي شاح
***
وين كنتي واندهدهدتي ليه وكتين لقاك كان بي متاح ؟!
راجيك علي كل الدروب العامري والضماها واح
دقيت أبواب الغيوب لا ارتحت لا فاطري استراح
خايف من العمر قبال أراك يرحل متل ضل الصباح
***
والليلي جيتي بلا خبر ياقدري حيا علي الفلاح
وغنت عصافير الغرام لمن ظلام الفرقه زاح
ما أجملك , ما أجمل صباك لما الجمال لبسك وشاح
وما أحلي ساعات اللقا الوردية والعطر الي فاح

أبو وائل

07-10-2010, 11:17 AM

إبراهيم بن عوف

عيونك ديل

عيونك ديل قليبي هن الأذنو .. ربي يسامحك كان عذبنو
***
مسكين في بحور الشوق رمنو ... تايه فوق دريبن ودرنو
مظلوم في الغرام ما أنصفنو ... وكمان ناوات عميرو يقصرنو
***
جافاهو المنام كم سهرنو باكي ... البيه ناح والحولو غنو
باكي الماضي والدمعات رونو ... كيف يعود ماضيه والأيام طونو
***
خلنو ونسن ريدتو ونسنو ما ... راعن ودادو وقدرنو
لا جادن عليه ولا طرنو ... ولا يوم في لماتن عشمنو
***
وروني الحصل إيه سمعو عنو ... وبس ليه السلام قطعنو منو
مات بالشوق عليهن ما بكنو ... وما أظن فـ تريبتو يريحنو
***
بقيت أبكي وبكاي الناس تظنو ... تقول ود أبنعوف عاد ليهو جنو
ما بكيت تعذيبي عارفو مقدرنو ... إلا بكاي علي قليبي الحطمنو
***
انا العارف عيونك ما بحنو ... لاون قليبي لامن فترنو
يصارع في الرموش متل التكنو ... قويرب جنو موجات غرقنو
***
يجيه الليل طبول الهم يرنو ... ويسوق سوقار مصايبو يكابرنو
إنت باقيلك بيسعد ؟ ما أظنو ... ياهو شقاه منك وإلا منو

أبو وائل

07-10-2010, 11:18 AM

إبراهيم بن عوف

حبيبتي أنا

بتسألوا عن حبيبتي أنا
حبيبتي أنا ..
وسعادة عمري في الدنيا
الوراها فنا ؟؟
***
دي آمالي العريضة البيها أشوف
دنياي سرور وهنا
وصباحي الزار بعد ليلا ً
سهرتو ضني
حبيبية عمري , آمالي وأعز مني
وشعوري الفايضة في جواي
هناك .. وهنا
وحروفاً ديمة أفخر بيها وسط الناس
وفي الدارات أشيلا غنا
دي حبي البين ضلوعي
إشراق ونور وسنا
تسألوا عن حبيبتي انا ؟؟
***
اسألوا عنها بتلقوها
في كلمة سلام ما أتقال
وما قالو الحبيب لحبيبو ..
أبدأ .. وما خطر بالبال
في رنة نغيم سلكاية ..
وفي سيرة العديل والفال
وفي زغرودة في الدارة
وادين مرفوعة للشبال
بتظهر في جلال لقيا
وتبين في براءة أطفال
بتسألوا عن حبيبتي أنا ؟؟
***
حبيبتي نغم حنين ..
ينساب مع موال
من عالم بعيد جواي
يموج بالبهجة
ينسيك إنو لينا زوال
فيهو أحلم وأشوف واحات
خضرة كست تلال وجبال
عالم في ترابو الغالية
ما حطت رحال ورحّال
وما عبرت سهولو أحزان
ولا هجرت رحابو آمال
عالم .. عندي أشوفو حقيقة
إلا الناس تشوفو خيال
تسألوا عن حبيبتي أنا ؟؟
***
حبيبتي أنا من عهود الريدة
عهداً باليمين أوفيهو
وحتي ان كان شقيت في دابا
قلبي تكون سعادة عليه
شان لولاها ما كان ينسي
أيام مرة من ماضيه
شان لولاها ما كانت
تزور البسمة يوم شفتيه
شان لولاها ما دنياه
باسمة والحزن ناسيه
وشان لولاها
ماعاش في نعيم
الناس تحسدوا عليه
تسألوا عن حبيبتي أنا ؟؟

أبو وائل

07-10-2010, 11:20 AM

إبراهيم بن عوف

من فارقت واديك

من فارقت واديك قلت تميت حـول ..
كيف يبقة العلى وأنا للسنيـن عديـت
أنا صابر يا سحاب حولا وراهو الحـول
وعارف يوم وقع فى حبـو مـا سميـت
تراك وسط الدوع تضحك بريقك شال .
أما انا يا حليلى العمـرى مـا فريـت
روح يا سحاب فلـل عليـك الليـل
وبلغ لى السـلام لـى دارو ان مريـت
كلمو بالحصل لـو تانـى لـى يعـود
وأوعة تعاتبو شان يزعل يقولـك أبيـت
وبعـد الـحـول تـعـال غاشيـنـى
برجاك فى محلى دة أنا بقيـت حييـت
وان بقة ما لقينى ابـك علـى ونـوح .
واعرف انى مت بى شوقـو واتفكيـت

أبو وائل

07-10-2010, 11:22 AM

إبراهيم بن عوف

أبكن ياعيون

الليلة أبكن ياعيون ... كتر وحيحك ياقلب
وينو الزمان يهدي الحنان ... من غير وداع راح محتجب
***
ليه يابا راحل دون وداع ... ما قلت من دنياك تعب
دايرنا نحن نعيش وراك ... كيف بي قليباً .. متخرب
ولا القدر جبرك تسيب ... ناس ليها ياما كت تحب
في الحسرة والأسي الهموم ... والعبره والدمع البكب
***
غشاشة .. يا دار الزوال ... كل النعيم الفيك كذب
كل ما تجودي الناس بخير ... يلقوه .. شرك متقلب
يادنيا ليه بتشيلي أبوي ... يادنيا حار جرح القلب
ما هسّ كان بيناتنا نور ... واليوم دريبو علي صعب
***
مابيرحم الموت يابا زول ... دايماً .. مسلط للسلب
أتام عيال .. خراب ديار ... بكاي عيوناً تنتحب
هو القدر .. هو الآجل ... هو المسطّر ومتكتب
رغم العلوم إتقدمت ... ياموت دواك ما عرفو طب
***
جاني الخبر في يوم رهيب ... في نفسي أشوفو كذب كذب
غشوني يابا وقالو لي ... راجيك أخوكي المغترب
يابا .. ما شفت العلي ... لمن عرفتك أنت غب
الكون ده شفتو عكس بعض ... حتي الشمس طلعت غرب
***
جيت للديار مافي بال ... البال وراك تب منشطب
جيت للديار وطعم الفراق ... في حلقي مرّ مراً كعب
جيت للديار ابكيك ودمع العين ... يسيل يسكب سكب
يا أبويا وآ أسفي الشديد ... ما جيت قبال .. تنترب
***
روحت ما خليت غير ... ذكري المحبين للمحب
ذكراك مقدسة في قليب ... أرضعتو حنين القلب
ذكراك رسمتها في الخيال ... بين النجوم في ليل ضهب
ذكراك دايماً في صحاي ... وعليها من النوم أشب
***
بذكرك عند الصباح ... مندلي للمزروع تقب
وبذكرك نصف النهار ... في نومه والنسام يهب
بذكرك عند المغيرب ... جاي طالع بالدرب
بذكرك في كل صلاة حتي ... الجمع حين تسمع الآذان تتب
***
الهي أبوي عندك غريب ... أغفر لو كل ذله وذنب
وارسل سحاب الرحمة يوت ... فوق قبرو يتزاحم يكب
وتأنسو بحرواً حسان ... لا تتوصف .. لا بتحسب
وأقبل \عاي قول لي أبوك .. في الجنة لا شقا لا تعب

أبو وائل

07-10-2010, 11:24 AM

إبراهيم بن عوف

زغـــرودة

زغردي يمه في البلد البعيدي .. جابو لي وليد والليلة عيدي
***
أنا الراجيهو زمناً مو قريب .. أشوفا طفولتي في وجه الرحيّب
دا ماهو الأبله الدايماً مغيّب .. عشا أماتو قنّاع أم سبيّب
***
ولداً لي أبوه يكون ضراعو .. يا سلام في روقته وأخلاقه وطباعو
يرجّع لي سنيني المني ضاعو .. كلامو اليجبر الزول لاستماعو
***
ماك الصار وشيهو ويوت مكشّر .. ومن المده كفك ما بيقصر
عشيمك تلفا في اليوم المعسر .. وتصبح وتمسي فوق خيرك تبشّر
***
إنت نسل الما بيضيمولن ولايه .. ناس الفاتحي واللوح والدوايه
خلاويهن معمره بالتلايه .. ومريضن يشفوا بي رشة محايه
***
جدودك في الفتيح راقدين سويه .. وأبوك ود موسي هوان البله
أبوك الكنّيابي أسد البنية .. وأماتك غبيشي بتد رويه
***
يجوك من أوسلي قاطعين الفيافي .. يقولوا ولدنا ما دلا وعوافي
فوق راسك يذكروا أسم الله كافي .. وجسيمك يمسحوا ويملوهوا عافي
***
تكبر أنت ياعكاز عمايا .. وراكوبة مقيل ضلي وضرايا
تخلفلك عشرتولاد صبايا .. تعيش المية مية .. ومية جايا

أبو وائل

07-10-2010, 11:26 AM

إبراهيم بن عوف

كوسيلي الخلاص

كوسي لي الخلاص من بدري في حبك ترانـي غــرق
عارف نفسـي مابلقـــــــــــاكي سـاكت فيـك متعـلق
قالوا الدنــيا يامحــــبوبة تجمـع يوم ويوم تفـرق
بس نان مالا مابتجمــــعنا والله ده ماهو متحـقـــق
صـــح ماليها أمان واللــه لي مضـيقي المشِـــــــقّ
مادالي اليمين تضحـك لي وبي إيـدا الشـمالي تعـق
هـــاك شكوايا يا محبــــوبة لو قلبك علي يــــــــرق
ديل أربـع سنين متــواري من محني وشقاي ما فق
خوفي شقايا قبل ألقــــاكي يمحق لي عميري محـق
وأجيك ساير علي الأكتـاف عزب لا حني لا جــرتق
آه من دنيــتي وأقــــدارها ينصـبـقن علي صـــبـــق
وساقة الهم تسوق في راسي تتعــــاقب بلا تتـــــــق
بس تحـريني شن سويتا غيـر زول لي عيونو عشـق
لمن اشــوف حياتي الغالية ليلا صبحو ما بشــــرق
ساعة الناس تنوم تتهـــني والعين للمنـام تســــــرق
ألقي رويحتي فوق المـــلي شقيش ما انقلب بي شـق
الله من عبرتاً ســــــــــادي وارداً للقليب بتشـــــــــق
والله من دموعـــــاً نازلي ينجــارن بلا ميرتـــــــق
دار انساكـي عــــارف قلبي للغير حــبو ما بطـلـــــق
منك لو أموت كل لحظــــــة بالريد قلبي ليك يخفـــق
ما بنساك عشان كملت صبري ولي حدودو لحـــــــق
إلا الريد تعقبو عــــــــدواة وليكي أنا من عدواتو شفق

أبو وائل

07-10-2010, 11:27 AM

إبراهيم بن عوف

شقيت يادنيا

الشقي الفي الدنيا وخاتي الدنيا فيه
خلوه اليحنس روحه كان تقبل تجيه
***
اليشوفو يحسبو زي الما .. عليه !
جوه جوفو باقي نار مطلوقه فيه
إن سكت خايف الخلوق ما يحسوا بيه
وان بسم شان يخفي حزنو الفوق وشيه
***
يجري ورا السعاده الليلي وينها سعادتو ليه
والأماني علي الرهاب دافقاه ميه
الزمن لا أداه لاقدر .... جريه
وكان حماه الجني قبلو آدم أبيه
***
الناس الفرح في عيونها لوح لي إديه
وده الهموم تابعاه ماشي علي مشيه
ساكت بي غناه طرابه في الكلمات يتيه
ما عارفنو بي أشعارو يكتب في نعيه
***
في غرايب الدنيا تضحك لو ..وتجيه
تونسو بي حديثها ..... البشتهيه
وكتين يأمنا ..... ويطرح وشيه
تحدثو بي حديث لاسمعو لا جابوه ليه
***
قدر من تاني يبني تهد بنيه
عاد تبكيه ..وتبكي الناس عليه
تفرقو في مصايبها .....تبتليه
التقول لا شافا لا شافت شبيه
***
شقيك يادنيا أوعك ترحميه
إنتي جوري .. وعذبيه وعذبيه
فرحك تاني شن بيسوي ليه ..؟!
ما دام جافاه أعز الناس لديه .
.

أبو وائل

07-10-2010, 11:31 AM

إبراهيم بن عوف

غرويدة صحاك

نومي اصحي على غرورك معاك لازال التحدي
وآي طريق يوصل لي قليبك منى سدى
ده لو كان تلقيهو صبرا يماتل صبري وتمدي
صبري عليك أنى صابر تشققي قليبي وتلحي
هيا ابعدى كل العواطف واشاورك من وين ضرورى
لاتزيدى مواجعك على لا ترجعى فرحى وسرورى
فى الحالتين راضى عنك تنصفى او كان تجورى
وسمح حكمك زى سماحتك وبرضو قسيمة الله سمحى
اوعى تغرك سماحتك سماحه الغنا يانى سيدها
سماح يبلى مع الليالىيبقى سماح القصيدة
اخلخل بيها المشاعر واتوها ازمان عديده
وفكرتها انتى وبيانها وكدى اقدرى من خاطرى زحى
او انفذى كل ما اسطتعتى مداركى ابعد من سماء كى
وجوبى اراضيكى تلقى جنونى تهاجر وراكى
اسلكى كل العوالم خيالى بيدرك مداكى
انا الكون المحتويك يا قصيده فى الجوف توحى
احبك احبك ويسعدنى حبك وقت يبقى حلوهو مرو
احبك غلبا يقطع والملمو فى الجوف واصرو
انا المجنون البيعشق مرامى الريد التضرو
قبلان بى ضررى راضى منو القال ليك ضحى
شيشك بى بشيشك اصحى صحاك ونومك بيشفق
وجيبى جفاك وازرعيهو قصاد الحن المدفق
كفاية اشوف فى عيونك تغنى الدنيا وتصفق
بعد داك نومى اطمينى ولومك فى خاطرى ممحى..

أبو وائل

07-10-2010, 11:32 AM

إبراهيم بن عوف

حكاية شافعة

كيفن أصـــبر قليـــبى ... وكيفـــــــــن أعمــل حسابى
ما دام عشمى فى نظــــــرة ... والعندو النظرة مابى
بجرو غنايا أحكى ليكم ... تعالو أسمعـوا يا صحابى
حكــــاية الشافعى البريدا.. وريدا شقــــايا وعذابى
أحن لها حن القمـــــارى .. تقوقيبـــــا أوتار ربابى
واهوى الهوى فى هواها .. وهواها قرايتى وكتابى
منو القال ليكـــــم عقلتَّ ... وحاتكــــــــم جنيت دابى
بقيت لمان ليها أفارق ... أفارق عقـــــــلى وصوابى
أضيق لمتين ليها أرجع ... أخاف مايطول بى غيابى
أعاين زين فيها وأشبع .. وأزيد إعجاب على إعجابى
أشرِّق وين ما أغــــــرِّب .. وأشيـــل همى وإكتئابى
محل ما أمشى ألاقــــى طيفاً.. مشتت فكرى وحجابى
تطير روحى بعيد تغــــــازل .. خدودك زهر الروابى
تتعلق بين عيونا ... ورموشـــــــــــا البى فوقا كابى
قليبى يفارق ضــــــــلوعى.. يلاهى عليها ويشابى
بعيد مابيقــــــــــــدر يقاوم ... بريق البسمة السحابى
صديرن لما يتفـــــرَّ.. تبــــــق نار الله فى أعصابى
وقديلتن كيتن على .. وا نشاف ريقى وخــــم ترابى
حنينى ومرات بتقسى .. تقول فى نفســــــها اتغابى
إتغابى العرفة فيهو.. وا زرف دمعــــى ووا خرابى
صحيح أصبحت مملوكا .. أســوِّى أورادى وأزنابى
متل ما ملكت فؤادى .. أنا ملك شيطــــــــان الكتابى
أخاف ما بقــــــدر أعاتب .. أقول تزعــل من عتابى
أموت أحسن من هى تزعل .. أو تزرف دمعة كابى
عشانا أنا كم ضُقْتَّ مُـــــــرَّة .. عشانا مهمِّل عقابى
عرفت الله فى عـــــذابك .. إنتَّ خاف الله فى شبابى

أبو وائل

07-10-2010, 03:01 PM

علاء الدين عبد الرحيم
شوق وحنــــــــــان وريـــــــــــد

رويان من قليبك يما شوق وحنان وريد

غرقان فى عفوك والله من ماقم وليد

يفضل فى القلب ذكراك مهما اكون بعيد

كل مازاد عفوك علىّ اقول هل من مزيد

ماسافرت أشان ارتاح اعيش هانى وسعيد

ولا هم العرس يايمه كان بيت القصيد

لا تقولى إنو فات خلاكى جافاك الوليد

شاغلاه المداين العايمه آسراتنو غِيد

ما بشغلنى عنك حاشا لا مال لا وليد

ولا بتمنعنى شوفتك يما اغلال الحديد

ما كان قصدى هجرك يما لما رحل بعيد

قصدى امسح دموع بالحسرة جارية على الخديد

لا تلومينى إن قصرت او إتأخر بريد

ما هو جفا السبب والله ما نسيان أكيد

بين اتنين وليدك يما بالو صِبح شريد

بين يرضيك وبين يا والده يرضى طموح عنيد

رضاك يايما كلو منايا وغاية ما اريد

تحقيق الهدف ما ببقى بالتمن الزهيد

يومي قليبى فى ذكراكِ يجترى ويعيد

طيفك ما ببارح لحظة حامينى الغميد

الله براهو عالم يما مشغول بيك شديد

ومنايا جنبك اعيش والله لو كان ليا ايد

لازم يما أنسيك الشجن واللوعة والفرح الوئيد

لازم تنسي زمناً فات وتعيشى زمن ولِيد

لازم كل تعبك فينى اتعبو فيك وازيد

ولازم اشيلا همومك وألبسك الجديد

دينك فوقى ما بتحلا لا يوم الوعيد

شبابى فِداكى وكان ما كفى ليك عمرى الوحيد

ما بتلهينى عنك دنيا وما بمسكنى قيد

ما إنتى الفرح والراحة والهوى والرصيد

ليكى سلامي ما محدود من الأرقام يزيد

عدد ذرات تراب الكون جبال وسهول وبيد

عدد ما أشرقت أنوار وطلّ صباح جديد

وعدد ما نسمة هبت باردى داعبت الجريد

كلو منايا تلقى العافية والعمر المديد

تفرحى بيا يوم الفال تباركيلى الجديد

يوم داك بالفرح نتباكى ونتقالد شديد

وتبقى الدنيا بسمت ليا وجات زى ما أريد

جاييك جايى لى عينيكى منها ما أحيد

ومنها نستمد الراحة ومنك نستفيد

ويتمدد فرحنا ويبقى عمرى انا كلو عيد

وفى حضنك أكيد للدنيا لون وطعم جديد

أبو وائل

07-10-2010, 03:03 PM

علاء الدين عبد الرحيم
أرجيني في الميعاد
ارجينى فى الميعاد وادى الصبر مده
وفراقنا مهما طال نتلاقى لابدً
عارفانى مابنساك لو طالت المده
وتشرق شمس لقياك مهما الدجى امتده
زمناً ظلمنا وجار راجنو يتعده
وباب الاسى المفتوح لابد ينسده
طيفك معايا دوام من فكرى ماعدا
وبلقاكى فى الاحلام لو مره جات غمده
كلما بنينا امال فى الغربه تتهده
دا الاغتراب ممحوق لاجاب ولا وده
صاح للظروف احكام يوم لين ويوم حده
ومهما ظروفى قست ثابت على المبدا
مو عنى يوم سألوك ليه طوَل المده
ليشن نساكى وفات ليه ليكى مارده
قوليلم الاشواق بيناتنا ممتده
ويكفينى انى براى قى قلبو فد واحده

أبو وائل

07-10-2010, 03:06 PM

علاء الدين عبد الرحيم
أمــــــل وألـــــــــم

مين القال الدنيا بخيلة وديمة تشيل أبداً ما بتدي
طبع الدنيا متِل ما قالوا زي الموجه تجيب وتودي
زي ما الفرح أيامو جميلة بتمشي بسرعة بدون ما تهدي
الأحزان تتنسي لحظاته وبرضو تقضي أيام وتعدي
حزنت كل الدنيا عليه لمان مات الحاج (ود احمد)
يتم خمسة صغار يتباكوا أكبر واحد إسمو (محمد)
بعدو (أميرة) و (أمجد) و (سامي) وأصغر واحد فيهم (أحمد)
رمَّل (فاطمة) الباكية عليهو ونار أحزانه أبت ما تخمد
قعدت ومسكت راسه تمنح وتبكي الزمن الجاير وأسود
كيفن أقدر أشيل الشيلة أصلو الحال سجمان ومرمد
وكيف يا خويا تسيبني برايا في نص ليل وأمواج ورعد
حست بي أيدين ضاماها وحركة زول قدامه قعد
رفعت عينه تشوف الحاصل كان قدامه وليده (محمد)
قالها يُمه أنا عاوزك تصبري وأعرفي أنو جد وقت الجد
ليشن زغردوا ناس الحلة لمان قالوا ولدتي ولد
صغير أنا يمكن بس لكين في الحارّه الشبل بيستأسد
بشيل الشيلة علي لا تخافي بس دعواتك لي َّ مدد
حيعود يا يمه الفرح الضاع مهما إتغيب وطالبو أمد
وفعلاً خلَّ المدرسة سافر وللأرزاق ما خلا بلد
و أجاب لي دعوات أمو بقاله وليده يمين وسند
وكان بت عمو (أمل) شايفاه فتي الأحلام وبطل الغد
وكانت أمل الكل في الحلة جمال متميز وفايت الحد
تحبو وكل ما مرت سيرتو بتلقى خياله معاهُ شرد
وكل ما تحاول تكتب ليهُ آخر لحظة تخاف تتردد
تقولوا إتكلم وريح قلبي أنا بت لاحظ وأنت ولد
وكيف البت تتطاول وتعشق ويبقى سكات الولد الرد
كيفن تسكت ولي تتجاهل ويبقى أخير ملاك السيد
الدرويش الزاهد وهامل لا عندو أهل لا عندو بلد
الدرويش الجابو الشارع وفي زاوية حلتنا قعد
يسقي الشتل الضال بي جوزو ولي أزيار الزاوية إتجند
تقولو تعال بخطبلك أملَ معاى أخدم يتخيلو جد
تلقى حرت لك إنقايتين وبوق وتيلن ومارن وسنَّد
ويومو اليبقى جعان ومفلس وسط الناس ينضارى ويشحد
وكلما شِلت صفيح للموية توتل جوزو معاي ورد
يحكي لي عن حبو وريدو وليهو سنين بس راجي الرد
وأنت سكاتك طال يا غالي وأنا راجاك مستني وعد
آخر يوم في إجازتو مشاله حكاله ظروفو وليها سرد
إنو الحالة مِتل ماك عارفه خليط ممزوج من فرح ونكد
يوم الفرحة تطير بالواحد ويوم أحزان وسهاد وكمد
وأول فرحة تعطر بيتنا يوم ما إتخرج وسافر (أمجد)
قال في الغربة بحقق حلمو وفيها طريق أحلامو معبد
بس نستنَ (أميرة) تكمل وأفرح بيك وبي حبنا نسعد
وتبقى الدنيا إبتسمت لينا وليك بتقدم وما بتردد
وخلي البينا يكون بيناتنا وسوي ضلوعك للريد سد
وسافر وعاد لي شغلو محمل بي إحساس أخضرَّ وفرهد
سنين عشرين من عمرو تمر مما سافر ويمكن أزيد
ما ضاق فيها حلات النوم ولا مرتاح فد مره هجد
وبنيت عمو هناك منتظرة والعرسان كل يوم تتردد
يناجي خياله يقولها أصبري لا ناسيك لا شوقي برد
قريب ألقاك وأبل الشوق ويبقى لقاي لي حُزنك حد
يوم جابولو جواب مستعجل فتحو ولي صفحاتو فرد
لقا جواهُ الما متوقع وآخر شي في عقلو ورد
سيل الدهشة جرف تفكيرو ولي لحظات بي عقلو شرد
طول الليل راقد سهران لا جاه النوم لا لحظة غمد
قرر بكره يسافر بدري ولما يعود حيكتب الرد
ولمن صبحت كان في اللوري حجز قدام في الكرسي قعد
وصل البيت الطوَّل منو بعد ما إستن وصبرو نفد
سالم خالتو وعمتو (زينب) وبالأحضان لي أمو قلد
حكى بالحاصل ليهم كلو ولي مضمون القصة سرد
إنو الجابو أمر مستعجل تفصح عنو رسالة من (أمجد)
كاتب قال نخطبلو بسرعة وحدد لي بت عمو قصد
قامت عمتو (زينب) فاتت لي بيت عمو تجيب الرد
أمل قالتلها خير يا عمة دون ما تفكر أو تتردد
ضمته عمتها قالت ليها إنشاء يكون بيت مال وسعد
إنتي جميلة بتملي العين وبرضو مهذب ورايق (أمجد)
سكتت لحظة وقالت تضحك عمتي غلطت قالت (أمجد)
(أمجد) مين يا عمتي صلي الإتقدم أخوه (محمد)
قالت عمته لا لا الدايرك ورسل خطبك (أمجد)
ويلا معايا براك بي نفسك شان ما نمشي هناك نتأكد
ولما (محمد) أكد ليها كان إنهارت وحيله برد
قالها (أمجد) فعلاً عاوزك ودمعو يكبكب فوق الخد
عشانو بضحي بأعظم حاجة ولو الحلم عشانو إتبدد
إنتي الروح بهديك إياهو وراضي أموت لو بيكي بيسعد
أنا المهدت طريق أفراحو كيف في يوم أجي أكون السد
ديل أخواني الأنا ربيتم وريدي أنا ليهم ما بتحدد
أنا خليت الدنيا عشانم وضقت عشانم ويل ونكد
ولو بتقسم فوقم عمري بقسمو فوقم ومابتردد
ونحن خلاص أصبحنا أخوان والموضوع بيناتنا أتعقد
كيفن ترفضي (أمجد) وترجعي عاد تنتظري (محمد)
واقفة (أمل) قدامو وتسمع ودمع العين في عينه جمد
كأنو إغتال الشوق العارم ولي أفراح جواها وئد
قالت كيف إتهنى بدونك وكيف في الدنيا بدونك أسعد
جرح الليد سرعان ما يبرأ وجرح الجوف كيفن يتضمد
وقلبي العشقك كده يستاهل إنو يعيش طول عمرو مشرد
وفاتت خلتو واقف ينضم ساهية وسارحه وباله شرد
وكان الريح تنهر بي بره هبوب وأمطار وبروق ورعد
والسكان من بدري إتلمو وكل واحد في بيتو هجد
ترجف وتبكي مباري الحيطة نص الليل كان قاصدي (السيد)
كان في الزاوية رقد هلكان راح في النوم لي إيدو إتوسد
متفرشلو دلق شوال جنب الحيطة رقد وإتمدد
صحتو قام مخلوع من نومو من قدامه بسرعة شرد
قالتلو رضيت بك وبكرة نعرس ما صدق بالهجمة قعد
وفعلاً بكرة بلا زغريد إتلمو الناس وعليها عقد
وبكت الحلة عليها هي حية وعاشت يومه دموع ونكد
وبكى بي حرقه وسافر وراجع جاري زيول الخيبة (محمد)
كتم الحزن العايش فيهُ وحكى بالحاصل كلم (أمجد)
قالو قسمت البت لي غيرك وكلو نصيب مكتوب ومقيد
خبر (السيد) وامل اتوزع بين الناس إنزاع واتردد
إنها عاشت في تعذيب والعبرات إنقلبو غدد
وإنو قليبه على الأحزان والالآم بالحيل إتعود
ويومه الفرحت وجابت بت حزنت تاني ومات (السيد)
ويوم الصدقة سمايتة كانت قالو الناس سموها (شهد)
وبعد سنتين إتحكى بالصدفة وفي ال ين كان قاعد (أمجد)
عرف القصة تدور حوالينو وقف الدم في جسمو جمد
كِره الدنيا وكِره الفيها وبكى وإتألم ولحق الحد
قاعد يبكي ويبكي ويبكي لمن غاب ولي وعيو فقد
كيفن أخوي الضحى وع عشاني إتبهدل وحلمو إتبدد
وكيفن أكون أنا سبب أحزانو وكيفن أكون لي فرحو لحد
دا المن قام ما غلط حاشا ولا بي حاجة على جحد
بعد يومين رجع دون إنذار أو سابق وعد
عانق أخوه عناق مشتاق لي محبوبو أحضانو فرد
قالوا أنا عايزك توعدني وتحلف وتقسم ولي تتعهد
إنك إنت و (أمل) تتراضو وعهد الريد المات يتجدد
وبينك وبينه يعود الماضي ويحيا شرار الريد الهبد
هِن حلين يا أرجع أسع ولا كمان في عقدك أشهد
أخيراً وافق أخوه وخاصة بعد ما العودة طريقة إتمهد
وعاد من تاني فتى الأحلام وللمحبوبة العود أحمد
عادو وعاد الفرح الغاب وعاد من تاني وإتجدد
وفوق راس بيتم غنَّ القمري رقص طربان غنَّ وغرد
ونخل الحلة رقص فرحان مال طربان سل وجبد
وقعدو سوا الإتنين في الكوشة وكان بيناتم قاعدة (شهد)
بسمته ضاوية أطراف الدارة وختت فوق كل واحد يد
رسمت لوحة حلم اللقيا بي تحنان في أروع مشهد
وكل الناس بالفرحة إتباكو وكل إنسان للتاني قلد
وكانت (أمل) القمر الضاوي وكل الشافه وقف وإتشهد
وكان الفرح الفي عينيها دون ما تحسبو غنَّ وردد
زي ما الدنيا أحزانه كثيرة الأفراح ما ليها عدد

أبو وائل

07-10-2010, 03:08 PM

علاء الدين عبد الرحيم
محـــمد الدره

أتسمعني محمد !!!ما قُتلت ستبقى بين ظهرانينا ذِكرى
وتُذكَر كلما ذُكر الخوالد وتولد كل يومٍ ألف مرة
ستبقى بيننا ما قد حيينا وتسطع في سماءِ الكونِ دُرة
وتخلد في الورى إبناً شهيداً أطاع لامهِ وبها ابرّ
فان العمر يذهب دون شك وتبقى الذكرى بين الناس ذِكرى
فكم من ميت ذكراه فينا وكم من عائشٍ ينقصه قبرا
وكيف لنا بأن نحيا كراماً وتُسلب من تراب القدس ذرة
سنرهن روحنا وأباً وأماً شريطة أن تعيش القدس حُرة
سنعلن إننا أصحاب سلم ونتقن للوغى كراً وفرا
ونعرف كيف نحصد للرؤوس وكيف نعبَّق الآفاق عِطرا
نقابل بالصدور رصاص غدرٍ وندفع روحنا للقدس مهرا
فان الموت دون القدس عزٌ وفخرٌ في الحياةِ وأي فخرا
ونقذف بالحجارةِ مثل شهب فتفزع جمعهم وتصيب نحرا
فوقعها في النفوس كإرتجاجٍ يزلزل تحتهم ويشيع زُعرا
يخافوا الموت حرصاً في البقاءِ ولا غير الشهادة نرجوا أمرا
فإن نالوا يساقو إلى سعيرٍ وإن نلنا إلى الجنات ذُمرا

أبو وائل

07-10-2010, 03:09 PM

علاء الدين عبد الرحيم
مظلــــومه لـــــيه ؟؟

مظلومة ليه دون البنات دائماً سعادتي منكده
وروني ما ذنبي الجنيت شان إنتوا تعملوا فيّ كده
محرومة من طعم الحنان في أٌسرة قاسية وجاحِده
وحتى الحلم بالخوف بقت خطواتي فيهو محدده
كل البنات في كون فسيح جنات طيوره مغردة
بلبل غٌناي صامت حزين إغتالوا في يومو الشدى
محبوسة في سجن العذاب محكومة فيه مُؤبده
محروسة بي جيش من هموم زِلة وحِراسة مُشدده
بعدوني منك ياعزيز ودروبي ليك مُسدده
ورغم الحزن طاراك دوام ذكراكَ فيِّ مُخلده
بطراكَ كل ماالليل يجن احسب نجوموا واعدده
وكلما نسيت ألقاها صورتك في خيالي مجسده

بطراكَ كل ماعاد حبيب سالم حبيبتوُ وقالده
تتباكى شان طول بعيد وفراقو مو متعوده
بطراكَ كلما إترنمت الحان مغازلة قصايده
وبطراكَ كلما إنساب نغم دغدغ مشاعري وهدهده
وبطراكَ كلما أشوف لي غايب عاد لأحضان والده
َرَّم الدموع وطفاله نار لوعة فراقِن وبرده
بنساك لو قدر الزهر ينساها حبات الندى
بنساك لو احلى الأغاني إتنكرت لي مربده
بنساك لو أفق الكلام ضاقتبو سعة المفرده

وكتيها بصبح في عداد الموتى جثة ممدده
ياغالي بكتب ليك حروف كيتاً تصيد كبد العدى
واجبر مسامع الناس علي كلمات غنايا واعوده
وأملا الدفاتر بي حروف كانت حبيسة مقيده
تشرح توضح حال قليب يادوبو للريد إهتدى
بين إني أموت وإتفَكَّ طال ما إني منك مُبعده
وبين إني أحياعلي امل لٌقياكَ عايشة مَجابده

أبو وائل

07-10-2010, 03:11 PM

علاء الدين عبد الرحيم
احــــــبك بقــــــــوله

احبك بقوله بكل اللغات وادوزن حروفه قوافى وزجل

احبك حبيبه ورفيقة وخليل احبك صديقة وعشيقة وأهل

احبك أناقة ورشاقة وجمال احبك تميُز عديم المثل

وحُبك فضح في وصف المشاعر ضَعف المعاني وعجز الجمل

احبك هدف بعيد المنال ولازم أصلَّو مهما حصل

وبيك إحتقرت وكرِهت البنات جميعن مُزيف وأنتي الأصل

وئدت بيدي الأماني العِراض وانتي الوحيدة الفضلتي الأمل

لأنو سناكي أضاء الطريق وغيرك ضياهُ توارى وافل

سبيبك بيشبه ليل إدلهمَّ وجبينك يضارع بدر إكتمل

تزح منو يِسطع وتنزل يغيب تداعبو وتلاعبو وتغازلو الخُصل

عيونك جمالن أزان الُمحيا ومُحياكى بيَّن جمال المُقل

بياض الصباح وسواد الليالي كساهن تحدي ومهابة وكسل

خدودك صفاهن قمر في الرمال ولحظة غروب لو أثارن خجل

وجيدك جميل إرتدتهُ الحُلي عشان بي جمالو يزين الحُلل

كأنك ملاك إجتباه الإله وضل طريقو إلى الأرض بل

كأنك خطأ في حساب الزمان جمالك يمثل أواخر الأٌول

وحبك تجاوز كل الحدود وزاد عن مُجرد شِعور يُحتمل

وفيك إمتزج جمال الطبيعة وعطر الازاهر وطعم القُبل

أبو وائل

07-10-2010, 03:12 PM

علاء الدين عبد الرحيم
أتحداك

أتحداك لو تنسيني أو لي حبي تلقى بديل
أنا الدرب الخطاي تمشيهو تعجز عن مشيهو الخيل
حبك ليا لو تخفيهو يظهر فى وشيك عديل
تبدأ ملامحو فى عينيك يقراها الكفيف بالليل
***
ما أتولد البسير فوق دربي والبخبر دروبي قليل
والدرب التطول ايامو بوصل ميسو في فد ليل
***
مابتنسينى مهما كان لأظنك تلاقى سبيل
والضاق الظلال فد مرة مابيرويهو حتى النيل
***
مابحزن عليك والله لو سالت دموعك سيل
جافة عيوني مما قمته مابتعرف عناق منديل
***
لو راجنى ارجع ليكى ماترجينى مدى حبل رجاك طويل
أموت والله مليون مرة أفضل من اجيك ذليل
***
برفض أطرا زول ناسينى مهما كان فراقو تقيل
لمن أريد بريد بالجد لمن انسي بنسى عديل
***
مابحزن على موت ريدنا بى أيدك كان أغتيل
والموت فى بعض مرات يكون افضل من العلعيل
***
لو كان الجمال غاريك بى احساسى ببقى جميل
لو معتادة يجرو وراك مابتلقينى من نوع ديل
***
حترجعى يوم براك تكتشفى انو هواى مالو مثيل
حترجعى لي حماي تكوسى في جنة غرامي ضليل
***
والبهدى لي لحن مثالي ابادلو جميع غناهو هديل
والحاول يمازح قلبى بلعب بى قليبو شليل
***
متأسف على إحساس اتخيلتى انو جميل
متأسف على أوهام سمينها عشق جميل
***
متأسف على أحلام بيني وبينا مليون ميل
متأسف لانى اهديت مشاعر ضوقتنى الويل
***
متأسف على شتلات زرعتها في الصحارى قبيل
أتخيلتا أنها تبقى واحة ريد ثمار ونخيل
***
ارتاح في ربوعا أنجما واحد من ثمارا أكيل
لكن ياخسارة زراعتي كانت جوه مجرى السيل

أبو وائل

07-10-2010, 03:15 PM

علاء الدين عبد الرحيم
شتــــيلة ريـــــــد

ماتت شتيلة ريد جواك مشتولة

لاجنبها اتهنيت لاضقت محصولة

صادوها صيادين قبال تتم حولة

ورموها جم عينيك بى قسوه مكتولة
*****
يا ناصر الاحزان ايامة ممهوله

وزول ماشبع اهات ما بيدرى بى طولة

تبره الهموم بتضيع فى سكة مجهولة

ويوم تبتسم بتكون ابطلت مفعوله

*****

رغم انك انت رهيف والدمعه ماك زوله

وروحك ملانه يقين وبالرقه ماهوله

الا الفراق هزاك دى الدنيا منعوله

دايما تضيق بالزول بى عرضها وطوله

*****

خلى الدموع تنساب تتجارى لى حوله

واحزن على المحبوب واعلن فراق زوله

تهواك بى اخلاص بى فعلها وقوله

واجمل مشاعر ريد حاويه مرسوله

*****
ناصر دروب الريد ليك ماها مقفوله

اعشق بنيت العم قود انت اسطوله
حلوه وقوامه بديع مفدوعه مجدوله
وراقيه وتريدك موت وبالعفه مغسوله
*****
اديها ريد وحنان بالجمله مبهوله

