جيت مهاجر
في مبادرة إنسانية رائعة تبرع الدكتور عبدالرحمن الخضر والي ولاية الخرطوم بمبلغ ثلاثون مليوناً مساهمة منه في بناء منزل أسرة الفنان الراحل عبدالمنعم الخالدي وقد تسلمت أسرة الراحل دعم الوالي من إدارة إتحاد الفنانيين وسط إشادة وإستحسان الكثيرين.
هذا الخبر أسعدني كثيراً .. الراحل الرائع الإنسان الجميل عبد المنعم الخالدي يستحق ويستحق أكثر من ذلك بقدر ما قدم من فن راقي وشجن أصيل أطربنا به طوال حياته ومازال .. لوّن وأثرى الفن السوداني بلونية خاصة حزن جميل !! أنين .. رومانسيه عذبة صوت دافئ .. عرفته فرايت أنساناً أكثر من رائع وأدب جم ..
الغيم الكان ظلاني رحل خلاني بقيت بالنار مشحــــــون
وشفت الكم سراني وغاااب خلاك محتارة كتير يا عيــون
أنت لو عارف مكانك جوة قلبي عزيز وغالــــــي
وديمة يا المالك فؤادي حبي ليك دائماً مثالــي
يا زول يا الراقي
يا كلك ذوق
لونك وشكلك .. غناك سوداني
محال ننساك والله يا غالــــــي
فوق جناح غيمة بشاير وفوق عباب دفقة مشاعر
في غمار سبحة خواطر بي فرح منساب وغامر
جيت مهاجر من بنادر تايها في ليل العدم
لى عوالم في عيونك فوق بدون شاشاي ونم
في عيونك شفتا نبع الطيبة جانى
وهدءة الليل في الصحاري
وروعة النيل في العصاري
وغيمة تمرح فوق رحاب فاصل مداري
شايله طيف نسمة تباشير الخريف لى بلاد جفت حقوله
وحركت في ليله كامن وايقظت اشجان طفوله
في عيونك فرحة مشتاقة وخجولة
وفي عيونك قصة متابعات فصولة
وكلمة تبحث عن مخارج نحن ما قادرين نقوله
ببحث عنك دائماً وأسأل ما أنت الفرح الدرتو حـــــــــــــداي
ما أنت الطيف الغاب عني في طريق لسه تمشيهو خطاي
أنا عايزك زي طل الأزهار يا حلم جميل بزين دنيــــــــــــــاي
حنيني معاك يا بحر الشوق مستني متين أوصل مرســاي
رد مع اقتباس
المشاركة الأصلية كتبت بواسطة .. فتشت عليك