خليها فى ذكراك لاتبق مجهوله

خليها فى عينيك طوالى محموله
وخليها ديمه تكون فى خاطرك الاولى
*****
اما القصد يازيك مشكلتو محلوله
لو يحمل الالام ويصبر على هوله

يلقاها منو بعيد من جيهتو معزوله

ومن نوع فعايلو اكيد لى الليله مزهوله

*****
العيشه ماها قروش ولا كلمه معسوله
العيشه ريد ووئام ومحبه مسئوله
حلقات شعور واحساس بى دقه موصوله
والفه وموده يبين فى النظره مدلوله
*****
كيف يرتبط انسان بى واحده مو هوله
ويقدر يحبها كيف وبى غيرو مشغوله
وعارف قليبه معا وفى حبو مكتوله
يقدر معاها يعيش يا اخوانا معقوله؟؟؟

أبو وائل

07-10-2010, 03:21 PM

علاء الدين عبد الرحيم
ميسرة
الزمن مهما كان عنيـد شكـل أفعالـوا وصـورا
برضو ننسى سواتـو ونقـول قسمـه والله مقـدرة
كل يوم يرويلنا بى فـن قصـة مختلفـة مغايـرة
بحكى من أفعالو واحدة بس مثال ما داير احصـرا
عاش منعم بيـن والديـن ريدتـو فيهـم متفجـرة
شبّ بين والد كان عطوف وبى حنان والدة مبطـرا
أسرة غرتو كل الحنـان وليهـو سقايـة محـدرة
***
ولـفّ دار دولاب الزمـن والقـدر يتـم ميسـرة
مات أبوهو الكان حنين وليهو كان الضل والضـرا
خلى لى أم ورثت الهم والنحيب ودمـوع ممطـره
خلى لى شابة اترملـت زهـرة يـا دوب منـورة
لسه فى ريعـان الشبـاب حلـوة أمـورة وآسـرة
فلته من عالمنا الضنيـن مستحيـل تانـى يكـررا
***
قررت تتحزم تقيف جـم وليـدا تكونلـو الضـرا
وتنسى إنو فقد أبوهو وتبقي هى الراجـل والمـره
رغم جو الهم والنكـد مهـدت لـو طريقـو يقـره
ورغم إنو زمانـا غالـى كـان بتقعدلـو مذاكـره
كان بتحلم بى وليـدا يبقـى كـان كابتـن طائـرة
والا يصبـح باشمهنـدس والا يتخـرج دكـتـره
***
والوليد اصبـح كبيـر وفاتـا يـا دابـو العاشـرة
والزمن غيـر كـل شـئ الا والدتـو مـا غيـرا
زادا فى نظر الكل سماح وفى عيون النـاس كبـرا
مرة يوم الحلى جاطت وقالـوا إنـو سعيـد دايـرا
كان سعيد راجلاً مهذب يملـك الجـاه والسيطـره
***
قام طلب إيد أم الوليد ونيتو صافيـة لبـن طاهـرة
دار يكون لها راجل أمين ويبقى والد لـى ميسـرة
حست إنو أماما إمتحان قاسي بيـن إتنيـن خيـرا
ختـت الشافـع أمامـا ومغريـا الكـون بـى ورا
بين وليدا الفارق كبير وبين قروش وحلى وأسـوره
رفضت الفكرة وبى أدب رسلتـو جـواب معـذرة
ورتو إنها داب وليدا وفى العـرس ماهـا مفكـرة
***
يوم سعيد نادى الشويفع رغبو وقال ليهـو واغـرى
جيب لى قلب أمك يا ولـد ولينـا طلباتـك آمـره
كان طلبت الشي المستحيل يبقى ممكن شان خاطره
كم فرح ميسره وإنبسط ولى ديارن فرحان جـرى
فتحت أمو احضانا راجا شان تضمو يطيب خاطرا
وبين ضلوع أمو الحنيني غزّ سكيـن لـى آخـره
***
وانتزع قلب أمو عجلان من محـل ريدتـو موكـر
وماتت الأم جم وليدا فوق دمـوم سالـت طاهـره
وشال قلب والدتو بين ايدى وزود السرعـة كتـرا
ومن كتر سرعتو قام وقعد وما عرف حاجه ومادرا
غير سمع قلب أمو ينضم وفيهو كم أنات عاصـره
بى كلام أشبه بالبكا ومـن حلـق ساداهـو عبـرة
يا جناى إن شاءالله طيـب بـى وقعتـك متأثـرة
***
كان كلام قلب أمو تيار فى دواخل الوجدان سـرى
رغم إنو يفيض محنه .. ضاق طعم كلماتـو مُـره
حس إنو فعـل جريمـه مستحيـل تلقـى المغفـره
سل سكين داير يموت وفى وسـط ضلعـو يوكـرا
دار يموت كان يرضى الضمير أو يكون للزيو عبره
الا تانـى قليبـا نـادا رجـع السكيـن لـى ورا
ولاتكتـل أمـك مرتيـن يـا جنايـا كفايـا مـرة

أبو وائل

07-10-2010, 03:22 PM

علاء الدين عبد الرحيم
جاروا الأهل

جاروا الأهل خلوكى تتباكى بين نارين
نار الظلم والجور وبعد الحبيب الزين
ظلموكى فى أفراح راجاها ليكى سنين
كتلو الفرح جواك وئدوا السعادة جنين
خلوكى زى طفلاً باكى وتملى حزين
وعايش حياتو عذاب مابين نواح وأنين
لوقدروا جاروا على وشالوكى من العين
حتظلى فى جواي يقدر يشيلك مين
لاتبكى تشكى البيك يبقن على همين
مابيتحملو بكاك قلبى العليك حنين
بيناتنا ختو أميال شان نتفرق ناسين
إنو الحبيب بالشوق بيطير بلاجنحين
أنا مامته موتت ذله انا مت بى سكين
لكن قدربى صديق بى سيف خيانة سنين
لامينى ليل ونهار عارف الشهير ودفين
وريتو أدق أسرار ما كان عليها أمين
صبراً على الأيام يمكن شويه تلين
تجمعنا بعد الحال ننساهو مر البين
وكت انتى زى تمام وقلوبنا متعاهدين
حنعيش حياتنا أحباب ونشوف حا يخسر مين

أبو وائل

07-10-2010, 03:24 PM

علاء الدين عبد الرحيم
رسالة من الآخرة

ســـــــارة من الآخــرة بكتــب ليـــك تحـــية
من حبيب مات يوم فراقك الا نارك لسة حية
من جهنّــــم ليك بكتب رغــــم آلامى العـــلى
أقلب الأحزان مباهج كان يخـف ألمـك شوية
عارف إنى أنا فى قليبك وعـارفو قلبك لسة لىَّ
وعارفو باب سكـة فرحنا سدتو الإيد القــــوية
أهلك القايلين سعادتك تبقى فى العيشـة الثرية
شالو فرح الدنيا خلوك تبكى بالدمعـة السخـية
رغم أفكارم بريدك ريدة ظـاهرة ومو خـــفية
واختلاف الفكر عمرو ما فسـد للود قضــــية
حالتى من غيرك تمحن عيشــة فى نار سرمدية
مافى زول أحكيلو حالى وإنتى مــاك عارفة العلى
سارة مابقـــدر ألومــــــك إنتى ما اتلـــومتى فيــاَّ
والبزح فى الواطة قاعد ما بتطــول قدمــو الثريا
سارة أمسحى سيل دموعك وعيشى لحظاتك هنية
والفرح فد مرة قالوا عنـدو فى أعمــارنا جيـــــة
أوعى تحزنى يوم زفافك إنتى ما شبه الأســـــية
الاَّ أقدارك معــاندة وإنتى ليهـــا دوام ضــــــحية
افتقدتك فى إحتضارى يوم أحاطــت بى المـــنية
وقالوا فى الليل المضَّلم يفتقد قمـــــــر العـــــشية
سارة طاريك ما نسيتك وكيفن أنســــــــاك يا بنية

أبو وائل

07-10-2010, 03:26 PM

علاء الدين عبد الرحيم
جن الريد

أحمد معروف بالطيبـة حسـن أخـلاق وعليهـا إتربـه
تكفي شهادة ناس الحلـة إنـو خلـوق وخجـول ومُربّـه
مهذب رغم حداثـة سنـو لبـس تهذيبـو أصالـة وهيبـة
أدي الناس الحـب أدوهـو حسـن الظـن بيناتـن شبـه
خشت فجأة أميمة حياتـو وصـارت بينـو وبينـا محبـة
قلبو إختارها عشان معروفة زولة حنينة وراقيـة وطيبـة
دسو الريد في السر بيناتُن وخلّـو حبيـس دفيـن ومخبـه
وكيف تنضارى متل أشواقن وليه زي ريدُن يـوم يتخبـه
بعد أيام وصلتـو رسالـة جـواب مليـان تقيـل ومعبـه
قبال ما يفتحو عرف الراسل باينة وظاهرة رسائـل وهبـة
أخوهو الليهو زمن متغرب تسعة سنيـن قضاهـن غربـه
مرسل ليهو تذاكر وفيزا دايرو يجيهو هنـاك فـي طيبـه
طار في الأول أحمد فرحه كلـم كـل النـاس والصحبـه
لما إتذكر أميمة حبيبتـو فجـأة إنتابـو شعـور بالخيبـه
لكن قـرر إنـو يسافـر سرعـة يعـود ويتـم الخطبـه
لأنو الغربه طريقه قصير وفيهـا يهـون تحقيـق الرغبـه
جاتو اميمة حزينة توادعـو جاتـو تجفـف دمعـو الكبـه
جاتو توصي عشان ما يقوى لا ينساها هناك فـي الغربـه
جاتو تطمنـو إنـو حيفضـل ريـده الخالـد مهمـا غبـه
حافظه عهود الريدة البينُن ومهمـا كـان ح يظلـو أحبـه
أهدتلو المصحف شان يرعاهو من العين والهـم والكربـه
لبّسه عهد الريد في جيده عقـد ممهـور بصـورة الكعبـه
قامو إتوادعو زين إتباكـو فـات خلاهـا وحيـدة وخبـا
سافر شال همو وأحزانو بعـد أيـام فـي المملكـة طبـا
لاقو الناس يا زول كيف حالك بالأحضان قام سالم وهبـه
قالو نصاح ناس أمـي وأبويـا مشتاقيـن راجنلـك أوبـة
قالو أحمد سافـر يـا وهبـه غيـر جـوَّك وروِّق حبـه
أمـك ياخـي تلاهـي عليـك لاخـلالا ضريـح لاقبـه
السودان مشتاقلك كلو ضفـاف ورمـال سواقـي وتربـه
وحتى النيل فرحان راجيك تجي وتنهل من مويتـو العذبـه
بعد أيام كان وهبه هناك بيـن أصحابـو وأهلـو وأحبـه
في حضن أمو الطول منو في حيشانـو الواسعـة الرحبـه
قالتلـو أمـو أخوانـك كبـرو ومـا فضلنـا زول يتربـه
بس فضلي أشوفو جديـدك وكتيـن لسـع حيـه وطيبـه
إختارولو بنيي سميحـي تشـع حيويـه ورونـق وهيبـه
أديبه وراقيه وكلها عفه وبرضو أهل وقراب فـي الحسبـه
يوم العرس الحي صباحي فرح مطبوق والنـاس منطربـه
شاق الليل صوت كم زغروده وحس طنبور ودليبـن ربـه
إلا في واحده حزينه وباكيه سايلـه دموعـا دوام منسكبـه
وفي دموعا سؤال بيحير وفـي آهاتـه أسـرار محتجبـه
وقالو الناس دي دموع الفرحه وغيرا شنو الحا يكون السِّبه
بعد أيام ساق وهبه عروسو ساقا رجع لـي بلـد الغربـه
سايقو حنين لي كل أصحابو ولي أحمد أخوهو أشواق ملتهبه
وصل الباب كورك يا أحمد فتح أحمد بـي لهفـه ورغبـه
شاف قدامو الما متوقع هم الكـون فـوق راسـو إنصبـه
شاف السلسل عهد الريده نفس السلسـل وصـورة الكعبـه
شاف قدامو أميمه حبيبتو كانت قاسيـه وقاضيـه الضربـه
شاف أحلامو تضيع قدامو بعـد مـا كانـت منـو قريبـه
كانت لحظه تفيض بالدهشـه شـاف الدنيـا كأنهـا كذبـه
كورك أميمه أميمه وصنقـع صنقـع ودنقـر ودّر وغبـى
وجن أحمد في نفس اللحظه جن الريـد مـا أظـن ينطبـا

أبو وائل

07-10-2010, 03:29 PM

علاء الدين عبد الرحيم
يانـي أنـا

راجـاك لاتقلق لو غبت تسعة سـنة
ويوم بالسلامة تعود تلقاني ياني انا

* * *
لا غيرتني ظروف لا ريدي صابو عنا
لا قلبي شالو سواك لا عنك استغنى
تلقاني منتظراك فوق نار ومستنه
والله غير لقياك ما عندي تاني منـى

* * *
كـل مـا يجيني الليـل انا ببكـي وإتالم
تلقاني سـارحه معـاكا وبي لقـاك بحـلم
مالك قليبي هواكا وجاري مجرى الـدم
فيك التروح الروح وأنا عندي زيك كـم

* * *
طال الزمن بالحيل وانا قاعده مستناك
وبرجاك ومابندم وانا عمري كـلو فـداك
بس يوم تعود ارجوك لاتسيبني تاني وراك
يا أقعد إنت معاى يا إمـا سـوقني معـاك

* * *
سألوني عنك يوم وعن غيبتك العزال
قالوا لي فتَ خلاص غبت وبعادك طال
زول من رحـل خلاك لا جيه لا مرسال
وكتين نساكي وفات خاتاهو ليه في البال

* * *
قالوا لي انسى خلاص زي ما هو برضو نساك
صهين يكون مشغول بي واحـدة تانيه سواك
إبتسمي للأيـام تلقى الزمـن ضحـاك
خطابك انتي صفـوف الآف بتتمناك

* * *
رديت حياتي بقت مقـرونه بـي إنسـان
رابطنا فد شريان ساقينا ريد وحنـان
بيهو بنعيش أحباب في روقة وإطمئنان
ويصبح مصيرنا المـوت يوم ينزف الشـريان

* * *
خليني في جواك لا يبقي بينا عزول
نوم مُطمئن وارتاح واسمع خلاصة القول
لا مال بغيرني لا إغراء بينا يحـول
لا بيملا عيني سواك لا تاني بعشق زول

* * *
همش كلام الناس زي ماجَ خلي يفـوت
واسمع حديثي عديل لا يجيبوا ليك ملفـوت
ماناسيه عهدي معاك جوه الفـؤاد منحوت
ويوم ارتبط بسواك ان شاء الله قبـلو امـوت

أبو وائل

07-10-2010, 03:30 PM

علاء الدين عبد الرحيم
سحابة حزينة
بعد طلَّتنا سحابـة حزينـة.. أحالـت ليلنـا.. نـواح وأسيـة
بدت الفرحـة خطاهـا علينـا.. تعـم آفاقنـا ..شويَّـة شويَّـة
نـار الغربـة ملهلبـة فينـا.. ونـار الشـوق ..اللِّـسـع حـيـة
حلاة اللقيا بعد طـول فرقـة وبعـد الغربـة سماحـة الجيَّـة
***
شوقى كتير لى لحظة شوفتك.. وشـوق أطفالـك بالكميَّـة
مشغولين بى ذكرة بابا.. وبسمـع بابـا.. صبـاح وعشيَّـة
جانـا جوابـك شايـل البشـرى.. بـى تحقيـق أجمـل أمنيَّـة
عودتك وعودتك بلسم شافى يداوى جروحنا الطالت نيَّـة
***
كنا نمنِّى الروح بى اللقيـا.. نـدارى دموعنـا ورا الحنيَّـة
وكنـا نطـوِّع زمنـا ً قاسـى..لـو الأقــدار تنـسـاق بالنـيِّـة
يفرح بيك طنبورنـا ويصدح..يعـزف ليـك أجمـل أغنيَّـة
وبعد إحجام صامتبو قريحة حترجع توحى إلهامه سخيَّة
***
لما تعـود حتكـون أيامنـا.. رايعـة ورايقـة وهاديـة هنيَّـة
عودتـك قمـة هـرم أفراحنـا .. هداهـا الينـا زمَّنَّـا هـديَّـة
لما تعـود حيهلل(ناجـى).. تجيـش أشـواق كانـت مخفيَـة
ورغم طفولة (نازك) إخيتو يقولها زغردى هوى يا بنيَّة

أبو وائل

07-10-2010, 03:32 PM

علاء الدين عبد الرحيم
حبي أنا ليك كان زادي

حبى أنا ليك كان زادى وكان جوه الحنايـا دفيـن
كتّ بضارى من الناس وخايفه عليهو مـن العيـن
عليهو كت بصوم وافطر عليهـو بكابـد الناريـن
كت بحسب سنين الغربة لما تعـود تجينـى متيـن
وكت برجاك فوق النار لمـا وكـت لقانـا يحيـن
نونس فى براءة أطفال وفى الحب نروى ننهل زين
وكلما يوم يزيد البينـا لمـا بقينـا قـاب قوسيـن
اتارى أنا كت فيك مخدوعه وكم من زي مخدوعين
ما قايـلاك حبيـب آلاف وقلبـك قبلـه للضاليـن
وما قايلاك بتنسي حبيب صبر راجيك ستـه سنيـن
وساهر كم ليالـى طـوال يتقلـب شمـال ويميـن
كيفن يهون عليك تنساهو زولاً كان عليـك حنيـن
وتشغـل بالـك الأشـواق لمّـن تزبـل الياسميـن
كت دايراك بسمة عريضة فى وجه الزمان الشيـن
وكت دايراك ساعة الحاجة تبقى ليّ دخرى خزيـن
كت دايراك مقنع حوبه وكتيـن المضـارى يبيـن
وكت دايراك فارس احلامى تشاركنى ونتـم الديـن
وكت دايراك أمل بسام يزيل ألـم البعـاد والبيـن
كت دايراك شريك الروح واخدمك حافيـة القدميـن
وكت بحلم بك انت معاي مجرتق بالعديـل والزيـن
جنبك فى يمينك قاعده نسمع فـى دقـر يـا عيـن
تبشر زين مع الأصحـاب وتتشبـل مـن الوزيـن
أنا الأبحرت راكبه الموج اكيد مرسايا بين موجتين
وداعاً يا زمـن ظالـم وبالأفـراح علـيّ ضنيـن
وداعـاً يـا قلـب قاسـي لا بيحـن ولا بيلـيـن
وداعاً يا سراب خداع محال ما بيروي عطشانيـن
وداعاً يا كلام معسـول حـدو ومكمنـو الشفتيـن
وداعاً يا سحابة صيف شايلى مطر ضليـلا رهيـن
تبشر بى خريف جايينا ياما الناس رجوهو سنيـن
كل زولاً يفكـر فيهـا مـا معروفـة تنـزل ويـن
وألف سلام عليك يا قلبي المسالم وديمه طبعو حنين
يتاورو الشوق ويلعب بيهو تنحر فى حشا السكيـن
تعاودو الذكري تنتر جوا حالـو يحنـن المسكيـن
أخيراً مى ليك سلام وقبل ما تجـف دمـوع العيـن
وقبال منى ما تعـدى وقبـال الفـراق مـا يحيـن
بخيت وسعيد عليك إن شاءالله يبقالك عمار وبنيـن
وقلبى أنا خلى فى أناتو بعدك يامـا راجـى أنيـن
ولو كان يا قلب حبيت بعـدو بعـد قسمـت يميـن
ما ينتمّ ليك مـراد لا تضـوق لا حلـو ولا زيـن
وتفضل طول حياتك تبكى طول عمرك تعيشو حزين
وعمرك ما تجيك سعـادة مـا تتهنـا قـول آميـن
وتانى الحب عليك حرمان ووعد الحر أمانه وديـن

أبو وائل

07-10-2010, 03:36 PM

علاء الدين عبد الرحيم
سامحنـي واصفـح

سامحني واصفح يا حبيب ساقوني منك بالغصب
ندماني ليه سبتك براك تتباكى في نص الدرب
طمني حالك انت كيف والبي يهون مهما صعب
انا اصلي زول احساسو مات من بدري معتاد الضرب
كم مرة شانك يا مناي من حنضل الآلام شرب
من خشمي تتقاطر دماي لو ينطق اسمك بالكضب
نفوني من نص الديار يوم عرفو اني انا ليك بحب
لكن كل ما زاد بعادي لقيتو شخصك لي قرب
سجنوني بين اربع حيط زربوني من جيهتك زرب
لكني شايفاك كل يوم هل طيف خيالك يحتجب
طالوني بالايد واللسان ما فيّ شيتا ما سلب
غير حبك الما قدرو يوم يصلوهو ما ساكن القلب
اغرب شي اني انا بي وراك بنزل واتهان وانضرب
لكني في لحظة لقاك بنساهو زي الكان لعب
وريتم انو انا لي حبيب لو خنتو بشعر بالذنب
ساقيني راويني المحبة ومن حنانو كمان شرب
يا اخوي زي ريدك ولادك برضي للمريود بحب
والله لو حاس بالعلّي ما بترضى بيتي انا يتخرب
زي ما بتدور لهم السمح لي برضو خير الدنيا حب
لكني القى الدايرا وين من ناس معين خيرن نضب
في شورة زي بيعة الملح باعوني في السوق بالجلب
وما راعو لي امي الدوام تتباكى شاني وتحتجب
باريت لي زول بالجتة بس بارنك الروح والقلب
انا قلبي لو فارق ضراك ما اظنو من بعدك كسب
متحملي الآلام براي شايلي الهموم ما بتتحسب
وما لقيت زول حس العلي قاسمني همي معاي تعب
عرفت صح ألم الضرب ما بحسو زول غير الضرب
الغربة كيف وعذابا نار ما بيطرا الا المغترب
فوضت لي الله الأمر وقتين من التحنيس تعب
مظلومة والمظلوم دعيوتو من الإله ما بتتحجب
بكتب لك اسع يا الحبيب متصبري وماسكي القلم
بكتب لك اسع والقليب مجروح يعاني من الألم
مكتوبي من شهر العسل شهر المرض وشهر السجم
ملفوفة بي كفن الزفاف والحنة في إيدي دم
مرقت من سجن الطغاة وقعت في الزل والوهم
قبلت بالواقع المرير آمنت بي أمر القسم
وقبلت بالدايرنو لي كم قبلي مظلوم اتظلم
ويئست من عيشة عذاب راماني في زول ما رحم
انسانة صرت بلا طموح بلا مباديء بلا قيم
وقنعت من الرحمة تب بس فيك ما انقطع العشم
ما زلت ياك مالك القليب رغم انو امري انا اتحسم
لا زلت بفخر بيك واقول انت الحبيب في كل ملم
ولا زلت بي اسمك بصيح لو حتى ساكت اتهجم
وبقولا قدام أي زول ما خايفة اصلو الموت هو كم
آخر رسالتي بطمنك أرجوك ما تشيل لي هم
خليك في عهدك معاي ارجاني ما يطولبك سئم
أحفظني في جواك فرح بلسم تداويبو الألم
زي حفظي ليك بين الضلوع انت وقليبي نجم نجم
اخواني سيبم يفرحو انا جرحي لسع ما التئم
يمكن ضميرن يوم يحس ويعرفو اني انا انظلمت
ويعودو شان يبنو الوقع كيفن بينو الانهدم
ديل ناس هوايتن الظنون ديل خلو عيشتي بلا طعم
ما سوو بي حكم العقل وما بيرضو بي الليهو احتكم
الناس بتتقاس بالعقول ما بالجلاليب والعمم
وانا ماسكي في حبل الصبر في الله أملي انا ما اتعدم

أبو وائل

09-10-2010, 10:07 AM

علاء الدين عبد الرحيم
حاجة نفيسة
حاجه عجيبة
قصة طويلة يااطفال نهايته كان نهاية غريبة
حاجة نفيسة كلها طيبة
تشهد بي حنانه الحلة بي كل طيبتة وتهذيبة
كان حِبيْبه
حبوها الكبار والجهلة كان يحترموا فيها الشيبة
كانت عيبه
أنو دموعه دايماً سايله في الفال والحزن صِبّيبة
إلا غريبة
ديمة كمال معاند ليها كايس دمعته وتعذيبه
دون أخوانو منصاع ليها روحو الماقدر تهذيبه
ديمه يصيبه
بي اسهم لسانو السامه بي اهماله ليهو يعيبه
كان يوم داك ينهّر فيها لمن زاد عليها نحيبه
خافت إنو تدعو عليهو دعوى الأم من الله قريبه
دخلت جوة تبكي براها ديمه جناها كاسرو قليبه
فات لا جوَّة حسَّ الحمى بين أوصالو ساري لهيبة
في غير وعيو صاح وينادي يمه تعالي مني قريبه
حسَّ بإيده ماسكه جبينو شان الحمى بالِّي تويبة
أصلو الأم حكاية عجيبة لمَّ تشوف وليدة يعاني
ديمه تعيش وسط تعذيبة
مابيرتاح دقيقة قليبة
فوقو تقيف تشيل الليل وتبكي من الصباح للغيبة
زاد تعذيبه
انآت الوليد والآمو ما قدر إحتمالو قليبه
يوم شافوها جاري تويبه
تبكي وراها كل الحِلة لملموا في الايادي دريبه
باكيه كئيبة
همها كان كمال يتداوى ما خلت طبيب وطبيبة
عالي نحيبه
ودعت الأهل تتباكى قالت مابتطول الغيبة
سفرة قريبة
يمكن تلقى فيها الدايره يتعالج وليده حبيبه
قالت أسيبه
كل الدنيا ماندمانه والروح لي جنايا أفديبة
طالتَ الغيبة
شهرين من قيامه اليوم وماكان ترضى ساعة تغيبة
حالة صعيبة
والناس في الصلاة بيدعوله راجين لي وليده الطيبه
لحظة عصيبة
لمن عاد وليده براهو رجعت بس معاهو حقيبة
رجعه مريبة
حزن الدنيا في عينى ويجرجر في زيول الخيبة
غلبو يجيبه
أسئلة من كبار الحله وين أمك قدرت تسيبة
الشفع كمان يتباكو يأمروا فيه زي ما سقتها إنت تجيبه
صدمة رهيبة
لمن قال وسط دمعاتو ماتت أمي قسمته يارفاق ونصيبه
مقلو صبيبة
ردد كم جمل مطموسة كلمات ماقدر ترتيبة
وديك اللحظة عرف الدنيا
من غير والده خاوية ومابتساوي سبيبه
فات وينادي دنيا عجيبة دنيا رهيبة دنيا غريبة
طافش فيها بين أهوالة كايس للجراح تطبيبه
جاري وراهو حاج التوم الجنى عقلو صار مو طيبة
قام رشاهو بي كوز موية علو يفيق من الغيبيبه
فعلاً حسَّ – ( حس هناك مكان الحمى)
حلمه عجيبه
منها قام كمال مهجوم ويحمد في الله كان هضريبه
دخل الأوضة كابس أمو روحو تزيدو في تأنيبة
قالد امو فوق مصلاته يبكى زى العمللو مصيبه
دايرو عفوكي بس يايمة روحي فداكي لو ترضيبه
قالت في فزع مهجومة سم اسم الله علك طيبة
بين ايديها ضامه عليها قالت باكيه كيف الام تجافى حبيبه

أبو وائل

09-10-2010, 10:09 AM

علاء الدين عبد الرحيم

بدايات الفرح

ريدك بدايات الفرح لٌُقياكِ حد عُمر الشقا
حُبك امل لاح في الأفق كان للتفاؤل بارقه
بالله كيفن زي هناى في لحظة اقسى وافارقا
كيفن عيونى يجيها نوم وهي بي هناكا مأرقه
وصل الجواب شايل الفرح رايع حروفو منمقه
حلق بي في جو من هُيام ورجع بي لي يوم اللقا
بعد السلام أسرِع تعال الغربة سيبه وفارقا
خليتني وحدي بلا رفيق باكية وحزينة مقلقه
قالت لي ساو كيفن هناك والعيش بلاى كيفن بقه
والدنيا من غيرك جحيم لكن تراها مدردقه
سافرت خليت الدموع من عيني ديمة مدفقه
وخليتني لاموت لا حياة بينن صِبحت معلقه
ساعة الوداع شلتك حُضن وفضلت فيك متعلقه
ما خُفت من كل العيون الكان علي مبحلقه
ايديَّ كانت في ايديك ماكنت رضيانه امرقه
بي لهفة أطوّل في الوداع مذهولة ماني مُصدقه
وساعة خلاص حان الفراق ولمحت دمعة مرقرقه
فجأة إنفجر بركان بكاى رَجَّ البوادي وغرَّقه
بهواك عشق من نوع فريد هتك القوانين خرَّقه
لو قسَّموه علي الخلوق براحه اكيد بيحوقه
إنت الفرح إنت الأمل وإنت الأماني المطلقه
وإنت الهدف في كون بقت أهدافو ماها محققه
دونك ثواني الليل طوال ومعاك تمُر متلاحقه
وليلاَ يضمنا مابنحس بي وقتو لما نشرَّقه
نشرب سلاف الريد كئوس بيناتنا دايره مطبقه
نسكر نغبي من الهيام خَمرة غرامنا مُعتقة
مليت رصيف الإنتظار في أفقو ديمة مُحدِقه
وراجاك تراني علي جمر بي نار فراقنا مُحرقه
ملعون ابو الغربة إن بقت تسبي السعادة وتسرقه
وعيشتاَ تنسيك لي اخير قبال ده يحصل طلـقه

أبو وائل

09-10-2010, 10:11 AM

علاء الدين عبد الرحيم
ود عمـى ياغالـى
ود عمى ياغالى اسمعنى فد مرَّه
خجلانه اقول ليكا لكنى مضطره
***
تكفيك وسامتك بس كان الجمال مقياس
فضلا عن احلى خصال راقى ورقيق وناس
زان كبريائك زوق وانفه ورجوله وباس
وفوق الذكرتو كمان مابتنقصك شهره
***
عاجب بنات الحى وليهن فتى الاحلام
وانا زاتى معجبه بيك وبعتزه بيكا دوام
لكنو اعجاب زول يملك مشاعرو تمام
ما قايله للامال بيقيف حجر عثره
***
يوم شاورونى عليك ما قلت فيك عيوب
ما انت ود عمى ولى اخواتى مقنع وتوب
كان عذرى واهى صحيح عذر انفعال وهروب
وبين دهشه واستغراب انا قلت دايره اقرا
***
لكنو ما كان صاح وماها القرايه سبب
وانا خفت اقول الصاح ويقولوا قلة ادب
مانى البت البتقيف ترفض لى ابوها طلب
وانا باره بى والدى من العقوق ابرا
***
لكنو كان مفروض وواجب على اختار
وكان العقل مابين حب واحترام محتار
مالقيت مكان فى النص بين الجنان والنار
وانحزت لى قلبى واخترت بالفطره
***
صاح الحديد بيذوب وبينصهر بالنار
وبين مطرقه وسندان يتقوَم المسمار
وعاتى الجبال بيزول بالعزم والاصرار
الا القليب مابريد بالقوه والجبره
***
صعب انو تلقا مناك فى الدنيا زى ماتدور
وهراوة الاقدار بين الامانى تدور
الصدفه باعه طويل والحظ بيلعب دور
ودايما مع العشاق ما بتسلم الجره
***
صدقنى ما بالايد الدايرو ينسوه
ومين يستطيع تبديل القسمه بالقوه
سامح اخيتك اخوى لا تنسى للخوه
ومهما الاخت غلطت مقبول اكيد عذره
***
دايراكا تبقى ربيع يغشى المحل والصى
ودايراك تكون للناس قدوه ونموذج حى
يشمل عفوك الكل ينشره غيمه على
زى زهره للقاطفين برضو بيفوح عطره
***
الدنيا كوم احزان تتخلله الفرحه
ومعانى متناقضات يصعب دوام شرحه
الحزن مهما طال يتلاشى فى لمحه
ومواسم الافراح دايما عجول قطره
***
لو غربت ضحكه الدمعه بتشرِّق
وبتجمع الاقدار كان القسم تفرق
ليل الالم لو طال شمس الهنا بتشرق
وبترحل الاحزان مهما يطول عمره
***
اعذرنى ودعمى والله مابيدى
وانت الطلبتو عزيز وانا زاتى ماعندى
وبقولو فاقد الشئ من وين وكيف يدى
وانا قلبى ماهو معاى شالو الملاك فره

أبو وائل

09-10-2010, 10:33 AM

علاء الدين عبد الرحيم
عافي منك

عـــافــيـــة مــنــك وراضــيــة عنــك سـو رضايـا
ومـــا بـيــخــــيـــــب الـرضــا والـدتــو يـا جــنـايـا
أنت مـن يـا دوب صـغــيـــر مـن زمان دايماً مـعايا
أنــت ديـمـه أمـامـي سـايـــر مـا بخـليـك بـي قـفايـا
ما بتغيب من عيني لحــظـة ولا حصـل سبتك ورايا
لا من الله يشيـل أمانتوا أنا بـبـقي خاصاك بالرعـاية

ـــــــــــــــــــــــــــــــــــــ

ليَ يــرعــاك الـبـيـــرعـي لـيَ بـيــك يبـــرد حشايـا
أصــلـك أنــت هـديــه مـنـو والله بـيـك أجزل عطايا
جيـتــنـي واحـد مـالـي تــانى رحمـه في آخر صبايا
قـبــل مــا أفــقــد قــدرتـي وقـبــل مـا تنـهـار قـوايـا
جيـتـنـي ذي بــدر منـور وفجـأة طلـيــت فـي سمـايا

ــــــــــــــــــــــــــــــــــــ

انـت لــمـا خـلاص كـبـرتـا دار تسيبني أعيش برايا
دار تـفـارقـني وتـسـافــر والـحــزن يصـبــح جـزايا
كيف يـهـون لك تحـزن أمـك شـان تحـقـق ليـك غاية
كان مسـافـر شـان عـلاجي بـلـقي في شـوفتـك دوايا
وكان عشـان تـســقـيــنـا نهـلك نحـن بي حنـك روايا
كان عشـان كــرعــيــنـا راحـل نحن بي بـعدك حفايا
كان مهاجـر شــان تـعـرس خـيـر أبـوك مالي التكايا
خـيـرو وافـر أبــوك يحـمـدوا مراحو مليـان بالسعايا
وبالـقروش الجـيــب مـجكن ولسه برضو الجايا جايا

ـــــــــــــــــــــــــــــــــــ

بـرضـي مــنــك مـا بـقـصـر بـحـفــر أديـــك المعـايا
كــان ده كـلــو كـمــان شُـويّ بـتلقي في دهبي الكفايا
أصـلـي مـن ســويـتــو نــاذرا إبـقـي لــي أيـام قسـايا
خـاتـــا للــزمــن البـعــانـد لـي سعــادتــك يــا عشـايا
أنـت مـن شبـيـت صـغـيــر راسـي مـا بتحتاج وصايا
مـا حـصـل خيـبـتــا ظـني ولا فشــل فيـك زين غنـايا
لا تسـيـب أمــك تـهـاجــر يـمـه محـتـــاجــي الحـمايا

ـــــــــــــــــــــــــــــــــــ

لا تسـيـبـني وراك تـرحـل إنـت يـاك ضُـلـي وضرايا
أنـت فـوق الـحـوبــة مـقـنــع إنـت للـمـكشـوف غطايا
دايري مـنـك تـبــقـي جنـبي . جنبي في فـرحي وبلايا
دايـري كـان قحـيـت اتـبـنـك ارفـع اقـســمـلـك غـتـايا
أنت سـاعـة تـبـقي جنـبـي تـبـقـي ضُـلــي وتـوب قفايا
ومـا بخــاف ظـلـم الـلــيــالي وأنـت يــاك عكاز عمايا

ـــــــــــــــــــــــــــــــــــ

دايـري أقـضـي عـمـيـري جنـبـك أصـلو قارب للنهايا
خـايـفـي كـان ســافرتـا ترجع تلقي فـاضي البيت بلايا
حـيـنــا مـا بتـنـفـع قـروشـك وما تجـيــب لك أم سـوايا
مـاني عــارفـي سـبــب رحـيلك يـا وليدي شنو الحكاية
إلا تبـقي بـــراك شــايـف فـي فــــراق الــوالــدة غـايـه
ما بعاتبك وما بلومك لو رحلت بلـقي في الأمثال عذايا
عـلـي حـجــر دايـمـاً قليـبـك وقليـبـي كـله عليـك جنـايا

أبو وائل

09-10-2010, 10:57 AM

فؤاد عبد الرحيم
يا غيمة

اقيفى شويه ياغيمه
ومعاك ودى لى كليمه
*****
فى عدلك وواصلى دربك
وفى الوادى محل مصبِّك
عدى اكيده بى غبِّك
بتوصلى ارقى العظيمه
*****
تلقى بلدنا ترحابه
وليكى بتفتح ابوابه
تعجبك رقة شبابه
وادخليها بلا عزيمه
*****
ابدى الرحله بالتكر
واوعى يفوت عليك منظر
امانه بلدنا ماسكر
طعم مشرقه زى طعيمه
*****
وعدك ليا وفَّيهو
وامشى الرايدو شوفيهو
من نظره بتعرفيهو
وهو ظاهر من البسيمه
*****
ليك انا بحكى وبوصف
عشان فى ارقى اى زول يعرف
فى بوحات حالى مؤسف
ومرضان حالتى انا حكيمه

أبو وائل

09-10-2010, 11:00 AM

فؤاد عبد الرحيم
مسكين أنا
إنسان عَـقـيـم سـتين سـنه000 إتمنى يـوم يلـد الجَّـنا
وتــم المُـنى000
جـاب الولـد وفـرهـد كِـبـر وعُـمـرو حَـصَّــل كـم ســنه
وفـجــــــأه فـى لحـظــــة هَــنـــــا 000 مـــات الـجَّــنا
مـا أهْــــوَنـا 000 مـا أصـلـــــو غـــايـــة الحَــىْ فـَــنا
لكن أنا مأساتى أكبر بى كتيـر مِن إنو زول يفقـد ضنا
مأساتى تـكـمـن فى حـبيب مـاشـفـتـه إيــدو مـحَـنـَّنـه
والـدِبـلـه فـى إيـــدو اليـمـيـن ذهـبـيــه نايـره تـزيــنـه
ياحـليـلـو مـشـوار السـنين 000 حـليـله قـصـة حُـبـنا

بالـلــه كــيــف تـــــــانـى الـصِّــلــــــه000
لـو فـى الـقـمـر ســاهـل عـلىَّ أنــزِّلـه000
لـو دُرَّه فى أعـمــاق بحـر كـنــا بنغـــوص ونحـصِّـلـه
ولــــو قـــــوانـيـن كـنـــا بــنـصُــــــوغــه نـعـــــــدِّلـه
لكن حـرام000 والـحـرام مـنـو البـِحَـلـلـو غـيـر ربَّـنا
ياحـليـلـو مـشـوار الســنين000 حـليـله قـصـة حُـبـنا

شُــفـتـو الحَــبـيـب000 ؟
مـا أظـــن فـى يـــوم شُــفـتــــو الجَّـمــــال
والــــلا العـــيــون000 !
مـــا أظـــنــــــو مُــــــــرواد كـحَّـلـــــــــــه
وما شـال قـلـم لــوَّن حـواجـبـو وجـمَّـلـــه
شُــفـتــو الشــفـاه000 ؟
ما أجْـملا000 ما حِـلوه أحْـلى مِن الحَــلا
شُـفـتــو الخـُصــل لـمـا الـنسـيــم يحْـسِـــد جَـمــــالا يـبـهْـدِلـه
شُـفـتــو الصَّـدُر ياربى ألهمنى الصَّـبُـر مـوية عـيـونا منـزِّلـه
شُـفـتــو الخِـصِــر000 خــايـــف عـليـهــو أنـا يـنـكَـسِــر
زى الــســــويـس000 رابـــــط بـُـحـُـــــــور ومَــــوصِّـلــــــه
شُـفـتــو الـقِــدِيــم000 ؟
ياناس وحاة اللـه العـظيم زى إيـد عـروس ممكن تشيله تقبله
أمــا الـجَـبـيـن000
زى القـمـر بين السِّحـاب لمن يبين ما عـقـولـنـا ياناس جَـنـنا
ياحـلـيـــلـو مـشــوار الســـنين000 حــلـيــلـه قــصـــة حُـبـنا

لـوحـــة جَـمــال فـنـان بـديــع إتـأمَّـــــلا
إحْــتـار وقـَــف000 قـــــــال الـصَّـــــلا
ألــــوان فـــرح000 مـنـظــر صــبـــاح
ما فيهــا لـكــن000 ولا حــتـى000 لا
ريحـة دعـاش زمـن الـرشـاش عَـمَّ البنادر والخـَــلا
زهـــرة قــُرُنـفــُــل000 روعــــه قـطـعـــة صـنـْـدَله
ولـو زول سأل من الأصِـل ورثة جَـمال من الجُّـدود متسلسله
ما سِـيـد بـلـد00 ماروعـه جَـد00 ماتقولو قـل هـو الـلـه حَـد
وبـعـد الـصـلاه والـنازعات والـبَـسْـمله
مــــن كُـــلْ بـَـــلا000 تـحــمِــيــهـــا يــــســــن وتـحَـصِّـنـــه
ياحـلـيــلـو مـشــوار الســـنين000 حـلـيــلـه قــصـــة حُـــبـنا

مـسـكــيـن أنـــا000
ما رقــصَــــن أخــــواتـى الـتـقـيــــــل000 مــــا زغــْـــــرَدن
ما ربـطـوا فـى جـبـيـنى الهــلال مـا مَــسَـكَــن إيـِـدَىْ حَـــنـَّـن
ما بـشَّــروا الـشِّــبــان عَـلىْ وسْــــط الـبـنـــات الـبـرقــُصَـــن
ما جَــنْ بنــات حِـلَّـتـنا000 ما سَــوَّن دلال000 ما سَــرَّحـن
ما ضِـحْـكـَـــــن الحـلــــــــوات مـعـَــــــــاىْ وإتـْـمـَــــــايـَــلـَـن
ما جَـلـَسَـن جــــدَّاتى فـى آخــــــر الصُّـفــُـوف وإتــْـبـَــلـَّـمَــن
ما قــامــوا جُــــو يـبـاركــوا لـيـــكْ ولـى خـُــــدودِك يـقـبـِّـلـَن
ما قـالــــوا لـىْ أنـا بـيـت عِـيــال مـبــروك عـلـيــك وودَّعَـــن
ولـو أصـلــو قِـيــس مَـيِّـت كـَـمَـد والـلـهِ حـقـــو أمُــــوت أنـا
ياحـلـيــلـو مـشـوار الســـنين000 حـلـيـلـه قـصــــة حُـــبـنـا

حــا أعـيـش كـِــــــده000 إسْــمِــــــــــكْ حـــروفـــــــو أردده
حــا أعـيـش غــريب000 وأكـْـتــُـــم عـــــــواطـفـى أقـيـِّــــده
ما صـورتِكْ إنتى يا سِـت هـواى ناميه بين ضلوعى مفـرهـده
بـسـقـيـهـا من ســــايـل الـنـخـــــاع وأغــنـى لـيهــا أمَـجـِّـــده
ما روحـــى مِـلْـكَــكْ مـن ســـــنـيـن الـلـيـلـه ويـن يا سَـيــِّــده
ما حــديـثى كــان بـِتــرُد عـلـيـه الـلـيـلـه مـيـن يـسْـمَـع نـِـــدا
يـسْـرَح حـــديـثى بـعـيـد بـعـيـد يـفـتُـر يـعُــود ويـرجَــع صَــدا
لـيــه بــس نكــون كـَـبْــش الـفِـدا000
ونـِجْـتـرَّ أحلى الذكـريات ونـعـيـده تانى نـردده000 إيـه ذنبنا
ياحـلـيــلـو مـشـوار الـســـنـيـن000 حـلـيــلـه قـصــــة حُـبـنا

يا حـلـيـلـو قـلبى الحَـطـَّمو000 أنا خـايفـو يـتـعـثـَّر يـقـيـــف
تـنــــزف دمـاهــــــو000 ياحـلـيـــلـو هـَــدَّاهـُــــــو الـنـزيـف
حـلـيــلـو أصـبــح زى يـتـيـــم قــدامـــو مـسـتـقـبــل مـخـيــف
وحْــدَه وألـَــمْ000 ولـيــالى هـَــمْ000 مـسـكــــيـن ضـعـيـف
حـلـيـلـو زى فـــلاَّح تـِعِـب ومحـصـولـــو بعــد الحُــــول تِـلِف
حـلـيــل ربـيـع أيـامـى كان000 أنـا مـا بـِقـَتْ أيــامـى صـيف
وطـلَّ الفــُـراق والفــُـراق مـا أقـْبـَحـُـو حـلـيـلـه أيـام الـولـِـف
مـا الـدنـيــا أصـلــو مَـــدَوِّره ودايــره فـى يــــوم ما بـتـقـيـف
لازم تَـلِـــف000 !!
يـَحـِـل شـِــتــَـا000 ويــَــرُوح ربـيــــع ويـجــــيـنـا صـيــــف
وتـَـزل ألـُـوف وتـَعِــز ألـُـوف مـا الـدنـيـا مابْـتـَــدِّى الحَـريـف
مـــــالـــــيــــــهــــــا لــُــــــون000 مُــــتــْــلــَــــــوِّنــَــــــــــه
ياحـلـيــلـو مـشـوار الـســنـيـن000 حـلـيــلـه قـصـــة حُــبـنـا

نـِحْـنــَــــا مـا سِــبْــنـــا الـهَـــــوى وراكَ خـَـــلـِّـيـنـا الـغــرام
الـدنـيـا مـا مِــسْـخـَـت عـلـيـنـا وكـيـف بـِتـَحْـلى مـع الألـــــم
كـُـــــلْ مـا حـــــاولـنـا نـبــــدأ نـجْــنـِى مَـحْـصُــــول الـنــــدم
وكُـلْ جـمـيـل قـِــدام عـيـــونا مَـسِـيـخ وخـَــالى مـن الطـعــم
مـا بْـنـَصَـــدِّق غِـيــر جَـمـَـالـَـك والجَّـمـــال غـيـرَك وهَــــــم
والـلـيـــــالـى بـِقــَــن طـُــــوال والـنهـــــار أصْـبـــح سَـــــأم
والـدمُـــوع بـتـسـيـل غـزيـره000 والعـيـون شِـبـْعـَـت ورَم
والـقــلـــوب لـســـــــع بـتـنـــــزف فـى أعَـــــزَّ وأغـلـــى دم
والـمـكـــــان أظـلـَــم عـلـيـنـــا000 والحُــــزن مـــلأ حَــيَّـنا
ياحـلـيــلـو مـشـوار الســــنين000 حـلـيــلـه قـصــة حُــبـنا

لـوحــــة حُـــزن رسَـمَــه القـَـدَر تـمَّـاهــا فـى يــــوم لــوَّنه
كـلـمــات أسـى صــاغـه الـزمــان غـنـَّـاهــــا قـبـــل يـلحِّـنه
غـيـمـــــــة سَـــواد تـعـلـن حَـــداد ظـلـت سـمــانــا وأرضنا
طـوفـان جَـرَاد وقـت الحَـصـاد أفـْـنى وأباد محـصـول سـنه
وقـلـبى إنـجـرح بـعــد الفـــرح ونـزيـف غــزيـر مـن دمَّــنا
مـا ده القــَـدر الـلـيـلـه إسْـتـأسَـــد000 زأر
نـسَـــــــف الـمَـضـَى وجـــــــاب الـمِـحـَـــــن والـبـشــتـنـه
ما الـدنـيـا ما بترحـم صغــيـر والـدنـيـا ما بـتـعـرف جـــنـا
ما الـدنيا كـم هـدَّت عُـروش وخـلعـت مُـلـوك من سلـطـنـه
ياحـلـيــلـو مـشـوار الســنـين000 حـلـيــله قــصـة حُـبـنا

ياحـلـيـله أيـــــام زيــارتـَــك لـمـا تـنــْــوى تـهـِـل عـلـيـنـا
وياحـلـيـلـو أجـمــــل حـــــديـث مـا حـــديـثـَــك إشـتهـيـنـا
ياحـلـيـله ضـحـكـاتـنا ديـك مـا السـنين ضِـحْـكـَت عـلـيـنـا
نـِحْــنَ ضـلـيـنـا الطــــريـق بــس طـــريـقـَـك مـا نـسـيـنـا
أصلـو كـيـف بَعـدَك نـسـيـر وإنـت كـنـتَ ســبـب مـشـيـنـا
صــدِّقـنـا جــربـنـا وفـتــــرنا وزى ســـيـادتَـك مـا لـقـيـنـا
وكـُــــلْ مـا نـَـلِــم رفـيـــــق نـبـــدأ نـنــــــدم لـيــه بــديـنـا
وكـُــــلْ زول لـمـيـنـــا راح طـبـعــــاً أشـقــــانـا وشِــقـِـيـنا
نَضـوِّى شمعـه ونطفى شمعـه وكـم وكـم شمعـات طـفـيــنا
وإيـه يـعـنى شـمـعـــه تـَضــوِّى لـيـنـا
ونـحـن كـــــان نـــــوَّرنـا الـرتـيـنــــه000
يـاهــو حـــال الـدنيــا حــالـه كـان رضِـيـنــا وكـان أبـيـــنا
يـاهــا قـِسـمـتــنـا وقـَــدرنـا والضـيــاع مكـتـــوب عـلـيــنا
مـا خــــلاص رُبـَـانـا ضَــــلَّ كـــم وكـــم تـاهــــت سـفـيـنه
حـَــذارى تـبـكى ولــو يـفـيـــد زى بُكَــــاكَ كـتـيــر بـكـيــنا
سـيـبـنـا خـَـلـِّيـنـا فـى كُـؤوســنا عَـنـُّـو بَعـَــدك مـا وعِــينا
نـِحْــــنَ مـا أول ضـحـيــَّـــه كُـتـــــــار ضـحـــايـا عَـصْـرنا
ياحـلـيــلـو مـشـوار الســـنين000 حـلـيـله قـصــة حُــبـنا

أهـِى دى الحــيـاه000 وعـَـــزاى فـى إنهـــا دى الحــيـاه
فـَرَّقـتْـنـا فى لحظـة هَـنا000 وما كُـنا عـارفـين الظـروف
ونـعـيـش نـشـــوف000 أهـِى دى الحـيـاه
يـغــْــــــــرَق الـيـعَـــــــــــرف يَــعـُـــــــــوم
ويـرسُــــــــــب الحــاضـــــن الـكِـتــــــــاب
ويـنـجـح الـطـُـول الـسَّــنـه عــدَّاهـا نــــوم
فـى أقـفـــــاص حــــديـد أحـلى الطـيــــــور
والحُــرَّه طــــايره بــلا شُـــروط000 غـُـــربـان وبــُـــوم
وعـلى الـعُـمــــوم000 أهـِى دى الـحـــيـاه
عــــدة فـــــــروع000
أيـــام فــــــرح 000 وأيـــام ألـَــــمْ جــــــــوَّه الضـلــوع
وأيــــام ظـــــــلام وأيـــــام مـضــيـئــــه بــــــلا شـمــوع
مـوسـم خــريـف ومحـصــول وفـــيـر وســنـيـن نـُجــوع
وبـِقـدْر مـا الإنـسـان ضِـحِـك لابـُـد يـجـى يـــوم الـدمـوع
أهِى دى الحـيـاه000 أمـانه وخِـداع000 صـدق وكـذب
نـاس بـتـفـتـكـِـر000 الـعَــتْـرَه شُــــــــــــــــوم 000
ونـاس تـقـــــول000 الـعَــتْـرَه بـتـعَـــــــدل الــــــــدَّرب
ومهما الشمس سطعـت وضـوت بالغـت برضـو بتغـيب
أصـلــــو الـريـــــاح عـكــــــس الـســفــــن لازم تهـِــب
متناقضات والـلـهِ ياسـت البنـات تغـيـيره ماهــو بيــدنا
ياحـلـيـلو مشـوار الســنين000 حـلـيـله قـصــة حُـبـنا

لكـن عـزاى بتـذكـَّرك000 والـذكـرى أقـوى من القـدَر
بـتـذكـَّــرك فى كُــلِّ ســاعـه وكُــلُّ يـــوم طـــول العُـمُـر
كُـلُّ ما ضــــوَّت وجَـــن سـلـبـت عـقـــــول كُــلْ البـشـر
كُـلُّ ما داعـــــــــب نـسـيــــــــــم خـُصـــــــــلات شَـعــر
كُـلُّ ما ثـغـــــر إبـتـســـــم وأفـْـــرَد عَــن أسْــــنـان دُرر
كُـلُّ ما هـبـَّت ريـــاح ســاقـت سـُحـُــــب نــزلـت مـطــر
كُـلُّ ما رحَـلـَت طـيــور شـقــَّت غِــفــار عــبـرت بـحــر
كُـلُّ ما فـنـــــان تـلاعَـــــــب بـى أنـاملــــو عـلى وتـــر
كُـلُّ ما كـــــــادح شِـقـــــا وفـَـلـــح الأرض لامـن فـتـَـر
كُـلُّ ما شــــــــــــــافـِع بَـكـَـــــى ودمـعـــــــــــو إنهـمـر
كُـلُّ ما غـافِـــــــــــــل ضِـحِـــــــــــــك نـاســــى الـقــدَر
وفى اليـقـظـه والأحـــلام ولــو نـُمـتَ خـــلانِى السـهـر
بـتـــــــــذكــــــــــــــــــــرك000 ياسِــتهـم ويـاســتـنـا
ياحـلـيـلـو مشـوار السـنين000 حـلـيـله قـصـة حُـبـنا

أبو وائل

09-10-2010, 11:01 AM

فؤاد عبد الرحيم

أصدقلك دميعاتك

اصـدقـلـك دميـعـاتـك ولا أقـــول كـلامـهــم صــــاح
اعيـش علـى الماضـى ولا اقــول ده مـاضـى وراح
حيران مانى لاقى جواب عشان ارتاح وتانى ارتاح
وفــى الدمـعـه لا تـبـكـى خـلــى الـدمــوع الـتـرتـاح
***
سلاح الدمعة حـاد وسنيـن ومافـى احـدا منـو سـلاح
لكـن مـا بتفيـد دمـعـات الـمـات مــا تجيـبـوا ســلاح
كـل مـا احـاول استسلـم اجبـر نفـسـى ابـقـى سـمـاح
انـت يـا قليبـى انـزف دم واحـس بمشـرط الـجـراح
***
يقطـع فـى قليـب الهـم ويزيـد علـى العليـهـو جــراح
كيـف اكـذب كـلام مثبـوت عـمّ الدنيـا سمعـوا وفـاح
اصبح زى اثـر منحـوت لا بفـوت لا بتشيلـوا ريـاح
شقيان اصلى لامن اموت ومـا اظـن بنكتبلـى نجـاح
***
رجعـتـا زى حالـتـى خـســران جـيــت بـــلا ارواح
بعـد عبـرتـا بـحـر الـريـد انــا الـربـان انــا المـنـاح
يتبلـد سـمـاى غـيـوم وهـبـت تـانـى عكـسـى ريــاح
***
رجع مظلوم وزادى كفاى همـى الشايلـو كلـو نـواح
بعـد مـا زرعنـا واحتنـا ريـد وحنـان حـب وافــراح
وقـام فرهـد نبـت ريدنـا قـرب يــوم حـصـادو ولاح
مـات البانـى املـى عليهـو ورجعتـا بحسـرة الـفـلاح

أبو وائل

18-10-2010, 08:37 AM

رامي قسم السيد

مخـــــــدوع

مخدوع فى مشاعرو ماعارف الحقيقه
وماقادر يسيبه ويبعد عن طريقه
صدق قلبو مره يوم فى الريد رماهو
عايش عمرو كلو ماشى على هواهو
مامن غلبو يبكى لكن من شقاهو
لم حبيبتو هدت لى كل البناهو
ماكل زهره فاحت تهدى الناس رحيقه
وماكل نجمه لاحت تأثر بى بريقه
خدعوك شان حنين ومشاعرك رقيقه
وماك داير تصدق انها دى الحقيقه
انت عشان رضاها ماخليت وسيله
طرت مع القمارى وغنيت فوق نخيله
راسم فى خيالك ليها صور جميله
ولسع برضو تحلم احلام مستحيله
انت غريب مسافر فى بلداً غريبه
ابداً ماحترسى الا بعد تسيبه
كل ماجيت تبعد تصبح ليك قريبه
ولما الشوق يجيبك عاد من وين تجيبه
نحنا قبلنا عزرك شان قلبك اسيرا
شان كانت خطاوى مكتوب ليك تسيرا
ماتعلق مصيرك يازول بى مصيرا
وخلها تمشى ترحل كتر الف خيرا

أبو وائل

18-10-2010, 08:40 AM

رامي قسم السيد
الحب قـــدر
(حاج الخضـــــــر )
حاج الخضر عارفنو داك ورث القروش فيهن رتع
كل البريدو قريب منال طول عمرو ماقالولو لـــــع
فى الدنيا أكتفى بالحسن كان الحسن ولداً جـــدع
عايش سعيد بين والدين ريدم يفوق حد الدلع
قروهو ارقى الجامعات تم العلام بره ورجع
واصبح علم فوق راسو نار بى علمو واخلاقو ارتفع
كان من زمان رايد( رحاب) ريد البنيه معذبو
زمنو العنيد خلاهو راد والحب عن ناس ابو
واصلو البريد عارف اكيد كان ماضرب حايضربو
باح لى امو بى سرو الدفين داير زواجو يقربو
قال( الحسن ) وكان قولو صح داير (رحاب) بايً تمن
من غيرا مابقدر اعيش نحنا اتفقنا نكون وطن
عاد امو غطاها الفرح قالتلو ابشر يالحسن
كان خوفا من حاج الخضر يئد الامانى الخدرن
جات للخضر عند العصير شايلالو شاى والجو حلو
قالتلو دايراك فى طلب قام لف شالو وعدلو
(انشاءالله خير ياأم الحسن والقاسى ربى يسهلو )
ولدك دحين داير رحاب يكتب كتابو يكملو
حاج الخضر حرقو الكلام هاج لما قطع عمتو
وقال اصلو ماياخد رحاب انا داخرو لى بت عمتو
قارى الكتاب انا (للسرف)والذيى هيبتو كلمتو
والداير يخالف كلمتى لسه امو عاد ماولدتو
ياحليلا عاد ام الحسن قداما كل الكون رماد
ماقادره تمشى على الحسن والعبره حاماها الرقاد
جاها الحسن فرحان شديد من شافا تبكى ارتدا صاد
عرف الحصل من غير كلام كيف انو اتباع فى مزاد
رقد الحسن حزنان مريض لمن عرف دربو الودار
عرفت رحاب بى حالو جات مسكت اديهو بكاها حار
قالتلو اصبر ياحبيب انا غير هواك ماليا دار
لكنو كان ياحسرتى مو فارز اليل من نهار
أمو الحنينه بكت كتير وعقيلا بالاوهام شرد
راجى الخضر يرحم يلين لكنو ماغيرلو رد
الحقنا (ياود حاج ابوى ) بيك لله طالبين المدد
خايفه الولد يرحل بعيد والفرحه تسكت للابد
حاج الخضر قاسى وعنيد فى رأيو مابيقبل جدل
ابداً ولا بيكره جناه فى قلبو ريدو ولا يظل
عاد قلبو واجعو على الوليد لكنو ساكت ماسأل
(وا شرى) يأام الحسن كيفن نجيم ولدك افل
طول عمرو معتاد النجاح كيف يرضى يقبل بالفشل
قالتلو قول قول اى شى قول يالحسن ورينا حل
ليها ابتسم وسط الدموع لملم مواجعو.... وارتحل
آآه روحو فارقت الجسد والام صياحه صدى الجبل
ووووب يالخضر ولدك رحل وااااى يالخضر ولدك رحل
انهار ضياع امواج حزن دمعات تعشعش فى المقل
والواقع المر الاسيف الام تقاوم فى الشلل
مشتاقه لى ولده الحسن خطوات عشم ماأظن تصل
جنت رحاب بعد الحصل ياعالم الماشاف يشوف
تسأل عن الحسن النخيل.. الوادى.. والنيل.. والجروف
تبكى وتبكى اهلا الغبش لمن تقوم فى الحى تطوف
مسكينه كل الناس معاك ارجوحه فى ايد الظروف
من بينا روح يالحسن والجانى عاداتنا الخراب
مين فينا يحكم للقلوب؟ او حتى يفتح ليها باب ؟
مين فينا يمشيلو الشقى ؟ مين فينا يقرا الفى الكتاب؟
(واصلو اى زول لمن يحب يمشى الخطاوى بلا حساب)
حاج الخضر صح قلبو لان منو الدموع تنزل مطر
لكن بعد فات الاوان كل البناهو لقى اندثر
بالحسره والنوح والانين حاج الخضر فقد البصر
ضيع جناهو وضاع معا ماعارف انو الحب قدر
ماعارف انو الحب قدر
الحب قدر .. !

أبو وائل

18-10-2010, 08:42 AM

رامي قسم السيد
قاسي الوداع

قاسى الوداع لى زول حبيب ادانى ياما احساس جميل
والله لو بايدى الخيار ماكنت بختار الرحيل
باكر مفارق للديار لكنى ليك لازم اعود
والله كل ماأطرا الفراق تنزل دموعى على الخدود
مازلت بحلم ومنتظر بى قربك الايام تجود
وانا ماشى مالينى الأمل وايمانى بيكى بلا حدود
ياطيبة كل الروعة فيك وين القى ذى عينيك مثيل
صعبان على اودعك والدنيا فى عينى ليل
منا لسه شايلك للزمن ياجاية فى الخاطر تشيل
قاسى الوداع والزول يفوت ويفارق النيل والنخيل
مابنسى لى ايام معاك عشناها فى بهجة وسرور
بيك شفت كل الكون ربيع وفراشو داعب للزهور
ومشينا مشوار كلو ريد وعبرنا بالاشواق بحور
وخدرتى لى ارضاً يباب كانت قبل القاكى بور
من بعد ماتاهت خطاى وبقيت ماعارف المصير
لونتى دنياى بالفرح وبقيتى فى صحراى قدير
فى بسمتك شفت امنيات اجمل من الواقع كتير
لابد يوم باكر نصل بس انتى قولى انشاءالله خير

أبو وائل

18-10-2010, 08:45 AM

رامي قسم السيد
لما شفتك ..
قلبي دقّ .. واهدى للزمن ارتعاشة
والعيون في عز خريفا عانق الاحساس دعاشا
الخطاوي تراها ماشة ماني عارف وين هي ماشا
والربيع فوح زهوري بانتظارك يا فراشة

غنى في اعماقي صوتك غنوة الشوق والصبابة
والبرق لاح من سنونك داعب احلام السحابة
الحنين الفي عيونك بدد الهم والكآبة
والمشاعر الشاردة جاتك ما رجيت ميعاد ايابا

يلا ارحلي توهيني فيا ألق الذكرى باقي
الحزن لمن افارقك بلقى في صوت السواقي
مدي ايديك وانقذيني مددي جسور التلاقي
داير القاك جنبي دايما تطفي نيران اشتياقي

بي صراحة الدنيا اجمل من نعيشا اسى وتجافي
شيلي وعد اللقيا واقع لي فجر يشرق تصافي
النخل قمريهو هاجر والنجم في سمانا مافي
والظلام يا حلوة خيم في انتظار انك توافي

لما شفتك نور امامي ما قدرت اديك قفايا
امشي وين عاد من عيونك وانتي أي مكان معايا
اعذريني اذا انتظرتك زهرة في عتمور شقايا
وسامحيني عشان بقولك طيري حلّقي في سمايا

أبو وائل

18-10-2010, 08:46 AM

رامي قسم السيد
أرحل يا حمام

أرحل يا حمام شيل اشواقي .. وارجوك لا تغيب
وصل كل مشاعري وريدي لي دار الحبيب

قولو قليبي يا محبوبي غيرك ما بيطيب
واي ديار بلا عينيكَ فيها اكون غريب
السبب المعذب قلبي وخلى الراس يشيب
فراقك يا اعزّ الناس بعد ما كُت قريب

الشوق والحنين البيّ .. أكتبو ليك ملام
وخايف من يكون في غيبتي .. جابولك كلام
لو كان البُعاد نسّاكَ لي عهد الغرام
ما كان يا جميل تحرمني شوفك والسلام

ارحل يا حمام قول ليهو .. اصبر يا جميل
ولو مالت عليّ الدنيا .. عنك ما بميل
كيف انسى البلد والخضرة .. والنيل والنخيل
والوجه السحرني جمالو .. والطرف الكحيل ؟

مشتاق لي نجيمة تضّوي لي قلبي الطريق
وللبسمة التفيض حنية .. من ثغرو الرقيق
تهت انا في ديار الغربة .. لا زاد لا رفيق
وما كان يا زمان ترميني بي ما لا اطيق

ما فارقني طيفك لحظة في ليلي البهيم
وياما الشوق بِرجع سيدو لي دارو القديم
لا بد الزمان يجمعنا والحال يستقيم
وانسى ايام شقاي والقاكِ .. وارتع في النعيم

أبو وائل

18-10-2010, 08:48 AM

رامي قسم السيد
يازينه
انا لما القاك وين القى كلام
ما الشوق بيزغرد فى عينى وقليبى يدق اجمل انغام

حاسدننا ليه الناس يا (شوق) فى دنيا نعيشا وداد ووئام
مانحنا حياتنا الماضى احزان والدهر بلاك شايلنو صيام
ياريتو زمنا يقيف لحظات يتعطل سيرا خطى الايام
وياريتو سماك يمتد خريف يتلملم غيم يجمعنا غرام

ياواقفه على انا قاعد ليه زعلان من نفسى ده يبقى حرام
لكنو عزاى انو الاحساس والشوق واقفين حيوكى قيام
وعزاى فى انو القمر الغاب فى وجهك ضوى الكون بسام
مااصلو حياتى بلاكى هجير ضلينى شويه ابقيلى غمام

الشوق السافر فى عينيك داير يرسى وشالو الهدام
والبرق الشال من قبلى يلوح ماجانى دعاش مع النسام
الحزن المنو مشيت لاقاى والفرحه على بتمر قوام
ببسم للناس من فوق غلبى وبى حالى البى الله علام

الدهشه تزيد كل ماالقاك مااقدر افرز كاف من لام
واشعر بى انى بعيد هيمان فى دنيا جميله من الاحلام
البسمة تفرتق شمل جيوش وعيونك احد من الصمصام
وانا بين( اليم ) والنار حيران وقليبى دوام فى البر عوام

يا محننة ايدى محنة وريد زودتى على قلبى الالآم
لمساتك كلها لهفه وشوق ونقوشك فى ايديه سلام
ياغاليه اهواكى على كيفى لافرض عليا ولا الزام
وراجيكى تكونى عشانى النور لو كل الدنيا بقت لى ظلام

أبو وائل

18-10-2010, 08:50 AM

رامي قسم السيد
مشتاقين
والشوق ماقدرنا عليهو والريد كلو شوق وحنين
اى دقيقه رايحه بلاكى مامحسوبه فى عمرى
واى كلام اقولو سواكى احسبو طعنه فى صدرى
برجاك يامناى وزادى عنوان لى ظهور فجرى
والقاك فى دواخلى قصيده كل ماغرد القمرى
بهواك ياأمل ممدود على وتر الربابه عشم
عنونتك مراسى الفرحه فى زمنى الشقى الابكم
مشتاق شوقى مابنداوى والبى مابيزيلو قلم
بحلم بالرزاز وسماكى لاشال غيم ولا اتبسم
مانتدهشى يابسامه لو شلت الدرب ساساق
كوسى لى العزر من مافى هكذا حالن العشاق
مين غيرك يشد الحيل يكون لى من العذاب ترياق
ومين غيرك يداوى اساى يكفكف دمعة المشتاق
الزول مهما كان عوام بيغرق فى بحر عينيك
وماكنت (المسيح) شان امشى فوق المويه اوصل ليك
ومافى ايدى( سحر هاروت)اسخرو ليكى بين ايديك
ومابضمن (سفينة نوح)تجى وتنقذنى لما اجيك
مشتاقين قدر نلقاك نشيل الشوق نصد راجعين
مشتاقين قدر مارحنا نمشى عليك وماماشين
شلناك فى العيون تزكار وفى الحنايا يقين
قمر مهما السحاب غطاهو لابد نورو لينا يبين

أبو وائل

18-10-2010, 08:56 AM

رامي قسم السيد
صرخـــات على الهامش

صرخات على الهامش
فى دنيا منكوبه
كال الرماد حماد
والدنيا مقلوبه
تخطيط بلا خطه
ماخلى راكوبة
مالو الزمن ياناس
رجع خراب سوبا
شفنا الغبش كيمان منشرى فى الشارع
ضاقت بها الاحوال لكن بقى الوازع
وايمانا بى الله
والقسمة
والواقع
ايه يرجو من تخطيط خلى البيوت واقفات
يوم لعبت الواسطه
وشال حيطة الجامع
ياأهلنا الطيبين
فى كل بلاد الله
بيت الغبش ينهد
شايلاهو كراكه
احلامنا الحلوه
شايلاها كراكه
سيف الاسى الغدار
طاعننو فى احشاك
وجانا القدر محتوم
سايق نزير الشوم
شايلاهو كراكه
شيلو الصبر واسوق
طال ما الخطط صبحت
مجلوبه فوق السوق
ماكسرت ناس زيد
مااصلو زول مسنود
ماشال خطاهو فى يوم اندله( جزيره)
او كسر الواقود
او يوم نفخ للنار
طار فى وشى (الهبود)
بس ناس قريعتى عبيد
زولاً بسيط تربال لاعندو مال لاجاه
وفوقو انضرب خازوق
يالاغبش المكلوم
ارفع يداك لله وادعوه يامظلوم
دايرين يجينا زمان الخير يكون حاضر
نحصد مع الزراع
الفرحه فى باكر
زمناً يساوى الناس
الوزراء والعمال
القاضى
والتربال
والحال ده ياهو الحال
اصلو الحكم( قرقوش )
دخل الكلام الحوش
ابلع اهاناتك
صون حسك المقروش
ماالعين علا الحاجب
والناس بقت تنجر بى قوة للواهب
والفوضى والخزلان
ترتع مع الواجب
ياصاحب الدينار
دينارك الفضى
سيفك وقيثارك
امن خراب بيتك
والهندسى الفنان
لماهو دينارك
العار عليك ياعار
فكرت فى نفسك
قبال تراعى الجار
فى آخر المشوار
دينارك الفضى يستقبلك فى النار
آآآه يابلادى بلد
تضرب قفا اولاده
الغنو غنواتم من وحى انشاده
والشالوا اقلامن شان يرفعو اوتاده
عشقو البلد بالجد
وماحبو غيرو بلد
وكل العشق يازول لاجاب ولا ودى
اصلو البلد فوضى
لو كان ابيت ترضى
والمولد انفضه
آآآه يابلادى بلد
حاميها حاميها
غالب حراميها
والجمره حرقتنا
من قبل ماتحرق الكان هو واطيها
كل الغبش آآآآمين
صبراً مع التأمين
انو الظلم ساعات
والحق مصيرو يبين
آآآآه ياغبش وينكم
يالفاتو ماجايين
يالفوق جمر قاعدين
يالماتو بالآهات والحسره والاحزان
واللسه منتظرين
لابد يوماً ما
من خاطراً مجروح شايل معاناتكم
يطلع صلاح الدين
يطلع صلاح الدين
يطلع صلاح الدين

أبو وائل

18-10-2010, 08:58 AM

رامي قسم السيد
مركب الاحزان

دايرانى اغرق ليه براى وانا قدر ماأسعدتك شقيت
وانا مركب الاحزان خلاص خليتو فى بحرو ومشيت
يامركب الاحزان خلاص انا من بعد ترحال رسيت
وطنت نفسى على الفراق بى قسمة الاقدار رضيت
معليش بعد مرت سنين ماتزكرينى اذا نسيت
واحزانى زاته بسيبه ليك لو فى الخيال يجمعنا بيت
ياغايبه تزعلى منى ليه ماانتى اخترتى الغياب
واناكنت اشيل اللوم واجيك كان ظنى فيك ينفع عتاب
كيفن افكر فى الرجوع وانا جرحى ماصدقت طاب
كيفن بتحلمى بالرحيق وأزهارى حتاها اليباب
ماقلنا بنشيل الصبر نتكل همومنا على الهموم
ونلون الأفاق فرح وندودر النوم كان ننوم
لو كنتى بى قلبك معاى اقدر اجيب ليك النجوم
ومن قبل مايطلك خريف تمطر سماكى بلا غيوم
ماداير اشوفك تانى يوم ومادايرأزيد لى همى هم
ماداير اعيد لى ماضى فات وانا تانى ما لى فيك عشم
انساك واقول تاريخ قديم عشناهو نحنا اسى وندم
سرق الامانى من الفؤاد واندسه فى الوجدان الم
لو انتى خايفه على اضيع انا كل حياتى معاك ضياع
لو قالو بى شمسك اعيش اوعك ترسلى لى شعاع
ماعندى كلمه اقولا ليك لاتانى بفرد ليك شراع
ومافى ايدى الا اودعك وماعندى قدره على الوداع

أبو وائل

18-10-2010, 09:00 AM

رامي قسم السيد
يمـــــــــة

يمة خايف من دموعى داير اوادعك ومانى قادر
يمة أرضى على وليدك وخلى مطمن يسافر
ولو بايدى اديكى عمرى برضى ماأوفيت وغادر
واصلو دينك فوق قدرتى يمة كيف اوفيكى حائر
عارفو قلبك مانسانى وديمه فى عقلك متاور
تضوى دعواتك طريقى وفى دريبا ترانى سائر
امى ياارض المحنه شوقى ليك ماغنى طائر
كان طريق لابد اسيرو وعارفو محفوف بالمخاطر
تهت ابحرت وغرقت فى محيط ماليهو آخر
جانى طيفك خفف البى يمة طيب لى الخواطر
نحنا يمة الحاره ناسه وكل من عادانا خاسر
نبقى وقت الضيف يجينا ذى سحاب فى العينى ماطر
نحنا حتى ان كان شقينا الا بالاخلاق نفاخر
(والمسك كل ما تدقوا يبقى اندى ويبقى عاطر )
امى يافرح الليالى ويانسيم عز الهجاير
ويأ بتهالات صادقه رجت بيها الاف الحناجر
ياشعاع من نور غمرنى وياوطن بالطيبه عامر
ويانغم طمبورى دندن و ياحروف خطاها شاعر
يمة زكراك كل عزايا بيها متصبر وصابر
واى لحظه بعيده عنك فيها مكتوب لى الدرادر
مالقيت لى سعاده غيرك ياقمر ضوى الدياجر
وبكره راجع ياحبيبه لو بعيش واستنى باكر

ابوبكر عبد الكريم

18-10-2010, 03:09 PM

الرائع ابووائل لك التحيه على الاشعار الجميله

أبو وائل

18-10-2010, 03:18 PM

الرائع ابووائل لك التحيه على الاشعار الجميله

حبيبنا أبو بكر
أنت الأجمل
و أتمنى أن نقدم كل ما يعجبكم

أبو وائل

18-10-2010, 06:04 PM

قسم السيد عبد الرسول
صُــدْفـَــة

أنـْـــزلــِـى مـِـنْ فـُـــرُوعــِــكْ مَـــرَّه ......... لــلــسَـــاسَـــقْ فـَـــتـَـــر
يـَـا قــُــمْـــريـَّــة مـَـافـِـى عـَــدَالـَــه ............... لـِـى زُولاً صَــبـَـــر

******
مَــا أحْـــلاهـَـــا كـَــانـَــتْ صُـــدْفــَــه ........ مـِـنْ صُــنـْــعْ الـــقـَـــدَر
خـَــدْرَه بـَـلا الــجَّــنـَــايـْـنَ الــعَــامْــرَه ........... لا مـَـــدَّ الــبـَـصَـــر

******
شُــفـْــتـَـهَـــا مـِـنْ بـَـعـِــيــدْ جـَـــاتْ تـَــمْــشـِـى تـِــرْبــَـايــَـة بـَــطـَـــر
آيــَــه مـِـنْ الـجَــمَــالْ وَرَّتـْــنـَــا ............. كـَــمْ لـَــوْحـَــه وصُـــوَر

******
نـَــادْيــَـه خـُـــدُودَه فـُـــوقْ وجَــنـَـــاتــَــه تـُــفـَّــاحْـــتـِــيـــنْ نـَــهَـــــر
الــوَجْــــــهْ الــبــِــــلالــِـى جـَـــبــِــيـــنـُــو وكـْــتــِــيـــنْ لاحْ بــَـهَـــــر

******
الــشَّــعَـــرْ الــبــِـحـَــاكــِـى الــلـُّــوبــِـى فـُـــوقْ قــِــيــــفْ الــبـَـحـَـــر
قــَـلـْــبــِـى مَــعَ نـِــغـِــيـــمْ خـَـطـْــوَاتـَــه طـَـــارْ مِـنْ صَــــدْرى فــَـــر

******
آه أنـَـا مـِـنْ صـِـــدِيــــرَاً ............. خـَـــمَّ لـِـى حـَـالــِـى الــثـَّــمَــــر
وآه أنـَـا مـِـنْ عُــيـُـونـَــاً ............ خـِـلـْــقـَـه مَــكـْـحُــولاتْ حـَــــوَر

******
حـَــالــِــفْ يـَـا إبـْــتـِــسَــــامْ جـِــيــتـِــيـــنـَــا بــِالــغـَـــالــِـى الــنـَّـــدَر
مـِـنْ غـِــيـــــركْ جَـــنـَــايــِــنْ نـُــــورى مـَــابْ تـَـــلـْـــفـِـــتْ نـَــظـَـــر

******
يـَـا سَــاتــِـرْ نـِــغـِــيــــمْ طـَــنـْــبــُــورى الــفـِـى الـجُّـــــوفْ نـَـــقـَـــر
مُــرْكـَـــبْ ريــــدِى ضَـــارْبــَـه الــمُــوجـَــه مَـا شَـــايــِـفْ لـِـى بـَـــر

******
بـَــلـْــهَــــجْ بــِى غـُـــنـَـــاكْ حـَــاكـِـــيـــتَ عـُـصْــفـُـــورْ الــشَّــجـَـــر
جـِـــنـِّـى الــــمَــــابْ تـَــطـِــبــُّــو مــِـحـَــايــَــه أوْ طـَــعْــــــنْ الأبــَــر

******
يـَـا خــِــلاَّىْ خـَـــلاصْ هَـــلـَـــكـَــتــْــنــَــا مـَـا فــَــاضــِــــلْ نـَـــفـَــــر
مـِـنْ شُـــفـْــنـَــا الـــدَّلالْ فـِـى مَــشـِــيــهَـــا بـَـانْ لـِــيــنـَــا وظـَــهَــر

******
قــُــولْ لـِـى مـِـنْ إبـْــتــِــسَـــامْ وقــَـوَامَــه كـِــيــفْ يــَــنـْــفـَــعْ حـَــذر
كـُــلْ مَــا أقــُــولْ أتـُــــوبْ مـِـنْ ريـــــدَه نـَــارى تـَـــزيـــدْ لـِـى حـَـــر

******
كـُــلَّ الــنـَّــاسْ تـَــقـَـــابــِـلْ عـِــيــــدَه عـِــيــــدِى صـِــبــِــحْ سَـــفـَـــر
زىْ طـِــيـــــــرَاً نـَــصـِــيـــبــُــو الــهــِـجـْـــــرَه لا عـُـــــشْ لا وَكـَــــر

أبو وائل

18-10-2010, 06:06 PM

قسم السيد عبد الرسول

يـَا مـُـرْسَــالـِـى

يـَـا مُــرْسـَـالـِـى ............. شــِــيـــلـِّـى سَـــلامـِـى وَدُّو
وصِّــلـُـــو فـِـى الــرِّيــَــاضْ ........ لأخـُــويـَــا عـَـبـْــدُو
تـَــقــُـولـُّــو سَـــلامَــه .... فـِـى حُـــضْــنـَــكْ تـَــقـِــلـْــدُو
تـَــقــُـولـُّــو بـَــلـَـــدْنـَــا صِــــحْ خـَــرْبــَـــانـِـى بـَــعْـــــدُو

******
أخـُــوىْ عـَـبـْـدْ الــرَّحـِــيــــمْ ...... مـَـا حـَــاكـَـى جــِــدُّو
أخـُــوىْ يــَـــدَرِّجْ الــفـَــتـْــرَانْ ............. يـَــســِـنـْــدُو
مُــحـَــالْ تـَـــانـِـى الـحـَــريـــمَـــاتْ مـِـتـْــلـُـــو يـَــلـْـــدُو
الــبــِـشـِــيـــلْ الــشِّــيــلـَــه وكـْــتْ الـنـَّــاسْ يـَــشُـــرْدُو

******
أخـُــوىْ إنـْــتَ الــكـَــرَمْ ............ وصَّــلـْــتـُــو حـَـــدُّو
وعـَـلـِـى الـضِّـــيــفـَـــانْ قــُـــدَاحْـــتــَــــكْ مَــابــِـبــُـــرْدُو
يـَـمـِــيــنْ مَــابــِـنـْـهَـــرْ الــعَــشْــمَــانْ .......... يـَـــرُدُّو
أخـُــوىْ الــبــِـلـْـحـَـــقْ الـغـَــرْقــَــانْ ....... يـَـجـِـــبـْــدُو

******
أخـُــوىْ الــبــِـبـْــنـِـى ..... سَــاعْــة الــنـَّــاسْ يـَـهــِــدُّو
أخـُــوىْ الــدِّيــمَــه حـَـبـْــلْ الـخـِــيــرْ ......... يـَــمـِــدُّو
إنـْــتَ بــِى إسْــمَــــكْ يـَـعَـــشُّـــوا الــنـَّـــاسْ يـَــرُقـْـــدُو
وإنـْــتَ مِـنْ كـَـرَمَــكْ يـَــقــُـومُــوا الــنـَّــاسْ يـَـقــُـعْـــدُو

******
أخـُــوىْ عـَـبـْـدْ الــرَّحـِــيـــمْ ....... الــبــِـوْفـِـى وَعْــــدُو
أخـُــوىْ الــكـُــلْ مَــنـَــابـْــعَ الــطـِّــيــبـَـه ..... عـِــنـْـــدُو
أخـُــوىْ مَــطـَــرْ الـخـَــريـــفْ ........ الــكـَـــرَّ رَعْـــــدُو
أخـُــوىْ الــبـَــاقـِـى مـِـجْــــدَافْ ............ لـلـبــِــعَـــدُّو

******
إنْ سَــألـْــتَ عَــلـِــيـــنـَــا ضـِـيـــقـْــنـَـــا عَــلـِـى أشَــــدُّو
نـَــسَـــاهـِــر ....... حَــتـَّـى نـَـجْــــمْ الـلـِّــيـــلْ نـَـــعــِــدُّو
خـَــــلاصْ كــِــمــِــلْ الــلـَّــحـَــــمْ والــبـَـــاقـِـى جــِـلـْـــدُو
تــِـعـِــبـْــنـَــا بـَـسْ الـفـَــضَـــلْ ........ لـلــدُّومْ نـَــكـُــدُّو

******
أخـُــوىْ جـِــيـــتـَـــكْ شُــــرَاعـِـى عَــلـِــيــــكْ بـَــفــِــرْدُو
تـَــعَـــالْ قــَــابــِـلـْــنـِـى ............ بـَــابـَـكْ لا تـَــسـِــدُّو
كـَـريــمَـــاً ........... مَــاكْ مِـنْ الـنـَّــاسْ الـبــِـحَــقـْــدُو
وكـُـتـَــارْ الـمـِــتـْـلـِـى ......... فـِى ضُــلـَّــكْ يـَـلـِــبـْــدُو

******
أخـُــوىْ .......... الـحُــوبـَـه بــَـازلْ لـِــيــهَـــا جَــهْـــدُو
أخـُــوىْ ........... دَمـِــيـــرى والـقـِـــيـــفْ مـَـايـَـحـِــدُّو
أخـُــوىْ .......... سـِــيــفـَــاً مُــجَــرَّدْ خـَــلـَّـه غـِــمْـــدُو
مَـخـَــلـِّــى الـشُّــعَـــرَا ....... فـِى مـِـحْــرَابــُـو يـَــشْـــدُو

أبو وائل

18-10-2010, 06:08 PM

قسم السيد عبد الرسول
بُــثـَـيـْـنـَـة

أقـْــــدِلـِــى يـَـا بـُــثـَــيـْــنـَــة أدِّيـــنـَـــا صُــــــورَه ولـَـــمْـحـَـه
خـَــلـِّــيـــنـَــا الــنـَّــفـِــيــقْ نـَــطـْـرُدْ هُــمُـومْــنـَـا ونـَــصْـحـَـى

******
والــلـَّـهِ الــجَّــمَــالْ ............ فـِــيــكْ يـَا بـَــلـَــدْ مـَـا شَـحـَّـه
غـِـيـــرْ مـِـيـعَـــادْ ... صُـدَفْ لاقــَـتـْـنـِـى لابـْـسَــه الـطـَّــرْحـَـه

******
زَىْ شَـــفـَـــقْ الــمَــغـَــاربْ ....... لـُــونـَــه زَىَّ الــقــَـمْــحـَـه
خـَــلـَّــتْ قــَـلـْــبــِـى زَادْ آهـَــاتـُــو .............. فــَـــرَّ ووَحـَّـه

******
يـَـازيــنـْـــة الـبـَــنـَــاتْ بــِـيـــكِ الــنـُّــفـُــوسْ مُــنـْــشَـــرْحـَـه
خـِــلـْــقـَــة رَبْ جَــمَــالـِــكْ .......... لا دِهـَـــانْ لا مَــسْــحـَـه

******
كـُــلْ مـَـا أقــُــولْ أطــِــيــبْ تـَــنـْــبــَـحْ جـُــرُوحـِــكْ نـَــبـْـحـَـه
مـَـا هـَــمَّــــاكِ زُولاً .......... سَـــــامْ عـِــمـِــيــــرُو وضَـحـَّـى

******
جـَـــنـِّــيـــتْ يـَـا بـُــثـَــيـْــنـَــة أكـْـــتــِـــبْ تـَـــرَانــِـى وأمْـحـَـى
وقـَــلـْــبــِى أنـَـا مـِـنْ غـَــرَامـِــكْ ......... لا فـَــتـَـــرْ لا زَحـَّـه

******
مَــجـْـــرُوحْ الــفـُــؤادْ كـِــيــفـِــنْ تـَــطـِــيـــبـْــلـُــو الـجَّــرْحـَـه
غـِـيــرْ يـَــلـْـقــَى الـوصَــالْ يـَحَــضـِـنْ ضَــفـَــايــر الـسَّـمْـحـَـه

******
يـُــومْ دَاكْ الـغـَــزَالْ فـِى الـــدَّارَة ..... مَــاخـْــدِى الـسَّـــرْحـَـه
ورَّتـْــنـَــا الـجَّــمَـــالْ ............. أدَّتـْــنـَـــا أجْــمَـــلْ لـَـوْحـَـه

******
مـَـا خـَــلـَــقـُــوهـَــا تـَــزْعـَــلْ دِيــمَـــه بـَـاسْــمَــه ومَـــرحـَـه
ذوَّبـَـــتْ الــقـُـــلـُـــوبْ كـُـــلْ مـَـا تـَــمـِــيـــلْ بــِى صَــفـْــحـَـه

******
أرْجـُــــوكْ يـَـا نـَــسـِــيـــمْ قـُــولـِّــيــهـَــا كـِـــيـــفْ الــصَّــحـَّـه
طـُـــوفْ الـحَــىْ هـِــنـَــاكْ مـِـنْ دَارَه جـِـــيـــبْ لـَـىْ نـَـــفـْـحـَـه

******
بـَــلـْــهَـــجْ بــِى غـُــنـَــاهـَــا أنـَـا زَىْ قــَــمـَــارى الـطـَّــلـْـحـَـه
مـَـا قــَــصْـــــدِى الــفـُـــرَاقْ لـَــكــِــنْ ظـُــــرُوفــِـى مُـــلـِــحـَّـه

******
فـِـى مـِــرْآة خـُـــدُودِكْ .............. رُوحـِــى رَاحَـــتْ رَوْحـَـه
وإنْ كـَـــانْ لــلــعُـــيــُــونْ فـِــيـــهــِـنْ مَــشَـــبــَّــحْ شَــبـْـحـَـه

******
بـَــرْفـَــــعْ إيــــدَيَّ لــلــفـُـــقـَــــرَا الــبــِـجـُـــرُّو الــسِّـــبـْــحـَـه
يـَـجْــمَــعُـــوا شَــمْــلـِـى إنـْــتـِـى وأهَــلـْــنـَــا يـُـومْ الـفـَــرْحـَـه

أبو وائل

19-10-2010, 10:34 AM

قسم السيد عبد الرسول

متلي

متلي زولآ طشة ورجع
باكي حال شملو المانجمع
يا خديرة البدر زرع
شاربي موية النيل مو ترع
جيت اشوفا غفيرك منع
قصدي شوف العين قالي لع
في الجمال سويتي البدع
صرتي ملا العين والسمع
من قوامة المال واندفع
عقلي من يوم داك مانفع
يام سماحا ضوا ولمع
ام عيون نشابن قطع
إندهشت انا بيها إنصقع
بدري من طشيت مارجع
ماشي حاكيت عوم البجع
تشبة الفجا الغيم طلع
سحرها الانفجر نبع
والحديث ذي طيراً سجع
ياإلاهي امان الفزع
في هواها اتبشتن وقع
بينا حبل الريد اندرع
تاني لافرقة ولاوجع

أبو وائل

19-10-2010, 10:40 AM

قسم السيد عبد الرسول
لما ألقاك

انا لما القاك وين القى كلام
ما الشوق بيزغرد فى عينى وقليبى يدق اجمل انغام

حاسدننا ليه الناس يا (شوق) فى دنيا نعيشا وداد ووئام
مانحنا حياتنا الماضى احزان والدهر بلاك شايلنو صيام
ياريتو زمنا يقيف لحظات يتعطل سيرا خطى الايام
وياريتو سماك يمتد خريف يتلملم غيم يجمعنا غرام

ياواقفه على انا قاعد ليه زعلان من نفسى ده يبقى حرام
لكنو عزاى انو الاحساس والشوق واقفين حيوكى قيام
وعزاى فى انو القمر الغاب فى وجهك ضوى الكون بسام
مااصلو حياتى بلاكى هجير ضلينى شويه ابقيلى غمام

الشوق السافر فى عينيك داير يرسى وشالو الهدام
والبرق الشال من قبلى يلوح ماجانى دعاش مع النسام
الحزن المنو مشيت لاقاى والفرحه على بتمر قوام
ببسم للناس من فوق غلبى وبى حالى البى الله علام

الدهشه تزيد كل ماالقاك مااقدر افرز كاف من لام
واشعر بى انى بعيد هيمان فى دنيا جميله من الاحلام
البسمة تفرتق شمل جيوش وعيونك احد من الصمصام
وانا بين( اليم ) والنار حيران وقليبى دوام فى البر عوام

يا محننة ايدى محنة وريد زودتى على قلبى الالآم
لمساتك كلها لهفه وشوق ونقوشك فى ايديه سلام
ياغاليه اهواكى على كيفى لافرض عليا ولا الزام
وراجيكى تكونى عشانى النور لو كل الدنيا بقت لى ظلام

أبو وائل

19-10-2010, 10:43 AM

قسم السيد عبد الرسول
جواب للبلد

العندو جواب للبلد والعندو شورة يوصله
والدار يوصّي على الأهل
والدار يحل كل مشكلة
أنا ما خلاص قايم البلد
قررت أشق درب الخلا
أصل الديار
ألثم تراب أهلي ونباته وحرجله
لي مدة في الأسفار ، سجين الوحدة
يا كافي البلا
والوردة تذبل في الفرع وكتين تفارق مشتله
* * * * *
عاوديني يا ذكرى البلد عهد الطفولة وأوله
نخل الفريق ، شتل الجرف
النيل .. حفيره وجدوله
أنا من زمن طاريها تب
عاشق حضارة بركله
يا غنوة في فم الزمان قصة بطولة مسلسلة
زاد شوقي لي ناساً حُنان
ما ناس عقد .. لا مشكلة
وأنا أصلي في درب البلد لو مت روحي مسبلة
* * * * *
أزمنت من ربع الشمال
في غربة مقطوع الصلة
بس لا خبر لا بان أثر أفرحبو لحظة قليلة
يا ربي ما قات الرمال الكان رخيص هسع غلا
لسه الخدار داك والزرع والصفرة قندوله اتملا
لسه البحر حاضن القيوف
ساكب دموعه مغسلة
والساقي عصفورا الفرح قاعد متني السنبلة
رحماك يا زمني القسيت لامتين ظروفي تبدله
وامشيهو مشوار البلد
مار بي صعيده وسافله
وانزل صباح شاق الزرع وانظر فتاتنا العاملة
بت الحسين ، سايقي البهم ،
تقدل عصر بي منجلة
و " الزهرة " بتاً للغفير
تسقي الشتل من جردله
وألقاها نيمات الدرب صادحات طيورا مقيلة
* * * * *
زهرتنا نوارة الفريق ، أشواقي ليكي برسله
بعدك لقيت كل الفرح صعبت دروبو مقفلة
يا حليله أيام السرور وكتين أشوفك مقبلة
فارقت دوحاتك ضهب كم غردتلي بلابله
لو شفتي فوق درب العذاب قاطعلي مليون مرحلة
وإن جاني طيفك مرة لاح تقطر دموعي مسيلة
يا منقة أسوارك علت قاسي اليدين تتناوله
وأصلو الجمال فوقك يلوح ما فوقو صبغة ولا طلا
كان جيتي مارقي مع البنات
والله أحلى من الحلا
وأصلك مقدسة في القلب
زي النجف أو كربلاء
طاريكي كل ما مر يوم
بالذكريات جسمي اتقلا
عمرك سمعتيلك فقير بقى ينسى أوقات الصلاة ؟

أبو وائل

19-10-2010, 10:45 AM

قسم السيد عبد الرسول
قمرية

أنزلي من فروعك مرة
للساسق فتر
يا قمرية
مافي عدالة لي زولاً صبر
* * * * *
ما أحلاها كانت صدفة من صُنع القدر
خدرة بلا الجناين العامرة لا مد البصر
شفتها من بعيد جات تمشي ترباية بطر
آية من الجمال ورتنا كم لوحات صور
* * * * *
ناري من الصدير الفوقو من حالي الثمر
والوجه البلالي جبينو وكتين لاح بهر
والشعر البحاكي اللوبي فوق قيف البحر
قلبي مع نغيم خطواته طار من صدري فر
آهاً من خديداً فوقو نوارتين زهر
والله من العيون الخلقي مكحولات حُوَر
حالف يا إبتسام جيتينا بالغالي الندر
من غيرك جناين نوري ماب تلفت نظر
* * * * *
يا ساتر نغم طنبورك الفي الجوف نقر
مركب ريدي ضاربة الموج وما شايفلي بر
بلهج بي غناك حاكيت عصفور الشجر
وجنِّي الماب تطبُّو محاية أو طعن الإبر
* * * * *
يا خلاي خلاص هلكتنا ما فضّل نفر
من شفنا القوام في مشيها إندلى وسدر
تملا العين جمال من حسنها الهبَّا وتبَر
وأحلى من الدعاش الهبَّ من بعد المطر
كلما أقول أتوب من ريده ناري تزيدلي حر
قولي من ابتسام وسهامه كيف ينفع حذر
كل الناس تقابل عيده عيدي صبح سفر
زي طيراً نصيبو الهجرة لا عش لا وكر

أبو وائل

19-10-2010, 10:46 AM

قسم السيد عبد الرسول
بدور أمشي

بدور أمشي أطوف شمالن
يا حليلن دار أشوف حالن
* * * * *
قسوا وقطعوا حبل وصالن
نسو الحن جافوني مالن
حموني أزوره حلالن
واكب وأشرب من زلالن
يفيض يملا العين جمالن
خلايق الدنيا شاهدالن
مشمِّر .. ديمة .. تربالن
يكوم الضيف المشالن
* * * * *
مأصَّلة سمحات خصالن
يرن طنبوري غنّالن
نخيلن صفَّر حلالن
فرح عصفورن شدالن
يعربد بحرُن سقالن
غرف خيراتو كبّالن
حلات القعدة في فالن
يصفـِّقوا ترقص غزالن
* * * * *
متين يتحقق مَنالن
أشوف الخضرة أشوف نالن
أزورن أقالد أطفالن
عصير أقدل فوق رمالن

أبو وائل

19-10-2010, 10:49 AM

قسم السيد عبد الرسول
ناوي القومة

ناوي القومة
للبلد البغني بلومه
* * * * *
يا بلدي الحبيبة الزومة
يا الأم البقت لي رؤومة
الشوق للعشيرة عمومة
شيخة وصبيتا وحرّومة
* * * * *
مشتاق لي نخيله ودومه
في النيل داك بدور لي عومة
شوقي أن ماب يغب من يومه
ساهر طرفي مابي النومة
كوراك شفعه وغنومه
للحزم التحت ملمومة
للخلوة وصلاته وصومه
لي فرحاً معا عيزومة
* * * * *
يا الله ،، الجمال في الزومة
كلها خضرة شايلي غيومة
دي الياداب صحت من نومه
فايتي العاصمة بي خرطومة
* * * * *
البلد القيافة هدومة
خامي من النعم مردومة
ما داير فراقه ولومه
إلا القسمة شاني هجومه
للناس من زمان معلومة
شوف أقماره حافة نجومة
سيرته بالكرم موسومة
في السودان مكبري كومة
زيها في السماح معدومة
إترقت بقت حيكومة
يا تومة رويحتي التومة
غيرك عيشتي تب مقسومة
* * * * *
بنزل لي دياره أحومه
انظر حنته المرسومة
كاسيه الطيبة ناسه وقومه
فاقت في الجمال .. لي روما

أبو وائل

19-10-2010, 10:50 AM

قسم السيد عبد الرسول
نار الناس

نار الناس تموت وأنا ناري حية
أحسب في النجوم ليه يا بنية
* * * * *
يالدابك دقاقة وخدرة نية
غفيرك عندو شوف العين قضية
يضوي جبينه فاق قمرت عشيّة
دي فاتت في الجمال تاجوج وريّا
* * * * *
عيونة الوقلت سبب البليّة
يلوح اشراقة زي شمس الضُحيَّة
صغيرة وما بتتقسَّم شويَّة
تقول خلقوها للعشاق أزيَّة !
أرجوك يا نسيم ودِّي التحيَّة
أسرع ليها أطوي الأرض طيَّة
قول ليها الولوف قال عندو نيَّة
يختفك من ضراك ويطير حديَّة
* * * * *
عتاميرك ، سكونك يا جديَّة
تشق لي ناله واردة المغربيَّة
كمَّلتي السماح يا فنجريَّة
معذبِّي قلبي حَمَّال الأسية
* * * * *
وحاتك غالية زي دهب الوقيَّة
بعيدة على العشم فوق للثريَّا
سأل كل البنات قدَّم شكيَّة
مني الشايلي الجمال ؟ قالنلي هيَّة
وحات اسم الله يا النغمة الشجيَّة
بدورك تبقي فطن البيت حَفيَّة
حمدتَّ المولى جابك لي هديَّة
تطيِّب لي جروحي الفايتي مِيَّة
يا مرسالي قوم بدِّيك وصيَّة
للمانعي الزيارة وقاطعي جيَّة
يا ود حاج أبوي صالح البنيّة
تكون زوجة حلالي وتبقى ليَّا

أبو وائل

19-10-2010, 10:53 AM

قسم السيد عبد الرسول
مسكين قلبي

مسكين قلبي كل ما يبرا
تلقاهو انجرح
وين أيام لقانا ،
حليله ،
شاله الموج كسح
* * * * *
ما احلاها يوم جات ماري
بين شدر البلح
تقدل بي جديد ألوانا
حاكت قوس قزح
صدراً شال ثمر متاكي
بالخيرات طمح
وإن كان للعيون ، باروده ،
داجِّي يسوي تح
حسنك كيف أعبر عنو ؟
لو وصف شرح
والشاف لي جمالك لمحة ،
قال حورية صح
ما كبرت صغيرة ودابة
في لبس الطرح
قلبي مع بريق البسمة
كم هاجر نزح
* * * * *
مكتول من فراقك .. ديمة ..
قلبي يسوي وح
آه أنا من نغيمات ريدك
الفي الجوف نبح
لا منك تجيني رسالة لا طيفك سمح
والموت من فراق عينيكي
باين ليّا ووضح
فوقك بان جمال يالسمحة
ما هدَّ ، إتمسح
وزهر العيني فوق خديكي
بالنوَّار فتح
بلهج بي غناك
دقيت طنبوري وردح
من لفتاتك الكاتلاني والطيب النفح
* * * * *
حتى القمري فوق أغصانو
ليك قوقا ومدح
وأصلك في قلوب خلق الله
ميزانك رجح
يا شبه المباري أماتو
بالوديان سرح
لا ضاقت سموم قلاية
لا برداً لفح
لامتين السعادة تقولي
قوماك ليها أرح
وأسمع لي حديث السمحة
زي طيراً صدح
يا ود حاج مع حيرانك
الجرُّو السبح
تجمع شملي بيك يالسمحة
زغرودة فرح

أبو وائل

19-10-2010, 10:55 AM

قسم السيد عبد الرسول
لطفك يا ودود

لطفك يا ودود يوم الفزع والروع
أستر حالنا ، لا نمرق من المجموع
* * * * *
سنيت بالرسول الفجَّر الينبوع
تورات والزبور وإنجيل مسيحنا يسوع
سآءلك يا كريم أقبل دعاي مسموع
وأجعل عملي أبيض من لبن منقوع
* * * * *
دايماً ليلي أسود ماب تضويه شموع
وضايع حقي في لجج البحار مفلوع
عاد يا ربي ساءلك
في السجود وركوع
أفرجه ...
ما عدمنا البأكله الجربوع
إتبشتن حكيت الريس المخلوع
زي زولاً طريد قابضنو في الممنوع
الزول ماب يفوت الفي الجبين مطبوع
دايماً في النهاية بيحصد المزروع
* * * * *
ضربات القدر ماب تتقيها دروع
لا تأمن زمانك ، لا تكون مخدوع
الدنيا العبوس كم دمّرت مشروع
كم خربت عماراً كان شمخ مرفوع
* * * * *
كان الدنيا مدّاك ضرعها
المرضوع
أوعى من اللسان يمرق عن الموضوع
لا تتملّي بي فرعاً يتوق ويموع
في يوم الحساب
مردود عليك مرجوع
الزول المفارق ماب تجيبو دموع
وإن مات العرق ما بتحيا تاني فروع
الأيام بتطفي الحرقة للمفجوع
والدخل القبر ماب ينكتبلو رجوع
* * * * *
الحي فيها رزقو من الله مُو مقطوع
والمقسوم يجيك حتى إن سكنت " الكوع "
قلبك خلُّو ثابت ... لا يكون مخلوع
الخلقك بيديك الرزق نوع ... نوع
* * * * *
نحن الماسكن هاندي ودلق مجدوع
نحن الصفوة أرباب الأصل والنوع
نحيي الحضرة دايماً نلبس المرقوع
صايمين ديمة لكن لا عطش لا جوع
وحِّد ،، لا تكون تابع ...
ولا متبوع
لا تبرى الجديد الفي الغرب
مصنوع
كتِّر في صلاتك
زيد عليها خشوع
أرجى الفي النصيب ،
أرضابو ، أبقى قنوع

أبو وائل

19-10-2010, 10:57 AM

قسم السيد عبد الرسول
منو القال

البلد خيره اتمحى ؟!!
البلد زينة .. وشبابه مسمحه
منو القال ؟
مشيت كاسنجر اليوم أربحا
لقيت لي طالبة الله ينجحه
عيون نظراته كاتلاني الضحى
دي النوت لي قلبي ما ها مريحة
منو القال ؟
بدق ليها النغيمات وامدحه
الجميلة المنها القمر استحى
خديد ياداب ورودو مفتحة
وقوامه اللي قلوبنا مسيحه
منو القال ؟
حلات الدابه صفرة .. مبلحة
الروت حيضانه سيدا مصلحة
حمامة ومني شاردة مروحة
يهبهب ريشة ماها مجنحة
منو القال ؟
بلادك دوحة وانتي صوادحه
تقول حورية شايلة ملامحه
هدتني بسيمة عابرة مفرحة
مسهري طرفي لا نام لا صحى
منو القال ؟
جدياً شوفتو ماها مصرحة
نداوي جروحنا تاني يجرحة
صدير ناهد مدافعو مسلحة
مخلي قلوبنا زي ساقة جحا
منو القال ؟
مراكب ريدي ديمة مطوحة
سواد شعراً ضفايرو مسرحة
أريت دمعاتي حنك يمسحه
تكون لي جارة أمسي واصابحه
منو القال ؟
على بنوتنا ملكة مرشحة
البلالي جماله بيهو موشحة
المجرد سيفه شاهرة ملوحة
يي دي الختتني بين حجر الرحى

أبو وائل

19-10-2010, 10:59 AM

قسم السيد عبد الرسول
ليهو أشرح وأنم

ليهو أشرح .. يا ليل .. وأنم
خوية بيهو الناقص يتم
انت بيك الناقص يتم
* * * * *
يا عشا البايتات يا نجم
انت حاقي الصلة والرحم
بيك يطيب الجرح البدم
ياك قمر ليلنا المدلهم
انت بيك الناقص يتم
* * * * *
للحمل شال ما قال عدم
ما قعد في فارغي ونضم
عطفو للمسكين والعِشِم
ليهو جاد بالمال والهِدِم
واعي ما بوصوك ملتزم
ضُلو شال للفتران يجم
من أباتك حاق الاسم
قدحو مارق مردوم ردم
انت بيك الناقص يتم
* * * * *
في الشدايد ماب ينكرم
خيرو زي المطر البعم
ده البحوش للحوبة ويلم
لينا زي الروح في الجسم
انت بيك الناقص يتم
* * * * *
الصلاح بان فوقك وسم
صح كريم ماهو كلام خشم
ديمة غاشي مجالس العلم
يتلي لما الليل ينقسم
بيك نفرح ماب ننكتم
وفي غنا الطنبور ننسجم
انشالله بيتك ما ينهدم
ويبقى بالأطفال مزدحم
انت بيك الناقص يتم

أبو وائل

19-10-2010, 11:01 AM

قسم السيد عبد الرسول
يا رب يا كريم

يا رب يا كريم
أل للضعيف درَّاج
أجمع شملي بيهم
مالقيتلي ملاج
* * * * *
فارقت البلد
خلّيت دويم ودحاج
وعاد من يومي داك
ما عقلي طش ولاج
حاكماني الظروف
سجناً بدون إفراج
لا مُتَ .. لاني حي ..
مولد بلا معراج !
طاريك ديمة
يام كفلاً يهِز رجراج
واذكر نور بسيمتك
وشعرك الموّاج
زاد شوقك علي
لمَّن ملاني عجاج
تب غالبني أقيف
سايقني بالكرباج
* * * * *
الله من قديمه
البي الفريق مالاج
الله من عيون
مكحولة غير مكياج
مضروبن يموت
ما اظن لقالو علاج
خلقة ربي ساكت
ما لباس ديباج
جلّت حكمتك
يا ربنا الفرَّاج
وأحَّي من قواماً
أبدعو النسَّاج
الخطوات نغم
والمشية ديك بمزاج
عاجبه حسنها البقى للعقول خمَّاج
* * * * *
الله من سواد
شعراً بقالك تاج
وإن كان للوشي
قمر العشي اللجلاج
يا زمني العديل
مالك بقيت عوَّاج ؟
قفلت الدروب لا طاقة لا نفاج
الليلة الطنابير
جاني صوتن قاج
ألهب للمشاعر وللأحاسيس هاج
طرّاني الأهل ،
برسيم ، معيز ، ونعاج
والطار حسُّو ينقر
ودَّع الحجاج
* * * * *
يا رب لامتين العودة
أجيكم داج
وتبقى الخطوة أبيض
من بياض العاج
للأفراح نولّع
ما نخلي سراج
ونلقى الحِلّي شبعت
من ختِان وزواج

أبو وائل

19-10-2010, 11:02 AM

قسم السيد عبد الرسول
يلاك النقوم

يا زميل يلاك النقوم
لي شمال وطني نزورو يوم
* * * * *
بالرحيل اتلوَّمنا لوم
ماله دارنا الخير ماها شؤم
لا حسد لا فيها محروم
في الخلاوي نصلي ونصوم
للفرح ماعونا مردوم
جارنا ماب تلقاهو مظلوم
* * * * *
لي عروس النيل والشتل
والبقر والضان والإبل
اللبن راقد للطفل
وعيشنا في الأزيار ما كمل
الجروف طرحت سنابل
وخيرنا فايض ومالي المحل
* * * * *
لي سواقينا العامرة تب
لي فواكهنا الفي العلب
لي أرضنا الجايبي الدهب
ومجتمعنا الزين ما إتخرب
لي مُحمد وآسيا ورجب
وللقميري النقـَّد الحب
* * * * *
قرِّبوا أنصنتوا يا صحاب
من كرمنا وصلنا الصحاب
الأرض مزروعة تيراب
والجروف والبحر التساب
نحن للعشمانين قراب
ونحن أهل الضيف مرحباب
الشمال مشهور بالكرم
وبالدليب الدق ورزم
نحنا والطنبور ولاد عم
والبنات حافظات للقيم
من جمالن حار الفهم
الرسول عدُّوا جروحي كم
* * * * *
لينا جبل البركل ثبوت
في الحجار تاريخنا منحوت
ماب نخاف ماب نرهب الموت
وللعطاشى سبيلنا مختوت
نحنا للأخوان ماب نفوت
ولي عدونا الصاقعة أم خيوت

أبو وائل

19-10-2010, 11:04 AM

قسم السيد عبد الرسول
المعطـَّر توبة

يا ساتر علي يا خلـَّة من نار المعطـَّر توبة
أياماً معاك حليلة حِبِّي البجمال موهوبة
* * * * *
عنوان الكمال ست ريدي شمساً ما بقت لغروبا
في ذاتك عجز تعبيري عن وصفك وجدت صعوبة
صيدة في الخمايل زي دي لا شافوها لا سمعوبا
كانت ليَّا .. بين إيديَّا من عيني بقت محجوبة
* * * * *
رددي يا نغيمات لحني أسمعي قولي يا محبوبة
من بعدك لقيت الدنيا في عيني بقت مقلوبة
ما كان البعاد طارنو أصلو الفرقة ما محسوبة
البحيا ويعيش يا دنيا يلقى الفي الجبين مكتوبة
* * * * *
يا نبع الحنان إشتقت عطشان يا خديرة اللوبا
والله الزمان أشقاني ريدتك دار أموت في دوبا
ماب ألقى السعادة بلاكي عينيك ما بيطيب مضروبة
ما هانت علي العشرة تكفيك دمعتي المسكوبة
* * * * *
يسرح فكري في كل لحظة لاحق سكته البمشوبا
اتعبَّدت في محرابه اندروش بقيت مجذوبة
يحكم حظي ليه يا دنيا فرق الشوفتو يتهنوبا
وأقعد في جحيمي أداري ناري الفي الفؤاد مشبوبة
لو كانت مسافات بينا أو فرقتنا شاني حروبا
ريدتك في القلب من بدري ثابتة وماب يقل منسوبة
الليل أبني فيهو قصوري ألقاها الصباح مخروبة
من سافرتي شلتي الفرحة من دنياي عدمت هبوبه
* * * * *
مشتاق للبلد والله طوَّل ما سلكت دروبا
جارت حرَّمتني الغربة حِنَّ الخالة والحبوبة
يا مولاي تحل لي قيدي حقق منيتي المطلوبة
يتكرم نسيمه يداوي لي قلبي الخرب زي سوبا

أبو وائل

19-10-2010, 11:05 AM

قسم السيد عبد الرسول
شيلي وخُتـِّي

يا قمرية شيلي وخُتـِّي
غنيلي الرسول ما تسكتي
يا قمرية
يا خدرة جناين برتي
من وين لي بلدنا حضرتي
جيتي علي شقانا وحمتي ..
شايقة قلوبنا زي ما شفتي
يا قمرية
شفتك في العصير يا بختي
تقدلي بي جلالك فتي
الأصلية ما اتبدلتي ..
إندس القمر خجلتي
يا قمرية
طاريك يالمضيعة وكتي
راجيك من زمان وين كتي ؟
بس لو كان تحني وترتي ..
كتري لي ثمارك حِتي
يا قمرية
وسط الدارة يوم بهرتي
يا ساتر عليها تغتي
عاد ده مشيكي ..؟ واللا رقصتي ؟
يا حليل المنام ودرتي
يا قمرية
والله السماح كملتي
حتى إن قمتي
واللا قعدتي
يالفايتي البنيات طلتي
يا أم ريداً عملي بلنتي
يا قمرية
كيف أعمل معاك
كيف شورتي ؟
زي الصيد وكت تتلفتي
في ريدي الكتير شن قلتي ؟
ضاربي قلوبنا بي سام ستي
يا قمرية

أبو وائل

19-10-2010, 11:13 AM

قسم السيد عبد الرسول
الزمان لو طال إن قصر

الزمان لو طال إن قصر
للبلد نرجع نستقر
الزمان
بلدي ناسه يعبدوا الله سر
ماب تعرف الغنا من فقر
خضرة واطاته الماب تحر
كابي ضلها مو ضل سدر
الزمان
يا بلد غاشيك الخدر
عامرة بالقرآن والذكر
فيكي طبّاب المدستر
ود عجيمي يصفي العكر
الزمان
شوقي لي حيشانا الحكر
واسعة ما بتنقاس بالمتر
لي دليبنا البنقر نقر
لي سمر بيهو الليل قصر
الزمان
شوفوا داك يفتل يمسر
وداك كسح في النيل مبحر
الحنان راقد بالوفر
ما سمعنا الجنا يتنهر
الزمان
نمشي للبوغة ونخدر
نملا جدولنا وينحدر
في الأرض ماب نترك شبر
نطلع السوق نرخي السعر
الزمان
صح جمال بنوتنا يسحر
هن شعاع من نور منفجر
هن دهب شيبون ما صفر
القمر من نورن بغر
الزمان
يا إلهي القيد ينكسر
ليها هون لنا شان نفر
أشكو ليك من شوقي الكتر
قل صبري وأبي ينصر
الزمان
عمري يا مولاي تب ودر
يا البلد خاطري بينجبر
إنبسط والحال ينستر
أشدو متل الطير أقرقر
الزمان
يا بلدنا الشاغلي الفكر
يا الصعبتي ودربك ودر
جيت أصارع الموج ما قدر
أصلو شوقك يدفر دفر

أبو وائل

19-10-2010, 11:14 AM

قسم السيد عبد الرسول
مراكب ريدي

أسرعي يا مراكب ريدي رسِّيني السفر طوَّل
أجمعي شملي لمِّي شتاتي بي ناساً حنان وأهل
* * * * *
يا زهرة دويمنا النايرة ما شفتي العليَّا حصل
مضروب بي سيوف الفرقة غرقان في بحوره حتل
زي زولاً زرع بستانو ما ضاق لي ثمارو أكل
زي زولاً مودِّع حِبُّو كبَّ دمع عيونو هطل
بسأل منك القدامي شقوا التية سهول وجبل
وأنشد للرجع من سفره جابو قطار كريمة نزل
أطراكي وتهيج بي الذكرى كل ما شاف فرع ميل
شاغلاها الضفاير عني نامت وباب حنانه قفل
* * * * *
يا نبع الحنان والله ريدك لي قليبي شغل
عاشق فيك بساطة بلدي خضرة نوري والبركل
طوّل من فراق عينيكي ضايق مُرَّة الحنضل
من فارق ضليل واحاته لا إرتحت لا قيل
كيفن عاد نفوت القسمة كل بداية ليها أجل
مالي بقيت أشوفو لقاكي أقرب ليا منو زحل
يا جرحاً أبيت ما تبرى عاود سيرتك الأول
يا مولايا كون في عوني مكتول بي سهام أريل
* * * * *
ما أحلى الجمال الفوقا خلقة ربي عز وجل
وجهاً كان يطل ساحاتنا قمر السبعتين يخجل
النهد الطلع وادلى شقيش من مشي وقبل
والشعر المسرح ديسو فايت لي كتيفه هدل
البسمات بتفرح قلبي أفرح ما يجيني زعل
وإن كان لي حديث شفتيها يتقطر حنان وعسل
من فارق ضليل محياكي إتبشتنت وإتبهدل
وأصلي مسوي نوم السقدي قايلي طرف عيوني قفل
* * * * *
من أجلك بلملم شوقي لي بلد النخيل وأرحل
وأشرب مويتها المنسابة تتعرَّج مع الجدول
وأحضن للسماحة الباقية عنوان للجمال ومثل
بي شوفتك أبل أشواقي من أحزاني اتغسَّل
وأقرالك ترانيم حبي في محرابك إتوسل
تنظري لي تقولي سلامة جيت شرفت للمنزل
كل البي يزول يا سمحة من رمشة عيون ومُقل
ونجم السعد يطلع لي أكون من جني طبت عقل

أبو وائل

19-10-2010, 11:16 AM

قسم السيد عبد الرسول
ليل الغربة

يا ليلاً طويل ، يا غربة فجرك مالو ماب يشرق
وريني الصباح لو مرة ليهو أنا ما قدرت لحق
* * * * *
يا ليل الشجن والفرقة مطبوقات علي طبق
حاضن لي همومي برايا دمعي الفاض ملا المرتق
* * * * *
مشتاق لي منابع ريدي للبلد النسيمه طلق
لي دوحة الظلال والخضرة والبركاوي والمشرق
والقصب البعوم في الموية جرجر وخلف البتق
والشتل المجبِّد دابو قرَّب لي سبيطو يشق
كيف أنسى الجناين الوارفة والجو الصفاهو روق
تتفتح زهور برسيمه تملا الكون تفوح تعبق
* * * * *
يا فتحية قلباً ليَّا من تالاكي ضمَّة شفق
كان شفتي العذاب العايشو بس موت أصلو مافي فرق
ما عارف نهار من ليلي نازفة جروحي متعوِّق
وأصلو الشوق معصف بيّا زي زولاً سقوهو عرق
* * * * *
راجيك صيَّفت أيامي أشرب في سمومه حرق
والغيم البطل ساحاتي يتفرق رعود وبرق
راجيك في مواسم الهجرة لو كان ينقسملي رزق
بس شوفتك تبل أشواقي أسعد وأبقى متوفق
* * * * *
ماك عارفاني يا فتحية لي لقياك متشوق
وماك عارفة البحب عينيكي يفضل بيها متعلق
طشيت في بحورن رحت في شيماته بدري غرق
في قسمات وشيك الحلوة لي تلت إيديكي عشق
للقامة ودلال المشية في رمان صدير ينتق
كمّلتي الجمال والله زيك ما أظنو خلق
* * * * *
ذكراك ماب تغيب عن بالي اسمك لي حجاب ورفق
وإن قلت الصبر يلحقني ألقى الصبر متمحق
لامتين يا زماني القاسي قلبك لي شوية يرق
رابع المستحيل والله يداً واحدة بتصفق
* * * * *
بعدم إنت هوي ياالسمحة حتى النوم جفاني قلق
طوّل من وجينات نايرة من نوراً يلوح ويبق
من شعراً سكب شلالو فوق أكتافه مدفق
حتى الطيبة فوق قسماته حافيها الحنان وصدق
بي قربك نتوج ريدنا يوم الحنة والجرتق
لا حاسد سمع همساتنا لا زول في أضانا ينق

أبو وائل

19-10-2010, 11:17 AM

قسم السيد عبد الرسول
ولاد صعب

نحنا
ولاد صعب
وكتين نجر واسوقنا
نحنا بندخل الحارة
ونعمِّر سوقنا
شوف توب الكرم لابسنو
خايل فوقنا
فائض خيرنا
للجار والبعيد من ذوقنا
* * * * *
من زمن الجهل
كضب البقول بلحقنا
بشتنا الخصيم
أدِّينا سم الحقنة
يوم الحارة جات
وكتين ركبنا
وسقنا
جبناهن غنايم
لي مهر ناس لبنى
* * * * *
نحنا ..
الماب يقولولنا
الرخيص وإضينا
نحنا بنسند الباركة
ونكف الشينا
نفرح ..
كان نشوف الحارة
ماشية علينا
بنكيل مدها
ونرمي الرماد في عينا
ساعة يطرق الضيف سوحنا
ياهو عجبنا
ماب نديهو ويكاب
واللا فول بي جبنة
نضبحلو الصغير
الما ملجَّن لجنة
خيرنا بلا المطيرة
الصابَّة من غير هدنة
* * * * *
أصلنا في المكارم
مافي حد سبقنا
من فيض الشمال
جر وسقانا عرقنا
الزول البخيل
نتبرَّا منو مرقنا
ماب نتلم تب فارقنا وإتفارقنا
لي بذل النفوس
الشوق دوام جابرنا
ده الخبر البنفرحبو ويطيب خاطرنا
ماب نقعد نعاين
لي خراب عامرنا
وا سجم البدق صدرو
وقدل طالبنا
* * * * *
نحنا خبرنا فاح
عمَّ الحضر وبطانة
نكرم ضيفنا تب
ماب نطعمو التلفانا
ساعة الشوف يشوف
واتلخبطت كيمانا
كل العاجبه روحو
نسكنوا الجبّانة
نحنا رجال عروض
نحنا الشجاعة بكانا
وإن قلت يا رجال
ساعة تضيق تلقانا
ماب ننجارى نندسه
ونصد لقفانا
ناكل النار عديل ،،
حتى إن بقت جبخانا ؟
* * * * *
من أجل البلد فرسان
بكل أمانة
والقاصد الدواس
قولولوا إتحاشانا
نحن بندخل الوكرة البفور بركانا
لي خاطر أم رشيمة
ونظرته النعسانة
يا وطن الجدود لمّام شمل أمتنا
من أجلك خلاص إتوحدت كلمتنا
لو طال الدرب
ومهما الظروف عاقتنا
لابد يا بلد نجتثه راس الفتنة

أبو وائل

19-10-2010, 11:19 AM

قسم السيد عبد الرسول
سجين الغربة

لا متين يا سجين الغربة
عودة من الرحيل بسراع
يا ريت ما بديت الهجرة
يا ريت ما فردت شراع
* * * * *
وينك يا زماني الماضي
المن بدري قتلو وداع
فارق لي طيور الدوحة
خليت ضلها الرتاع
طشيت بي دروب الغربة
مقبوض بي شرك وقاع
* * * * *
مشتاق لي بريق البسمة
رسلي ليّا منو شعاع
يا طنبوري هات ألحاناً
أشجي ونظم الإيقاع
ردد لي نغيم للحلوة
جيب البطرب الأسماع
كل ما أقول تخف بلواها
ينبح سمها النقاع
مالو بحر حنانك ديمة
باقي لي سراب خدَّاع
* * * * *
قامت في الجريفات هابي
فاتت خضرة النعناع
دور من فجر وابوره
مويتو مغلبي الزراع
وجهاً زي قميراً طل
ما لابس سحابو قناع
وفي حدقات عيونه الحالمة
قولي لي منو الماضاع
* * * * *
يا الدرفونة سمحة خلقة
غاية الروعة والإبداع
والعاجبني عالي صديرة
محروس بي قنابلو دفاع
السبب المودر عقلي
مني وبدل الأوضاع
لفتات الغزال وقوامه
زي فرع الجريد الطاع
* * * * *
يا درة حسان الحلة
يا نجماً بعيد لماع
مشوارك يطول
ما الحيلة
لي زولاً قصير باع
يتبدد ظلامي الداجي
منك يبقى نور سطاع
ألقاهو القرب من ذاتك
الآسراني ذوق وطباع
* * * * *
بطراك يا البعيدة عليّا
من دونك سهول وبقاع
تتفجر على ذكراكي
ألقى الخافي كلو مذاع
ناساً بالسعادة اتهنوا
ناس تاهت مع الأوجاع
شوفوا الحكمة سبحان الله
حتى الحب يكون أنواع

أبو وائل

19-10-2010, 11:20 AM

قسم السيد عبد الرسول
شدر النخيل

شدر النخيل
سامعني يا شدر النخيل ؟
* * * * *
تذكر الولد اللي فات
خلاكا من درفون طفيل ؟
تتذكر الولد البخب
لاحق القوافل للرحيل ؟
أنا لسه بذكر يومي داك
قضيتو في البكا والعويل
إن كان نسيت أبداً نسيت
الذكرى ما داءً وبيل
الذكرى ما جرحاً يكب
شوف عيني منو الدم يسيل
من ساعتي ديك أنا طرت فر
بينا المسافات ألف ميل
وفضلت أجتر في الأسى
حاضن همومي أخم واشيل
سامعني يا شدر النخيل ؟
من يوم فراقنا الإنكتب
طشت مراكبي بدون دليل
من يومي داك ، أنا ليلي طال
سهران مع نجمة سهيل
يا ريتني منك ما شرد
بيناتنا ما انقطع الحبيل
غربة شنو ؟ وهجرة شنو ؟
ما غلطة أصلها من قبيل
جينا المدن ، شن المدن ؟
لامِّي المكشكش والهبيل
لامِّي البهايم من طرف
كان دُر حمار !
كان درت فيل !
واحدين خفاف زي العويش
واحدين من الوزن التقيل
ناساً بقت ساكنه القصور
ناساً تحت ميتين عديل
سامعني يا شدر النخيل ؟
طولت أفتش لي لماك
لمن حفن كرعيا ديل
رغم المحن بتذكرك
كيف أنسى
زول بلدي الأصيل
ناساً تشيل فوق الدبر
يتبروا من زولاً بخيل
كم درجوا الفتران وقف
كم سندوا الماعندو حيل
يلفوك في اليوم الكعب
والله لي خيلهم صهيل
كان شفت كابسين الأرض
ماب تلقى فد واحد عطيل
تلقى الخلاوي مفرشات
والكوز معلق في السبيل
سامعني يا شدر النخيل
عبد رحمن نمشي البلد
الننعل إبليسنا النعيل
ما الفايدة في الخرطوم هني
نقعد نصارع المستحيل
ما هسه كاتلانا الهموم
خلتنا نبكي بدون قتيل
نقلع هناك توب المدن
من ذاتنا نطرد كل دخيل
نرجع نشم ريحة التراب
العطرة
زي ريحة الفتيل
لا هم يعشعش في النفوس
لا شي يلخبط للعقيل
ما ليها جمر الشوق وقد
للخضرة والغصن البميل
للمنقة ديك الفرهدت
في حوضها حافيها النجيل
سامعني يا شدر النخيل
خلاص أخير نمشي البلد
ما تقول لي ما لاقي البديل
لو غصت في جوف الأرض
المولى بي رزقك كفيل
والله مشتاق ليها تب
مشواري طال ..
والزاد قليل
والله كان طفت البلد
زي البطوف قبر الخليل
بطراها في صوت الدباس
كان جر مسدار الهديل
بطراها لو طنبور عزف
ردد روائع (كرنقيل)
بطراها كان ورق النسيم
بطراها كل ما جن ليل
بطراها كل ما رك طير الكرجي
فوق حبل الغسيل
سامعني يا شدر النخيل

أبو وائل

19-10-2010, 11:22 AM

قسم السيد عبد الرسول
مأساتي

أنا المأساتي ما بتنقال
أنا الخايض الرمال وحَّال
أنا الطشيت
أنا الودر دروبك
يا الشغلتي البال
تقول لي أنا .. أنا المأساتي ما بتنقال
* * * * *
أقبض في بهايم إبليس
أبيع فيها الألف بريال
بقيت أحسب عميري الضاع
عزب لا حفلة لا شبال
حليلي الراح كتير وكتير
أنا اللا زوجة لا أطفال
بقيت أنا في مهب الريح
مريكب لافحه الشلال
أنا المسحور عيونك ديل
إتحجر بقيت تمثال
أفتش في بكانك وين
أتاريك في قليبي هنا
* * * * *
أنا الجرب مآسي الغي
تعال شوف كيف حفن كرعي
وأنا اتبشتنت يا خلاي
فوق درب الفريع الني
بقتلي مع العيون قصة
مخلفي فوق جراحي الكي
خيالن مني طار نافر
محلق في خلاهو الصي
ولا قادر أقيف وأرجع
ولا قادر أداري البي
أشوف غيمك أنا العطشان
أقول هسع يجيني الري
وأفكر في أمور الحب
وأدور في ساقية غير معنى
* * * * *
بريدك يا سماح بلدي
جوة عيوني شلت الريد
رويتا أنا بالدمع والدم
ولسّع ما حصدت حصيد
وقف في ضلي فت الحول
بقيت زي الهلالي أب زيد
أدق أوتاري واترنم
أردد في محاسنك أزيد
أشوف فيك خضرة الليمون
أشوف نخلاً متني جريد
أنا اتبهدلت من أجلك
وحاتك يا هلال العيد
لقيت مصايبي ياها الزاد
أنظم من أنيني غنا
* * * * *
حليلي أنا وحليل أيام هنايا معاك
زمن كان الزمن بسام
يشاور لي دوام ضحاك
زمن طير الحبيب غرد
سجع فوق الخمايل راك
يضمنا كان هدوء الليل
لا حسن همسة لا كوراك
زمن يا خلا درب الريد
يلم الصيدة والشرّاك
لقيت تب يا قلب زولك
بعد وجعك لقيتو دواك
أتاريهو الزمن دولاب
قسى ورجعني ألف سنة
جمالك يا جميلة الزي
سماحاً فاض ملا الماعون
عيونك ديل ...
سبب همي
يمين من غيره
مافي عيون
أدور في متاهاتن
مكتف بي قيود مسجون
وشيك البشبه القمرة
قوامك فاق على العرجون
حسيساً زي نغيمات ناي
تقول زي طائر الحسون
وديعة بلا جني الصيد
مباري أماتو داب درفون
يي ده السبب الخرب عقلي
أهدم في البنيتو بُنا
طريت أنا .. طريت السمحة بين أهلاً
وكت تطلع وكت تنزل
مع الحوبة اجتمع شمله
تمد إدينا للمنقة وتداعب للجريد قبله
ولا هماها زولاً فات
يقاسي الغربة من أجلا
مخلاني ابتليت بي ريده
أفتل في حبال رمله
كمان خايف الجنون يحصل
تفوت عقليتي بي عدله
أوريكم مآسي غرامي
عشتها عمري كان ثمنا

أبو وائل

19-10-2010, 11:34 AM

قسم السيد عبد الرسول
إن شاء الله ما آخر لقاء

إن شاء الله
ما آخر وداع ،،
يا ربي ما آخر لقا
مشتاق أنا وبسأل عليك ..
بالشوق ضلوعي محرقة
* * * * *
صورتك يمين جوة القلب
من بدري راقدة مطبقة
وصورتك بقت زي الحجاب
في صدري ديمة معلقة
يا سمحة لي قلباً حرق
عطشان ينوح وما انسقى
والليل يطول والنوم شرد
الكان صديق لي ما بقى
جمعتنا ما أحلى الظروف
أنا ذاتي ماني مصدِّقة
جات ماشية
تقدل من بعيد
زي قمرة لابسة مذوقة
المشية كيف .. الوقفة كيف
الإبتسامة المشرقة
نديانة زي زرع الجروف
زادت سماحة ورونقة
يا الله لي قلبي الرهيف
من نظرة أصبح عاشقه
في لحظة طارت روحي فر ..
بينات سماها محلقة
* * * * *
والله كملتي الجمال
سبحانو جل الخالقه
عينيها ما أحلى العيون
لكن بحورا مغرقة
والليل يكب فوق الخدود
شعراً ضفايرو منسقة
* * * * *
ريدتك نمت وإترعرعت
في قلبي خدرة مبتقة
جرحي القديم كب ونزف
سالت دماهو مدفقة
يا ودي أبداً ما تغيب
داخل الفصول أنا ألحقه
* * * * *
يا حلوة قصة حبنا
أصلو الزمان ماب يسرقه
أنا بيكي مشوار الحياة
أخطوه خطوات واثقة
وإن شاء الله يجمعنا العديل
ننسى العذاب كل الشقا
* * * * *
يا رب أشوف ست الإسم
صبحت عروسة مجرتقة
زفة بنات .. زغريد فرح
والناس تهني مصفقة
والفرحة تلمع في العيون
والجو عطورو معبقة
* * * * *
يا الله أشوف ست الحسان
حكمت ظروفي أفارقه
كان شفتي لحظات الفراق
فوق راسي متل المطرقة
روَّح بعيد فاقد حنان
لهفان عليك يا زنبقة
أطري القبيل كانت معاي
تضحك سعيدة مروقة
نمرق سوا ونقدل سوا
زي الحمام الفي التقا
ما إنتي ياك أمي وأبوي
والدنيا غيرك ضيقة

أبو وائل

19-10-2010, 11:36 AM

قسم السيد عبد الرسول
مشاهـــــد

إن سألت عن البلد
مكتول غرامه
بشوفه أجمل على جُزر (البهاما)
* * * * *
سماحته زايدي
فوق حاضرة تهامه
جرف ود شيخ
ولا العاصمة المنامة
خضرة خايلي فوقا الرب أدامه
جمال رباني ما كشفت لثامه
* * * * *
بلادي المن زمان
ترعى اليتامى
ويسنـِّدوا للبقع خوف الملامة
يوفروا لقمة العيش
والإقامة
يخلوا الزول يصل بر السلامة
تقاليد قرية ماب
يفلت زمامه
مغرق ساسه ماب ينفك لحامه
بلادي العزة
والجد والصرامة
دي شي خاتنوا أبواتنا القدامى
* * * * *
للبسوق الناقة راكب فوق سنامه
والبقود راحلتو
ماشي بكان طعامه
ولافي دفن رؤوس
متل النعامة
يخموا الشيني زي خم القمامة
حقيقة أماني طيبين
مو غشامى
مبيضي نيتم متل الرخامة
يي داك تمرن مسبَّل للعشامى
يي داك قدحن مرق للضيف كرامة
ترى الناس في صلاته
مع صيامه
يسبحوا لله لا يوم القيامة
حلات بلدي
السحرني جماله ياما
التبق نار شوقه من شدة ضرامه
تعال شوف العيون
مسلول حسامه
لافي ضعيفي يتحسبن عضامه
ولافي سميني
وسط الناس جهامة
حساناً والله ما خلن وسامة
يشابهن قمرة
مارقي من الغمامة
تشوف فوق الخديدات
أحلى شامة
جمالن جد يلوح فوق كل قامة
شتيلات لسّه ما رمن التمامة
وعبيرن فاق على زهر الخزامى
* * * * *
طريت عاداتنا ما ليها الزعامة
جبيرة حريرة والكي والحجامة
دواية الخلوة واللوح والقلامة
وعريساً جرتقوه وقطع الحزامة
نفيرنا ختانا والحفلة ونظامه
وحسيس طاراً يدق عن (ود امامة)

أبو وائل

19-10-2010, 11:37 AM

قسم السيد عبد الرسول
طير الخريف (2)

قلها دار أموت بالشوق
قلها ما نسيت الود
يا طير الخريف
أرجوك
أسرع للجناح أفرد
* * * * *
قلها كم قضيت الليل
أأمل .. في محاسنك أعد
أنا السلواي خيال طيفك
أولفلو القصيد وانشد
ظروفي القاسية طالتني
وحاتك ماني متعمد
فقدتك ، إعتزلت الناس
سكن عتموري متوحد
حياتي بلاكي يا السمحة
يتيماً عيشتو كلها حِد
زماني الراح بدون شوفتك
عميراً ضاع فقدتو فقد
أقضي الليل ، أنا الولهان
ألملم في مصايبي واعد
زرع شجر الحنان ، طولت
راجي إن كان يجيبلي ورد
* * * * *
حليل أيام تلاقينا
ظلال غيمة وسحاب يرعد
زمنا الكنا فوق للفوق
بنتقابل بدون موعد
جمالك من بعيد
ضواي
تقول زي زينة المولد
ترددي ليا أحلى كلام
تسلم لي إيدينا تمد
* * * * *
جمالك يا سمحة الزي
شبه نور الله في المسجد
سماحة شعرك الفتان
كتيفك فوقو متوسد
أنا الكل ما فتحلك باب
ألاقي زماني ليهو يسد
أنا الكل ما لحقت القيف
أطوح والقى نفسي بعد
* * * * *
وحاتك حسنك الفتان
مبشتني وقصدني قصد
وكت أطراكي قلبي يذوب
وحاتك عيني ماب تغمد
حكايتك ما غريبة علي
جفاك أنا بيهو متعود
عيونك ديل خدودك آه ... بدورن كتلي متأكد
* * * * *
حليله بلدنا
يا سمحة
وكت هبهب نسيمه برد
طريت نخلاً مقابل النيل
طريت صيداً
عصاري يرد
أشم ريحة التراب
رويان
لبس توب خضرة منجبد
يي ديك أهلي
ويي ديك ناسي
حلالك يا قسم عيد

أبو وائل

19-10-2010, 11:39 AM

قسم السيد عبد الرسول
متين

متين تتفارق الغربة النعيلي ؟
ونسافر لي بلدنا على العديلي
متين؟
* * * * *
عليكي بنادي علك تسمعيلي
ولقيت دربك صعب ماب يتمشيلي
قيود الغربة مطبوقات تقيلي
ونار الشوق أبت ما تنطفيلي
متين ؟
بلاد الخضرة والنسمة العليلي
بقت بي وصلك الأيام بخيلي
طريت سقاي .. دويمنا ..
مع الرجيلي
وكتل بالحسرة في ضُلي ومقيلي
متين ؟
منها وا .. أزايا ، أنا
وا .. فليلي
خلاص ما مت بالريد يا حليلي
زمن ما شفت مريودتي الجميلي
ولا إندليت عصر قصِّيت نخيلي
متين ؟
معاكسة ظروفي دايماً حظي نيلي !
أكوس لي ليمة ما خليت وسيلي
أماني بريده ، ريدة مي قليلي
وتشيقني سماحته النوم ماب يجيلي
متين ؟
غزالي الشقت النال والنجيلي
عيونه الساحرة خلقة رب كحيلي
مكملة من جمال قاطعي المثيلي
ينور طيفه كم ضوالي ليلي
متين ؟
أنا إتعذبت واحتار بيَّ دليلي
أبييت الهجعة أفتش لي زويلي
بحبها ذاتها ما داير البديلي
المضمَّر هافا كالمهرة الوحيلي
متين ؟
خلاص اشتقت للدار والقبيلي
حرمني زماني ما ضاحكت جيلي
سجن لي نفسي في دار ماها هيلي
معذب باكي بالدمعة الهميلي
متين ؟

أبو وائل

19-10-2010, 11:40 AM

قسم السيد عبد الرسول
نغمات حب على أوتار نوري

كدي آمولايا سهل لي أموري
تكون اللقيا بيها حبيبتي نوري
* * * * *
حرام يا دنيا في حكمك تجوري
مخلاني انقطعت أنا من جذوري
قست سابتني فارق لي زهوري
وأسمك لي بقى القوت الضروري
* * * * *
بريده بريده من نشأت ضفوري
بقدسه بلدي جبارة كسوري
وجدتها في أحاسيسي وشعوري
لقيته أنا في غنايا
وبين سطوري
عشقتك نوري
يا مرتع صبايا
حنيني ،
مسحتي دمعات الحفايا
عرفتك أنتي سنادت قفايا
بقيتي الزاد مع الغربة وشقايا
* * * * *
عليكي بهاتي يا نوري الحبيبة
دي نار شوقك تدودي صباح وغيبة
حلف بالله نارك مكتويبة
وحبل ذكراكي ماسك في الرقيبة
* * * * *
خيالك نوري نافر مو مقرِّب
يعربد صبري جوة الجوف مقنِّب
فقد رأس خيتي أمحي ومرة أكتب
يي ده السبب المخلي الراس يشيب
متين يا الله
دوب لي لماها دوبه
أقصّها بي حواريها ودروبه
أشوف السمحة مرقت لافحي توبه
وتجيني أنا رنة أو تاره ولعوبة
* * * * *
متين يا نوري
أنزل وما هو صدفة
أزور نبع الحنان ..
المالو جفَّا ؟!
أقالد لي شعر
تسريحتو .. لفة
أذوب نفسي بين أحضانه وادفا
* * * * *
بلاد الخضرة
والموية ورشاشة
كتار المتلي لي حضنك
عطاشي
شذى النوار مع نسمة دُعاشة
يطير فوقه الزهر
حايم فراشه
* * * * *
عليكي سلامي
يا ام طيراً يغني
علي حكم الزمان
ما تقولي مني
دموعي الحارة فوق الخد كوّني
وبحار أشواقي
إلا يغرقني

مصطفى هاشم

19-10-2010, 12:43 PM

ابداع لا يدانيه ابداع عمنا الرائع ابو وائل
ومستمتعين باغاني اهلنا يعطيك العافية

أبو وائل

19-10-2010, 01:16 PM

ابداع لا يدانيه ابداع عمنا الرائع ابو وائل
ومستمتعين باغاني اهلنا يعطيك العافية

شعلة المنتدى
الرائع دوماً ود هاشم
أسعد كثيراً أن تعطر هذا البوست
بأريج أسطرك الطيبة
آمل أن نقدم كل ما أنشده
أهلنا في الشمال الحبيب
من روائع

أبو وائل

19-10-2010, 01:45 PM

عثمان عوض ضرار

باكر بجيك
باكر بجيك قاطع مسافات العشم
شايل معاي هوى العيون
آمالي في أجمل نغم
باكر بجيك قاطع مسافات العشم

بجيك من سكـــة القلب العشق ذاتك سنين
بجيك من صفحة الماضي الكان قاسي وضنين
خايف يكون زيف المدن غير أصالتك والحنين
جايك من ليل العـذاب ارجيني بالصبح المبين

فُتيني للليل الطــويل يرميني في حضن الآلم
سبتيني بين شبح الظنون وأحزان بتنبع من وهم
ارجيني فوق أرض الصبر جايك من زمناً سجم
لا فيهو للأفــراح طريق ولا فيهو للأيام طعم

باكر بجيك بي لعنة الريد المـــــلك قلبي الجريح
بي حال بيغني عن السؤال ما بوصفو الخاطر الفصيح
خايف يقصر بي العمــــر تحملني من الدنيا ريح
لو كان مُقدر إني اروح سوي لي في روحك ضريح

سافرتي مـــا خليتي خيط ابراه للمرسى الجديد
سافرتي مـــا خليتي لي غير ذكرة الزمن البعيد
علمتي روحي الإنشراح علمتي قلبي يحــب شديد
فجاءة اختفيتي من الدروب وأخفيتي كل زمني السعيد

لكني لي أحســـاس يسوق خطواتي لأجمل عيون
باكر بتلقي خطاي معــاك تتمشى ما بين الغصون
ما تقولي لي وصلت كيف مــن دل قلبك يا حنون
أنا قلبي أصبح ليك مكان يا الناسية إني انا ليك كون

باكر بنكشف الضباب القـــاك في فرح الشباب
تقشي في دمع الفـــراق وتزيلي في أثر العذاب
بكرة المسافـات تجتمع وتلم قلوب يوم عيدها آب
ويعود شباب الفي هواك يا حلوة بي أحزانو شاب.

أبو وائل

19-10-2010, 01:47 PM

عثمان عوض ضرار

مابين الظروف والاقدار

أهى دى الظروف وأهو دا القدر
اتنين يوزعوا فى الشقا ومُر السهر
تغــرق مـراكبك وتنــكفى
وقــوافلك الـليك تخـتفى
يظهر شقـاء الدنـيا الخـفى
وفى لحـظة تصبح فى خـطر
***
إيـديك تشـابى ومـابتصل
تحتــار تفتـش عن حـلل
تلـقى العمـر روح رحــل
والموت من الآفــاق ظـهر
***
زرعك توالفو اسـراب جـراد
والهـم يجــيك بلا ميــعاد
مــا النـار دوام تـلد الرماد
شـن راجـى من رحـم الجمر
***
كل مـا توادع اللـيل يعــود
والشـايلو بين ايـديـك ورود
تلقـاهو نـاشف جـاف و عود
والـــراجى رسـل واعـتزر
***
فى الـريدة تشـقى زمــن براك
والـرايدو راد انـسـان سواك
والكارهو جـارى سنين وراك
لا كلً لا مــلً لا فـــتر
***
جـيـبك تسـكنو العنــكبوت
تنـسـج غـرف تعـمل بـيوت
والــدايرو فى لحظـات يفــوت
تقـعــد بـراك طـول الـدهر
***
تـشغــل عـيونك بالنعـاس
تـلـقى الفكر محـتار وحاس
يتـخت فـوق راسك مداس
مابتـلقى منـو نجـا ومفــر
***
مــولود بـلا حـظ لا وطن
فـى غفـلة مـن عـين الزمن
وارث مــن الـدنيـا الشـجن
وخـطـاوى تـايـه بلا مـقر
***
بـى عقـلك الصـاحى الكبير
تشـقى وتضـوق نـار السـعير
والجــاهل اتبــسم قـــرير
بـى مــالو ليك نــهى وأمـر

أبو وائل

19-10-2010, 01:49 PM

عثمان عوض ضرار

يا ريتني .... يا ريتني

تجمعني بيكي ظروف في جنة الاشواق
بين الاماني نطوف ياريتني يا ريتني
****
نشرب رحيق الريد في فرحة الآمال
يبقى العمر في عيد والدنيا زايدي جمال
ليل الحزن يضحك يديني احلى خيال
في روعة العينين أجمل نغم يتقال
****
يا سمرة مابندم انك شغلتي البال
وإني إكتويت بي شوق موجود معاي لا زال
خلاني أكتب ليك يمشي النسيم مرسال
قلبي المتيم بيك سافر وراك رحال
****
جواية أعظم ريد ما عرفتو الأجيال
لكني لي شوفتك اتعب وراك واحتال
دمعي الزرفتو وكت ليل الفراق الطال
بالحسرة بس يجري زي سرعة الشلال
****
يا سمرة جاوبيني لو كان سألته سؤال
لية ما حصل في يوم فكرتي تبدي وصال
بيهو العذاب يرحل يظهر فرحنا هلال
إلا الدلال غراك اشكي وألاقي إهمال
****
ياسمره وينو العيد راجيهو جا الزلزال
حتى السما اتعكر امطرنى هم ووبال
قدرى اللعين فتح للفرقه باب ومجال
ما الفرحه فى عمرى زى لفحة الشبال

أبو وائل

19-10-2010, 01:50 PM

عثمان عوض ضرار

لما الجروح تنزف

لمَا الجـروح تنـزف وتخــيم الاحـــزان
مابتشفع الآمال لى زول رجاها زمان
غيم الفرح هاجر لى دنيا غير دنياى
وأقدارى ديمه عدوى زىَ نفسى فى جواى
عاش العذاب عمرى وبكت الليالى هواى
دا الخله طبعى حزين فى شعرى فى نجواى
ساحات صحارى الريد عرفت رماله خطاى
وحفظت كمان شعرى نمى وسبب شكواى
لو الزمن يرجع ويعيد فى لحظة صباى
ما كان خطاى تاهت وعطشت قوافى غناى
خدعتنى اوهامى وضاع العمر احلام
والفرحة مابيه تلم ليه عزابى التام
انا كنت قايل الريد طول العمر بسام
مافيهو يوم بيمر يملأ الفؤاد آلام
لكن لقيتو صدود حرقة وشتات أفكار
ومرات زهورو تكون من اللهيب والنار
انا لى زهرة ابت ترى النسيم المار
حبة عبير يصبح للريد صدى وتزكار
يا اللسة مفتكرين انو الربيع فى الريد
وانو البريد يرتاح وبى ريدو يبقى سعيد
درب الهوى المعروف مليان أسى وتنكيد
لاجنة لا أفراح لا عيد يلاقى العيد

أبو وائل

19-10-2010, 01:52 PM

عثمان عوض ضرار

السؤال

السؤال الرجع الشوق لى عيونى وبكى فينى الابتسامة
ردو يصعب .......... يامـــا ........... يامــــــة
لارمتنى الصـــــــدفة فـــيك ولا عشــق قلبى الوســـامة
لا هويت ضحكة عيونك وبسمة الخد واحلى شامة
لا سبانى سحر كلامك ورونق المشية ونظامة
دى الفة من قبل التلاقى وريدة فى المحفوظ ختامة
وروحى يوم لاقت عيونك بالفرح باحت غرامة
السؤال الرجع الشوق لى عيونى ونزف الخاطر حروف
وانا فى قداسة الزكرى حافى أسعى من حولك وأطوف
أبنى لى عينيك مرافئ فى غرف قلبى الولوف
وأشقا بى احساس خرافى عكس تيارو الظروف
أوفى والامال تجافى تملا وعد الفرحة خوف
بى جفاك صبحت ضفافى خالية من نفح الجروف
السؤال سر قصدو خافى دق للاحزان دفوف
رقص الاسى فى عيونى وجر فى الاعماق سيوف
السؤال الرجع الشوق لى عيونى زى انين الاحتضار
بعدما والفت ليلى أشتقت لى شمس النهار
راجى فجرى قريب يشعشع وأبدا لى زكراك مسار
مانسيتك الا هدهدت العواطف فى رصيف الانتظار
بالوهم وأحلى الامانى ابني للامال .... ديار
انتى وينك يا موانى الفرحة ضيعنى الودار
وانتى وينك يا مرافى العزة يا نوار ونار
السؤال الرجع الشوق لى عيونى وبكى فينى رؤى التمنى
واليالى الكان وكان .............. بالشوق تغنى
جاها طيف الفرقة راحل من سواد ليلا سجنى
شق صمت اليل نواحى وكيف يطيب بعدك أغنى
وكيف يعود بعدك صباحى وانت شمسو الغايبة عنى
وكيف وكيف انساك يازهرة فى ربيع بالحب فتنى
الظروف سدت خطايا وفى جحيم فقدك رمنى
السؤال الرجع الشوق لى عيونى لسعو زى لمس المجاسر
حرفو فرهد فى ظنونى وغطى بي اسفو الخواطر
زلزل الفرحة الوليدة فى سهاد احلى المشاعر
واتجرح ليل المحنة وتاه مع عينى سواهر
كل جميل يا حلوه ماضى وكل حزين إمتد حاضر
اللى فات من عمرى قربك كان حلم بالروعه ساهر
اما حاضرى العد خالى وعدَ فات من دون بشاير
جفَ فيهو لسان هوايا وكل مداد زاهى الرسايل
ضاع كلام الريد وحاتك فى ألم ماليهو آخر
ومات جمال الدنيا بعدك وفات صباح آمالى راحل
كان زمان سفن المحبة بتلقى فى عينيك سواحل
ولسه فى عينى انتى ولهفة الشوق المسافر
ولسه فى دنياك بأمل والزمن من حولى ساخر
الهوى الاجج فؤادى وخلَ فيكى صباى يهاجر
وخلىَ عين اعجابى تكبر وتهوى فيك سحر المناظر
أشعل الوجدان محنة لى جمال فى الروح وظاهر"
السؤال الرجع الشوق لى عيونى وبكى فينى غنا الاماسى
جاب ضباب الحسرة يرقد فوقى فوق احزانى آسى
ورفرفت فوقى المواجع ........... والمآسى
قدرما حاولت أجاوب الجواب القاهو قاسى
مانفع تغريد غنايا ولاشفع وترى الخماسى
فى ليالى الهم أصارع قصدى أوصل للمراسى
وطيف عيونك لى منارة فى عمق تيهى وحواسى
السؤال الرجع الشوق لى عيونى وجاب ليالى الموت معاهو
إنجرح صخب المدينة وانتحب ريفنا وقراهو
مين يصدق إنو حبى يبقى فى الاسى .....منتهاهو
ومين يصدق انو قلبى يهنا من بعد اللقاهو
بنعى روحى وأزيد بكايا فى عمر فارق صباهو
وفى نسيمى الجافى زهرو وما رجع يحمل شذاهو
السؤال الرجع الشوق لى عيونى وصحى فى خاطرى الحقيقة
إبتديت أسأم حياتى وكيف بدون عينيك أطيقة
الثوانى تموت وتحيا وينكتم نفس الدقيقة
والامانى الحافة حسنك تاه مع الاحزان طريقة
السؤال الرجع الشوق لى عيونى وذكرى أيامى المجيدهـ
أصلى شايل ذكرياته معايا قصيدهـ
وكلما تكمل حروفة بى فرح دايما اعيدهـ
بى رحيق زهر الامانى وبى ورود الشوق ازيدهـ
ماسئمته غناها مرة زى تقول دايما جديدهـ
فى وريدى مسار هواها ونسمة الخلق الحميدهـ
وزى زى قيس الملوح واهب الريدة وشهيدهـ
قضى عمرو مع الامانى ما مسك والله ايدهـ
وساقه فى تاريخنا سيره باقية للاجيال فريدهـ
ووالف الليل والصحارى وصادق الريدة العنيدهـ
حست انو انسان وضايع ضمتو وغنت سعيدهـ
زىٌ زى جوليت وروميو وسارة فى الاعماق وحيدهـ
همت بيها مع الليالى وجنى أصبح فى الاكيدهـ
يازمان لو جيتنى راجع وما لقيتنى مع البريدهـ
أعرف انو الموت رحمنى والا فى ايامى زيدهـ.

أبو وائل

19-10-2010, 01:53 PM

عثمان عوض ضرار

بت من فوق

كم بقراها في نص مكتوب بالحبر السري
في صفحة عمري
بت من خاطر غيمة ونار
بت تتوهج فيني تنزل قاع احساسي تحرك ساكنو
بت تلبسني محل ما امشي
بت تلغيني تعيد تكويني في قالب فرحة
بت من نغمة وهمسة شوق
بت من فوق
اطلع ليها مع الدعوات معبي هواي في قلبي نشيد
وبالقي الريد الرفض يدخل باب اشعاري اشيلو في عيد
بت من نشوة
تطلع نخلة كيفي مزاج
تفتح غرف الخاطر قهوة
بت تديني المعني الاقوي للفظ الروح
وتغمس فيني عبير ازهاره
وكل غناوي بلابل الدوح
بت من خوفا علي تهدمني
تقوم تبنيني
في ذاتا صروح
بت تطرحني سؤال وتجاوب
وتعرف كيف في موج بي قارب
رغم الريح للحزن تحارب
بت من مافي
مرافئ مرافئ
تبين وتوافي عواصف روعة
تنسف وجع اترام ظلام
اترامي مآذن سيل دمعة
بت زي شمعة
تحاجي الليل بالضو واللمعة
وتغني عيوني عن الترحال
تآخي غناي اجيال اجيال
توالف صمتي
تارخ سيرتي نعا اطفال
بتي تديني الصورة الامثل للانسان
في ارقي مراحلو وغايتو العليا
لما تكون في الحالة الدنيا
بت مجنونة بوعيي الراسم
في عينيها وله مجنون
بت ترفعني سلام ويمام وغصن زيتون
بت ابداها استغرق فيها
اريدا واخافا
بت شفافة كما البلور
علي قول الشافة قداسة وطافة
بت اطيافا تزيدني رهافة .. مخافة .. صمود
انا بهواها
اذن يا هواها الما محدود
انا موجود

أبو وائل

19-10-2010, 01:55 PM

عثمان عوض ضرار

الغيوم الراحلة

زى ركتك على قلبى بالعشق النبيل
ركت ...حمامتى ...على الهديل
يا ... زول حقيقى ....ومستحيل
عينيك وحات عينيك سفر
بين الغيوم الراحله بالشوق للمطر
وانا فيها كايس للامان ما بين تجاويف الخطر
بين خوفى منك ولهفتى
وشجنى البزيد نار لوعتى
واشواق تنز فى العين سهر
***
سكنت قلبى الغربه كيف
علمتو يمشى على رصيف الحيره كيف
يقنتو كيف انك رنين صوت ضحكتو وحزنو الوريف
***
كان ...مطمئن
قلبى الموسد بالنعاس اصبح يئن
ويقول كلام زى الشعر
رومانسى للحد المهول
فى ليل دروبو بدت تطول
قلبى الموسد بالنعاس اصبح يئن
***
سلمتك الخاطر مراكب وانت ريح
رسيها فى الشاطى المريح
قبل الجراح ما تبقى موج قاسى ولديح
قبل الصباح ما ينطفى ويكشح رمادو على العيون
والدنيا فى الآخر تكون .... لحظة جنون
يا زول حقيقى ومستحيل

أبو وائل

22-10-2010, 07:35 AM

محمد أحمد علي الحبيب

لـــــيالي الظلمـــــــــــة

دايمـاً أبكـي أرسـل فـي دمـوعـي غــزار
لكن كيف أعود وألقاكي دايماً في لقـاك محتـار
لو كان الزمـن فرقنـا معـروف الزمـن غـدار
لكن كونـو مـا ودعتـي لغـزاً حيـر الأفكـار
صبرت القليب قت ليهو يمكن خايفي كان تنهـار
دايماً إنتي ليَّ تجافـي ليكـي بفتـش الأعـذار
عشانك لي بلادي بغني وأهديهم سلامـي الحـار
لي أهلي وصغِّير بيتنا لي نـاس ستنـا وعمـار
بهديهو السلام الغالي للنـاس الصغـار وكبـار
للزول البيسأل عنـي والـزول البعيـد والجـار
للعيش الطوال بي غادي في الجزيري والأزهـار
للطير البينزل فوقو ختـف رزقـوا منـو وطـار
لي كل المزارعين جملة والتاجـر مـع النجـار
والميزان وحتـى المويـة والطوريـة المنشـار
للنيل والنخيل الذاكـرو والناسيهـو والأشجـار
للعش اليميل بي فراخو ساعة النسمة في الأسحار
لي أرض القلوب الطيبة أرض الطيبة والأخيـار
للجاهل صغيِّـر قوزنـا مـن نافعابنـا للمختـار
ما أجمل ليالي البهجة في داركـم مـع الأوتـار
مشتاق لي مدايح السيرة في برداً شديد والطـار
أما عن العلي والبي بي لطفـوا الكريـم ستـار
تائه في صحاري وجافة تب ما بتعرف الأمطـار
ساير فيها من غير هادي برضي مواصل المشوار
راجي سحابا طول أيامي يوم ما طارت أم بشـار
والليل فيها قاتم الظلمة خليك مـن نهـاراً حـار
تائه في ظلاموا أنادي ويـن يـا دنيـة الأقمـار
مالك يـا ليالـي علـيَّ همـك يلفـت الأنظـار
مالك يـا ليالـي الظلمـة أحداثـك علـيَّ كتـار
متلفح عـذاب الدنيـا فصـل منـو تـوب وإزار
آه يا نور حياتي الولـى آه يـا ملهـم الأشعـار
يا نعمات لهيب أشواقي زايدي الفرقة جمروا أوار
وين بسمات تكشف الظلمة من قلبي وتشع أنوار
طيفك ليلي كلـوا معايـا يتـراوح مـع البهـار
آه من دنيتـي واقـدارا آه يـا لعبـة الأسـرار
قلبك من طهارة ورقة حاكـى صحيفـة الأبـرار
لو طال العمر بلقاكـي سبحـان مالـك الأعمـار

أبو وائل

22-10-2010, 09:30 AM

محمد أحمد علي الحبيب

ذكريات مغترب

ما كنت أحب أنا كل زول وأصبحت احب كل الأنـام
لكنو حبك كان عجيب يا مـا لقيـت بعـدك محـن
بعدك نعاني الشوق دفين ألماً يطوف بين حين وحين
ذاكرك دوام أنساك محال عينيَّ كم بالشـوق بكـن
وينو الحنان أيام زمـان والزمـان البـدري كـان
مشتاق شديد والشوق عذاب يا حبي لي أيام مضـن
بشتاق ضليل مويةً زلال بانت زهـورو وفجـأة زال
ما كان حقيقة صبح خيال طلاني زي أحـلام وسـن
بنظر بشاير الخير سحاب في نصو برقاً لاح وغاب
وأفـرح واقـول يـا روحـي آه بيـديـك بــدن
لكن بشاير غير صحاح تب لا ظهـر لا تانـي لاح
تديني موعد ومابتعود يا ربي ويـن حـب الوطـن
لا بد أبدأ السفرة أقوم رغـم العواصـف والسمـوم
لكنو حبك بالعـذاب يـا روحـي قـدر ولـي أذن
بالشوق عليك سال قلبي ذاب لا عاد زمانك لا عتاب
لكني كيف ارجع واعيش أنسى القبيل من غير تمن

أبو وائل

22-10-2010, 09:31 AM

محمد أحمد علي الحبيب

وإفترقنا

أذكريني يا حياتي كل ما عز المنام
وأرحميني وأعذريني كيفما كان الملام
يا ربيعاً ضاع مني
في متاهات التمني
لم تمت ذكراك عني
لا ولا مات الهيام
***
في زمانٍ من شبابي
خلف هاتيك الروابي
إلتقينا يا صحابي
عندما شاء الغرام
***
إلتقينا غير قصدِ
وارتشفنا كأس شهدِ
وافترقنا دون وعدِ
مثلما يمضي الغمام
***
يا عيوناً كل وقتِ
في شكاةٍ غير صوتِ
حينما تحكي بصمتِ
لا يضاهيها الكلام
***
ذكرياتٌ لست أدري
إفتراءٌ لا لعمري
ومضةٌ كالشهب تسري
ثم يطويها الظلام
***
يا إلهي أنت ربي
هكذا قد كان حبي
لحظةٌ يا ويل قلبي
بعدها طال الخصام

أبو وائل

24-10-2010, 07:06 AM

محمد أحمد علي الحبيب
جـنــاح أشــواق

أنــا الـلــه كـــان أدانـــي ...................................... لـلأشــواق جـــنــــاح
انـا كـــت بــجــيــــك .................. إن شــــاء الــلــــه لـــو عــكــس الــريـــاح
******
يــا إبــنـــة أحــلامــي الــزمــــان ................... كـــانــت مــواعــيـــدك هــنـــا
راجــيــكــي فــي نــفــس الــمــكـــان .............. لا إنــتــي جـــيـــتـــي ولا أنـــا
حــاولــت إتــنــاســاك وأقــول يــمـكــن نــســت أو خـايــفـي يـغـشـاهـا الـصـبــاح
******
يـاريــتــنـي طـــيــــف أو إنــتــي طـــيـــف يـجـــمــع مــســـافــــاتــنـــا الـمــنـــام
أو حــتــي صــيــف وإنــتـــي الـخـــريــــف ألـــقـــاكــي راحــلــي مـــع الـغـــمــام
وتـنـصـبـي فـوق واديـا غـيـث بـاكـر تـعـيـدي الخـضــره لـي عــمـري الـلـي راح
******
عــيــنــيـكــي فـي الـزمــن الـعــبــــوس مــاخـــدي الــطــبـــيــعـــه بــســـاطــتـــا
لا ضـــــــو كـــهـــــــارب لا شـــمـــــوس لا زيـــــــف مــــــــدن مــا خــــالـــطــا
مـحـبـوبـه زي الـريـف زمـان شـن فـيـهـو غـيـر ضــو الـقـمـر وطـعــم الـكــفــاح
******
يــاحــلـــيـــــل عــيــــونــــك لـــي زمـــــن مــتـــمــنــــي لــحــظــــــه أقــــــابــــلا
وكـــل الــمــعـــانـــي مــا خــــدّرن ....... والــدنـــيــــا صــــــافــــي مـــنـــاهــــلا
ضـــبــــلانــي يا حــــايـــد الــبــــلا لا مــن عــطـــش لا مــر بـي فــوقــن مـــراح
******
يــا زهـــرة الــعــمــر الــكــئــيــب ................... لا بــلــبـــل أفــراحـــك شـــدا
لا غــصــنــــك الــواهـــن رطـــيـــب .................. لا بـــلــل أطـــرافـــك نـــــدا
مـــرهــــونـــه لــي ريـــــح الـــســمــــوم واديـــكــي تــجــتــــاحــــو إجــتـــيـــاح
******
يــازهــــرة الــعــمـــر الــكـــئـــيـــب ............. لا نـــور صــبـــاحـــاتـــك دنــــا
لا حـــن لــي حـــالــتـــك حــبـــيـــب ................... يـــمــكــن عـــزاه يـهـوِّنــا
بـــي هــمــســــه مــن ضــمــن الكــــلام يــرمــيــهــا كـــان تــشـــفــي الــجـــراح
******
يــا إبــنــة أحـــلامــي الــزمـــان ............... مــاك فــي صــعــيـــداً تــتــرجــي
راجــــيـــيـــكــــي فــي نــــفــــس الــمــكــــان لا إنـــتـــي جـــايـــي ولا بــتــجــي
وســاحـــاتــي بـالأحــزان دوام ............. مــا فــيــهــــا فـــضــلـــه ولا بــــراح

أبو وائل

24-10-2010, 07:08 AM

محمد أحمد علي الحبيب

مرثية المعسكر

يـا خبر عـم المعـسكر** يومك اسود وليلـنا عاكر
يـا ظلام لِـف فوقـنا دوِّر** وما أظن صبحك يبهر
تاني وين فجرك يـنور** والـفجـر سكن المقابـر
كنا زاحفين لما فرقع** في طريق الزحف مدفع
والـفجر قدامنا ترتع** في عيونا الدنيا غمت لما شالوهو العساكر
ويـن حلولك يا مـشاكل** والـمدافـع والـقـنـابـل
يومي تـأكل في السـنابل** لا متين يا السلم تظهر في الجنوب منك بوادر
يا فجر لو كـان بـتـطرا** فـي زمنا الكـنا نقـرا
يـوم تكون الجـمـعـة بكرة** لما كان عباس زمانو في مدارس كورتي ناظر
كـنا دايمـاً زي تـوائـم** كـان معانا صلاح وحاتـم
كـنا نملأ الـدنـيـا ضجة** ويرجـع الـصدى في العـنابر
يا الـفجـر دنيانـا ظـلمة** والزمـن ما عـندو ذمـة
ليه يـفرق بـينـا ضمـة** عينا لي أحلامنا حرقت ومن قبيل كانت نواضر
مـا أظـن بـعـدك بنفرح** وفي ضلوعـنا خيول بـتمرح
ومـن جريها شرار بيقدح** من لـقاء الحـصى بالحوافر
يا الفجر ما شـفت أمـك** بي حنانا هي دار تضـمك
زورا لو كان في مـناما** لما يبقى الـيل أواخر
تبكي حزناني المـدارس** والجوامع والكنائس
والبويـتات العوانس** والنخيل الفي بلدنا والمصحات والمتاجر
يـا عريـس من دون حريرة** يا حـفـيـد أولاد مهـيرة
يا الرجالـتك مافي غـيرا** يوم يجيبو ثناء القبائل بيك يا عابدين نفاخر
بكرة ذكـرك يـسـمو يكـبر** زي حجر لمان نـقـذفـو
لما وجـه الـموية يـصفو** تـبـدأ دائرة صغـيرة تـطفـو
وفـــي ثـوانــي نـواتــا تـكـبـر** وتـبـقى مـن عـدة دوائـر
يا شهـيـد يا عالي قدرك** كل زول يسمـعـبوا ذكرك
ليك يـكون عرفان بفـضلـك** حيا دمع الساري قبرك والسحيبات

أبو وائل

24-10-2010, 07:10 AM

محمد أحمد علي الحبيب
ظــلال الــذكــرى

يــا حـــلــيــــلــــك يــا الأمــــانـــك *** مـــن صـبـــاحـــــك لـلـمــغــــــارب
مــن شــمـــوس حـاضــر زمـانــك *** لــي ظـــــلال ذكــــــــراك هــــــارب
******
صـغـيـــر كــت أروتـي الـســواقـي *** بـراك فـوق التـكم شـايـل المطـيـرق
مـنـو الـيـقــــدر يـبلــغ إشـتـيـاقـي *** ضـلـيـل دومة ورا بـيـت بت أزيـرق
كــواريــك شــفــع الــمـغـــرب ....................... مـلاقــيــن الـمــراكــب
******
حجـا حـبوبه ساعة أحـرد عـشـايا *** سـلامتـك إنـت يـا دخـري الـقـبـيلي
بــريــدك إنـت يـا عــكــاز عـمــايا *** صـفـايـح الجـوز عـليـك لسع تقيلي
ضــراعــك يـا الـخــزيــن ................................. لـلـيــلـي غــايــب
******
جري الترتاره في درب اللــواري *** مـتــل زولاً ورا الـمـحـرات يـتـيـرب
نزول بنوتنا عند ساعة العصاري *** طــويــراتــنــا يورجـغــن المغـيـرب
يــودعــن الــنــهـــار ...................................... الــولــى هـــارب
******
صياح حبوبه في غسق الليالي *** تــعـــال يــا يــابـــا أطـلـع عـنـقـريبك
تعال يا الانت اصلك ما بتبــالي *** بخــاف الشـوك يـصـادف فـي دريــبك
غــصــون الـشــوك ................................. ولا لـســع الــعــقــارب
******
دليب التــركي ينـقــر في جـريـفـنا *** عـجـاج الحـفـله فـي ضـو الرتاين
صفوف الناس مدوره ذي صريفنا *** قـصـيـر الـقـامـه مابـيـقـدر يـعـاين
يــفــج فـي الـنــاس يــدافـــر .......................... ومــاهـــو هـــايـــب
******
عصاية شيخنا واللوح والـدوايا *** قــرايــة الـخـلــوه قــبــل الإبــتـــدائي
بليلة العيش عشان رفع البـلايا *** حرارة الحمى في الصيف والـسـحائي
وقــايـة تــبــقــى ................................... مـن تــلا الــمــصــايــب
******
تعال فوق النخيـل يا قـمـري قــوقي *** بحـرسـك في مسـايا وفي صباحي
عشان يمكن تبل في الزايلي شوقي *** خـضـرة الـنيـل مع قمر الضواحي
نــشــوف فــي وجــهــو ............................... رمـــزاً لـلحــبـــايــب
******
عشقناك يا بـلــد ساعة الدمـيـري *** عـشـقـنــاك والنجــوم نوارا فــاقــع
عشقناك في شتاك وفي الهجيري *** عـشـقـنــاك يـا بـلـد والـبـدر سـاطع
ســلامــة الــبــدر ................................... مــن شــر الــكــهـــارب
******
سلامتك والشمس يا المابتغيبو *** صـغــار مـن قــمنــا نمـرح في ضياكم
متين قطعونا او قــالـولنا جيبو *** فــضــايــل خيــرنــا كـلـهــا من ضياكم
نــغـــالـــب فــي الــزمــن ............................ والــمــولــى غـــالـــب

أبو وائل

24-10-2010, 07:16 AM

محمد أحمد علي الحبيب
أجمل زهرة

لو سألوني عن ازهارنا اجمل زهره في بستانا
يبقالي الشمس فوق دارا اجمل من شمس جيرانا
سامعين يوم براها تغني كانت غافلي ما شايفانا
واتلفتت لقينا عيونا آيه من الجمال فتانه
وانطلقت جرت قدامنا راحت ما عرفنا بكانا
الا بعد زمن لاقتني كانت بالحصل زعلانه
وريت حالي واتعزرت ما كان قلبي فيهو خيانه
دنياك بالخطر محفوفه انتي السابعي فوق اخوانا
لو لابد تشيلي فؤادي خليهو اللمسكو امانه
او اديني قلبك غيرو لو كان بالبدل قبلانه
ابتسمت تعاين لي اصفي من الحليب اسنانا
يا اخت القمر محياكي من غيرو الديار خربانه
ترباية الزهور شاغلاكي اوقات الفراغ مليانه
واسراب الفراش قايلاكي من ضمن الزهور والوانا
بيك الريف يطيب نسامو لو يغشاك قبل يغشانا
حال النسمه بينك وبينها توزيع العبير من شأنا
الله من جمال الدنيا لو نزل المطر في قرانا
ساعة قوس قزح ينشر من حلف الرزاز في سمانا
دنيا الريف بسيطه حياته ما زي المدن واحزانا
وارحم بي كتير والله مع انو الاسر تعبانه

أبو وائل

24-10-2010, 07:19 AM

محمد أحمد علي الحبيب

في صورة ساقية

لحظــــــــات من الزمن مسروقة قبال البوابيـــــر
فيـــها كل المـــــــاضي منقــــــــــول بالحذافيـــر
في عيــــــــــــون الغيري صورة من التصــــاوير
إلا لي أنا فيــــــــــــــــــها آلاف التعابيـــــــــــــر
في الدلـــــــــس والعطــــفة والديو والإشـــــيقير
ديمة بنظم شعــــري يوم ما خاني تعبيـــــــــــــر
بي حبال وجلود بقر منسوجة لا صامولة لا سير
تنســــــــــــاب المياه في دروة في بدل المواسير
جـــــــــــــــــــــــــاري زي ايامنا في إيد المقادير
لو كان الفــــــــــــــرق بيناتنا ينقاس بالمشاوير
كت بجيــــــــــــــــــــــــك والله مهما كلف السير
وين زمان عشــــــــــــناهو نجري ورا العصافير
وفي عشــــــــــــــــــوش القمري فتشنا الزرازير
وين سنين الماضي وين لحــــــــــــــن الطنابير
وين زمن فرحتنا وين طعـــــــــــــــــم السنانير
داك زمانــــــــــــــــــاً ولى يا أحمد مكي والخير
عن زمانا الحــالي هل تدوني تقـــــــــــــــــــدير
تهـــت دايماً فيهـــــــــــــــــــــو كم فكرت تفكير
وأصلي غير الوجعــــــــــــــــة ما لاقيلوا تفسير
ولي جـــــرح ما بيبرأ دايماً زايدوا تفجيــــــــــر
بي حبـــــــــــــــال الذكرى كم عورتو عويـــــــر

أبو وائل

24-10-2010, 07:22 AM

محمد أحمد علي الحبيب
آهات المحب
آه وآهـات المـحـب أحـيـان زي نــــاراً بـــــلا دخـــــان
تهدي الفي الضلام ضهبـان والـضـال بالنـهـار يضـهـب
دا الكـان فـي الأزل مكتـوب اسكيـرتـ و وبـلـوزة وتــوب
بيـهـا القـاكـي يـــا إيـمــان بـعـد آخــر شـعـاع يـذهــب
أنـغـام صـوتــك المـنـسـاب لا مــعــبــد ولا زريـــــــاب
سـاعـة قلـتـي بــي تحـنـان حباب نجل الحبيـب مرحـب
كـانـت لقـيـا بـيـن أحـبــاب بالصـدفـة وبــدون اسـبـاب
مـا مــرت عـلـى الحسـبـان ولا كـانــت قـبـيـل مـطـلـب
لـكـن قلـبـي بـالـو طـويــل مـتـعــود ديــاجــي الـلــيــل
تـشــدو الـذكــرى للـحـبـان يشـد جمـل الهجيـن يـركـب
يـتـرنــم بــراهـــو يــقـــول درب الـريـدة مهـمـا يـطـول
ونـوع العتمـة مهـمـا كــان عليك يا غالية مـا بتصعـب
يلقـى الراحـة فـي التـرحـال فـي المويـة وجـمـال الـنـال
ساعة الخضرة في الوديـان تـعـم تــرد الـغـزال تـشـرب
ساعة قـوس قـزح ينشـاف مــن بـيـن الــرزاز أطـيـاف
يكسي الزرقة سبعـة ألـوان بعد مويـة السحـاب تنضـب
تــبــرد ويـنـطـلـق نــســـام فــي هيـبـة وسكـونـاً عــام
تـهــدأ ويـسـرحـن غـــزلان براهـن فــي رعـايـة الــرب
تـتـوقــف يـجـيـهـا إلــهــام تعـايـن فــي الـوهـاد قـــدام
هناك أخطـار وراء القيـزان صحيـح إحساسـا مـا كــذَّب
فيـهـن لمـحـة مــن عينـيـك ويــن يلـقـن جـمـال خـديـك
زاد إحـســاســك الــفــنــان مشاعـر فـي لِـمـاك تـرغـب
لـو كـان القلـوب مــن جــم تشارك فـي المصيـر والهـم
مـــا كــانــت حـيـاتـنـا الآن شريعـة غــاب بــلا مـذهـب
كتار عشاق بـدون إخـلاص حسب رأيا ومزاجا الخاص
بـراي فـي وحــدة الرهـبـان أشوف طيف عابرة واتعذب
أسـاهــر لـيـلــة الـمـعــراج ألاقـي خـيـالا فــي الأبــراج
أقـول يـا عـابـرة بالإمـكـان مناي ونجوم سمـاي أقـرب
شَـقِّـيـت الـغـفـار والــغــاب مــا خلـيـت جـمـال خـــلاب
لفيـت فـي قــرى الـسـودان طويتـا وفـي الأخـيـر قـنـب
مـــا لاقـانــي أجـمــل مِـــن بناتـاً فـي رفـاعـة أب سِــن
يعاهـدنـك عـلـى الإحـســان حِسـان مــا منـهـن مـهـرب
يـــورنـــك دروب الـــريــــد مـع اليـوم الصباحـو سعيـد
يـنـسـنـك دنــــا الأحـــــزان يمـاسـنـك بــــراك تــطــرب

أبو وائل

24-10-2010, 07:31 AM

محمد أحمد علي الحبيب

وقفة في شارع الجميعاب

مرت سنين قضيتا ما انجمع الشمل
ورغم العذاب رغم الحنين لا قل صبري ولا كمل
يا يمة لو يجدي النواح أو يجدي دمعاً ينهمل
أنا كنت أول من بكيت وعملت كل البتعمل
أو حتى كان يجدي السؤال أنا كم سألت وبنسأل
من ناس نصيبهم في العذاب ماخدنو كامل ومكتمل
يا يمة جابتني الظروف في دنيا جارك منعزل
فيها اليموتو من الأكل وفيها اليموتو بلا أكل
أو حتى كان شفتي الزحام خلق الله تكتر من تقل
ما شفت عابد للإله شايلوا سبحة ويبتهل
كان شفتي والباصات تقيف والناس عليها بتتبهل
أوجه كتيري من البشر مختلفة اللون والشكل
واحدات بيجلبن السرور وواحدات عديل ما بتنقبل
وأنا يومي ضايع في زحامن ومنشغل
طاري المراكب والبيوت طاري الجناين والشتل
وبالرغم من تعبي الكتير عايش كاني أنا متخبل
لكن إذا طلع الهلال لابد من يوم يكتمل

أبو وائل

24-10-2010, 07:33 AM

محمد أحمد علي الحبيب

عابرة ( 5)

عابرة بت المـداين

عابرة يا بنت المداين والمدن ما فيها عشرة

يا حليل أيامها راحت خلفت جواي حسرة
كل ما اقول آخر دي عابرة تاني ألقا اشعاري تترى
تندفع قدامي دافرة زي مياه النيل بتجري
وفي بوادي أحزاني فاضت وما إكتست وجداني خضرة
للأسف يا عابرة عارف إنو في دربك ضياعي
إلا برضو مصر أجازف حأظل طول عمري ساعي
ولي عيونك لازم أوصل وحتى لو ما اليلي بكرة
حبي ليك يا عابرة صادق حبي ما بيعرف فنادق
حبي من وحي الخنادق من زفير نفس البنادق
ولا بيقيف قدامو عايق ولا الرياح تمنعلو هجرة
كيف سواسيوك أسوقها في الضحى الحلق حِدي
فوق جزارات غالي سوقها بيها كل المافي زيو
ولا قدرت أخش أتاجر لاني قادر أرجع أقرأ
أقرأ إيه من غير عيونك وإنتي لي عيني سراجا
كيف زمانن قلّ نورو وشع فيهو الروح وإبتهاجا
وكل ما أصيح يا عابرة وينك وفي الصياح تخنقني عبرة
دا الحرام يا عابرة ظاهر شرحو ما بيصعب علينا
والحلال طيراً مهاجر ما بيرك يوم في المدينة
وتقرع أجراسو المداين والطيور إيمانها فطرة
ما الطيور إحساسها صادق تعرف الفجر الحيطلع
صادقي والإنسان مخادع حتى لو كان دابو يرضع
الجبال أبت الأمانة وشالها هسع واطي جمرة
ماضي في دنيا عنادو اليفوت كان فيها ينفع
مهما كان إدراكو واسع عابرة ما علم الله أوسع
وشوفي كيف روعة جلاله لما قال للأمي أقرأ

أبو وائل

24-10-2010, 07:34 AM

محمد أحمد علي الحبيب

( عابرة 2 )
عصفور الصباح

عصفور الصباح بيغني لما الليـل يولي ستارو

سبحان الوضع ياعابرة في صدر الكنار مزمارو

كم يشجيني لما يغني يجلي الماضي بي اسرارو
شايفك بي وضوح ياأماني والكل في السنين إنضارو
في موكب هوانا أبحرنا في زمـن القدر اختارو
راقدين في أمان وغفلنا من ريح الفراق وإعصارو
يوم نزل العزول ساحتنا ما اتنبهنا لي اخطارو
ماقايلين ودادنا الصافي ما ح نجني غيـر تذكارو
مامليت يوم ذكراكي في درباً طويل مشوارو
كالنيل في البوادي بيجري يوم ماانعكس تيارو
بطراك وانتي وين ماكنتي لي عشق الفؤاد تكرارو
لو طيفك يطوف يغنيني من ليل النجـوم سمارو
حر أشواقي ليك ياعابرة أحر من الصيام ونهارو
مترقب زمن لقياكي زي ساعة الآذان وافطارو
مانساني طول المدة مـازال قلبي في إصرارو
مكتول العيون ياعابرة من وين دار يفتش تارو
ياكوكب سماي الضاوي ماغارت شهب في مدارو
كاسيهو الوقار بي حلة أجمل من زحل وأقمارو

أبو وائل

24-10-2010, 07:38 AM

محمد أحمد علي الحبيب

عابرة ( 1)
عابرة (عبر الدم )

يا عابرة عبر الدم شايلك شرايني
أنا بي لقاك مهتم بس كيف تلاقيني
لو عمري يتقدم وأضمن تلاقيني
أنا بعدو ما بندم لو مُتَّ في حيني

دنيا العذاب والهم ماشيها وحداني
لي غيري بتبسم وفي قلبي احزاني
رغم الصبر علقم في صبري متفاني
مع اني بتألم من جوة وجداني

الطيف يزيدني اشواق في النوم يناجيني
ويرحل بدون إشفاق ساعة يصحيني
يا طيفها كان مشتاق لي مين مخليني
طفل الغرام العاق .. ربيتو مابيني

يا عابرة دنيا الجن بي كل أعاصيرا
لو سعدي ما ممكن احسن لي من غيرا
أنا بي لقاك مؤمن لكني في حيره
يصعب لقاك كيفن والدنيا بي خيرا

نهر الاماني سراب يا عابرة ارويني
غير ما السما الصباب طول مجافيني
والليل يزيدني عذاب في جوفو يطويني
كل ما الدمع ينساب من جفني يسقيني

يا عابرة حتى الآن عينيكي آسراني
سحراً ملكني زمان سكنتو اشعاري
راجيك زمن عطشان ما صبت امطاري
ليه في سحاب دخان يا القمرة تنضاري ؟

يا اماني لي بكرة والليلي والبارح
شايلك معاي ذكرى كان واعي كان سارح
بس يوم تبين سفرة يا عابرة بي الواضح
في نيتي من فترة داير اجيك نازح

آه لو قدرت اجيك .. رؤياك مراد عيني
أكسير حياتي وشيك من حزني يشفيني
من اشتياقي إليك يا عابرة دسيني
ما بين رموش عينيك شيليني ختيني

كل البسيطة حسان يوم ما ملن عيني
غير عابرة مافي إنسان يهدمني يبنيني
آآآه يا جمال فتان قلب موازيني
لولا صفاء الايمان يفتني في ديني

وأنا كنت شئ مجهول يا عابرة لولاكي
مع أني أول زول من بين ضحاياكي
فرشّتِي عمري الشاق اشعار من إملاكي
كانت على الاطلاق أجمل هداياكي

مصباحك المسحور جاهرني عاميني
سايق خطاي مبهور يسوقني يوديني
ما عارف المقدور بالفرقة راجيني
خارج نطاق النور حايم حواليني

عابرة الزمن ظلام .. في ظلمو متوالي
بقت الحقيقة احلام واحزاني شيء عادي
واصبح علي الزام كل ما صدح شادي
اهديك مدى الايام .. ألحاني وانشادي

أبو وائل

24-10-2010, 07:43 AM

محمد أحمد علي الحبيب

عابرة ( 3)

عابرة ( مابتجف أبداً جفوني)

مابتجف أبداً جفوني والدمع طوالي هاطل
والخلوق بعدك جفوني والضياع ياعابرة حاصل

عابرة ذكراك ياها عوني في الزمان الجاف وقاحل
في سراب توه عيوني في بحار من غير سواحل

عابرة من فارقتك إنتي أصلي ما ونيت مواصل
في طريق لو كان عرفتي سام ووا أسفاي قاتـل

عابرة محتار كيف ألاقيـك لي عيونك وين أقابل
مدة في حرقة بواديـك قلبي مارشاهو وابل

عاد أجيبلو الفرحة من ويـن مني كل الشايفو جافـل
راجي من جملة مساكين رحمة الله الماهو غافـل

إلا بس وحياة حناني والمني الصعبان وساهل
بي غرامك يا أماني الفؤاد مليان وآهل

للفراق البينا أسباب يوم تزول يا عابرة آمِـل
نبقي زي مانحنا أحباب نمشي في الأعياد نجامل

عابرة لوكان ألقي خاطري بسرقن في القيط سنابل
وأهدي ليك من بين جواهـري أندر الماسات في بابل

ترتوي وتشرب بواديـك وينتشي الفي فرعو ذابل
ويرجعن صادات قماريــك ويصدحن في الدوح بلابل

أبو وائل

24-10-2010, 07:45 AM

محمد أحمد علي الحبيب

عابرة ( 4)

عابرة ( عام الفين )

ياعابرة عام ألفين راجيهو عام فوق عام
لا إتجـددت لقيـا ولا إتحققـت أحـلام

قلبي البلاكي يتيم ذارف دموعـو حزيـن
صبرتو بالأحلام قُت ليهـو عـام ألفيـن
حا نمشي لأمدرمان نسأل عيونـك ويـن
خدرتو بالأمال .. لوليتو لامن نام

في نومو يتعبَّـر يشهـق بـلا أسبـاب
متبشتن المسكين الكـان قبيـل أربـاب
لما الزمن كان زين ياعابرة كنـا قُـراب
لا حالت الفرقة .. بيناتنا لا الأيام

عايش معاكي سنين زي الفراش والضـو
مليان نشاط وحماس مابيرجي قولة سو
لما الفراق فرَّخ حلق غراب فـي الجـو
يوماً سوادو عجيب .. بدل ضياهو ضلام

أه يا أماني هواك جـارف كمـا الشـلال
وقلبي الدوام مشتـاق متكبِّـد الأهـوال
في يوم بداية ليل والقمـرة دابـا هـلال
صـوت الهدِم في القيف قلع هدومو وعام

بالله إتوكـل والتانـي حسـن الـظـن
من عهدو مااتنصل أطريهو لـو أمكـن
رغم إنو كان عارف كل المشـن ماجـن
مشحون مني اشواق طاريك اماني دوام

ياعابرة زي النيل بلقاكي كـل إشـراق
وألقاكي نص الليل زي نجمة في الآفـاق
في بلة المنديـل بـي دمعـة المشتـاق
لامن تفيض وتسيل من قمة الالام

قالوا الطمع مكروه إلا الطمع في الديـن
خايف برايا أتوه طمعـان أقابلـك ويـن
رغم الزمن مشبـوه لابـد متلاقين
ايامنا لو طالن ما شالن الهدّام

يا عابرة عام ألفين راجيهو عام فوق عام
وكل السنين أمواج مندافعـي لـي قـدام
وزولاً مـع التيـار مابتسعفـو الأقـدام
لامن يلم يرتاح .. يا عابرة الف سـلام

إنتي الملكتي زمان بي رقـة الإسلـوب
أدمن هواك إدمان والليلة غالبـو يتـوب
ياعابرة مهما كـان باكـر بنلقـي دروب
نملا البوادي قصيد وقلب المدينة غرام

أبو وائل

24-10-2010, 07:47 AM

محمد أحمد علي الحبيب

عابرة ( 6)

عابرة (أرويني )

أرويني .. .. أرويني نهر الأماني سراب
ياعابرة .. دليني ولميني في الأصحاب

الخوف من المجهول وباب الرجا المقفول
في أوجه العزاب والوازع الديني

كل التلاتة معاي اتلموا زادوا شقاي
شايل خطاي مرتاب والهم مزازيني

ودمع الأسي المسكوب فوق مقبرة محبوب
والعيد علي الأبواب والباكي يعنيني

خلاني بين العود وبين اللحا المشدود
عايش دمار الغاب والسوس حواليني

يامعتصم زايلة الدنيا مامايلة
فيها الفرح كضاب ماشفتو يعميني

أوصف حياتك كيف كانت سحابة صيف
مرت علي السالماب لاضل ولا عِيني

ياعابرة حبيتك واسرعت لاقيتك
بالفرحة والترحاب واللهفة في عيني

حباً بلا جدوي متعثر الخطوة
دقيتلو مليون باب من غير يلبيني

مهزوم من الماضي مظلوم وانا القاضي
وكل القضية عتاب لي حظ معاديني

ورغم الحصل مازال سيف الولف كتال
سيرني في ديداب في آخرو راجيني

يوم الوداع الحار يوم ينتهي المشوار
يوم يرحلوا الأحباب يادمعة عينيني

ياعابرة حاتلاقي لوفي العمر باقي
عالم دروبو صعاب في تيهو تطريني

أنا والهوي المكتوم بين السهر والنوم
والركوه والمحراب والليل يواسيني

أبو وائل

24-10-2010, 07:50 AM

محمد أحمد علي الحبيب

عابرة ( 7)

عابرة (في حضرة عيونك)

لحظة في حضرة عيونـك وحاجبة المرسوم هـلال
ياها آخر أمنياتـــــي في حياتي ولا تـــزال

ذكرياتك يا أمانـــــي باقي رغم الماضـي زال
باقي نبراس الأغانـــي لما ليل الفرقة طـــال

لسة بتذكر وصالــــك آهة ما أحلي الوصــال
الزمان ياعابرة شالـــك من دنايا بلا قتــــال

سابني ماقادر أقــــارن بين حقايقك والخيـــال
قلبي في قلب المدايـــن وإيدي في إيد الشمــال

عابرة يا عطش القوافــي لما شديت الرحــــال
لي ديارك وإنتي جافــي شاردة زي بحر الغـزال

عابرة ياظبية فيافــــي سارحة بينات الجبــال
فرصة لي لقياها مافــي مافي حتي ولا احتمــال

يسألوني عن القصائـــد وإنتي في دنياي ســؤال
في الضحي المنشور قصائدوالغد المأمول محـــال

عابرة ديناصور غرامــيعابرة تظهر من خـلال
إعترافاتي وكلامــــي ماضي كان موجود وزال

عابرة من دون الرسائــل ليه رسالاتك قــــلال
حالتي من يوم جيت قايـل تبقي بيناتنا اتصــــال

كم زرعنا الريد دوالــي أزهرت أغصانو شــال
عتقت خمر الليالــــي بينا عند اللقيا مــــال

واللي كان ياعابرة وينــو ما الزمن ماعندو حـــال
مرة يسقـيك بي إيدينــو ومرة يديك بالنعـــال

عابرة مشتاق لي عيونـك وحاجبة المرسوم هـلال
عابرة كل الدنيا دونــك تافهة والأيام تقــــال

أبو وائل

24-10-2010, 07:54 AM

محمد أحمد علي الحبيب
عابرة ( 8)

عـابرة ( جرحي الأليم )

عابـرة ياجرحـي الأليـم ** أيـام لـقـاك مابيرجـعـن
لكن محال يرجـع قديـم ** بيهـو الظـروف مابيسمحـن
*****
أطياف تجيني خيال خيال ** همس السواقي يجي ويـروح
غرقان أشابي علي المحال ** من قلبـي مادايـر النـزوح
زي شتلة في حلق الرمال ** دار يبلعـا الزحـف الطمـوح
ماني البراي علي كل حال ** كل المخاليـق ..... تندفـن
*****
مرات بشوفك فـي المنـام ** رغـم المسافـات والنـوي
لو حتي ناقص ماهـو تـام ** متعشـي أوبايـت القـوي
بي رفعة إيدك فـي السـلام ** يرجـع زماننـا الإنطـوي
ياعابرة لوكان في المنـام ** رؤيـاك عيونـي بتسعـدن
*****
خبـرك أناجيبـو الصبـاح ** ماكانـت البـارح مـعـاي
وإتمط فوق كميـن جنـاح ** وإتمـد فوقـا علـي قفـاي
وأسرق من الماضي اللي راح ** أمسح مزاميري وغنـاي
ياعابـرة بـي رغـم الجـراح ** البـي لسـع ينـزفـن
*****
رغم الرياح والموج شديد ** وأنا لاني يوسف ولاني نـوح
لكن بحاول من جديد ** أبني السفايـن لـوح فـي لـوح
ويوم أرسي في الشاطي السعيد **وألقاكي ياام وجهاً صبوح
ياعابرة بي عزمـي الحديـد ** كـل المسافـات يقصـرن
*****
الفرحة كستهـا فـي الشمـوع ** لكـن لقيتـا بتنطفـي
في حفلة في غنـوة ربـوع ** إنشـاالله تظهـر وتختفـي
فتشـت لاغايـة الدمـوع ** لكـن براهـا الماهـا فــي
ياعابرة لـو كـان للرجـوع ** أيـام زمـان مابيرجعـن
*****
ياعابرة في الزمن العجيب ** خايف عليك هـوس المـدن
بي نيتك الصافي الحليب ** وانصع بياضـا مـن القطـن
ذكراك تجيني قريب قريب ** زي نسمة في الجـو السخـن
ياعابرة ذكـراك ماهـا عيـب ** بيهـا وبلاهـا ينقنقـن
*****
ياعابرة في ضي القمـر ** فـي ليلـة كتاحـة ودعـاش
متمدي لي مد البصر ** خلت عيونـي طشـاش طشـاش
وفي قلبي ريدك مافتر ** ينمو ويزيـد لـي اليلـة عـاش
ياعابرة ديمـة علـي سفـر ** روح الهيـام مابتنسجـن

أبو وائل

24-10-2010, 07:56 AM

محمد أحمد علي الحبيب
عابرة ( 9)

عـابرة ( مشتاق للبلد )

يا عابــــــــــــــــــــرة .. مشتاق للبــــلد
شوق الغفار الجافة لي صوت الرعــــــــــد

للروعة في أيام زمان وشليل وشــــــــــــد
للوقفة فوق درب الورود والصيــد ورد

لي زول يدودر للشراك في قينقـــــــــــــرد
يدعوها يابت الملوك بحرك شـــــــــــــرد

لي صوت حنون بينادي في صبح السعــــــــد
ماتصحا يا زين الجنيات شايك بــــــــــرد

حبل الصلات البينا أقوي من المســـــــــد
لولا مناشير المشايخ والعمـــــــــــــــــــــد

فجعوني في ريدي القديم لما إتفقـــــــــــــد
يوم فقدو كان يوماً عجيب هزاني جـــــــد

باعوهو لي زولاً غريب شالو وشــــــــــرد
خلاني في غمرة شقايا بلاسنـــــــــــــــــــــد

حسيت إني فقد هنايا إلي الأبـــــــــــــــد
في لحظة عِن ساعة الصفاح لُمان عَقــــــــــــد

طارت سحايب أحزاني بالشوق والكمـــد
غطت سماي الفيهو نجمات بالعـــــــــــدد

الحالة ياست العيون مابتنشرح مهما ســـــرد
يعلمبها الرافع سماهو بلا عَمــــــــــــــــــد

عالم الغيوب الخمسة بي جاهو لإتفـــــــــرد
الباسط الباري البديع صادق الوعـــــــد

قلبي الوراك أنفق سنين ماليها حــــــــــــد
رحالة فوق جمل الهجين طالبو الأمــــــــــد

وآخر كلام ياعابرة قدامك ولـــــــــــــد
راييو الأخير الموت ولا العيشي النكــــــد

أبو وائل

24-10-2010, 08:00 AM

محمد أحمد علي الحبيب

طوّل وفجأه بان

زكرني ايامنا الزمان ياحليلو طوّل وفجاه بان
دق الرعد طبلو المخيف قامت تلاقيح الخريف
ختتنا في حدوة حصان
ايام مراكبنا السنط فوق لي الرباط والموج ينط
فرينا توب ست الحسان
لمان راينا الموت عيان كشفت قواماالماهو زان
ينتني زي الخيزران
بعثر سبيبا هوي الصلاح وادتني توبا معالصباح
هو القادنا لي بر الامان
بحر الدميري المو لعب جم المنافع وكان غضب
ماعندو للعابرين ضمان
مركب محس فوق للبطوس مشحونا شاقي النيل عروس
والصاري واقف ديدبان
لحظات من الماضي القديم بطراها في حاضري الاليم
كان لي في اياما شان
تحت المدين واردات بنات يتغالطن والباخره جات
والله انها كربكان
كاتلاك عيونن مو رصاص لا مت طالبتك قصاص
لا انت يا مظلوم مدان
رحلة سنين وضياع عمر طعم الشراب الضايقو مر
كان هانو لو مطبوع جبان
لكنها اشواقك بحر مزقت اوراق السفر
فضلت تقعد فد بكان
فرخ الحنين جواك كبر لا فر طار لا مات ودر
خلاّك تتفجر بيان
حاولت تخفي الشوق زمان لكنو في عينيك بان
كاويك كي اليرغان
يحرد بواينا المطر وتنسي الفراشات الزهر
كان انسي مخضوب البنان
ناعسات عيونو بلا سهر وانصع جبينو من القمر
مالكنا من غير صولجان
لمان يجف نبع الكلام بهديك آه مليون سلام
واستني والله المستعان
ماك البلوموك في غياب راجين وصولك والإياب
لي الليلي ما آن الاوان
يا فرحة النيل يوم تعود يوم يلبسو اطفالنا الورود
يوم داك اكبر مهرجان

أبو وائل

24-10-2010, 08:02 AM

محمد أحمد علي الحبيب
لو عاد الزمن بالخير

لو عاد الزمن بالخير معاك بنمشي لي قدام
معاك نحو الغد المأمول ولو سيراً علي الأقدام
باكر نبقي نحن الكل نخت قرص الشمس في الضل
نبيد عدوي السعال والسل تفيض ارض الوطن صحه
تواصل بعضها الارحام
تباشيرك غنا وطمبور بواكيرك حروف من نور
احاسيسك سلام وسرور مساديرك لسان الحال
ميادينك شعر وإلهام
يطول صبر الغب بالحيل يلم صوم النهار في الليل
معاك ما نحن ما زي ديل معاك لامن يعيد النيل
جزاير شالن الهدام
فداك يا غاليه يا حره معاك في الحلوه والمره
ولادك عزه للسره ندارجك بالفي والمافي
وسواعد الغير علينا حرام
ولادك ما الطرش والصم نزفك سيره يالتم تم
نبرك وانتي لينا الام ونكون في برك الغالي
نصفنا اجدادنا والاسلام
حبايبك مابيختو اللوم كلامن ما كلام حروم
رجال لو عاشو باخروم صناديداً يسرو البال
معاكي وليكي هم خدام
ملوك الريشه والقرطاس يشيلو القاسي فوق الراس
مشاعر وكلهم احساس يعجبوك يوم يشيلو اليل
يجارو بلابل الاقلام
يدقو النوبه هم مداح تراثن ما شليل وين راح
شليل ما شالو يوم تمساح رياحن ديمه هابي صلاح
حياتن ماده للاعلام
معاكي معاكي لي قدام شويه شويه ما إلزام
جدك وج ابوك مقدام معاكما نحن تربيتك
بلاك نفضل الاعدام
جمالك في الزرع والغاب حداكي المنظر الخلاب
وقدامك رجال اقطاب وراكي مهيره في التاريخ
مثلنا الاعلي في الاقدام
سوا في واو او امدرمان مهيره مهيره في السودان
معاك في منتهي الايمان يقيف دمع الاسي الماشي
تعود البسمه للايتام

أبو وائل

24-10-2010, 08:03 AM

محمد أحمد علي الحبيب

حصان الرهان

غلبني هواك عرفت الريده تاني وسواد عينيك يا إيمان سباني
علي حفر الغرام صوتك هداني وبلا اشعر جمال وجهك رماني
بنات جيلك هبل لا معني تاني يجارن في الزمن والدنيا فاني
شنط وأقلام دلال والشي الفلاني البضيف فوق الشفاه لون إرجواني
دلع فايت الحدود منو إعتراني شعور نفرني من كل القواني
مشيت عاشرت بت باخوس عساني ألاقي الراحه في نغم الأواني
أقبل عينها مغصوب ماني زاني غصبي أساي عشان النوم اباني
طريق العفه هو الباعني وشراني عشان إخترتو في زمنا أناني
عبس وجهو القبيح لمن لقاني رابح في سباقو حصان رهاني
غلبني هواك عرفت الريده تاني وسواد عينيك يا إيمان سباني
بشعر في وجودك بي بياني ولا إبن الحسين في شعب بواني
إذا إتواضعت مسحور المعاني يظن يوسف بشير إني التجاني
وأكون نشوان قدر ما تبقي داني بدون أهوي المجون زي إبن هاني
محاسنك في زراي بشت أغاني سقاها سحاب كتاب الأصفهاني
من العجب العجيب أو جور زماني ما أجيد أشعاري إلا بعد أعاني
حكاية الماضي وحدها مزعجاني خيوط زكراها لسه مكبلاني
زهور أسقيتا من خالص حناني وغرست بزورا سابق لي أواني
جنوها الغيري والزمن أصطفاني أنا المظلوم ظهرت كاني جاني

أبو وائل

24-10-2010, 08:06 AM

محمد أحمد علي الحبيب
لا تشكي الظروف

أسكت يا وداعه وارضي من دهب السكات كان الكلام من فضه
الصابرات روابح وتانيا محموده
لا تفرغ هواك في فارغة مقدوده
ريدةً بالمصالح ما يخدٍّر عوده
والعود إن يبس لابد تأكلو الأرضه
إبتدي من جديد وأنسي الخسرتو عليها
الرجا مابيفيد ما ظنو نافع فيها
والقلب الجريح نيرانو مابتطفيها
أنهار الدموع لو جفنو فاض وإنفض
إن جاك الربيع مابتتلفت لي وردو
حرك يلوي لو كان الصقيع بي بردو
وإن بقي للخريف شوقك يوصلو حدو
تشجيك البروق كلما تلوحلك ومضه
أصلك من عشقت وقعت ما سميتا
إخترت الصعاب نفسك عليها جنيتا
شقيت الغفار جيت للسموم في بيتا
في نص النهار حفيان وتحتك رمضه
الدار القبيل إعتدت فيها لقاها
مابقدر اقولك إنطوي وأنساها
إن حكمت ظروفك وجابتك تغشاها
قبال ما تهيم خفف خطاك وأمضي
لا تظهر أساك شان ما يقولو وداعه
هازماهو الظروف بدّل صلاتو وباعه
ليلات الهموم ياما ضيوفا جماعه
لكن النهار شايلنو صفقه وعرضه
أنسي الماضي بي رغم الظروف العاتي
أنزح من قراهوتعال نروح للآتي
يبقي نعيش هناك نلقي الفرح يوماتي
زي سرب الطيور فوق الغصون الفضه
أنغام الفرح في دنيا شيتاً عادي
تتغني الجميع ما بترجي مين الشادي
يغسلا بالامان نور الصباح الهادي
وينجمع النهار من جاي وجاي يتفضي
ما قبلك مشيت نفس الطريق وأحزانا
ما لاقي الفؤاد غير إنو قاسي وعانا
ينتفض الغشيم كلما يقولو فلانا
في آخر المطاف دار تبقي ساكت مرضه
إتحوي في الصبر في بقعةً معزوله
ليك ولي زمانك ونفسك المقتوله
لا تشكي الظروف أسمع نصيحتي الأولي
من دهب السكات كان الكلام من فضه

أبو وائل

24-10-2010, 08:20 AM

محمد أحمد علي الحبيب

قــش دمـوعــك

قــش دمــوعــك ................ تــانــي أوعــي ألــقـــاك تــبــكـي
شـــق طــريـــقـــك .......... مــادي كـــل الــنـــاس بـــتـــشــكـي

******
الــدمــــوع لــو كــان بــتــنــفــع نــحــنـــا أول نــاس بــكــيـــنـــا
بـالـقـصـيـد حـاولــنــا نــشـرح الــشـقـي الــمـكــتــوب عــلــيــنــا
بـرضـو فـي أحـيـان يـطـابــق لـي مـشــاكــل غــيــرنــا يــحــكـي

******
لــو حــبــيــبــك يـــوم جــفــاك قــبــلـــك الأحــبـــــاب جــفــــونــا
لــو بــنـــار الـشــوق شــواك فــوق جــحــيــم الشــوق شــوونــا
مــن جــلــودنــا زكــاتــنــا تــطــلــع والـبـحـــب الـنــاس يـــزكـي

******
لاتــقــول إســمــي الـحــبــيــب ...... عــنــدي آلاف الـحــبــايــب
حـبــي ضـاع مــن بــدري روح ويـامـا فـي دنــيــاي مــصـــايــب
فـي ضـلــوعـي الـنــار بــتــأكــل لا تـشــوف مـن بـــره ضـحـكـي

******
عــشــت فـي دنــيــاي مـعــذب بـي حـــنـيـن لـي مـاضـي غــابــر
مـالـقــيــت مـن شــوقـي مـهــرب والـشـبــاب أفــنـيـتــو صــابــر
والـصــبــر ماظــنـــو نــافـــع بــرضــو عـــاد فـي آخــرو شــكـي

******
يــامــا عـشــنــا أيـــام صــبـــانـا فـي الــزمــان الـمــاضـي رائــع
فـي جــنــايــن الـنــاس نــخــرب الـجـهـــل فـي الــزول طــبـائــع
والــبــدور في الـمــاضـي كــامــل يــلــقــي فـي أشـعــار كـــدكـي

أبو وائل

24-10-2010, 08:21 AM

محمد أحمد علي الحبيب
كايس ليك زمن
كــــــــايــس لــيـــــك زمــــن
كـــلـــك لطــافه وذوق وفــن
ويـن كنتي كــايس ليك زمـن
جــايـانــا بعــد الـلـيـــل سكن
راحــن نجـيـمــاتــو إنـتـكــن
بلــج الصـبـاح ونسايمو جـن
داعــب عــيون الناس وسن
أنــــوارو فــي الآفــاق بــدن
وطيورو في الاغصان شدن
فـاتـن جـيـوش الـلـيـل نـسـن
سابن ســواد شعــرك مـشـن
جــيــدك وإيــديــك إتـفــدعـن
كــالــن عـويـنـاتــــن حــزن
شـافــن مـراكـب الريـد رمـن
رمـــن دمـيـعـــاتــــك بـكــن
عـيـني من عـيـنـيـــك شـكـن
شكوة غـريب من غـير وطن
لـكــــن عـلي مـهـمـــا قـسـن
الـبـيـنــي والـبـيـنــــك لـبــن

أبو وائل

24-10-2010, 08:23 AM

محمد أحمد علي الحبيب
ربـيـع الـدنـيـا
يــا ربــيــــع الــدنــيـــا ويــنــــك يــا حــلــيــــل أيـــــام زمــانـــك
بــث فــيـــك الـصـيــــف سـمـومـــو الـلــي كــان أمـنـتـو خــانــك
******
دونــــك الأيــــــام مــخــافــــه إنـــت مــا الـمفـــروض تــجــــافي
حـظــي أســكــن مــن زرافــــه لا كــنــيـــن لا عــــابــــره مـــافي
كــم بــكــيــت مـشـتــاق أشــوفــن دمـعـي حـنــه عـلـي بــنــانــك
******
طــولــن راحــلات ظـــواعــن فـي ســنــيــن لـلـفـــرقــــه كــــافي
شــــالــــن الأفـــــراح مــعــاهـــن رغــم إنــــو الـبــيــنــا صــافي
مــا تـحـــاول إنــت تــرجــع لــو يـجــن راجــعــــات عــشـــانـــك
******
يــاربــيـــــع مــا إنـــت قــــــدوه تـحــي فــي الأشـجــار مـــواتــه
تــمــلأ كــل الـســاحــه خــضــــره والأرض يـخــضـــر نــبــاتــه
والـكــنـــار يـتـغـني يـصــــدح وأروي شـعــــري عــلـي لـسـانــك
******
كـلـمــا تــرجــع تــصــــادف وحـــــدي دون الــنـــاس مــســـاهـر
الـوحــيــد الإنـــت عـــارف ريـــدي كــان لــي عــابــره طـــــاهـر
كــنــا فــي حــســنــك بــلابــل يــعــرفـــن بــالــفــطـــره شـــانــك
******
الـسـنـيـن فـي الـصـيــف عـوابـس والـخـريــف كـتـاحــو جــاحــد
والــشــتــا الــفـي بـــردو قــارس فــي نـهــارو ولــيــلــو واحـــد
الــوحـيـــــد الإنـــــت فــيـهـــن مـــا قـــــــدر إنــســـــان أدانـــــك
******
ريــدي لــي نــاس وإشــتــيـاقـــن يــا ربــيــع مـا مـاهـــو هــيــن
قــلـــبـي مــا بــيـحــمــــل فـــراقـــــن زي قــلـيــــب الأم حـنـيــن
يــوم تــلاقــيــهــن تــســالـــم لـــم حــنــــانــي عــلــي حــنــانـــك
******
قــولــهــن مـن طـيـــف عـيــونـكــم ومـن يــنــابــيــعــن غــنــايـا
إلا مــــا قــــــــادر بــــدونــكـــــــم أجــمـــــع الأيـــــــــام لــغــايـه
مـا الـغــرام لــو يـبـقـي صـادق كـالـلـسـان لــو صـنـتـو صــانــك
******

قــلـبــي لــو خـلــيــتــلـو بـالــك مـا الـعـلـيــهــو وبـيــهــو بــيِـّـن
لـــو غــريــب أطـــوار بــقــالــك هــــو المــــلان إيـمـــان وديّــن
إنــتـــظـــــر يــــامــــا يـــقــــولـــك وأرخــي للأيـــــــام أضــانــك
******
والــفـــراق لــو لــيـلـــو عــــمّ الــصــبــاح الــعـــاقــبـــو بـــاهـي
الــصــبـــر بــــرجـــاهــــو لـــمـــا يــنــتــشــــر نـــــورو الإلـهـي
نــبــقـي فـي إسـتـقـبــالـــو نـحــن بــي كـمـنجـــاتـنــا وكــمــانــك

أبو وائل

24-10-2010, 08:25 AM

محمد أحمد علي الحبيب
الـنخـلـة المغـتـربة

بـعــد مــا إنــتــكــت ................. وإتــفـدعــت لــلــشــيــل
هـــدام الــزمـــان وراهــــا كــيــفــــن تــســتــغـــــل الــنــيـــل
جـــوز مـن قــمـري أمـنـه ذاتــــو طـوّل بـيـن جــريـدا نــزيـل
طـاحـت بـي عـشـيـش أولادو أطـعـمـت الـسـمــك فـي الـنـيــل
غــاصـت فـي مـيـاهــو الـصـافـي مـا زي الـبـجـيـبـــا الـسـيـل
يـا نخـلـتـنـــا رحـلـــة عـــافـي ودعـــي فـي ديـارنــــا نخـيــل
صـابـر لـي ظـلـم دنـيـاهــو يـــرقـــص بـي جـريـــدو يـمـيـــل
مـع نـغـــم الـدبــاس وغـنـاهـــو كـلمـــا مـــر بـيـهـو عـلـيـــل
فـاتـت مـاسكــه درب الـشـيـمـــه خـلـت مـن وراهــا رعــيـــل
دواهـــم فـيهـــو مـن ضـــل غـيمـــه ينــزل فجــأه عـزرائـيــل
مــالـت وإنـتــكــت قـنـعـــانـي مـن بـلــــداً وطـــاهــــا الـفـيــل
فـي رحـلـــة عـــلاج مجـــانـي لـي أرض الـكـنــانـــه عــديــل
بـجــبــوج كـان بــدايـة الـرحـلـه تـتـبـكـي ودمـوعــا تـسـيــل
وجـزيـــرة أم سـيـــوف زي نحـله خـــش عـلـي ديـارا دخـيـل
ســـارت فـي طـريـقـــــا بــراهــــا لا تـأشـيـــــره لا بـهــديـــل
لا صـف الـسفــاره صـــلاهــــا لاســوط الـعـســس والـخـيـــل
الـشـاطـراب مـغـــارب جـاتــن مــــرت فـي طـريـقــا طــويـــل
مـديـسـيـسـه وجـمـيـع جــاراتـا هــداهــــا الـحــزن بـالحـيـــل
ظـلـت طـنـبـنـارتـي تـنــادي مـــوعـارفــاهـا بــي كـــم مـيــــل
فـاتت تــنـقـسـي بـي غـــادي مــاري مـــرور كـــرام بـالـلـيـل
زارت نـــاوا بـعـــد الــهـجــعــه ســهـــراني ومـنـامـا قــلـيــل
لـكـن ضـاع طـريــق الـرجـعــه ويـن تـلـقــالـو تـانـي سـبـيــل
عــيـنـــه عــلـي بــديـن تــيــارا أســـرع مـا شـفــالـه غـلـيــل
شـــاري جـريـــدا فـــوق المـويـه زي الـورده فـي الـمـنـديـــل
كـان لـي صـاي وكـان لـي عـبـري عـارفـات الـمـقـالـب ديـــل
قـــالـــن لـيـهـــا مـهـمـــا تـجـــــري مـا حـتـلحـقـيـلـو بـديـــل
مـا ســمعــت حـديـثـــا نـصـــاحـــا إتـمـــادت عـنــاده تـقـيـــل
كـمـلـت الجــزر في صـاجــه خـشــت فـي البحـيـــره مـقــيـــل
إرتــكـبــت غـلــط بجـــروره ضـاعـت وضـيـعــت كـم جــيــــل
زي قــصــص الـنـصــاري وجــورا بـي تحــريـفــا للإنـجـيــل
يــبكـي عــلـي فــراقــا نـخـيـلـنـا مـن الكــرشـه لـي الـقـنـديـل
ود لــقــاي وحــتـي مـديـنـا والـبـركــاوي صـبـــرو جــمــيـــل

أبو وائل

24-10-2010, 08:27 AM

محمد أحمد علي الحبيب

جدار الماضي

يا عهد الطفولة الماضي دايماً في الفؤاد ذكراك
لكن وين دريب الرجعة عارف نفسي ما بلقاك
الشوق والحنين للماضي سيفن في الضلوع فتاك
رشن يا دموع الذكرى قدر المولى ما أداك
شامخ يا جدار الماضي طول المدة ما هداك
لا سيل الدموع الجاري شوَّه في العيون رؤياك
آه أنا من شقاوة عمري كل ما هلَّ يوم بطراك
وكل ما هلَّ يوم من عمري يبعد من خطايا خطاك

أبو وائل

24-10-2010, 08:28 AM

محمد أحمد علي الحبيب

الجروف
ليكي كم غنيت وكم مقال == الجروف والتمر الطوال
كان فراقك شبه المحال == عمري ما ختيتلوا احتمال
فيكي ما جرَّ قلم خيال == إلا ما يوحيهو الجمال
***
كم في بعدك لاقيت صعاب == وكم شرب كاسات من عذاب
الدمع كالسيل يجري صاب == والشعر ينساب إنسياب
لازم أمشي القوز للصحاب ==رغم سيد الناس منو غاب
***
دار اشاقق فيهو بالنيل == في مريكب عند الأصيل
البنات واردات سلسبيل == وجاري حادر سر كرنقيل
دار اشوف شتلة مع العليل == زي عروس ترقص في التقيل
***
السواقي وعهدها الراح == كم بكيت كم عانيت جراح
في نسايم شق الصباح == زي بلابل الدوح صوتا ناح
داير أطير بالشوق إلا آح == كيف يطير مكسور الجناح
***
كل منايا أقابل الرفاق == داير اسالم ناس بالعناق
قلبي إسمك ليهو خفاق == وفي مداين شعرو عملاق
والكريم لو حلَّ الوثاق == ناوي أجيك والله مشتاق

أبو وائل

24-10-2010, 08:29 AM

محمد أحمد علي الحبيب

يا بدير

يا بدير ليه نورك طفا == ومن ديار القوز اختفى
أصلو طبعك دايماً جفا == شتت الأفكار أتلفا
والنتائج فيك مؤسفا == والهموم راقدي مردفا
يا حليل أيام الصفا == قولو للطنبور يعزفا
كانت الدارة مستفا == والرزين نازل عوم قفا
حاكم الدارة موقفا == خلا كل الناس تألفا
فوقا يوماتي نصادفا == هالة من نورا مرفرفا
والشعر حزمة ملفلفا == راقدة بالبينسا مصففا
مافي بت في الدار تخلفا == في الرقيص عاد شن عرفا
الزمان روحي مكتفا == رامي آمالي مصفصفا
كل ما أحاول يوم أختفا == في الفريق الموج يقذفا
يا حليل أيام الوفا == جاها ريح الهم ينسفا
أوع يا أحمد مكي أحرفا == من قليبك يوم تحذفا

أبو وائل

24-10-2010, 08:31 AM

محمد أحمد علي الحبيب

ريح الحظ

هب ريح الحظ كان صلاح == جاب مراكب اشواقك صباح
ولملم الربان الشراع == وانتهت رحلات الجراح
جايي شاقي الموج بارتياح == والبلد فرحان كلو صاح
الصغار الشيب والشباب ** يا حبابك يا مرحباب
النجوم مخضرة تحنان == والدباس والقمري طربان
والربوع الليلة مزدان == بي يواقيت قوزنا الحسان
بالنسيم تتعانق أغصان == زي عناق الجاري ولهان
والجميع في معنى الخطاب ** يا حبابك يا مرحباب
كلهم عاشوا مع الرباب == وكل واحد ليهو أحباب
والسرور خش بكل باب == زي غدير يتهادى منساب
ما خلاص فارقت العذاب == ألف مبروك من غير حساب
جات مراكبك كايسي الضباب ** يا حبابك يا مرحباب
وين مراكبي أنا عاد يا عريس == فاقدي دفة وكم رواويس
في محيط ما عارفلو ميس == دنيا قُبسة ومن غير انيس
موجو يضرب في الجواقيس == والزمان درسني تدريس
الهموم راحلي وفود وفود ** من زمن سيدنا داؤود
آه وآه يا قلبي العطوف == آه وآه آلاف الألوف
في محيط بالظلمة محفوف == موجو يطبق جبل ابنعوف
ضاع طريقك ماهو معروف == وما بتفيد الحسرة والخوف
حظي دايماً جايي مقلوب ** زي مصائب سيدنا ايوب
من زمان طاويها الجروح == بره سالم وجوة مضبوح
الضمير يبكي بلا أنوح == والمصائب بابا مفتوح
والسرور من نفسي ممنوح == ما بشوف دنياي بي وضوح
في ظلاما أنا ديمة مكبوت ** زي مصائب صاحب الحوت
يا الزمان من دارنا فريت == لسه في ذكراك ما نسيت
والرحال شديتا ومشيت == لا بقيِّل يوم لا ببيت
مرة دمعة ومرة يا ريت == كم كتير في دربك شقيت
حظي لامن أدخل الشيب ** زي حكاية ناقة شعيب
يا نسائم قلبي وصاك == والكريم بالسرعة خصاك
قولي لي إخلاص في مساك == الفؤاد متمني رؤياك
لا متين في حفلة القاك == ومن بعيد تحضني عيناك
يوم أشوفك يمكن يعود ** حظي يصبح حظ اليهود
العذاب البي والخطوب == في الأزل من بدري مكتوب
بي حنينك عقلي مشطوب == يا أمل شايلاهو الهبوب
يا حليل ماضينا الخلوب == ويا غنانا الفوق الدروب

أبو وائل

24-10-2010, 08:32 AM

محمد أحمد علي الحبيب

الطفولة

عشت في عهدك حياتي روعة يا عهد الطفولة
وأسي في دنياي مآسي بس بلا ربـك يزيـلا
كنا حمديرة صبـي غنـوة للأمطـار نقـولا
تبتسم دنيانا تشرق نشوة في ساعة هطـولا
يا حليل أيام قضيتا فيكي يـا أرض البطـولا
كنت في لحظاتا بقرأ في الجدود معنى الرجولة
في بناتك بلقى ذاتي في ابتساماتـن خجـولا
وإنتي علمتيني ريدك وكنتي لي دايماً ميـولا

أبو وائل

24-10-2010, 08:34 AM

محمد أحمد علي الحبيب

يا ريت الزمان وداني

يا ريت الزمان وداني *** لي داركم وأزوركم تاني

يا زهر الروابي الغالي *** أرجوك أسمعيني تعالي
يا الوابل سماك طوالي ***بالليل والنهار متوالي

يا الزايد علي أحزاني ***إنتي القاسي ولا زماني
ولا أقدامي هي السايقاني *** دايماً في جحيم رامياني

يا مالك علي أعماقي *** يا الهين عليك فراقي
آه أنا من لهيب أشواقي *** في صيفي وشتاي متلاقي

طيفك من بعيد يوم جاني *** من عز المنام صحاني
كم هيج علي أحزاني *** و في الماضي البعيد زجاني

يا ريت النسيم يا أحلامي *** ياخد مني ليكي سلامي
بهدي ليك جميل أنغامي *** من شوقي وجراحي الدامي

أبو وائل

24-10-2010, 08:35 AM

محمد أحمد علي الحبيب

دنية أحلامي

بريدك يا صــفا أيامي *** ومنايا ودنية أحلامي
إنتي يا عهدي والتزامي *** وهنايا وروحي وإلهامي
جـــوابك برد ظلامي *** كأنك ماثلة قــدامي

قلوبنا الليكي مشتاقة *** خطـــابك هيج اشواقا
تلاقي الذكرى خفــــاقا *** وتعبر ليك عن فراقا
يا حنين الروح واشتياقا ***صحيح الريدة عملاقا

كلامك يا حلوة جاني *** ووحات عينيكي بكاني
والظـروف بالفرقة راماني *** أقبل وين من زماني
لا متين أرجـع ليكي تاني *** وأتوج ريدي وحناني

نشوف الكون لينا طايع *** وتلوح من فجرك طلايع
وترقصي غصنك المـــايع *** وتوري الناس البدايع
وأعيش ايامك روايع *** وأعوض عمري اللي ضايع

أبو وائل

24-10-2010, 08:37 AM

محمد أحمد علي الحبيب

بدر الضهابة

شن يجيبكن ليها إنتن *** فاطني في ريعان شبابا
في سمانا ظلاما ولى *** فاطني زي بدر الضهابا
ـ ـ ـ
فاطني لابسي قليب غوايش *** ديمة في ذكراها عايش
وغيري كم بي ريدا طايش *** وروحو ذابت في عذابا
ـ ـ ـ
تلقى طول الليل مصنقر *** يبكي متمحن مدنقر
وفي ضلوعو الشوق يزمجر *** زي صفير الريح في غابا
ـ ـ ـ
فاطني ما نوري وحياتي *** وفاطني فيها فقدت ذاتي
وفاطني تصبح طوق نجاتي *** الزمان لو مرة جابا
ـ ـ ـ
ذكرة الدار مافي بالك *** وما خطر يوم بي خيالك
والزمان من بينا شالك *** والسعادة قفلتي بابا
ـ ـ ـ
ليلي في ذكراك قصيِّر ***وقلبي في شوقك يحيِّر
يبقى زي طفلاً صغيِّر *** لما يصرخ يمة يابا
ـ ـ ـ
يا فؤادي كفاك وداري *** إنتي تبكي وماكي داري
السنين ما برضو جاري *** زي دموعك في انسكابا

أبو وائل

24-10-2010, 08:38 AM

محمد أحمد علي الحبيب
يا سحايب

إنتي ليه الماحي يمدح ... ونحن نجهر بي غناكي
كلما طنبورنا يصدح ... ليه قلوبنا تذوب معاكي
كل شاعر قبلي أنشد ... وأوصفك من غير يراكي
إقتبس لي حبو أوجد ... لمحة من لمحات صفاكي
كنت أحلم إني أبقى ... ملك زمانك وسيد هواكي
شاءت الأقدار لأشقى ... وفي شقايا يكون هناكي
يا حليل الماضي أبعد ... فُتي ليه مرتع صباكي
بي سعادتك كنت بسعد ... وأبكي داماً لي بكاكي
من بحار دمعاتي بشرب ...يا سحايب خاب سماكي
آه أنا التائه معذب ... وعمري ضايع في رجاكي
كل ليل ذكراك معايا ... ولا تقولي الزول نساكي
أقرأ في ماضيك قرايا ... وأشكي للأيام عناكي
يا سحايب جودي مرة ... وأغسلي الأحزان براكي
أملي كل دنياي مسرة ... وأنفحيني بطيب شذاكي

أبو وائل

24-10-2010, 08:39 AM

محمد أحمد علي الحبيب

ساحر العينين

يا ساحـر العينين تعـال ما الدنيا غيرك عـندنا
رحلة عـذاب محفوفة بالخوف والضـنا
تفاح ظهـر بدأ يسـتدير
بالرغم من إنك صغــير
أنا بيك مـنك بستجـير
رهبة جمال بترجف الشيخ والجـنا
أرياح تفـوح زي العـبير
نعمـة رزاز فوق الغـدير
طيف قوس قزح في يوم مطـير
تصميم قدير في الفكـرة والـذوق والبنا
أنا زول غـريب داخل الوطــن
طالت حكايتي مع الشجـن
وتاهت خطايا مع الزمــن
طولت أروي على السنين قصـص الغرام المحزنة
أنا زول سـئم ريح السمــوم
طولت مشـتاق للغــيوم
أنا ما خطـر بي بالي يـوم
الدنيـا فجـأة تلمـنا
بهواكي في كل الصـفات
وأقراكي بي كل اللغات
والقاكـي في كل الجهات
ما إنت أسـباب الدموع والبهجة والبكا والغنا
أنا بشقى شان تسـعد عيون
أنا بحتمـل مهما يكـون
من غير رضاك أنا كيف أكـون
أنا حبي اقوى من الظروف زي بعضو في الضيق والعنا

أبو وائل

24-10-2010, 08:41 AM

محمد أحمد علي الحبيب

فجعة وفجأة

كلمات حنين للماضي خطاها اليراع
ودموع حسار تنجارا من غير انقطاع
ما إنت عجلت ومشيت لا همسة لا كلمة وداع
خليتني في بحراً كبير زورق يشابي بلا شراع
خليتني في دنية عذاب في ظلمة في لجة وصراع
بعدك حياتي بقت كهوف عدماني والله الشعاع
يا نخلة ليه ... يا دنيا ليه ؟
يا نخلة ما كان عيب عليك رباكي سوالك قلب
ومن ظلام حوراً صغير خلى النسايم بيكي تتلاعب لعب
الهابي من جهة الشمال والجايي من تالا الغرب
الموت دا ما كاسات تدور بيناتنا لا بد تنشرب
ولا بد من كأسك يجيك كان في سرير أو في حرب
لكني برجع تاني أقول كيفن عليك هان ما صعب
يا نخلة ليه ... يا دنيا ليه ؟
يا دنيا كم جمعتي ناس في بهجة باكر تتفرق
مخنوقة عن ساعة الوداع عبراتا سدت في الحلق
ترجع سريع تنسى الحصل عارفي البفوت ما بيتلحق
لكني كيف أنسى القديم والكية فوق الكية دايماً تنطبق
وريني عاد كيف الخلاص ما طال لو لمع البرق
تلقى القليب داير يطير بالشوق مقرب يتحرق
يا نخلة ليه ... يا دنيا ليه ؟
يا دنيا أديهو الأمان فد مرة لو كان يقتنع
ما إنتي رسلتي القدر عارفي القدر مابيندفع
وقفتي زي زولاً مشارك في جريمة وعندو فيها أكبر ضلع
ويتعوذ السواها عامل نفسوا لا شاف لا سمع
الدرب الطويل يا دنيا من غير رفيق مابينقطع
واللقمة من غير السرور ما مُرة تب مابتنبلع
بعدك حياتي بقت جبال مخروطة ما أظن تنطلع
يا نخلة ليه ... يا دنيا ليه ؟
خليتني في مشوار وعر تاهت خطاي مابيتمشي
والحلة من بعدك خراب لا تنقعد لابتنغشي
ما الدنيا اصلاً دار زوال ومن القبيح مابتختشي
كم من قلوب كم من نفوس صالاها بي نار الحشي
كم من صغار خلت هدومن بالدموع مترشرشي
يتباكوا فوق زولاً عظيم كان في حياتهم كل شي
لكنوا خلاهم رحل واحدين صغار لا هسي ما عرفوا المشي
يا نخلة ليه ... يا دنيا ليه ؟
يا زهرة العمر الكئيب ما كنت في زمنك مرح
ايام اشوف اشياء بتلمع في العمر وأمشيلا أقول شيتاً سمح
ألقاها يا قطعة قزاز أو قطعة صفيح ساكت قرح
ايام جهل مابتتنسي وذكراها دايماً في الفؤاد مابتتمسح
بالله ما تسيبوا الظنون في زول حياتو تدور شرح
ما اصلوا مهما كان حفيظ لي سروا لا بد ينفضح
وباباً مقفل بالسنين لا بد من يوم ينفتح
والدنيا اصلاً دار جروح والفيها لا بد ينجرح
يا نخلة ليه ... يا دنيا ليه ؟

حسن الشايقى

24-10-2010, 08:41 AM

الحبيب المدهش ابو وائل 00
لو قالوا لى أوصف جمالك تفتكر بقدر أقول كل الحقيقه ؟؟

أبو وائل

24-10-2010, 08:43 AM

محمد أحمد علي الحبيب

ماضينا

أحكي لي بالبيكي قولـي والعلـي عالمبـو الله
يا حليل أيامنا بدري ما خـلاص ماضينـا ولـى
لجنيها الدارة جولي أدي روحنـا وشوقنـا بلـة
وأرمي كل الكان وراكي من عذابـاً بينـا حـلَّ
بالحنان ما ضينا حافل كنا نقعـد فيهـو سلـة
وانفرادنا مع الليالـي والقمـر يـادوب تجلـى
كان فراقك لينا قاسي وباقي فـي دنيانـا علـه
كم صبرنا وراك ليالي والصبـر مـا ذاتـو قـلَّ
بالكتب فكرت أنسى وكـم كتيـر صفـح مجلـه
إلا ذكرك ما نسيتو يـا خـي لالا وحاشـا كـلا
كت بقدر لي رجوعـك إلا كـل تقديـري جـلا
بي وراك في دارنا نورك يوم رحل لي كورتي هلا
النسيم في الشوق يزيدنا كـل مـا ادانـا طـلَّ
في لهيب أشواق بعاني قلبي آه يا روحـي مـلَّ
الجسيم بالطيب يجينا فوقوا لابسة حرير وحلـه
أصلوا كان البينا حاصل مـن غيابـك ليـس إلا
لي ديارنا الليلة جيتي وبيكي ينسى الدار مذلـة
ويوم وداعك تانى برجع يشهد الأحزان مـن الله

أبو وائل

24-10-2010, 08:45 AM

محمد أحمد علي الحبيب

مواسم الفرحة

يا حليلكن يا مواسم الفرحة ويا حليل ماضي الليالي
ابكي وأنشد من رحلتي طال بكايا وطال سؤالي
فوق سحاب الشوق مسافر لسه ما حطيت رحالي
ما تعودن يا مواسم ما خلاص بشتنتو حالي
داير أعيد الماضي مرة عودي يا أيام تعالي
لحظة في دنياك اعيشا نعمة من تصوير خيالي
كنتي نسمة وكنتي بسمة وكنتي أنغامي وغنايا
كنتي جنة وبين أهلنا عشت فيك ايام هنايا
كنتي يا حلم الطفولة بقرأ في عينيكي آية
في ابتساماتن خجوله توحي ما تخفي الخفايا
اسه عارفك يا جريئة بتقري في ألواح شقايا
في ابتساماتن بريئة تمحو آثار الخطايا
في رجاكن يا مواسم أبكي ما خليت باقي
وانتظرت كتير وراكن طال عذابي واشتياقي
هبي يا نسمة شقايا وزيدي لي جمر احتراقي
ورشي يا غيمات بكايا إنتو ما ياكن رفاقي
يا مواسم الفرحة عودي ما خلاص طوَّل فراقي
عودي لي أوطان جدودي خلي طرف العين يلاقي
كنت قايلكن تعودن للديار من غير أنادي
وكم صبرت ويا ما إنتن كل يوم في رحلة غادي
صوت هديلكن يا حمائم لحظة ما فارق فؤادي
وطال غيابكن يا مواسم وضاع شبابي وطال سهادي
في رجوعكن يا مواسم برضو ما قل اعتقادي
فيها إيه لو مرة غيمكن رش في ساحات بلادي

أبو وائل

24-10-2010, 08:49 AM

محمد أحمد علي الحبيب

حوار بين الغنى والفقر

التقى في إحدى الليالي المقمرة في إحدى القرى الريفية
وعلى شاطئ النيل ولأول مرة الفقر والغنى
ودار بينهم الحوار التالي وكان يجلس بالقرب منهم إبليس اللعين ..
النص :
الغنى : يا فقر .. يا فقر خاف رب العباد
إنت كم بهدلت شحاد
في الصقيع علمتو الرقاد
لا غطا ولا موية لا زاد
وما بتفوت دمك دم قراد
الرسول منك استعاذ
وبرضو عامل فيها شحاذ ؟؟؟

الفقر :لو تعوذ مني النبي
برضو ما اتمناك يا غبي
إنت كم أفشيت الفساد
وكم وكم ضللت العباد
فوق دروبك طشوا أولاد
جاهدوكا وسابو الجهاد
بيكا كان قارون استفاد
يا ما كان في الدنيا أسياد
خلو دربك وجوني زهاد
عرفو آخر دنياك فنى
ديل أولو الألباب يا غنى

الغنى :يا فقر .. آ فقر ما تخليك صريح
لا تكورك وتقعد تصيح
إنت مجرم وخشمك فصيح
المجرَّح زدتو تجريح
وانت كم أمرضت النصيح
إنت واحد فاقد الراي
ولا تقارن نفسك معاي
أنا كم وكم ذللت الصعاب
وكم وكم زوجت أحباب
وكم وكم جمعت أصحاب
وكم كتير عمرت الخراب

الفقر :ياخي ما تخليك يا غنى
ودار تلف مين دي علي أنا
إنت ما أفسدت الشباب
الصغير علمتو الشراب
إنت كم فرقت أصحاب
فوق دروبك ختو الرقاب
ولو حصل زوجت عشاق
عن غرامك ما عن وفاق
بكرة يظهر فيهو النفاق
ويبقى اسبابن في الطلاق
الزواج مش فكرة وإصرار
الزواج حكمة واختيار
إنت حاقد زي السجار
تبدو نكهة وكلك أضرار

الغنى :يا فقر ما تنصف الحق
يا فقر ما تنصف الحق
إنت زولك ديمة ندمان
وطول حياتو عذاب وحرمان
يومي يشحد ويومي عدمان
مرة يلقى ومرة يتهان
والنفوس لو سمحة طباع
بي مشاكلك تصبح سباع
وتنحرف ويطويها الضياع
إنت كم أجبرت مسكين
بالكذب حلفتو اليمين
يا فقر تلعب على مين
أنا زولي من أقوى المؤمنين

الفقر :إنت أوع تكون زول جبان
أنا عمري ما ضللت إنسان
إلا واحداً أصلو خيبان
أنا زولي لو صلى يصلي صاح
دمو رايق وعقلو مرتاح
لا بيكون ناسيلو مفتاح
لا بيضرِّب فيها ارباح
وإنت زولك عقلوا محتار
يترك الصلوات بالنهار
ويجمعن صلواتاً كتار
ويمسك الآيات القصار

الغنى :
إنت ليه ما قلت الزكاة
أصلو كل الدين في الصلاة ؟؟

الفقر :
الصلاة بيناتنا أنا وياك
والزكاة دي مصيبتك براك
إن دفعتها يدوك جزاك
وإن جحدتها تتعب هناك
يا غنى إنت مصايبك كتار
وبالعليك طماع وجبار
في قريش كم ضاعو تجار
وفي طريقك ماتو كفار
إنت مهما تنفع كتير
برضي شايفك ما فيكا خير

الغنى : يا فقر الكلام واضح غير دليل
إنت زولك دايماً ذليل

الفقر :يا غنى الكلام واضح غير دليل
إنت زولك دايماً بخيل

الغنى :إنت كل الناس يكرهوك

الفقر :وإنت ضيعت البحبوك

في هذه الأثناء يدخل إبليس قائلاً :
إبليس :يا ولاد الجوطة فوق كم
اللكون بيناتكم حكم

الفقر :أسمع .. أسمع .. أسمع إبليس
إنت أصلك راجل خبيث
إن بديت تدخل في الحديث
يتخرب ما نلقالوا ميس

إبليس :ما الحكم واضح يا فقر
إنت أصلك حنضلاً مر
وكلها أفعالك ما بتسر
أي زول مبسوط ضل تاه
من ترافقوا بيذكر الله
يضغط على يده باسنانه ...
الله منك آه وأحي
كلهم عصيتم علي

الفقر :أصلي عارفك ما راضي بي
لا تعضي اصابعك عليالغنى :
كلام إبليس فيك كلو صاح
إنت دايماً راز ونطاح

الفقر :ما تقول رأيك في الغنى
ولا بس حاقر بي انا

إبليس :رأيي واضح فيك يا غنى
بيكا متسهل أمرنا
بيك كم غشيت إنسان
كان ملاك حولتوا شيطان
إنت أصلك راجل جدع
إن دفرتك في النار تقع

الفقر : صائحاً ...
اليكون في صفو إبليس
يبقى واضح ياهو الخبيث
اليكون في صفو إبليس
يبقى واضح ياهو الخبيث

الغني :أسمع .. اسمع .. أسمع يا فقر

الفقر :بس خلاص أسكت يا رجيم
إنت ذاتو مصيرك جحيم

صوت :يا أصحاب بيوت مرفوعة شامخة تعانق التاريخ
الزارع قرع ما بيحصد البطيخ
وإن مات الضمير ما بينفع التوبيخ

أبو وائل

24-10-2010, 08:51 AM

محمد أحمد علي الحبيب

يا كنـار

غنيني أبدع يا كنار أجمل غناك لا تبخلو
ذكرني بي ناساً بعاد طول غيابن وطولو
ذكرني بي جنة نعيم في الماضي قبال يرحلو
أيام نعيم عاشا الفؤاد يوم كانو آخروا وأولو
ذكرني بي حفلات زمان في الدارة لمان ينزلو
تلقى الجميع من غير شعور بالفرحة هاجو وهللو
أرجوك تسافر يا كنار والفي جهودك أبذلوا
والله لو شفت العلي من لوعة مابتتخيلو
قول ليهم القلب الحزين عن حالوا ليه ما بتسألو
بس ما يكون بي صوت عتاب أرجوكا خايف يزعلو
بلغ حبيب الروح حديث يا ريتو منك يقبلو
ويقبل كلام ناساً حنان عن حبو ما يتحللو
تلقاهو قاعد يا كنار في ليل سبيبو مسدلو
زي القمر بين السحاب يجمع شعاعو ويرسلو
قول ليهو وريني الحصل بوِّح عذابنا وحللو
خلاك تتناسى الفؤاد الكان قبيل ما بتجهلو
قول ليهو في ذكراك دوام الشوق براهو وبهدلو
الماضي ضاع واليوم عذاب وريني كيف مستقبلو
بطراك ما غنت حمايم في غصون هبت نسايم ميلو
تشجيني بي صوتا الفريد وألقى المدارس شيلو

أبو وائل

24-10-2010, 10:22 AM

محمد أحمد علي الحبيب

يا نفسي ليه ..؟

إنتي ليـه يـا نفسـي ليـه ثابـت هواكـي
لي حبيـب ناسيكـي فـد يـوم مـا طراكـي
من بعد الحنان والإلفة والريـد فـي صباكـي
ليه جار الزمان الليلـة عكَّـر لـي صفاكـي
كم عانيت هموم يا نفسي كلو عشان رضاكـي
ولهان والصبر كملتـوا مـا اتحقـق مناكـي
ما هماني ليه يا غالية حـال النفسـوا باكـي
بي ألمو وجراحوا الدامية فد يوم مـا نساكـي
رغم الكان وهجرك ليهـو كتـر مـن غناكـي
كان متمني يوم يلقاكـي يسعـد بـي لقاكـي
كم في ظلمة يبكي ويبكي عبَّـر عـن هواكـي
يحكي لك عذابوا البيهـو والحاصـل وراكـي
راجيك بي عذاب خلاهو حفظـاً لـي ولاكـي
وما هماكي ليه يا حلوة كـم صابـر رجاكـي
ليه زدتيلوا ليـه آلامـوا والجـرح الطواكـي
والكان لي سعادة اياموا كانوا قصدوا اصطفاكي

أبو وائل

24-10-2010, 10:24 AM

محمد أحمد علي الحبيب

عجل الزمان

يطول الليل علي البيشيلوا يتوجع
يقيف عجل الزمان تب فجروا ما بيطلع
يزيد الشوق مع نسماتو يترعرع
تبكي الزول قدر ما قلبوا يتشجع
وأنا أصلوا قليبي دايماً للهموم مشرع
تقول وكرا وبكانوا المنو تتفرع
طريت الكان زمان في قوزنا قام ودع
دا أورثني الدموع والعبرة لا هسع
كان ملك الرقيص في فنوا كم ابدع
لبس تاج الجمال فوق عرشوا إتربع
الفارس الشديد قداموا يتضرع
يشل فكر اللبيب وكلامو يتقطع
طريت البي الجزاير جاري كان يزرع
جفل وزينا من قداموا وإتفرزع
هبش بابورو دوَّر صوتوا كالمدفع
حقب طوريتوا مسروف جدولوا ودمَّع
طريت هناك مكان يتلملموا الشفع
نشيل الليل مع الطنبور صديقنا المنو ما بنقنع
طريت الصحو قام لك جاري ما بيسمع
يدعك في العيون نعسان وينترتع
حليل الماضي يا أحمد مكي ما كان الزمن أسرع
كم اتمنيت يعود لكنوا ما بيرجع

أبو وائل

24-10-2010, 10:25 AM

محمد أحمد علي الحبيب

المهاجرة

كنت بحلم بي لقاك واتمنى يحصل
كنت خايف قبل أشوفك عمري يكمل
كل زول وصف لي عنك ما قدر لي وصفك اكمل
كنت بسمع بي جمالك ولما جيت لقيتك أجمل
يا سبيباً زي سواد الليل تهدل
ويا جبيناً القمر من نورو يخجل
ويا عيوناً فيها ماس الريد موصل
ويا نغيماً يفرح الفي القيد مكبل
ما تعالي اشوف رقيصك ليلي أليل
أصلي جايي عشان اشوفك وبكرة ارحل
إنتي عدتي الذكرى لي قلبي المهمل
لي حبيباً ديمة عن أحوالو بسأل
ياهو شوقي وياهو آخر وياهو أول
ياهو همي وسر عذابي الما حيكمل
يا المهاجرة سنين وهجرك ليا طوَّل
في غيابك وى لصبحي وليلي اقبل

أبو وائل

24-10-2010, 10:28 AM

محمد أحمد علي الحبيب

العمـده

جرعة من السياسة العمدة
غير ادون بي صراحة نفسـي مـا بتلقالـة راحـة
يـا بنـات أشعـاري أنتـن العليكـن مـو شويـة
وانطلاقكن ما هـو هيـن ذي رصـاص البندقيـة
فيك لي التاريخ بـدون كـم حكايـات مـارا بـي
راسخي من زمن الطفولة وماخدي في الافكار مساحة
كان نسيت ما بنسي مرة في الصباح يوم جانا صايح
مو كتير والعمدة بـرة بـرة مـن عالمنـا سايـح
بـرة مـن دنيـا المضـرة الكتيـرة قليلـة رايـح
ولي في يوم من صباحوا وبقة قبـل النـور مناحـة
طاري في يومو اللي فارق جبنا زكراهـو العشيـة
مما شال من جارتو كبشاً دايرة لي عيـد الضحيـة
قلنا ليها أشكيهـو قالـت الا لـي اب ايـداً قويـة
اليشيل الدايرو يمشـي ربـي يخلفـة فـي مراحـة
أنزل الله السكينة لي قلـوب فـي الريـف بسيطـة
ماها ذي صخب المدينـة لمـن استرجـع شريطـة
ما بتحل الاسـرة دينـه الا مـن قطـع السبيطـة
كان هجير الحوجة راشـح النخيـل باقيلنـا واحـة
بعدها الايام توالـن فـي قفـا العمـدة وحكومتـو
انتقـل والرقـدة طالـت والبيرقـد قاسـي قومتـو
الزمن بي الفيهو جايط ما قطع لي العمـدة نومتـو
نومة لي ابد الاوابـد تانـي مـا بشـرق صباحـة
الملك يا عمـدة وينـك الاراضـي الليلـة ميـري
البحر مـا خلـه طينـك شالـو شـلال الدميـري
والزمـن شتـت عوينـك والحكومـات الكتيـري
بـددو الوارسنـو منـك الا بـس وش القبـاحـه
لا بهزنو الكـوارس لا الشمـوس يعـرف مغيبـه
لا الخريف كان جاهو كابس المطر يسمـع صبيبـه
لا اناشيـد الـمـدارس لا الطواحـيـن القريـبـه
خشمو من تالانا كارس في المقابـر مافـي راحـه
حتي الكلاب الكان تهو كان يجيـب العمـدة راسـه
بي رصاصاتو المدوزي ما بيقيـل كلـب الحراسـه
هسي جات بي قلب قوي رشـت الشاهديـن نجاسـه
فوقو نامت مطمئنـة هوكـان قبيـل يكـره نباحـه
المطر يا عمده قلـه وانكمـش فاصلـو المـداري
والعرب تنجيمة جل ضاقت الشر فـي الصحـاري
مالقت لي ريقـة بلـه جـات تشاركنـا الطـواري
والطواري زمانة ولى وقلـه بيـن النـاس نجاحـا

أبو وائل

24-10-2010, 10:30 AM

محمد أحمد علي الحبيب

محض صدفة

مرة صرح لي بي سؤال ... يوم لقاني كأني تمثال
مالي شايفك شارد البال ... قلت ليهو سباني الجمال
كان قريب وظريف الدلال ... ورغم قربو بعيد المنال
كالقمر في ليلة كمال ... في الضواحي يضاحك التلال
في العيون والجيد كالغزال ... يمشي كالطاؤوس باختيال
والقوام ممدود في اعتدال ... وفي طباعو بديع الخصال
محض صدفة ويوم كرنفال ... والبنات أنواع واشكال
كان أثر نظراتو ينهال ... في فؤادي كوقع النبال
قلبي من يوم شافو ما زال ... في الدرب إدبار وإقبال
أصلو مهمل وصدك الطال ... زادو فوق إهمالوا إهمال

أبو وائل

24-10-2010, 10:31 AM

محمد أحمد علي الحبيب

هواجس

أي لحظة معاكي كانت في سياج الماضي روعة
صرت بيها الليلة بحلم زي أمل تحقيقو بدعة
وكل شيء راجيهو يرجع ولي فات ما ليهو رجعة
وما محال من غير عيونك ألقى في دنيايا متعة
الظنون الفيكي عاشت وغيرت مجراك بسرعة
يا حبيب كان هواجس والهواجس ذاتا خدعة
والشموع الفي زفافك لما ضوت أخمدت جوايا شمعة
في غياهب نفسي كانت نور منور كل بقعة
إلا بس نيران فراقك ما محال تطفيها دمعة

أبو وائل

24-10-2010, 10:34 AM

محمد أحمد علي الحبيب

يا أعز إنسان

بكتب ليك يا دوب يـا أعـز إنسـان
عن شوقي وغرامي الكنت كاتمو زمان
***
عـن حـالـي وحيـاتـي أشـعـار
ماضي الذكرى كان قبلك صعاب وودار
شايل همي كان ياهو الرفيق والجـار
بحكي ليكي عن زول بالغرام انهـار
وأثبـت ليكـي بالبرهـان
***
كثير عزة كانت لـي حياتـو أسـاس
جميل آلامو كانت ضمة ما بتنقـاس
مجنون ليلى منسوب ليها بين النـاس
عنتر عبلة كان من أشهر الفـراس
بالغ فـي غرامـو زمـان
***
طه وريا ما شفتي الحرب كيف كـان
طالب شندي كان يلقالوا فيها أمـان
بس قوليلي كيف كانت حياة سيـران
كدَّر نفسوا مات في ظلمة الحرمـان
كلوا عشان تعيس روكسان
***
بكتب ليكي واشرح ليكي يـا نعمـات
حالـي البـيَّ زايـد منهـم مـرات
عايش في هموم ما بتطـردن آهـات
وآلامي وجراحي أنا برسلن نغمـات
دايمـاً والقلـب ولـهـان
***
باقي آمالي وا أسفي الشديد لـو راح
قاتم ليلي ما شايف بلاكـي صبـاح
يا نوري وسعادتي ومنبـع الأفـراح
راجـي سعادتـي بيكـي ارتــاح
ويصبح كوني بيك طربان
***
غاض الطرف دايماً ما بيصيب مرماك
سيوف الهند ما بلغت فعـل عينـاك
وحات اسم الله ما ظنيت يوم أنسـاك
وما ظنيت أواجه الدنيا تانـي بـلاك
وما شايف عليها إنسـان
***
بكتب ليكي مـا طلـع النجـم بالليـل
وبكتب ليكي ما ارتفعت ضفاف النيل
وبكتب ليكي ما رقرق عليهـا ضليـل
بكتب ليكي لامن تبقـي لـي دليـل
ويكون الهم زمان وزمـان

أبو وائل

24-10-2010, 10:35 AM

محمد أحمد علي الحبيب

ست الحروف الخمسة

يا صفق النبت لي شيخ يصين التربة
بالليل والنهار وابل سماك ما غبا
***
بروق الساري لما تسيل تحاكي فؤادي أنا الخفاق
رعود الساري لما تكر تحاكي صداكي في الأعماق
مياه الساري لما تسيل تحاكي دموعي إلا دموعي مابتنطاق
أنا الجاكي وأنا الشاكي وأنا الباكي وأنا المشتاق
***
أنا الشايلك شموع وأخفيكي لو ريح السمايم هبا
أنا الزارعك ورد وأسقيك دموع لو كان مطر ما صبا
***
أنا المستني شوفتك عملت المستحيل ومحال
أنا الرسلت اشعاري بعد صفيتا بالغربال
أنا الجنيت وأنا الغنيت كلام لا قالوا لابيتقال
وكتير فكرت واتحيرت في قصة شقاي الطال
***
يا صفق النبت لي شيخ حريص طوالي
بالليل والنهار وابل سماك متوالي
***
حكايتي معاك عميقة عميقة واصلة القاع
قصايدي وراك جروح مطوية ما إبداع
حياتي بلاكي ما بتنطاق ومشوار بي وراكي ضياع
ومظلوم كوني من بعدك معلم الله من إشعاع
***
حياتي معاكي شن بتقولي غير دمعاً غزير انكبا
أو زولاً مصارع الموج في بر الأمان ما طبا
***
يا ست الحروف الخمسة لمان تحذف التعريف من الإخلاص
حكايتي معاك سنين وسنين طويلة خلاص
حكاية زول مرق ما عاد واتخلطت دروب ما فرزا القصاص
أنا الحبيت عيونك ولسه ما شفتك وشاعر بي بريقا رصاص
***
أنا المستني فوق قمم السهاد لو تدري حبك في الضلوع اتربا
حباكي الفؤاد من بدري يا ريت الفؤاد ما حبا

أبو وائل

24-10-2010, 10:37 AM

محمد أحمد علي الحبيب

الخصر النحيل

يا ست العيون الناعسة والخصر النحيل
ذكراك في الخيال تتمارى كل ما جنَّ ليل
لو قلتي ما بتدري العذاب البيَّ طبعاً مستحيل
عشان بحر الحنان واللهفة في عيني دليل
كم عانيت كم ساهرت كم من ليل وليل
كم ارسل دموع بالحسرة فوق خدي تسيل
وابحر في خيال أحلامي واتمناك خليل
تخفف لي مصايب الدنيا والعبء الثقيل
كم اتمنى اصبح زي حزام أو شنطة من هذا القبيل
أو اصبح كدمع الفرحة فوق خديك أسيل
ولو عبرت خواطرك حارة زي ابن السبيل
من أول نظرة لي عينيك للطرف الكحيل
اتخيل حروب الردة والسيف والصهيل
حسيت بيكي في نفسي وفؤادي عليك يميل
ومرت بي خيوط من ذكرى للماضي القبيل
اتذكر ركوب الساقية عند ساعة الأصيل
ومن قادوس يضري الموية رشاني العليل
مرت بي صور من ماضي زي حلماً جميل
ود شيخ والعشم زمراوي وأولاد كرنقيل
في نص المقات راكوبة فيها شباك وتيل
وشنطة من غير طبلة مفتوحة وفتيل
آه لو لقيت مرادي أرجع تاني أخش وأرفع واشيل
وأدردق في الضهر حلفاية عن ساعة المقيل
يا قلبي المعذب ديمة حب الماضي بي كتلك كفيل
مالك والعيون والبسمة والشعر الطويل
بحلف ليك يمين لو طرت لي خير الله ما بتلقى البديل
منو الغيروا اتخنق بالعبرة لحظات الرحيل
يا ما ناس في الدنيا ما بيرضو المثيل
وياما ناساً قنعوا بالرزق القليل
كنتي يا عهد الطفولة الماضي كالظل الظليل
كني زي جنة سندس وسلسبيل

أبو وائل

24-10-2010, 10:38 AM

محمد أحمد علي الحبيب

الأماسي

كم بكينا على الأماسي بي كلام منظوم مسطر
تحسب الناس نظمو ساهل ونحن فيهو دمانا تقطر
فيهو نسكب دم قلوبنا كان تبين ماساتنا تظهر
كم بكت ناس لي بكانا وفي مشاعر غيرنا اثر
ولينا كم يصبح مراكب لو سماكم يوم تعكر
فيهو ريح الهم يشيلنا في بحار أشواقا نعبر
جيتو تسألو عن عواطف زي شجر بستان مغبر
إنطوت أيام ربيعو وحتى لون أوراقوا إصفر
والجفاف في ارضو يسري كل يوم بي صورة أكبر
إلا كان لقية عيونكم زي معالم موسم أخضر
لو سمحتم ميلوا إنتم علموا البان لو بيقدر
عيدوا للبستان نضاروا ولموا كل الكان مبعثر
يا حليل زولاً معذب في ديار الغربة عبر
عن مشاعروا وريدوا ليكم ولي بنات في قوزنا بُكَّر
ديمة يلهج بي غناكم وبرضو يحسب نفسوا قفر
لسه ما اتبارك جديدو وما وقف في داره بشر
قولو عرسك بيهو نسعد بالفرح لا حدي نسكر
كان يزيل ظلمة ليالي والدجى الفي دارنا عسكر

أبو وائل

24-10-2010, 10:39 AM

محمد أحمد علي الحبيب

الذكـريات

يا دنيا ما تنسيني يوم كان أسعف القلب الجريح
خليني افرح مرة فيك قبال يعاودنا المسيح
ريح الهموم لمان تهب تقفل منافذ كل ريح
ضاقت رحابك في العيون بالرغم من كونك فسيح
يا دنيا يرحمني الإله يا دنيا آه
آه يا زمن يومي الرسمت على السطور
باقات حنان محفوفة بي ورد الزهور
يوم انفجر فيَّ الحنين وأصبحت ما ياني الصبور
يومي الحكيت سراً قديم طاويهوا آلاف الشهور
يا دنيا يرحمني الإله يا دنيا آه
شاء الكريم رغم البعاد أكتب حروفك وارسلا
قاعد أعاتب في البريد يمكن يكون ما أوصلا
ومرات أقول باكر ترد تمسح جروحي وتغسلا
واليوم يفوت وتفوت شهور واطاتا كيف إتحملا
يا دنيا يرحمني الإله يا دنيا آه
مهما حصل أنا مابلومك يا عنيد
أملت منك في جواب لكنو كان أملاً بعيد
آه يا زمان بكيتني من أعماقي والبكا ما بيفيد
من بدري قنعان من هناك ما أظني تاني أكون سعيد
يا دنيا يرحمني الإله يا دنيا آه
آه يا زمن وآهاتي فيك متلاحقات
آه يا زمن من نار لهيب الذكريات
رحلة خيال فوق النجوم الساريات
وألسن لهيب شربت دموعي الجاريات
يا دنيا يرحمني الإله يا دنيا آه

أبو وائل

24-10-2010, 10:40 AM

محمد أحمد علي الحبيب

عـبر

بالله يا بلدي العزيز أهديك قصائد كالدرر
أحكيها لي باقي الشباب إنشاء الله تبقالن عبر
هاك من نصائح زول حزين طول عمروا والاهو القدر
بالعبرة والشوق الدفين في الدنيا من دون البشر
لا تحسب الأيام نعيم طوالي لا أبد الدهر
مهما تكون قيمة صفاك لا بد من موسم عكر
زي نيلنا في وكت التساب لو فجأة مجراهو انحدر
لا تمشي في درب الظنون من غير دليل وبلا اثر
ما اصعب السير في وعور في ليلة جافاها القمر
ولا تجري في درب الشرور يصبح فؤادك من حجر
وما أجمل الزول لو سريع تلقاهو في غلطة اعتذر
لا تدي سرك لي غريب مهما يكون لو فد نفر
باكر يعم ناساً كتار في لحظة تلقاهو انتشر
كم من هناك زولاً ضحوك لكنو زي لبن العشر
يعميك لو طار في العيون يؤذيك بالنوح والسهر
ولو كان معاك زول في نعيم ما بان عليهو ولا ظهر
والعرقو مر زي الحراز يتحتى في زمن المطر
بالله لا تمنع جناك يحرس بناتك في حذر
ما الزهرة من دون الغصون لا بد يغشاها الضرر
بهديك كمان دواء للنفوس تلقاهو في عطر الزهر
في روضة مرابا النسيم لو قمت ساعات السحر
وأهديك جواباً لي سؤال لو مرَّ بي خاطرك عبر
الريدة لو عجز اللسان تلقاها في عمق النظر
بالله يا أهلي العزاز وين المدايح والسير
كم مرة من عز الهجيع صحاني صوتاً كم نقر
يا حليل زمن ناساً كبار صنعو السواقي من الشدر
يا حليل حياض زمن الرفاق ملياني بي طير البقر
يا حليل هناك زمني الصغير قضيتوا في ليلات غرر
عشناها في تمر الحبيب ننجارا بي فوق البحر

العبد الفقير

24-10-2010, 10:41 AM

شعر الشايقية سمح بالحيل ومهضوم

علا قون عمر بخيت بخلينا نشوفو طشاش طشاش (وتغلبنا القراية)

يعني ما تعرف تقرا الشعر الشايقي وتنطرب
ولا تشوف القون وتنمغص

دي ذي شراب الكركدي بالعطرون

واصل فوق دربك

أبو وائل

24-10-2010, 10:42 AM

محمد أحمد علي الحبيب

مـأسـاة

زولاً ضـاق المـرة يجمـع فـي قروشـوا سنـيـن
يجمع فيها طـاف الدنيـا بـي عرقـاً رماهـو جبيـن
غايب دابو جاكـي الليلـة بالهنـا والعديـل والزيـن
روح ليكي جاب إيرادوا تب مـا شفنـا ليهـو وزيـن
في يومو الوصل لاقيتي ترفلـي فـي الحريـرة تبيـن
من شاف الحريم واللمة قلبـوا انشـقَّ لـي نصفيـن
حالف بالسنين الغابـا يـوم سـد مالـوا بـي ألفيـن
أما الليلة جاب الشيلـة فيهـا الـزادوا مـن عشريـن
للناس العليهوا إنجاروا مـا شافوهـو ليهـوا سنيـن
تب ما قال سلام يا أهلنا خش البيـت قليبـوا حزيـن
ميَّل فوق سريـراً بـرة جـادع جسمـوا دون تهويـن
جات أموا الحزينة الباكية فاضـت لـي وليـدا حزيـن
قالت ربي أدوا العافية عـاد يـا ولـدي نـور العيـن
نحسب في السنين عدينا ضايقين لـي جديـدو متيـن
يا سيدي الحسن راجاكا إن طاب يـوم نجيـك زايريـن
وأضبح ليك نذري القلتو مـا كبشـاً عديـل وسميـن
بي حالتوا العصيبة القاسي عـدَّ اليـوم وزاد يوميـن
أما المولى كاتب حكمـوا ظاهـر فـي كتابـوا مبيـن
من يومو الأرادلوا الراحة اصبح مـن صباحـوا يئـن
جنبوا اتلموا ناس الحلة يبكوا وفـي التـراب قاعديـن
وكتين الشمس إنضارت منظـر مـن تشوفـوا حزيـن
فوقوا اتلموا ناس لي موتوا ماسكين في الخشم والعين
باقيلوا الثبـات الجاهـو مـن المولـى ليهـو معيـن
وكل مالوا القديم والجابوا كان راس مالوا منـو كفيـن
من بعد الغسيـل شالوهـوا جاريـن للقبـر طالعيـن
في لحظة اندفن وإنضـارا قبلـوا منـو تـب راجعيـن
لي آخر المطاف ودوهـوا لـي بيتـاً عليهـوا أميـن
وكل أملوا البناهو الليلة محصور جنبوا بيـن حجريـن
كيف اهلوا الوراهوا اتباكو فوق قوز الرمـاد قاعديـن
ما عارفين سبب إتلافوا مـا فـي الـم عليهـو يبيـن
واحدين قالوا عـاد مـا يومـو تـم وروح المسكيـن
وحدين قالوا حال الدنيا تعمـل فـي السمـح والشيـن
تبكي وراهوا أمو الثكلـى تـذرف ليهـو دمـع العيـن
ما فقدت حبيبـاً غالـي أصبـح فـي قبيـروا دفيـن
ما مكتول غرامك إنتي سيفـك فـي ضلوعـوا سنيـن
ما حاولتي يـوم تأويهـوا قلبـك ليهـوا مـا بيبيـن
عاش والله كل أيامـوا كـان بالطاعـة ليكـي يديـن
أمشي وفي القبير زوريهوا هل فد يوم مشيتي دحين ؟؟؟

أبو وائل

24-10-2010, 10:44 AM

محمد أحمد علي الحبيب

غريبة الدنيا والأقدار

غريبة عجيبة يا دنيا وعجيبة غريبة يا أقدار
أنا المتعود الأسفار
***
أسافر في عيون واحدين بلا أعرف اساميهم
يتم الحول ونتآلف وأكون معتاد ألاقيهم
أشوف الحب وكل الحب مجسد في أحاسيسهم
ورغم الكان أفوت مجبور وأبحر في مراسيهم
أتوه من تاني في الأخطار
غريبة عجيبة يا دنيا وعجيبة غريبة يا أقدار
***
حكايتي معاك حكاية خوف من المجهول
حكاية زول يحب الناس يذوب بالحسرة للمعزول
أحاسيس زول بيحيى وحيد وفي نفسوا الأمل مكتول
خمسة سنين ينادي عليك يدق في بابك المقفول
أنا المحــتا ر
غريبة عجيبة يا دنيا وعجيبة غريبة يا أقدار
***
لحظات عابرة نتقابل ونتفرق مع الأزمان
تبقى الذكرى في القلبين ترن في عالم النسيان
أهي الأيام بتتداول صيف وخريف فرح واحزان
وبرضو الناس بتستحمل عجيب ما أغرب الإنسان
زمان متقلب الأطوار
غريبة عجيبة يا دنيا وعجيبة غريبة يا أقدار
***
عجز الديك برغم الريش عن الطيران
ومن دونن ترا الوطواط محلق في فضا الجدران
وناس محتارة بين امرين وأحلاهم هو الحرمان
وناس بتنادي من طابقين منازل شامخة في البنيان
بيوت تسخر من الأشجار
غريبة عجيبة يا دنيا وعجيبة غريبة يا أقدار
***
وحاتكم يا أعز الناس وحات الفي القلوب مشتول
حنانكم زاد عن الأوصاف وفات الواضح المعقول
وحات عينيكم الحلوين مهما المدة بينا تطول
حروفكم ناحتة في جواي دروب السوسة في القندول
حنين يقدح ضلوعي شرار
غريبة عجيبة يا دنيا وعجيبة غريبة يا أقدار
***
وحاتك يا خفيف الروح وحات الفي الضمير مدسوس
وحاتك لما أشوف عينيك بنسى الواقع المحسوس
واشوف دنيايا مابتنشاف قصور مبنية في فردوس
أعاين ليها بالإحساس وعن ذاتا النظر محبوس
خيال السارح الأفكار
غريبة عجيبة يا دنيا وعجيبة غريبة يا أقدار

أبو وائل

24-10-2010, 11:04 AM

محمد أحمد علي الحبيب

لو بتعلم

أصلوا شوقك لو بتعلم من زمان مـا زاد ملكنـا
أما ريدك ماشي زايـد والبعـاد باقيلنـا محنـة
فوق سعير نتملى دايماً نبكي كل ما جاتنا نسمـة
نذكر أيامك معانـا كنتـي فـي عينينـا نعمـة
خلو زولك يبقى تائه تبقى كـل دنياهـو ظلمـة
والعذاب آخر مصيروا لو يطير مكتوبلوا قسمـة
يا حليل أيام زمانـاً فـي ربيـع أيامـوا عشنـا
كنا في قمراتنا نسهر لا بنكـل لا يـوم نعسنـا
كانـت أيامـك معانـا خيـرة أيامنـا وفرحنـا
الحنين ما ليهو زايـد والدمـع والنـوم غلبنـا
كم نقول ذكراك نسيبا ونترك الماضـي الهجرنـا
في القمر والليل يجينا نلقـى للأشـواق رجعنـا
لي دياركم كم نساسق حتـى بالساسـاق فترنـا
لو نمد جملة مشينا كنـا فـي الظهـران مرقنـا
في طريقك كم نعاني قالوا بعض الناس مرضنـا
ونحن في الأشواق نعالج لا علاج لا نوح نفعنـا
بالعذاب واشواقنا نحن نبكي فوق طاقاتنـا زدنـا
وإنت كل الفات نسيتوا واتكتم في جوفنـا نحـن
بي لقاك ما زلنا نحلم ما انقطع في الشوق عشمنا
قلنا بس دايرين نشوفك بالغلط مـا جـاد زمنـا
في غيابك نحن نكتب بالدمـوع أبيـات شعرنـا
علو يحكي البينا حاصل بالألم والشـوق فقدنـا

أبو وائل

24-10-2010, 11:12 AM

أبو وائل

26-10-2010, 09:16 AM

محمد أحمد علي الحبيب

الزمان بي طبعو ظالم

العيون في حسرة تدمع والفؤاد مشتاق ومغرم
والزمان بي طبعوا ظالم خلى كل ايامنا مأتم
ما خلاص سبتينا إنتي وتاني كيف من شروا نسلم
وكان وجودك لينا واحة وراحة للمحتاج ومعدم
لو ربيع ماضيكي ولى برضي بي رؤياكي بحلم
في رجاك لامن أروِّح أو أعيش وأشيخ وأهرم
فيكي كم غنيت قصايد وفيكي ضقت المرة علقم
وإنتي كنتي سبب غنايا وصرت بيكي شهير ومَعْلَم
يا ما أبكي وراك وانوِّح بي فؤاد بالشوق مفعَّم
لا بيشوف لا حتى يسمع زي كفيف وأصم وأبكم
ولما ضاق الحال عليا ومن وراكي نهاري أظلم
سبت أرض القوز رحلت وفيها كنت عزيز مكرم
جيت مسافر للمداين قلت نار الغربة أرحم
وكنت عارف بكرة بحزن ولي فراق أصحابي بندم
وفيها لفيت لي شبيهك بس عشان ألقاهو أنعم
وما لقيتو ولا حألقى وما أظن والله أعلم

أبو وائل

26-10-2010, 09:18 AM

محمد أحمد علي الحبيب

لقطات من حياتي

سامعك يا محمد تشكي كيف دايماً عليك زعلان
بكتب ليك جواب لو جاك أذكر طيبة الخلان
ناسجو من الخيال يا روحي واضح مصدر الأحزان
ذاكر ليك من مأساتي آلام ما بيطيقا إنسان
ذاكر من زمان الماضي ساعة الحجوة والجرزان
لحظات من أعيد ذكراها تتفجر عروقي حنان
نختم كان دوام سهرتنا بي طرفاً غرير نعسان
في أيام زمان عشناها تخرق عالم النسيان
أيام الجهل عشناها نعم العشرة والأخوان
نجري مع الولاد للحارة في العصرية والجيران
أيام من نعيم عشناها نبني من العلب دكان
ننصب للطيور أشراكنا تب ما بنعرف العدوان
وإن هدرت رعود في بلدنا وأصبح بالخريف مطران
نصابح يومنا داك من بدري نرفع في التراب قيزان
ديك أيام سعادة الدنيا كم عشناها بي تحنان
محال أنا مستحيل أنساها مهما طالت الأزمان
تمشي وتستمر الدنيا يمشوا ويكبروا الصبيان
دي الأقدار بتأمر وتنهي زي ما بيأمر الرحمن
فجأة اتغيرت أحوالي وأصبح في الجسد بردان
والعجب العجيب أنفاسي تمرق في الزفير دخان
لما غدر زماني وعادى أعلن عن زواج عجلان
تصبح بيهو كل الدنيا الشيب والشباب طربان
إلا أنا الوحيد يا روحي في بحر الدموع غرقان
أبكي على زماني الماضي بي طنبور سلوكو حنان
ما شفت الحبيب الغالي جوة الكوشة زاد لمعان
لقطات من فلاش تتوالى فوق وجهو الندي الريان
وما شفت الدخيل جم زهرة ساعة الشبكة كيف نشوان
منظر فوقو عايشة الحيرة كيف يقبل ملاك شيطان
لو شفت الرفيق يا خويا منظروا يرهق اعهينان
حقوا من العذاب انتمَّ بالكامل بلا نقصان
يكفيك العلي يا روحي عندي من الدهر إثنان
السهر العلي أنا ديمة والقدر السيوفو سُنان
وعندي من الجليد يا روحي قلباً تلهبوا النيران
ومعروف الجليد يا أخواني دائماً قابل الذوبان
لو حصل العلي لي غيري حتى إن كان من الرهبان
كان جدع الهدم من فوقا وأصبح في الطريق عريان
شدة ما كرهت الدنيا صِر في أغلب الأحيان
اتخيل نصيب الآخرة لا مالك ولا رضوان
البي كلوا كاتبو الليلي في دقة ونظام وإمعان
وأفضيت ليك كل أوزاني ناظما في الشعر أوزان
فكرت انتحر والله لولا قوة الإيمان
وبرضي كمان بخاف الآخرة يوماً شيب الولدان
كيف حالة حياتك إنتي كيف يا أعظم الأركان
ولو تسألني عن أحوالي يكفيك الجواب عنوان